тропико бенд – Вистина.мк

Првоаприлска afterwork маскенбал забава со „Тропико бенд“ во „Дежа Ву – Ист Гејт“ во Скопје

Антонио Димитриевски — Thu, 31 Mar 2022 10:08:31 +0000

По спектакуларниот настап на белградскиот заводник и кршач на женски срца Саша Ковачевиќ, најдоброто место за попладневни викенд журки во македонската метропола - „Дежа Ву - Ист Гејт“, за денот на шегата ви подготвува уште едно изнендување. Прекрасна дружба со Сале и екипата на afterwork маскенбал журка, каде после првите тактови на хитовите на „Тропико бенд“ атмосферата станува фантастична за незаборавна забава. Нивните хитови оддамна ги освоија вашите срца, а на вас е во ритамот на првоаприлската забава да „паднат маските“ откако одново ќе ги освоите насмевките и срцата на саканите или на оние што можеби токму таму, тоа ќе ви станат! Затоа не пропуштајте ја забавата на денот на шегата со „Тропико бенд“, на 01.април ( петок ), со почеток од 17.00 часот во „Дежа Ву - Ист Гејт“, местото каде добрата забава е загарантирана... Ваше е само да резервирате на: 070 /333 - 221, да дојдете и да ги споделите емоциите под маските!

„Тропико бенд“ вечерва ве чекаат на голем концерт во ВИП арената Борис Трајковски

Антонио Димитриевски — Sat, 28 Apr 2018 07:16:24 +0000

Српската атракција „Тропико бенд“ вечерва ќе го одржи најавениот голем скопски концерт во ВИП арената Борис Трајковски. Сцената веќе е подготвена, светлото, озвучувањето и сите останати детали кои овој онцерт ќе го направат единствен. Како и доживувањето на публиката, кое нивните настапи потоа долго ги памети. Што значи дека шоуто може да почне.

Сале и екипата ветуваат два и пол часа добра забава, вистинска концертна журка каде во еден глас ќе се пејат нивните хитови, ќе се патува низ сеќавањата на нивните балади, ќе се танцува, дружи, весели,пее, пие, забавува на брзите песни од нивниот репертоар.

Затоа не двоумете се каде да ја поминете саботната вечер... Зашто саботната музичка треска вечерва ќе биде во ВИП арената Борис Трајковски од 21.00 часот.

Тропико бенд ви ветуваат дека не само што нема да зажалите, туку задоволството ќе биде обострано. Вашето од нивната забава, нивното од Вашето присуство на нивниот голем скопски, музички, концертен спектакл!

„Тропико бенд“ гости во новото издание на ТВ шоуто „Улица Македонија“ (ВИДЕО)

Антонио Димитриевски — Sat, 28 Apr 2018 05:39:08 +0000

Во новото премиерно издание на ТВ шоуто „Улица Македонија“ само неколку часа пред нивниот голем скопски концерт во ВИП арената „Борис Трајковски“ во сабота на 28 април, гости ќе бидат Сале и Жути од „Тропико бенд“.

За успешната музичка но и животна епопеја од Лесковац до Белград, за свирките од кафулиња и сплавови, до клубови, дискотеки и големи концертни сали, за желбата да се стане танчер, а да се заврши како пејач, за фолклорот и попот, за персоналните измени во бендот, за првата песна испеана во шифоњер со ќебе на глава, за соработката со најголемите српски композитори и дуетите со најпознатите балкански ѕвезди како Џенан Лончаревиќ, Ацо Пејовиќ, Цеца..., за непроспиените ноќи и работата во „трета смена“, за спектаклот во белградска „Арена“, за тоа како Сале пее македонски песни, за приватниот живот и семејството, за сето она што не сте го знаеле, а отсекогаш сте сакале да го дознаете за вашите идоли... Екслузивно и премиерно, в сабота, на 28 април, од 14.35 часот на ТВ 24... „Тропико бенд“ на „исповед“ кај Бојана Скендеровски во „Улица Македонија“!

Тропико бенд и Џенан Лончаревиќ – „Синови таме“ (ВИДЕО)

Антонио Димитриевски — Thu, 19 Apr 2018 09:45:20 +0000

Пред престојниот голем солистички концерт на 28 април 2018 во ВИП арената „Борис Трајковски“ во Скопје, членовите на „Тропико бенд“ денес, 19 април точно напладне го промовираа видото за новата песна „Синови таме“.

Се работи за своевидна дует соработка помеѓу вокалот Александар Цветковиќ - Сале и членовите на бендот со популарниот пејач Џенан Лончаревиќ, во темата која е заедничко музичко авторство на Сале и композиторот Драган Брајовиќ - Браја, кој ги напишал и стиховите за истата. Аранжманот го потпишуваат Марко - Тропико и уште еден стар соработник на бендот - Александар Гавриќ, додека зад видеопродукцијата стои Ведад Јашаревиќ.

Како што изјави самиот фронтмен на „Тропико“ на неодамнаешното кафе дружење со македонските новинари, со композиторот Браја темата долго ја имале и ја чувале во фиока... Кога се појавила потребата за нова песна која секако изискувала дует, без дилема повторно го повикале нивниот стар пријател и соработник Џенан Лончаревиќ.

Инаку, како што и самиот Сале апострофираше, во видеото не доминира љубовната тематика, туку е повеќе приказна од белградското криминално подземје во која главната улога ја има уште еден стар познаник и соработник на групата, актерот Вук Костиќ, а Сале и Џенан се појавуват само во еден кадар на неколку секунди во спотот...

Како звучи песната и како изгледа визуелизацијата на „Синовите на темнината“, погледнете премиерно во продолжение: https://www.youtube.com/watch?v=i706uJSueMU

„Тропико бенд“ на утринска кафе дружба со македонските новинари (ФОТО)

Антонио Димитриевски — Mon, 16 Apr 2018 13:30:23 +0000

Две седмици пред големиот скопски концерт закажан за 28 април во ВИП арената „Борис Трајковски“ членовите на групата „Тропико бенд“ допатуваа специјално во Скопје на дводневно дружење со новинарите.

Првото понеделничко утринско кафе фронтменот на бендот Александар Цветковиќ - Сале и дел од неговите компањони го испија во друштво на македонските естрадни новинари во ресторанот „Four“ во елитниот скопски хотел „Парк“, каде организаторот на концертот „Скај мјузик“ ја организираше и дружбата со претставниците на седмата сила.

Во пријатен амбиент и неформално дружење, Сале разговараше и одговараше на сите поставени прашања, се дружеше и им позираше на претставниците на медиумите, ветувајќи спектакл за сите оние што на 28. април ќе дојдат во ВИП арената на нивниот голем скопски концерт, кој по многу нешта ќе биде речиси идентичен на нивниот од пред две години во белградската Штарк Арена!

Сале не заборави да го најави и излегувањето на нивната нова песна и видеото за неа насловено „Синови на темнината“, овој четврток на 19 април точно напладне, која всушност е своевидно „дежави“ во поинакво пакување за нив, бидејќи повторно се работи за дует, односно соработка помеѓу „Тропико бенд“ и Џенан Лончаревиќ, а во видеото одново глуми и го режира актерот Вук Костиќ.

Во меѓувреме Сале и дел од бендот ќе бидат гости во емисиите и ТВ шоуата на неколку македонски телевизии и продукции, на кои што подобро ќе ја претстават како својата досегашна работа, така и она што публиката може да го очекува од нив на нивниот скопски концерт.

„Тропико бенд“ пред скопскиот концерт со нов спот- „Само иди“ (ВИДЕО)

Антонио Димитриевски — Mon, 19 Mar 2018 13:18:02 +0000

Пред големиот солистички концерт закажан на 28 април во ВИП Арена „Борис Трајковски“, момчињата од „Тропико бенд“ решија да ги израдуваат своите фанови. После три години од излегувањето на последниот албум, подготвија три нови песни од кои една е веќе пуштена во јавноста.

„Синглот Само иди е една мала увертира за она што го подготвивме за нашата публика, иако сите три песни се сосема различни, не само една од друга, туку и од она што досега го работевме, со нетрпение ги очекуваме реакциите на публиката“ - вели Сале, фронтменот на Тропико.

После видеото за песната „Само иди“ се очекува екранизација и на дуетската песна со Џенан Лончаревиќ, и тоа под будното режисерско око на Вук Костиќ.

„Повторно ги вкрстивме копјата со Џенан, но и со Вук, кој покрај улогата на режисер се најде и во главната улога во спотот. Единствено што можам да кажам е да очекувате едно големо изненадување и вистинска филмска приказна!“ – вели Сале.

Уживајте во новиот сингл „Само иди“ и на 28 април оние кои ја сакаат нивната музика нека не го пропуштаат нивниот концерт во Скопје, зашто познавајќи ја нивната енергија, музичко-сценски спектакл е она што најмалку може да се очекува од Тропико бенд.

И „Тропико бенд“ со концерт во Скопје

Антонио Димитриевски — Wed, 28 Feb 2018 13:51:43 +0000

По концертот во белградска „Комбанк Арена“ пред 20.000 посетители, мочињата од српската фолк-поп атракција „Тропико бенд“ највија гостување и во Скопје. Дружбата со македонската публика е закажана на 28 април, со почеток во 21.00 часот во ВИП Арената “Борис Трајковски”.

Влезниците ќе бидат пуштени во продажба од 1 март, а концертот, како што велат организаторите „Скај мјузик“, ќе биде незаборавно аудио-визуелно доживување, односно одлична двочасовна свирка, во која присутните ќе ги слушаат најголеми хитови на бендот како: “Мислиќу на тебе”, “Све моје зоре”, “Заувек твој”, “Параноја”…