триесеттите – Вистина.мк

Зошто врските се подобри во триесеттите отколку во дваесеттите?

Христина Ѓоргиевска — Tue, 04 Feb 2020 13:30:43 +0000

Постојат многу причини зошто љубовните врски се подобри во триесеттите отколку во дваесеттите години од животот. Меѓу останатото, партнерите се позрели и знаат што сакаат, па се одбегнуваат несакани кавги и непријатни моменти кои се секојдневни во врските за време на дваесеттите. Во дваесеттите години имате повеќе слободни пријатели, поголема енергија, почесто излегувате и запознавате нови луѓе речиси секојдневно. Иако изгледа дека полесно може да се најде љубов во дваесеттите поради овие работи, мора да се признае дека врските најчесто се несериозни во овој период. Но, кога ќе влезете во третата деценија, за вас започнува нова фаза од животот во која може да очекувате многу поедноставни и посериозни врски. Зошто е тоа така?

Подобро знаете што сакате

Во триесеттите години подобро се познавате. Многумина се чувствуваат изгубени во дваесеттите, па затоа прават грешки во љубовта кои не би ги направиле подоцна.

Полесно ви е да му поставувате какви било прашања на партнерот

Сега не се срамите да бидете директни. Згора на тоа, сакате да му поставувате секакви прашања на партнерот бидејќи знаете дека е подобро порано да ги дознаете сите можни негативни детали.

Сте научиле многу од своите претходни грешки

Сите претходни проблеми и грешки кои сте ги направиле во љубовните врски сега се исплатат. Сега знаете на што треба да внимавате и не ги повторувате истите грешки. Знаете дека не треба да трошите време на нешто што од почетокот не ви изгледа сигурно Секој од нас премолчил за одредени работи бидејќи сме одбивале да си признаеме дека треба да ставиме крај. Во триесеттите години, тоа се случува многу поретко.

Го цените сопственото време

Сега знаете дека треба да посветувате време на себе, но го цените и времето на останатите. Тоа ве прави посреќни и влијае позитивно на вашите љубовни односи.

Знаете дека не треба да најдете партнер „само за да не бидете сами“

Веќе е застарено мислењето дека не треба да се биде сам во триесеттите. Досега научивте дека е подобро да се биде сам отколку да се биде несреќен.

Имате многу поголемо искуство за сѐ

Сите претходни врски ве научија на многу работи кои ги применувате во сегашните врски.

На поранешните партнери гледате како на „научена лекција“ со која подобро се разбирате себеси

Повеќе не гледате на поранешните партнери како на „непријатели“ кои ви го уништиле животот, туку на луѓе со кои во тој момент сте се чувствувале добро и кои ви помогнале да созреете на одреден начин.

Не се плашите доколку врската напредува брзо бидејќи вие го одбирате темпото

Можеби разговорот за заеднички живот со партнерот во дваесеттите ве плашеше, но тој е вообичаен во триесеттите и тоа е добро. Впрочем, сега знаете дека некои чекори кои ви изгледале големи претходно всушност се потребни во некои врски. извор: kafepauza.mk

Поради овие 4 работи сексот во триесеттите е поразличен

Ивана Стојанова — Tue, 11 Dec 2018 13:35:48 +0000

Запознаените со ситуацијата, велат дека сексот во триесеттите станува подобар и повозбудлив поради стекнатото искуство, но човечката природа носи одредени промени кои се појавуваат со текот на годините. Некој можеби мисли дека сексот останува ист се` до длабока старост, но нашето тело е сложен механизам – како што е и нашата глава. Од тинејџерските години, па се` до средина на 20-тите години, телото е под дејство на силна количина полови хормони, па повеќето луѓе секогаш се подготвени за секс. Најчестиот проблем на младите мажи се предвремена ејакулација, додека кај жените се потешкотии со доживување на оргазам. Со влегувањето во 30-тите години работите се менуваат, а таа промена не мора да значи дека е на подобро – едноставно мора да и` се прилагодите. 1. Потребно е подолго време за возбуда, а со самото тоа и за оргазам Со оглед на тоа што нивото на полови хормони во телото е пониско, очекувано е возбудувањето да трае подолго од неколку секунди. Иако сексуалната стимулација доаѓа до мозокот, потребни се барем 5 до 10 минути за телото да се доведе до состојба на вистинска возбуда. Поради тоа, секако е подобро предиграта да трае подолго, а ова е добра вест за сите оние кои се жалат дека нивната предигра трае многу кратко. 2. Оргазмот е почест Ова првенствено се однесува на жените, кои почесто се задоволни од својот сексуален живот во 30-тите, отколку во 20-тите години. Причината на повеќе и почести оргазми е подоброто познавање на сопственото тело и поголемата самодоверба која овозможува и подобра комуникација со партнерот во креветот. Така, неодамнешна студија на магазинот „Топ Санте“ покажала дека 80 отсто од жените во четириесеттите години се поактивни во сексот, отколку во дваесеттите години. 3. Хормоните влијаат на гениталиите Влијанието на хормоните, животниот стил, контрацепцијата и различни нарушувања поврзани со болести на тироидната жлезда, уморот, депресијата и стресот имаат големо влијание врз сексуалниот живот. Имено, жените во 30-тите години поради овие пречки можат да искусат потешко навлажнување, што не е нешто за загрижување, туку треба да се побараат причините и да се олесни сексот со подолга предигра и лубриканти. Мажите можат да искусат слична работа, можат да имаат послаби ерекции и вкупно помалку ерекции, што може да биде последица на уринарни инфекции, стрес и хормони. 4. Сексот е поредок, но повеќе се цени Факт е дека луѓето поретко имаат секс кога се во триесеттите години, но тоа не мора да биде ништо лошо, бидејќи е последица на обврските, родителството и хормоналните промени. Сепак, истражувањата покажуваат дека повеќе од 70 отсто од мажите и жените сметаат дека сексуалниот живот им станал поквалитетен, сексот не се „одработува“ туку повеќе се ужива во него, како и дека во него се внесуваат повеќе емоции.