три години – Вистина.мк

Емилија Розман ја надвјасаа спомени, па го одбележа денот: Три годи станаа откако набрзина се зеде, ама толку и откако експресно се разведе (ФОТО)

Антонио Димитриевски — Mon, 17 Jul 2023 10:19:24 +0000

Емилија Розман е феномен... Дамата со неколку професии, од манекенка, мисица, модел, преку академска диплома, до сопственичка на свој бизнис, долгонога убавица која и по толку години се чини како се' уште да се бара себе си... И професионално и особено приватно. Љубовниот живот и е некако како на клацкалка - „upside - down“... Најпрвин сите ги шокираше со својата одлука на 16-ти јули 2020 година, кога после едвај 24 часовно познанство се омажи за Стефан Ангелкоски, момчето кое после минато само едно деноноќие со неа ја побара за жена, а шокот го дуплираше откако по две недели таа реши од него и да се раздели. Колку за потсетување, запросувањето на госпоѓица Розмантична беше како од бајка и тоа најромантична... „Во врска бевме само 24 часа откако Стефан ме побара за жена. Сè се случи со молскавична брзина. Во вторникот со мој другар седев кај него во гостилница, имав пауза од работа. Со другар ми отидовме да јадеме, кога таму влезе Стефан и дојде кај нас на маса да се поздрави, бидејки се познаваа со другар ми. Кога ја пружи раката да се поздрави со мене ја симна маската и кога му ја видов насмевката веднаш паднав. Се договоривме да одиме утредента, во средата во Охрид. На пат за Охрид, како што се возевме, ми рече: „Сакаш ли да одиме во матично?“ Јас реков – зошто да не. Ама ова беше заљубување до даска, 200 посто и тој и јас. Во Охрид сакавме да направиме матично, покрај езеро. Но, не нѝ успеа бидејки Стефан немаше извод. Кога се вративме во Скопје предложи да одиме на Козјак. По пат почна да се шегува со мене, дека наводно се предомислил. Кога стасавме таму, додека да се свртам тој веќе беше клекнат на колена со прстен во раце. Секако реков ДА“ - изјави тогаш Розман за македонските портали, која претходно четири години била сама. Експресниот развод потоа убавата Емилија многу не го коментираше, освен со понекоја шега на своја сметка на социјалните мрежи. Арно ама, сега три години подоцна, на истиот тој датум, Розман како да ја надвјасаа спомени, па реши да го одбележи денот. 16-ти јули 2020 - 16-ти јули 2023-та... Три години станаа откако набрзина се зеде, а за некој ден ќе бидат толку и откако експресно се разведе! Сепак, споделените емотикони со бакнежи нешто кажуваат... Дека не и е баш сеедно, па колку кратко и да траело, нешто сепак останало? Впрочем, пријателството веројатно и потоа никогаш не згаснало, за што најдобро говори лајкувањето на поновите фотографии на нејзиниот екс - „инстант сопруг“ од страна на Емилија? Можеби затоа и на денот што некои цел живот го чекаат, госпоѓица Розмантична беше волку носталгична?! До душа, ај ќе почекаме да видиме што ќе сподели со народот на денот на разводот? Фото: Фејсбук/Stefan Angelkoski/Инстаграм/rozmanticna

Марија Килибарда за прв пат во јавност со нејзиниот патнер: Водителката го покажа момчето и го воодушеви женскиот род (фото)

Слаѓана Атанасова — Wed, 01 Feb 2023 09:45:11 +0000

Водителката Марија Килибарда синоќа за прв пат се појави во јавноста со избраникот Бранислав Вучелиќ. Тој е нејзината голема љубов веќе три години, а дури сега позираа заедно. Двајцата биле одлично расположени на забавата која ја организирала таа, а припадниците на седмата сила првпат можеа да ги видат заедно. Позираа во прегратка, со насмевки на лицата, а сите присутни коментираа дека е очигледно колку многу се заљубени еден во друг. Вучелиќ реши да се појави заедно во јавноста на вечерашната промоција на нејзиниот бренд, сакајќи да покаже колку ја поддржува. Марија пред само неколку дена за прв пат проговори за љубовта со Бранислав Вучелиќ. Како што истакна тогаш, тој е нејзин најголем поддржувач, но и критичар. - Многу луѓе не виделе, само што можеби не сте биле на вистинското место. Заедно сме три години. Не го кријам, едноставно не е тип кој сака да оди низ градските случувања. Тој е мојата поддршка за се. Партнерската поддршка е една од најважните работи - откри тогаш водителката за „Телеграф“. Фото: Принтскрин/Антонио Ахел/ Ата Имаџес

Гала прослава и торта од 6 ката: Синот на Александра Пријовиќ наполни три години (фото)

Христина Ѓоргиевска — Mon, 07 Mar 2022 09:14:14 +0000

Семејството Живојиновиќ имаше посебен повод за славење. Имено, пејачкатга Александра Пријовиќ и Филип Живојиновиќ го прославија роденденот на синот Александар на кој му приредија специјално изненадување. Роденденот беше со мотиви на Мики Маус. Малиот Алекснадар дуваше свеќички на торта од шест ката. Пејачката Илда Шаулиќ која беше на роденденот снимаше и објави на социјалните мрежи. Брена и Боба ракоплескаа со малиот Александар, кој сега е голем и кој уживаше на роденденот. Александра на нејзиниот „Инстаграм“ прва му честиташе роденден. „Среќен роденден, ангелу мој“, напиша таа. На честитката се приклучи и Лепа Брена. Инаку, кога малиот Александар требаше да го прослави својот 1ви роденден, семејството Живојиновиќ ја откажа прославата бидејќи тогаш фати пандемиајта со коронавирусот. фото: принтскрин/инстаграм

Исповед на пријателот на Шабан Шаулиќ по три години од смртта на пејачот: „Пречувствуваше дека нешто ќе му се случи, ми кажа – „Ќе ме најдете на пат“

Христина Ѓоргиевска — Thu, 17 Feb 2022 10:34:22 +0000

На 17 февруари 2022 ќе се наполнат три години од срмтта на Шабан Шаулиќ кој почина во сообраќајна несреќа во Германија. Пријателот и соработникот на Шабан, Емир Хабибовиќ за курир.рс се потсети на дружбата со легендарниот пејач. -Многу интимни работи знаевме еден за друг, но никогаш не би ги кажал во јавност. Имав привилегија да се дружам со него. Научив многу работи, како да се однесувам со луѓето, ми даваше совети за пеење. Секогаш кога ќе пиеше ќе ми се јавеше на телефон, едвај чекав да се најдеме кај него во Крчедин или Белград. Секој понеделник или вторник, ќе не собереше нас, околу 10 луѓе, бидејќи за викенд работи, а во недела се одмара, па првите два дена беа резервирани за дружба, вели Емир. На последната средба, Шабан пречувствувал дека нешто ќе се случи. Тој барал да му пејат тажни песни. -Бараше да му ги пееме песните „Дошли дани тугом расплакани“, „Знаш да те душа сања“ и мојата песна „Превара“. Тој пречувствуваше дека нешто ќе се случи. Удри силно во масата и ми кажа: „Запамтите дека ќе ме најдете на пат“. Едноставно не сакаше да оди подалеку од Белград за да работи и ете гледате што се случи. Јас го сметав за втор татко. Секогаш ме советуваше да не го губам семејството. Беше многу врзан за Гоца, ништо не правеше без неа. Тие беа како една душа, тоа ви гарантирам, вели пријателот на Шабан. За потсетување, Шабан почина во сообраќајна несреќа кога се упатил на аеродром да се врати во Белград по настап во Германија. фото: приватна архива/ дамир дервишагиќ/инстаграм/гордана шаулиќ/

Три години од смртта на Влатко Илиевски

Антонио Димитриевски — Tue, 06 Jul 2021 13:08:02 +0000

На денешен ден, 6-ти јули пред три години, на 33-годишна возраст почина македонскиот поп пејач и актер Влатко Илиевски. Својата кариера ја започна во почетокот на 2000-те и се стекнa со голема популарност ширум македонската публика. Изведуваше музички композиции со поп и рок елементи.

Влатко Илиевски беше роден на 2 јули 1985 година во Скопје.

Во 2011 година Влатко Илиевски ја претставуваше Македонија на Евровизија во Германија со песната „Русинка“. Пред да ја почне својата соло кариера, тој беше дел од музичката група „Морал“. Завршил на Факултетот за драмски уметности во Скопје, а дипломираше со претставата „Гнев“ на Стивен Кинг. Со неговата 12 годишна возраст тој започнал да свири на гитара во локалните скопски бендови. Првите посериозни почетоци му биле со групата „Made in Macedonia“ во 2000 година кога освоиле две награди. Во 2000 година, македонскиот рок бенд „Морал“ му понудил на Влатко Илиевски да се приклучи на бендот. Во 2001 година тие ги снимиле своите први песни, а во 2003 година го завршиле својот албум „Кога патувам“. Албумот бил составен од песните: „Панично те сакам“, „Скопје“, „Ти си“, „Ова е Македонија“ и „А ти ме убиваш“. Во 2005 година „Морал“ биле предгрупа на концертот на „Дип Прпл“ (Deep Purple) во Скопје. Во 2011 година Влатко Илиевски ја претставуваше Македонија на Евровизија во Германија со песната „Русинка“. Пред да ја почне својата соло кариера, тој беше дел од музичката група „Морал“. Завршил на Факултетот за драмски уметности во Скопје, а дипломираше со претставата „Гнев“ на Стивен Кинг. Со неговата 12 годишна возраст тој започнал да свири на гитара во локалните скопски бендови. Првите посериозни почетоци му биле со групата „Made in Macedonia“ во 2000 година кога освоиле две награди. Во 2000 година, македонскиот рок бенд „Морал“ му понудил на Влатко Илиевски да се приклучи на бендот. Во 2001 година тие ги снимиле своите први песни, а во 2003 година го завршиле својот албум „Кога патувам“. Албумот бил составен од песните: „Панично те сакам“, „Скопје“, „Ти си“, „Ова е Македонија“ и „А ти ме убиваш“. Во 2005 година „Морал“ биле предгрупа на концертот на „Дип Прпл“ (Deep Purple) во Скопје.

Силиконската кралица Тијана Ѓуричиќ отвори душа: „Кристијан Голубовиќ ми го уништи животот, три години му бев вонбрачна жена, а тој лажеше дека ме сака“ (ФОТО)

Антонио Димитриевски — Mon, 02 Nov 2020 09:19:02 +0000

Тијана Ѓуричиќ, поранешната кралица на силиконите, изјави дека цели три години му била љубовница, односно била во тајна вонбрачна врска со Кристијан Голубовиќ, како и дека го посетувала додека тој бил во затвор. Таа тврди дека жестокото момче ја пријавило кај властите во затворот Забела како вонбрачна сопруга. „Кристијан ми го уништи животот. Чекам да ме спомене во Задруга, за да можам да ги објавам сите снимки што ги чувам. Ме лажеше со години дека ме сака. Го снимав како зборува дека едвај чека да го посетам и дека ме обожава. Ми велеше дека сака и дете со мене“ - рече Тијана Ѓуричиќ. „Ми рече дека неговата сопруга Ивана е само покритие за медиумите. Ме пријави како вонбрачна сопруга. Тој всушност нема жена, само јас доаѓав да го посетувам двапати неделно, цели три години во затворот во Забела, а не неговата сопруга Ивана. Му испраќав пакети и пари за да купува и јаде во мензата, му ја пеглав облеката...“ - тврди Тијана. Таа неодамна ги намали силиконските гради и го смени личниот опис, вадејќи ги сите импланти и филери од себе, па сега изгледа сосема поинаку, многу понормално и речиси е непрепознатлива во однос на нејзиниот поранешен силиконски изглед. Фото: Фејсбук и Јутјуб принтскрин

Емилија Розман го одбележа денот на својот непребол: „Денот кога ти почина без да умреш, а јас умрев без да починам“ (ФОТО)

Антонио Димитриевски — Tue, 20 Oct 2020 06:55:51 +0000

Смртта е составен дел од животот... Неа многумина така ја сфаќаат, зашто според законите на природата, се' што има свој почеток, мора да има и свој крај, иако некои сметаат дека материјата не никогаш сосема не се губи, не исчезнува, туку само ги менува својот облик и форма. Но, затоа пак душата...? Каде оди таа, што е со неа? „Метафизички“ прашања кои најчесто си ги поставуваме кога ќе замине некој близок, особено, некој што многу го сакаме, а тоа ќе се случи пред време. Иако, болката секогаш е силна, а празнината вечно останува, сепак балансот помеѓу разумот и емоциите е тој што не остава во живот, зашто животот мора да продолжи понатаму за живите. И колку и да звучи ова за едни реално, за други неприфатливо, разделбата со животот на саканите за сите нас е тажна, болна, тешка и неприфатлива... Особено кога се работи најмилите. Тогаш прифаќањето на тажната стварност за жал, за многумина е „неприфатливо“, а разделбата со најблискиот непомирлив чин, долги години и по неговото заминување, можеби и целиот живот... Македонската мисица, манекенка и модел Емилија Розман, токму така го доживеа прераното заминување на нејзиниот татко Дамир, пред три години. Сеќавањата останаа вечни, болката никако не стивнува, како најстрашно нешто што самата непрекинато го чувствува, а животот без својот сакан родител со кого очигледно биле многу блиски и поврзани, за неа, како што вели самата, не е повеќе живот... Туку само, „животарење“! Токму со такви „тешки“ и болни зборови со емотивен статус на својот Фејсбук профил Емилија Розман го одбележа денот на својот непребол - три години од загубата на татко и. И додека едни сметаат дека убавата девојка премногу се троши и психички исцрпува, што не е добро ниту за здравјето ниту за нејзиниот понатамошен емотивен живот и интима, повикувајќи се на тезата од почетокот на текстот дека се' што почнало, еден ден мора и да заврши, други тврдат дека не секој исто ја доживува и преживува загубата на блиските и најмилите, а „јавната исповед“ е еден вид вентил за празнење на собраната мака, горчина, тешкотија, натежнатите емоции... по што така ќе и биде полесно! Без тенденција да судиме, освен дека е напишан со чисто, но скршено срце и широко отворена, но ранета душа, интегрално ви го пренесуваме статусот на Емилија Розман што го остави на својот Фејсбук, на тригодишнината од најтажниот ден во нејзиниот живот, во спомен и сеќавање на нејзиниот починат родител. „Денот кога ти почина без да умреш, а јас умрев без да починам .... 3 страшни години без тебе ... Сите ме лажеа дека со текот на времето ќе биде полесно, или барем дека ќе научам да живеам без тебе, но не е ... Во турскиот јазик постои збор, БЕЗТОБНОСТ ... Тоа не е само чувство на осаменост или недостигање ... Тоа значи отсуство на одредена личност и празнина која никој никогаш не може да ја замени ... Едноставно болка во животот без тебе... 3 години грижа на совест зошто јас дишам без тебе, за секоја насмевка без тебе, за секој среќен момент и 3 години желба да дојдам кај тебе ... И сите ми се лутат затоа што зборувам така, а јас никому не можам да му објаснам дека ова без тебе не е живот, само животарење... Болката што ја чувствуваме кога не напуштаат најблиските не е најстрашното нешто ... Најстрашното е животот што ни останува да го живееме без нив ... ЖИВЕАМ ЗА МОМЕНТОТ КОГА ЌЕ ТЕ ГУШНАМ ПОВТОРНО! ТЕ САКАМ ТАТО МОЈ! Ти имаш само само ден на раѓање!“ - напишала Розман во својот Фејсбук статус.

Лука Лазукиќ осуден поради физичкото насилство врз пејачката Наташа Беквалац

Христина Ѓоргиевска — Thu, 25 Apr 2019 12:30:28 +0000

Лука Лазукиќ е осуден на осум месеци затвор и три години условна казна поради физичкото насилство врз Наташа Беквалац. „На Лука Лазукиќ му е дадена казна од осум месеци затвор, односно условна казна на три години. Тоа значи дека такво кривично дело не смее да се повтори во следните три години. Доколку во следните три години го повтори делото, тогаш ќе се примени осудата за казна затвор од осум месеци“ вели за „Блиц“ адвокатот на пејачката.

Тој е задоволен од пресудатa. „Јас сум задоволен од пресудата. Тоа докажува дека мојата странка пред судот ја зборуваше вистината и дека е направено кривично дело“ додава адвокатот на Беквалац. Во попладневните часови во основиот суд во Белград е одржено судење на кое било донесено оваа одлука. Судењето траело неколку часа, а Лука останал при својот исказ дека не ја нападнал Наташа.

Исто така на Лазукиќ му е продолжена мерката забрана за приближување на пејачката. За потсетување, Лука претходната година во април физички ја напдна пејачката во нивниот дом во Белград.

Повеќе не го крие: Oва е момчето на Едита Арадиновиќ

Христина Ѓоргиевска — Wed, 07 Nov 2018 12:22:52 +0000

Пејачката Едита Арадиновиќ одлучи да објави фотографии со кои ќе покаже колку е среќна во љубовта. Во последно време Едита отворено зборува за својата љубовна врска со Стефан и редовно објавува фотографии, а така не беше порано. Неодамна откри дека не живее во Србија и иако медиумите го претставуваат како Огнен, негово вистинско име е Стефан. Едита и Стефан се три години во љубовна врска. Овој пат пејачката одлучи да објави фотографија и да покаже како изгледа нејзиното момче.

фото: printscreen

Може да добие три години затвор: Лука Лазукиќ обвинет за физичко насилство на Наташа Беквалац!

Христина Ѓоргиевска — Wed, 16 May 2018 12:28:04 +0000

Јавното обвинителство поднесе тужба против Лука Лазукиќ за физичко насилство над сопругата Наташа (Беквлаац) Лазукиќ, поради што може да оди во затвор. Тужбата била поднесена откако завршила истрагата, односно соберени се докази со кое може да се докаже дека Лука физички ја нападна Наташа. Судот треба да ја прифати тужбата, за да може да започне судењето. Судот има право тужбата да ја врати на надополнување или пак да ја одбие. За кривичното дело насилство следува казна затвор од три месеци до три години. Иста казна Лука може да добие ако и се приближи на Наташа или ако ја вознемирува по телефон. За потсетвување, Лука физички ја нападна својата сопруга Наташа ноќта меѓу 13 и 14 април, по што пејачката веднаш поднесе и барање за развод.