трет пат – Вистина.мк

„Карлеуша ќе забремени по трет пат, а моќен Американец е човекот што ќе и го освои срцето“ – тврди водителката Јована Јеремиќ (ВИДЕО)

Антонио Димитриевски — Fri, 17 Feb 2023 12:43:10 +0000

Контроверзната водителка на телевизија „Пинк“, Јована Јеремиќ, на сите им е добро позната по своите настапи и испади во медиумите, како и тоа дека го кажува своето мислење на различни теми. Овој пат како што во видеото може да се слушне, Јеремиќ го послушала своето седмо сетило за поп-фолк дивата Јелена Карлеуша, па коментираше за нејзината брачна состојба, како и за можноста таа да остане бремена по трет пат. Според српската водителка разводот на Јелена и Душко е неминовен, како и тоа дека Карлеуша ќе стане мајка по трет пат. „Јас Душко често го гледам по ресторани, бидејќи ручаме во исти ресторани. Тој таму руча со своите ќерки. Се поздравувам со Душко и со неговите ќерки кога ќе ги видам. Душко е господин, секогаш се поздравува, тој е приземен човек. Тоа меѓу него и Карлеуша мора да го решат на убав начин. Ако истекол рокот на нивниот брак нека се разделат како луѓе и да останат пријатели, рече Јована, предвидувајќи дека популарниот пар ќе се разведе, како и дека популарната пејачка повторно ќе се омажи, но овој пат за моќен Американец, како и тоа дека Јелена ќе стане мајка и по трет пат. „Јас мислам, односно имам интуиција дека Јелена Карлеуша ќе најде трет маж и тој ќе биде странец од американското поднебје. Тој ќе биде сериозно моќен на светско ниво. Можеби ќе му роди дете. Јас тоа го прогнозирам за Јелена, јас едноставно ја гледам со некој трет човек кој не е од оваа земја. Можеби грешам, но јас така ја гледам Карлеуша во иднина“, истакна водителката. За потсетување Јелена Карлеуша на средина од минатата година објави дека по 14 години брак со фудбалерот Душко Тошиќ решила да стави крај и да се разведе. Иако според Тошиќ тоа нема да се случи, а според пејачката тоа е веќе завршена работа, па затоа свое мислење даде и Јована Јеремиќ.

@kurir.rs Jovana Jeremić proriče sudbinu estradi! #jovanajeremic #jelenakarleusa #duškotosic #razvod ♬ original sound - Kurir

Сите ја чекаа Нова година, а Сани старата ја испрати со венчавка: Македонската фолкерка по трет пат кажа – ДА! (ФОТО)

Антонио Димитриевски — Sat, 07 Jan 2023 08:00:08 +0000

Атрактивната македонска фолкерка Сања Сани Гроздановска, повеќе не го носи презимето Гроздановска, иако продолжи така да се презива и откако се раздели од вториот сопруг, Мартин. Имено, не така долго по вториот брачен бродолом, згодната кумановка влезе во нова сериозна врска која кон почетокот на минатата есен резултираше со запросување. Тогаш таа на својот профил на Инстаграм сподели фотографија со веренички прстен, на левата рака и напиша дека по трет пат кажала ,,ДА”… Љубопитната јавност веднаш тргна да се интересира и истражува во кого тоа толку брзо Сани одново се заљубила, па созбнанијата открија дека се работи на гастрбајтер со српско потекло по име Никола, кој живее и работи во Швајцарија, поточно е менаџер на генерален менаџер на еден термохотел со спа, лоцирани на швајцарските алпи. Откако ја откри врската и просидбата, пејачката често одеше кај новата љубов на гости, а и тој доаѓаше кога може во Македонија, се додека не дојде Новата Година. И додека сите ја чекаат, Сани и Никола не дочекаа старата да замине, туку ја испратија со венчавка, па како нова брачна двојка вчегоа во 2023-тата. Радосната вест најпрвин сами ја објавија на социјалните мрежи каде се гледа дека пејачката сега го земала презимето на новиот сопруг, па Сани сега се презива Урдаревиќ. Меѓу останатото двајцата споделија новогодишна честитка во која се гледа дека новите младоженци блескаат од среќа. „Велат дека не е среќен оној што е богат, туку оној што е среќен со она што го има. Посакувам оваа година да имате сè што ви треба за среќа. Имајте блескав и убав почеток на новата 2023 година, а уште поблескав и поубав крај на истата! Среќни празници!“ - порачаа тие во честитката.

Фолкерката реши да оди на “треќа-среќа“, по трет пат се омажи и го кажа судбоносното - ДА... Се надеваме дека овојпат ќе и биде за навека!

Фото: Инстаграм и Фејсбук принтскрин/sani.urdarevik

Седум месеци по породувањето, Ана Севиќ е бремена по третпат, а сега го откри и полот на бебето

Христина Ѓоргиевска — Wed, 06 Oct 2021 08:00:12 +0000

Откако пред седум месеци се породи и стана мајка по вторпат, пејачката Ана Севиќ повторно е бремена. Имено, таа и нејзиниот сопруг Даниел Недељковиќ го очекуваат нивното второ дете. Тие пред седум месеци добија ќерка за која го одбраа името Сена. Ана сега очекува принова и треба да се породи кон крајот на март, а убавите вести ги споделила само со семејството, пишува „Мондо“. „Ана и Даниел после ќерката Сена чекаат момче. Ова вест го израдува целото семејство бидејќи имаа голема желба да добијат момче. Не се старомодни, туку станува збор за емотивна природа“, вели изворот и додава: „Даниел изгуби брат и веста дека во семејството доаѓа момче ги направи среќни, почнувајќи од неговиот татко, па се до баба му и дедо му. Едвај чекаат и помагаат на Ана околи Сена, а посебно сега повторно е бремена“. За потсетување, за Ана Севиќ ова ќе биде трето дете. Од бракот со Дарко Лазиќ ја доби ќерката Лорена, а пред неполна година со Даниел ја доби ќерката Сена. Инаку, Ана и Даниел неодамна склопија брак во кругот на семејството и блиските пријатели. фото: принтскрин/инстаграм/ана севиќ

Скарлет Јохансон тајно се омажи по третпат

Христина Ѓоргиевска — Fri, 30 Oct 2020 10:42:31 +0000

Актерката Скарлет Јохансон (35) по двегодишна врска минатиот викенд се омажи за американскиот комичар Колин Јоста (38). Добрата вест беше објавена на социјалните мрежи на хуманитарната организација „ Meals on Wheels" “, каде се наведува дека парот се венчал на интимна церемонија на која присуствувале само најблиските членови на семејството и пријателите. За време на церемонијата биле преземени сите пропишани мерки со цел да се спречи ширењето на короната, а во соопштението беше нагласено дека новопечетниот пар им порачува на обожавателите кои ја слават својата венчавка да го сторат тоа со донирање пари во хуманитарни цели.

View this post on Instagram

A post shared by St. George Theatre (@stgeorgetheatre) on Oct 29, 2020 at 1:18pm PDT

-Нивната желба на венчавката беше да им помогнат на старите лица во ова тешко време - пишува во публикацијата на споменатата страница. Инаку, Скарлет беше во брак со Рајан Рејнолдс од 2008 до 2011 година и од 2014 до 2017 година со новинарот Роман Дауриак, со кого ја има ќерката Роуз Дороти.

Eнрике Иглесијас и Ана Курникова го добија третото дете

Христина Ѓоргиевска — Tue, 11 Feb 2020 11:39:25 +0000

Некогашната тенисерка Ана Курникова и пејачот Енрике Иглесијас повторно се реализираа во улогата на родители и тоа по третпат. Ова информација ја потврди братот на Енрике кој гостуваше во една емисија на радио станицата ADN. „Веќе станав чичко“ изјави Хулио, а на прашањето дали бебето е родено, Хулио кратко одговори „да“. Меѓутоа, братот на пејачот не сакаше да го открие полот на детето. „Тоа е тајна“ кратко изјави Хулио и додаде: „Мојот брат сега има три деца. Многу е среќен“. За потсетување, Ана Курникова пред две години ја роди ќерката Луси и синот Николас.

Трета среќа: Скарлет Јохансон наскоро повторно ќе заплива во брачните води

Христина Ѓоргиевска — Mon, 25 Nov 2019 10:04:07 +0000

Најплатената актерка Скарлет Јохансон (35) наскоро по трети пат ќе заплива во брачните води и тоа со свршеникот Колин Џост. Парот се сврши во мај оваа година, а за врската меѓу актерката која е прогласена за најубава жена на светот и две години постариот комичар започна да се зборува уште пред две години. „Бракот меѓу двајца актери е голем предизвик бидејќи секогаш едниот е поуспешен. Партнерот мора да биде сигурен во својата љубов, но и во својата кариера“ изјави Скарлет во една прилика. Првиот сопруг на Јохансон исто така беше актер, односно Рајан Роналдс со кого беше во брак 3 години. По првиот развод, актерката шокираше со изјава. „Мислам дека бракот е една убава и романтична идеја и може да биде супер, но мислам дека не е природно да го поминете остатокот од животот со истата личност“ изјави актерката.

Скарлет пред врската со Колин беше мажена за францускиот новинар Ромен Доријак со кој има двегодишна ќерка, а потоа беше мажена со актерот Рајан Рејнолдс.

Колку ќе трае овој брак на актерката останува да видиме.

Тања Савиќ одговори на шпекулациите дека повторно е бремена

Христина Ѓоргиевска — Wed, 14 Nov 2018 10:59:36 +0000

Тања Савиќ и нејзиниот сопруг Душко Јовановиќ во брак имаат две сина. Откако пејачката објави фотографија на која се држи за стомак започнаа шпекулации дека Савиќ повторно е бремена. Меѓутоа, пејачката брзо реагираше и ги демантираше написите за третата бременост објаснувајќи дека се мести за селфи фотографија.

View this post on Instagram

Selfi ?

A post shared by Tanja Savic (@tanja_savic_private) on Nov 2, 2018 at 4:28am PDT

„Не, не сум трудна“, кратко изјави Тања за „Ексклузив“. Савиќ потенцираше дека е во процес на доведување на линијата до совршенство. „Во меѓувреме ослабев 4 килограми. Имав 8 килогрми вишок, ми остануваат уше 4 килограми да ослабам“ изјави пејачката.

Трета среќа: Лила Филиповска откри дека повторно ќе се мажи!

Христина Ѓоргиевска — Mon, 16 Jul 2018 07:02:26 +0000

Седум години по ред нејзиното забавно шоу „Се или нешто“ е едно од најгледаните на македонските ТВ екрани. Лила Филиповска често може да ја видиме пред камерите, но во улога на водител. Лила беше гостинка во последната емисија на првата сезона на „Вечер со Тијана“, каде што откри помалку познати детали за нејзиниот приватен живот и прозбори дека повторно би прифатила да биде нечија сопруга.

Лила зад себе има два неуспешни брака, а до неодамна истакнуваше дека не планира повторно да се мажи. Очигледно на водителката и се промениле погледите за брачната заедница, па се предомисли и сака среќата да ја проба по трет пат, секако ако се најде кандидат.

Таа истакна дека ако некој ја побара за жена би прифатила. „Зошто да не? Јас до пред некое време велев дека нема да се мажам. Но, трета среќа. Да ме побараше некој досега ќе бев мажена. Инаку, да би прифатила да се мажам по трет пат“ откри Лила. Лила за себе има два брака кои завршија со развод, а од првиот брак успеа да се реализира во улога на мајка и да го има синот Филип кој денес е нејзина најголам гордост.

Инаку, деновиве Лила успешно ја заврши и седмата сезона на квизот „Се или нешто“, па сега ги полни батериите и од септември ја очекуваме со нова енергија и нови кандидати, некој да го освои милионот, а некој нејзиното срце. фото:принтскрин/јутуб