трепки – Вистина.мк

Лила има трепки за везден – нека трепка: „Убавината е битна само првите 15 минути, после нешто мора и да кажеш..!“ (ФОТО)

Антонио Димитриевски — Mon, 17 Apr 2023 07:40:50 +0000

„Убавината ќе го спаси светот“ - вели една стара изрека, иако евидентно е дека светот веќе ништо го спасува, зашто оддамна се' отиде „по ѓаволите“. Кога сме кај убавината и неа се' помалку ја има, барем онаа - природната. Силиконските старлети ги заменија натуралните убавици, колагенот, имплантите, вештачките нокти, уметоците за коса, вештачките заби, леќите во боја за очи... и уште илјада и еден од таканаречените додатоци за убав изглед, многу од „селските убавици“ ги претворија во „силиконски барбики“. Ама тоа се модата и потребите на 21-от век! Кога сме веќе и кај имплантите, додатоците и уметоците за убавина, на нив не останува имуна ниту една домашна жена, осбено не оние познатите од јавниот живот, а меѓу нив секако и нашата надолготрајна, но и се' уште најдобра и најпопуларна ТВ водителка Лила Филиповска. Нема да набројуваме се' што знаеме и не знеме што Лила има вградено во и на себе, но она со што последно се пофали се новите вештачки трепки! И тоа не обични, туку како што досега имаше трајна шминка или трајни веѓи, сега има и трајни трепки! Или што би рекла Лила - „трепки за везден“, па на себе прва ја демонстрираше нивната функционална употреба. И тоа јавно на својот Инстаграм, каде што ја сподели својата „трепкачка“ убавина без ништо да каже. Остави очите да зборуваат, а таа само трепкаше... И нека трепка!

View this post on Instagram

A post shared by Lila (@lilafilipovska)

Иако само пред некое време нашата водителка во своите Инстаграм приказни и самата сподели поучна порака кога е во прашање „голата убавина“: „Убавината е битна само првите 15 минути, после нешто мора и да кажеш!“ За волја на вистината, Лила е една од оние ретките, која покрај убавината и тоа како може, знае и умее да каже... За разлика од повеќето други! Ама некому и само нивното трепкање му е доволно. Зашто дур да трепнеш, тие веќе со „очи ширум затворени“, широко „се отвориле“! Епа... нека трепка! Фото: Инстаграм принтскрин/lilafilipovska

Природен третман за густи трепки- ќе ги обновите без скапи третмани

Слободанка Илиева — Thu, 22 Sep 2022 12:03:45 +0000

Овој метод можете да го користите и за трепките. По употреба, тие ќе бидат подолги. Сосема е нормално ако трепките ви се истенчиле со текот на времето, поради употребата на маскара, вештачки трепки, виткачи и други работи кои ги оштетиле. Овој рецепт ќе ги направи вашите трепки погусти, а вашите веѓи ќе ја вратат изгубената форма. Сè што треба да направите е да истурите рицинус, масло од трн или масло од брахми во маскарата што ја користевте претходно, препорачува Elle. Овие хранливи материи ќе го стимулираат растот на трепките и веѓите дури и на најоштетените места. извор:popara.mk

Фолкерката сакаше да се пофали со шминката и новите трепки, па сите ја гледаа без да трепнат… ама не во очи! (ФОТО)

Антонио Димитриевски — Wed, 23 Oct 2019 10:10:58 +0000

Македонската фолкерка Тања Јовановска Трајкова важи за една од поатрактивните, поелегантните и стокмени со вкус пејачки на домашната фолк естрада. Секогаш кога има настап, било на телевизиска емисија, било во некој локал, свадба или фестивал, таа темелно го подготвува својот изглед. Од избрана гардероба и чевли, до фризура и секако, шминка. Така и овој пат пред да замине на јавен настап, фолкерката замина кај својот шминкер, кој и го дотера лицето „цакум-пакум“, па пејачката сакаше на социјалните мрежи да се пофали со својата шминка, особено со онаа околу очите и долгите трепки. И како што обично бива, еден поглед во објективот одблизу, вториот мижејќи со затворени очи, за што подобро да се види убаво сработеното на мејкап мајсторот. Фолкерката сакаше да се пофали со шминката и новите трепки, а сите ја гледаа без да трепнат... Арно ама, не во очи! Зашто Тања во кадарот, не полн до душа, но доволно воочлив, покрај очите го фотографирала и своето деколте. А кога мажите ќе видат отворено деколте кај убава жена, можат да ја гледаат во очи, само ако нивната понежна половина им „дише во врат“. Вака, на фотографија, фолкерката сите ја гледаа со широко отворени очи, ама малку подолу од нејзините очи! А Тања, не е дека нема со што да се пофали... Иако ретко ја става во прв план својата предница, поеднини фотографии од разни настапи покажуваат дека расната кумановка е доволно бујна за да има што да истакне и покаже. До душа, не секаде и не секогаш, зашто конкуренцијата на тоа поле на естрадата е жестока, па таму каде што знае дека нема шанси за „бујна надмоќ“, Тања се фотографира закопчана до грло. Како во овој случај, каде што на фотографијата од снимањето на емисијата „Мерак меана“ е во кадар заедно со силиконската струмичанка, нејзината фолк колешка Сузана Гавазова!

Едноставен рецепт за густи и сјајни трепки

Моника Манасиевска — Fri, 07 Sep 2018 14:04:41 +0000

Во зависност од текстурата на трепките, резултатите можат да бидат видливи по две недели, а во некои случаи по еден месец. Овие домашни препарати се благотворни и за чувствителна кожа.

Регенератор од рицинусово масло

Во помало шишенце ставете масло и екстракт од ванила (три делови масло и еден екстракт) и добро измешајте. Ќе ви биде потребна и чиста четка од маскара (доколку имате стара маскара која веќе не ја користите, извадете ја четката и добро измијте ја). Ставете ја четката во регенераторот и нанесете го на трепките, од коренот кон врвот. Третманот повторувајте го два пати дневно и имајте на ум дека трепките мора да бидат чисти пред нанесување на регенераторот.

Витамински регенератор

Капсула витамин Е исцедете на тацна и со помош на памук, маслото нанесете го на трепките, од коренот кон врвот. Третманот повторувајте го два пати дневно, најдобро наутро, пред нанесување на шминката и навечер, пред спиење. Овој витамин ќе биде одличен и за нега на чувствителната кожа околу очите.

Екстра богат регенератор од масло

Во чинија измешајте капсула витамин Е и со еднаква количина кокосово и маслиново масло. Со помош на четка од маскара или памук, добиениот регенератор нанесувајте го на трепките, два пати дневно, од коренот кон врвот.

Трудница останала без вид поради популарен третман кој го прави секоја втора жена

Слободанка Илиева — Wed, 08 Aug 2018 10:34:33 +0000

Бремената Стејси Вајт (22) го изгубила видот на два дена, од третман кој е популарен во последно време кај девојките. Стејси за три години ставала трепки во истиот салон, сепак, поради бременост, таа одлучила да оди во салон, кој се наоѓа на неколку минути од нејзиниот дом. Козметичарката ја прашала дали таа сака да се направи тест за алергија, но таа го одбила затоа што три години става вештачки трепки и никогаш не дошло до проблеми. "Се чувствував различно, тоа не беше пријатно. Во еден момент добив лепак во окото, козметиката беше го исчисти , но многу болеше", изјавува таа за "Мирор". Кога стигнала дома видела дека нејзините очи почна да отекуваат, солзат и многу болат. "Првин ја игнорирав болката, но стануваше посилна и посилна. Тоа беше ужасно, не мислев дека ќе ослепам. Од минута во минува беше се полошо", вели таа.

Pregnant Woman Feared She Would Never See Baby’s Face After False Lashes Made Her ‘Blind’ https://t.co/6xdeSjZ8SY pic.twitter.com/47GPzsEF32
— Onome Igugu (@onome_tsb) July 31, 2018

Веднаш била кај доктор кој ги дал само капки за очи. Сепак, ситуацијата не се подобрила туку станала многу лоша. . "Го изгубив видот, сер беше темно пред моите очи, не гледав ништо. , Се плашев мислев ќе останам слепа. Имав денови на тешка главоболка, болка во и под очите, имав треска, јас бев навистина исплашена, особено за бременоста. Повторно морав да одам на лекар ", вели Стејси и ги советува девојките да внимаваат многу, особено во бременоста.