„Трејн Брејн Софт“: Унапредување на вештините на приватното обезбедување

Антонио Димитриевски — Tue, 04 Sep 2018 10:56:18 +0000

Успешната реализација на проектот „Треин Бреин Софт – стандардизиран курикулум и електронска алатка за меки вештини за приватно обезбедување“, што беше спроведен во период од 25 месеци и за него беа одделени 11.380.000,00 денари, а претставува стратешко партнерство за приватно обезбедување од пет земји, беше презентирана денеска на завршната конференција. Проектот е поддржан од програмата на Европската унија – „Еразмус плус“, „К2-стратешки партнерства-образование за возрасни“, реализиран преку Националната агенција за европски образовни програми и мобилност и ужува поддршка од Министерството за внатрешни работи. На денешната конференција беше претставена содржината на проектот, со посебен осврт на значењето на меките вештини за приватно обезбедување, професионалниот стрес кај приватното обезбедување, човековите права и слободи на приватното обезбедување, и комуникациските вештини во тој домен.

Воедно, беше претставена и содржината на модуларната тренинг програма за меки вештини и беше презентиран Прирачникот за меки вештини за приватно обезбедување, како и отворената онлајн мултимедијална тренинг алатка, што е достапна 24 часа и може да ја користи секој заинтересиран на ниво на ЕУ. Верица Милеска Стефановска, претседателката на Комората на Република Македонија за приватно обезбедување истакна дека е задоволна од професионализмот и соработката со партнерите од Норвешка, Словенија, Романија и Хрватска, со кого беше спроведуван проектот, посочувајќи дека истиот развива пет продукти. – Проектот развива пет продукти: истражување за меки вештини за работниците за приватно обезбедување, курикулум за меки вештини, тренинг програма, прирачник и електронска алатка, а во рамките на проектот е предвидено да се спроведе непосредна обука за вршителите на приватното обезбедување со примена на развиените продукти, објасни Милеска Стефановска. Таа посочи дека денешниот начин на живеење и темпо, како и безбедносните ризици пред кои сме исправени, мигрантската криза за која сме сведоци во изминатиот период, наметнува потреба од таков начина на унапредување на вештините на лицата кои работат во облата на приватното обезбедување. – Ова беше само форма да се стигне до кадарот на приватно обезбедување, со цел да го прифати и полесно да го разбере делот на комуникациски вештини и професионален стрес, како и човековите права и основни слободи, потенцираше претседателката на Комората на Република Македонија за приватно обезбедување. Заменик-министерот за внатрешни работи Агим Нухиу посочи дека Министерството е насочено кон остварување на сите надлежности во однос на јавната безбедност, истакнувајќи дека, токму во тој сегмент, Комората ја смета за негов партнер. – Бидејќи заедно со Комората можеме да направиме повеќе за јавната безбедност, нагласи Нахиу, информирајќи дека Комората има целосна поддршка од Министерството.

Меѓународна конференција „Треин Бреин Софт“

Антонио Димитриевски — Mon, 03 Sep 2018 10:10:00 +0000

На 04.09.2018 год, (вторник ) во Хотел Холидеј Ин, во Скопје, Комората на Република Македонија за приватно обезбедување и партнерските организации за приватно обезбедување од Словенија, Норвешка, Романија и Хрватска организираат Настанот претставува завршна конференција за реализиран ЕУ проект наречен „Треин Бреин Софт-стандардизиран курикулум и електронска алатка за меки вештини за приватно обезбедување“, поддржан од програмата на Европската Унија,Еразмус +, К2- стратешки патрнерства- образование за возрасни, реализиран преку Националната агенција за европски образовни програми и мобилност. Грантот за изработка и реализација на проектот е во висина од 11.380.000,00 денари. Проектот се спроведуваше во период од 25 месеци, започнувајки од септември 2016 година, заклучно со септември 2018 год. Конференциската програма ќе ја претстави содржината на проектот Треин Бреин Софт, со особен осврт на: Значењето на меките вештини за приватното обезбедување, Професионалниот стрес кај приватното обезбедување; Човековите права и слободи и приватното обезбедување и Комуникациски вештини за приватно обезбедување. Воедно, во рамки на настанот ќе биде претставена и содржината на модуларната тренинг програма за меки вештини, со промоција на Прирачник за меки вештини за приватно обезбедување и отворена он-лајн мултимедијална тренинг алатка (е-обука за меки вештини за приватно обезбедување). Како дел од конференциската програма со свое обраќање, учество ќе земат: Верица Милеска Стефановска, Претседател на Комора на РМ за приватно обезбедување; Оливер Спасовски, Министер за внатрешни работи; Љупка Ќуркчиева,Национална агенција за европски образовни програми и мобилност; Фреек Јанмаат, Делегација на ЕУ во Македонија; Катерине Пијана, Ген.директор на Конфедерација на европски услуги за обезбедување; како и претседателите на словенечката, романската, хрватската, и норвешката комора за приватно обезбедување.

Треин Бреин Софт – Вистина.мк

„Трејн Брејн Софт“: Унапредување на вештините на приватното обезбедување

Меѓународна конференција „Треин Бреин Софт“