трансфер – Вистина.мк

Се огласи Душица Јаковљевиќ по отказот од „Пинк“ – еве што вели водителката за одлуката која ги шокираше сите (фото)

Слаѓана Атанасова — Mon, 06 Nov 2023 07:51:21 +0000

Како бомба одекна веста дека Душица Јаковљевиќ по 10 години се откажува од розовата телевизија. Според курир.рс, водителката се „сели“ на телевизија „Хајп“, каде ќе биде водителка но и член на продукцијата. По повод овој голем трансфер по контактирањето со Душица, таа дала кратка порака. - Ќе објавам кога ќе дојде време - изјавила водителката. Да потсетиме, Душица беше заштитно лице на телевизија Пинк и долги години беше водителка на најпознатите реални шоуа. Таа беше една од милениците на публиката на споменатата телевизија и заштитен знак на розовото јато. Фото: Принтскрин/Инстаграм/Курир.рс

Пред потпис: Столе Димитриевски е новиот голман на Барселона?

Антонио Димитриевски — Mon, 10 Jan 2022 13:55:57 +0000

Столе Димитриевски го немаше на вчерашниот меч за Рајо Ваљекано против Бетис. Тренерот на Рајо објасни дека Столе бил повреден, но и покрај ситната повреда, една од причините е и таа што деновиве тој го комплетира трансферот на кариерата! Порталот „Екипа“ пишува дека само прашање на време е неговото заминување од Рајо и преминот во големата Барселона. Веќе има договор, челниците на Рајо ги договорија сите детали, и сега останува само потпис и промоција. Според информациите, Димитриевски веќе се збогувал со соиграчите од тимот и сега трансферот од соништата е извесен. Димитриевски го остварува својот сон, станува дел од еден од најдобрите светски клубови. Ќе треба да се бори за место во тимот со Тер Штеген, и покрај тоа што и иднината на Германецот е неизвесна и се шпекулира за неговото заминување. Димитриевски сезонава брани фантастично, ја има својата најдобра полусезона во кариерата. Четврти голман во Европа по број на одбранети удари во просек, еден од најдобрите во Шпанија, а беше сместен и во најидеалниот тим на полусезоната во Ла Лига. Одличната форма на Димитриевски го радува и селекторот Благоја Милевски пред баражот со Италија, зашто своите импресивни партии Столе ги прикажа и во репрезентативниот дрес и беше еден од најзаслужните што Македонија се пласираше во историскиот бараж.

Горан Пандев се обидоа да го „предриблаат“ на скриена камера, арно ама… : „Имајте малку респект, каква Индија, попрво ќе се пензионирам!“ (ВИДЕО)

Антонио Димитриевски — Fri, 15 Jan 2021 08:35:27 +0000

Горан Пандев, најдобриот македонски фудбалер, македонската фудбалска легенда неодамна во Италија се обидоа да го наместат и насамарат, за да биде нова „жртва“ во скриената камера на телевизијата „Медиасет“. За целата шеговита местенка да помине според предвиденото сценарио, помогнале капитенот на Џенова, Доменико Кришито и менаџерот на Пандев, Леонардо Корси. Корси е тој кој му соопштува на Пандев дека клубот му подготвува трансфер и решил да го продаде во Индија! Погледнете го видеото со најинтересниот дел од „скриената камера“ на Пандев со превод и реакцијата на македонската фудбалска легенда кога дознава дека клубот „божем“ сака да го продаде, негде џенем, во нефудбалска земја!

Македонскиот голман го бараат познати клубови за трансфер: Сите го сакаат Столе, а тој ја сака само… неа! (ФОТО)

Антонио Димитриевски — Fri, 14 Jun 2019 09:13:28 +0000

Столе Димитриевски, македонскиот репрезентативен голман беше играч на натпреварот на последниот меч на нашата фудбалска репрезентација, кој за жал го загубивме дома со 1:4 од Австрија. Сепак, по бравурозните одбрани, но и одличната сезона како чувар на мрежата на шпанскиот Рајо Ваљекано, Димитриевски доби куп понуди за трансфер.

Сега Столе сите го сакаат... и Руси и Шпанци... И рускиот Сочи и шпанските прволигаши Валенсија и Еспањол... А и Рајо Ваљекано кој знае дали ќе го пушти, без да сака да инкасира добра пара за него. Како и да е, Столе сите го сакаат, ама тој сака само... една! И не се дели од... НЕА! Неговата Лори!

Неговата шпанска девојка со која Столе е веќе подолго време во љубовна врска. А таа е тука и да го теши кога му е тешко, да му даде самодоверба кога не му оди, ама и да ги сподели успесите, моментите на радост и среќа и по победите и оние од нивниот приватен живот.

Очигледно шпанската убавица Лори знае како да го врати Столе во врвна форма… и спортска и животна!

Впрочем, малку девојки умеат својата магија да ја употребат за да го претворат животот во волшебство. Заедничко, секако!

Шармантна и привлечна русокоса со симпатична насмевка која освојува на прва, срцето на Столе чука само за неа… за убавата Лори.

Затоа и тешко е да се поверува дека Столе ќе ја напушти Шпанија. За Лори и да не правиме муабет! И ако треба да избира, многу веројатно дека одново ќе избере некој шпански клуб... и неа, со него!

Во моментов Столе сите го сакаат… Ама тој сака само една личност... убавата и шармантна Лори Фрајз!

По скандалот, еве каква понуда доби Огњен Врањеш (ФОТО)

Антонио Димитриевски — Thu, 17 Jan 2019 11:28:56 +0000

Од секс скандалот што го тресе Балканот, по се изгледа најголема полза ќе извлече „плачкото“ од креветот на „скандал дамата“. Имено, иако во Брисел не се воодушевени од тоа што нивниот фудбалер Огњен Врањеш се наоѓа на сите насловници во таблоидеите низ Балканот, сепак од Андерлехт се огласија со соопштеније дека тоа е приватна работа, а нивната политика е да не ја коментираат приватноста на своите играчи.

Сепак, од ПР службата на Андерлехт кусо најавија дека ќе имаат разговор со Врањеш, без да појасбнуваат други детали.

Во меѓувреме, дали случајно се поклопија работите со актуелниот зимски преоден рок или секс аферата со познатата балканска фолк дива му ја крена цената, па му скокнаа акциите, ама за Врањеш понуди за трансфер од три милиони евра испратија два познати клуба: еден од Турција и еден од Украина, тврди „Србија денес“. Сепак, многу е извесно дека репрезентативецот на Босна и Херцеговина сепак ќе остане во Андерлехт...Барем до летото!

Водителски трансфер – од Пинк на Гранд: Еве колку пари доби Леа Киш за да прејде кај Саша Поповиќ!

Антонио Димитриевски — Tue, 06 Mar 2018 12:38:53 +0000

Водителката Леа Киш пред неколку недели реши да ја напушти ТВ Пинк по цели 13 години верност на оваа ТВ куќа, а наскоро ќе ја гледаме на "Гранд" телевизија. Деновиве објавени се нови детали за овој најнов ТВ трансфер, во врска со надоместокот што ќе го добие Леа од Саша Поповиќ.

За шоуто што ќе биде слично на неделното попладне кое таа го работеше, Леа ќе добие 1.500 евра месечно, плус можноста да заработи од спонзорите на емисијата. Леа и Саша одамна се познаваати отсекогаш биле во добри односи, па затоа брзо се договориле на взаемно задоволство. Немало потреба да се ценкаат зашто Саша веднаш и презентирал понуда што на Леа и одговора - вели изворот близу до менаџерот за наведениот трансфер.

Во моментов се преговара шоуто што ќе го води Леа од септември, да биде дел од редовната програмска шема на емисија на Прва ТВ.

Трансфер на векот: Жика и неговата „Шареница“ се селат од РТС на Пинк за сума од која ќе ви се заврти во умот!

Антонио Димитриевски — Fri, 16 Feb 2018 12:36:25 +0000

Додека во Македонија се затвораат медиуми, гасат телевизии, укинуваат весници и портали, стотици новинари остануваат без работа на бирото за вработување... само некој километар посеверно од нас се случува вистински медиумски процут... Се случуваат медиумски трансфери на кои и фудбалските ѕвезди од регионот би им позавиделе.

Така познатѕиот ТВ водител и уредник на РТС Жика Николиќ ја прими понудата од првиот човек на "Пинк", понуда која едноставно не може да се одбие.

Договорот на Николиќ со РТС истекува на 28-ми февруари, и до тогаш требало да му се понуди обид да потпише нов на една година. Но, очигледно извесно е дека тоа нема да се случи, бидејќи Жика одлучил да ги прифати условите што го добил од Жељко Митровиќ, со што без сомнение, изненадил многумина, зашто неговата „Жикина шареница“ на јавниот радиодифузен сервис се емитува веќе цели 13 години.

Митровиќ му дал на Николиќ понуда што едноставно не можел да ја одбие. Се работи сума од 200.000 евра или автомобил и стан во таа вредност, што било повеќе од доволно за тој да одлучи дека е време да се пресели на Пинк - тврди близок пријател на новинарот, на кој за ова самиот Жика му се пофалил, додавајќи дека потпишувањето на договорот со „розовата компанија“ треба да се случиа веќе овој понеделник.

Озил се сели во Манчестер Јунјтед

Антонио Димитриевски — Fri, 20 Oct 2017 07:23:32 +0000

Германскиот репрезентативец, Месут Озил од Арсенал се сели во Манчестер Јунајтет, објавија англиските медиуми.

Иако Озил со тимот на Арсенал има има договор до крајот на сезоната, сепак, според весникот „Мирор“, тој на своите играчи им открил дека во зимскиот преоден рок ќе го напушти Лондон и ќе се пресели на „Олд Трафорд“.

Како една од главните причини за ваквата одлика на Германецот е менаџерот на „црвените-ѓаволи“ Жозе Мурињо, со кој Озил имаше одлична соработка за време на заедничкиот престој во Реал Мадрид.

Арсенал ќе се обиде да го убеди Озил да остане во Лондон, иако не само Германецот туку и Чилеанецот, Алаксис Санчез веќе подолго време најавуваат заминување од „Емирати“. Засега Озил не ја потврди ниту демантира оваа информација, па останува да се види дали „топџиите“ ќе успеа да го разубедат Германецот да остане барем до крајот на сезоната или пак тој ќе замине уште во јануарскиот преоден рок.