Елегантни први дами: Меланија Трамп и Брижит Макрон на средба во Париз

Горан Силјановски — Tue, 13 Nov 2018 14:07:05 +0000

Меланија и Доналд Трамп беа во официјална посета на Франција за да бидат дел од одбележувањето на стогодишнината од крајот на Правата светска војна.

Славниот пар беше поканет на ручек во Елисејската палата со Емануел и Брижит Макрон.

48-годишната прва дама на САД изгледаше префинето во темен комплет од Ботега Венета и црни салонки од Кристијан Лобутан. Црните ракавици и модерната интерпретација на француската пунџа беа силни компоненти во стајлингот на Меланија. 65-годишната француска прва дама беше облечена во сини креации од нејзиниот омилен бренд – Луј Витон. Додека со Доналд заминуваше од Белата куќа, Меланија изгледаше шик во кариран мантил од Барбери и чизми од Кристијан Лобутин.

Ни Трамп, ни Обама: Нема место за политичари на кралската венчавка

Кристина Петрушевска — Wed, 11 Apr 2018 11:42:25 +0000

Британскиот принц Хари и неговата свршеница Меган Маркл не ги поканија на свадбата Тереза Меј и Џереми Корбин. Одлуката да нема „официјален список“ со политички лидери на кралската венчавка значи дека ни американскиот претседател Доналд Трамп нема да добие покана. Одлуката била донесена поради ограничениот број на места во црквата и фактот дека Хари е само петти во редот за наследување на престолот. Исто така е потврдено дека поранешниот американски претседател и првата дама Барак и Мишел Обама, кои се блиски пријатели на принцот, не се поканети на венчавката. На кралската венчавка на 19 мај во замокот Виндзор ќе има 1.200 „обични смртници“ од јавноста. Двојката веќе најави дека не сака класични свадбени подароци, туку објави листа на добротворни организации што двајцата ги поддржуваат и ги повикаа заинтересираните и гостите да донираат на нивните сметки.

трамп – Вистина.мк

Елегантни први дами: Меланија Трамп и Брижит Макрон на средба во Париз

Ни Трамп, ни Обама: Нема место за политичари на кралската венчавка