тракер – Вистина.мк

Кристи Петров дебитира со „две во едно“ – „Проблем“ и „Име“ (ВИДЕО)

Антонио Димитриевски — Mon, 25 Oct 2021 12:47:12 +0000

Кристијан Кристи Петров е младо момче, трапер од Радовиш по потекло, чие место на живеење е Словенија. Нов артист на македонската сцена кој само што почнува да го завзема своето место под естрадното и клубско небо, покажувајќи што знае, умее и може... И тоа со две песни во едно, одеднаш, насловени „Проблем“ и „Име“. За текстот бил задолжен Тракер, веке познат на македонската сцена, миксот и мастерот ги потпишува исто така веќе проверениот Иван Јованов - Ивајо. Се работи за две песни споени во едно што е актуелно во моментов.„Го избрав тимот на Urban Records. За видеото е доволно да само да го погледнат... Инаку следната недела снимам нов freestyle во студио кај Тракер кој може да го очекувате следниот период. Како што веќе кажав, само што почнувам да покажувам и да се докажувам, ова е само старт“ - вели младиот Кристи. Во очекување на многу новитети и освежување од него на македонската сцена, уживајте во неговото дебитантско „две во едно“ - „Проблем“ и „Име“ визуелизирани од Гордан Божиновски, Били Д, Илија Павлов и Никола Наумовски.

„Владата денеска падна!“: Тамара, Џамбазов, Ана Стојановска, Таско, Тракер, Луна, Стефан Лазаров… во „Black Ops“ – македонски акционен серијал каков досега не сте виделе (ВИДЕО)

Антонио Димитриевски — Mon, 07 Jun 2021 07:11:30 +0000

Трејлерот за македонската акциона серија „BLACK OPS“ вчеравечер, недела, 06.јуни 2021 година беше промовиран во Скопје, во киното „Синеплекс“. Во холивудски манир и сценарио, паркирани полициски хермелини и лузксузни лимузини со кои дел од актерите пристигнаа пред „Сити мол“, каде беа пречекани и продефилираа на црвениот тепих кој беше поставен токму пред најголемиот затворен трговскиот центар во македонската престолнина. Љубопитни погледи на граѓаните, блицеви и објективи на фоторепортерите, кадри на камерите и позирање, прашања и одговори за новинарите... Скопје за миг заличи на како да е дел од големите светски метрополи во кои луксузно и гламурозно се промовираат најголемите светски блокбастери. Кога сме веќе кај поводот и причината, во прашање е домашна серија во продукција на Artistic Film Production, а во режија на Били Дурмишовски. Велат, македонски акционен серијал каков досега не сме виделе. Приказната во „Black Ops“ го следи Вилијам Конор, американски војник, соочен со најтешките предизвици и најголемите тешкотии во животот. Низ исклучително збунувачки збир на околности, тој започнува да ги составува изгубените парчиња од една неизмерно огромна и мрачна загатка што го води кон Балканот во Источна Европа и можноста за спасување на неговото киднапирано семејство. Со помош на неговите пријатели Бабиќ и Нора, Конор успева да започне да ги бара слабостите на неговиот противник Сатар, за да открие дека меѓу сенките на злосторствата на Сатар, всушност се крие и демнее еден друг, многу посуптилен и баеги поопасен непријател. Дел од оваа серија се многу познати и звучни имиња од македонската јавна сцена. Естрадни ѕвезди, актери, водители... меѓу кои и Давид Мука, Христијан Тасковски – Таско, Тракер, Луна, Стефан Лазаров, Тамара Тодевска, Ана Стојановска, Игор Џамбазов... Погледнете го трјлерот и очекувајте уште поголем спектакл... Барем, таква е најавата: https://www.youtube.com/watch?v=YqYfJl1XRlI&t=4s

ЛУНА е директна: „Немој да збориш, соблечи ме со поглед“ во – „Куш“ (ВИДЕО)

Антонио Димитриевски — Mon, 03 Feb 2020 13:25:31 +0000

Таа е дива, нескротлива, сензуална, впечатлива, секси, ексцентрична и со стил... Таа е се, само обична не. Запознајте ја дваесет и едно годишната убавицата Луна, вториот женски артист на Урбан Рекордс, кој ветува многу. Луна веќе го промовираше нејзиниот прв сингл „Kуш“, на You Tube каналот на Урбан Рекордс. На овој видеоспот му предходеше едно неофицијално и необично видео на Тракер што претставуваше најава за нејзиниот официјален деби спот. Приватно Луна е инструктор по скијање, и во моментот па се до месец март работи во еден од најпопуларните зимски центри во регионот – Копаоник, соседна Србија. Поради обврските околу спотот и неговата промоција, деновиве таа патува на релација Скопје – Копаоник. Видео спотот се снимаше во „Про лајт студио“ – студио за професионално снимање на филмови, музички спотови и реклами. Во него Луна менува неколку интересни модни комбинации, во друштво е со Тракер, а присутна е и една доста интересна бела мечка маскота. Видеото, вообичаено кога се ексклузивците на Урбан рекордс во прашање, го изработи Гордан Божиновски - „Год Ај Продукција“. Песната е во трап стил, текстот и музиката се на самата Луна, аранжманот, битот, миксот и мастерингот се на Иван Јованов – Ивајо. Погледнете го видеото и уживајте со обете уши во звукот на „Куш“, „плакнејќи очи“ на Луна:

Тракер со нов спот во друштво на уште една убавица: Луна, дај – „Гас“ (ВИДЕО)

Антонио Димитриевски — Tue, 28 Jan 2020 09:53:42 +0000

Младиот трап артист Тракер кој се' уште е актуелен со хитот „Црна мечка“ во кој гостува Таско, промовираше необичен видео спот, овој пат со песна во дип хаус (deep house) стил. Во него ни покажува како изгледаат неговите 3 дена каде е во друштво на преубавата Луна. Во видеото може да се види како Тракер и Луна спонтано и опуштени се подготвуваат за снимањето на првиот видео запис на Луна. За добре дојде на Луна во семејството на Урбан како поддршка во видеото можеме да ги видиме и дел од останатите членови на екипата, а од последните кадри од ова видео можеме да забележиме дека спотот што се најавува ќе изгледа модерно и светски. Видеото се снимаше во неколку локали низ населбата Аеродром, во музичкото студиото на Ивајо и во Про Лајт Студио. Спототи овој пат изработи Гордан Божиновски - Год Ај Продукција. Музиката е на Тракер, Аранжман/Бит,микс и мастеринг на Иван Јованов - Ивајо. Таа е дива, нескротлива, таа е сензуална и секси, впечатлива, ексцентрична и со стил...Таа е се, само обична не. Запознајте ја убавицата Луна, вториот женски артист на Урбан Рекордс, чие време допрва доаѓа.. Веќе следната недела кога ќе биде и официјалната промоција на нејзиниот прв сингл „Мирисаш на куш“, а дотогаш уживајте во спотот што претставува како најава за тоа... „Иде Луна - дај „Гас“.

Младиот „Тракер“ е во љубовна „Неволја“ (ВИДЕО)

Антонио Димитриевски — Mon, 12 Aug 2019 09:51:18 +0000

Андреј Трајковски – Тракер го претстави видеото за својот нов сингл насловен „Неволја“, кој уште на прво слушање ветува, претендирајќи да биде летен хит.

Уште при првото промовирање во етерот, за помалку од 24 часа видеото собра над 30 илјади прегледи на Јутјуб што е добар знак и предуслов за успех.

Станува збор за авторско дело на самиот Тракер, а аранжманот, миксот, мастерингот и продукцијата се на Иван Јованов – Ивајо, додека видеото го реализираше екипата на продукцијата „Год-ај“ (GodEye Production), под режисерската палка на Гордан Божиновски.

„Мене ми е повеќе од јасно, јас дадов сè, а барав малку време, но веќе е касно. Не играш фер, а иста си ко мене, тоа ми е јасно. Сега како да те преболам? Знаев дека си неволја, не неволја“- пее музичарот во новата песна, а како изгледа и звучи сето тоа, дознајте во продолжение.