Не го запоставувајте детето поради телефонот, можни се лоши трајни последици

Слаѓана Атанасова — Thu, 27 Oct 2022 12:36:40 +0000

Паметните телефони се голем дел од човековото секојдневие, па лекарите предупредуваат дека тоа станува сериозен светски проблем. На пример, родителите кои ги игнорираат своите деца и минуваат доста време на своите паметни телефони, ги изложуваат децата на опасност од депресија, сметаат стручњаците. Кинески научници кои проучувале 530 ученици на возраст од 10 до 18 години за да видат дали се жртви на тој вид запоставување дошле до занимливи откритија. Имено, децата чии родители биле „опседнати“ со телефонот, покажале поголеми симптоми на депресија при пополнувањето на прашалникот од оние чии родители не биле често со мобилните в рака. „Запоставувањето од родителите е сè почеста појава, при што родителот го користи мобилниот телефон во интеракциите со своите деца, а тие се чувствуваат исклучени“, објаснуваат научниците во напис објавен во „Журнал“. Така, примерите за родителско запоставување вклучуваат „редовно“ проверување на телефонот за време на оброците и постојано гледање во екранот и известувањата на него. Кинескиот научен труд содржел и прашања за учениците, меѓу другото, и за рангирањето, по своите гледишта, за родителската топлина и отфрлањето. Лицата кои учествувале во истражувањето биле на возраст меѓу 10 и 18 години. Откритијата говорат дека родителите колку повеќе време минуваат со паметниот телефон в рака, толку е поголема веројатноста децата да развијат депресија или анксиозно нарушување. Односно, децата на родителите кои се „врзани за нивните телефони“ се чувствувале лошо, отфрлено и добиле помалку внимание од возрасните, за кои, пак, сметаат дека се повеќе заинтересирани за екранот, отколку да им посветат внимание ним, тврдат стручњаците. Извор: Курир.мк

Пејачката Инди излезе од болница и ја сподели првата фотографија од дома: „Битката заврши… преживеав, но доживотно ќе морам да примам инјекции“ (ФОТО)

Антонио Димитриевски — Wed, 22 Apr 2020 08:31:44 +0000

„Единствено што ме радува е што ја напуштив болницата после толку долго време и можам да кажам дека моето здравје е сега стабилно“ - ја започнува својата приказна пејачката. „Закрепнувањето сега е во домашна нега. Имам контрола за неколку дена. Ги слушам лекарите, се придржувам до сè што ми кажаа и што е потребно. Времето ќе покаже сè друго. Потребно е време за здравјето да ми се нормализира“ - Вели Инди. На прашањето дали ќе биде потребна понатаму уште некоја операција, пејачката вели: „Нема да има повеќе операции. Јас сум надвор од животна опасност. Битката заврши. Остатокот е заздравуваењ, што се сведува на прегледи, здрава исхрана, одреден начин на живот што порано никогаш не сум го водела. Оноа низ што поминав е рамно на пекол“ - се сеќава Инди и додава: „Останав без слезина, панкреасот ми беше повреден, и затоа до крајот на животот ќе морам да примам инјекции. Добив бајпас наместо намален желудник. Никогаш нема да го имам старото здравје што го имав пред да одам на операција, а сето она што се случи со мене, ќе го смени мојот живот трајно. Мојот организам е ослабен и прашањето е дали ќе можам да се вратам во мојата стара состојба“ - објаснува пејачката, која објави фотографија од закрепнувањето во својот дом и испрати силна порака: „Ќе биде добро, останете дома“, напиша Инди.

трајни последици – Вистина.мк

Не го запоставувајте детето поради телефонот, можни се лоши трајни последици

Пејачката Инди излезе од болница и ја сподели првата фотографија од дома: „Битката заврши… преживеав, но доживотно ќе морам да примам инјекции“ (ФОТО)