тоше – Вистина.мк

Тоше има само датум на раѓање: Музичкиот ангел денес ќе го славеше 43-от роденден

Антонио Димитриевски — Thu, 25 Jan 2024 08:03:29 +0000

Да беше жив, денес ќе го славеше 43-от роденден. Веројатно со голема роденденска торта... Но, колку и да е голема од неа за секој негов обожавател дали едвај ќе имаше по еден атом, а камо ли парче од колачот. Зашто обожавателите и почитувачите негови и на неговите песни и хумани дела ги има многу повеќе од атомите во парчето торта. Како и да е, тие не го заборавија. Можеби не можат со него да бидат физички, но затоа утехата ја најдоа во сплотеноста со неговите песни, неговиот ангелски глас... Вредност која не бледее. Како и сите хумани дела кои ги направи и ги остави зад себе! Затоа врската меѓу него и неговите „верници“ е а на ниво на верба во светец, во божество! „Армијата“, онаа неговата, се’ уште го следи, слави и чествува... А, во исто време жали и тагува што го нема. А сепак го има! Секој(а) од нив поединечно... И го чува само за себе! Кој во мислите, кој во срцето, во душата, во спомените, во песните... Ама не го забораваат! И се’ уште го сакаат! Затоа и го слават неговиот роденден! И тие и оние и овие... Сите ние! На денот на неговиот роденден секоја година во семејството во Крушево се подготвува прекрасна торта. Неговата омилена торта со вишни која сестра му Дори умее да му ја подготви. Но, ќе нема кој да ги дувне свеќичките со бројки. Ќе осамнат само воздишки, а ќе горат мноштвото запалени свеќи на неговото вечно почивалиште, како светилник на бесмртноста на ангелот од Крушево! Велат, ангелите не умираат... Веројатно! А, дали стареат, дали созреваат...? Само Бог знае. И најдобро е да остане така! Како што е најдобро таков, каков што го паметиме да остане и тој во нашите срца... Тој, нашиот ангел, нашиот Тоше! Вечно млад, убав, добар, ведар и насмеан... Со полни усни песна, хуманост, добрина и љубов за сите... Зашто сите и ги сакаше, а сите го сакаа и него! Тогаш, сега, засекогаш...! Тоше - денес 43, само како симболична бројка. Во суштина - бесконечност, вечност... Зашто Тоше има само датум на раѓање! Фото: Facebook/Dora Proeska/ YouТube принтскрин

Марија Луиса Тодоровска остана „(електро)шокирана“: EВН и скрати од бакшишот, ама не и од сексуалното задоволство (ФОТО)

Антонио Димитриевски — Wed, 24 Jan 2024 10:44:04 +0000

Македонската пејачка Марија Луиса Тодоровска откако добро се „нафатира“ за Новогодишните празници и деновите потоа, целокупното заработено материјално добро реши да го складира во посебна кутија... За рози! Зашто нивниот мирис Марија го обожава... Навика стекната на работа во кафеана! Арно ама, како што е редот, секогаш мора да има некое непишано правило, некој ѓавол кој ќе ти го поремети раатот, па така и на пејачката се најде некој што непланирано и чепна во кутијата без да ја праша за да и набере понекоја „роза од букетот“! Ова и тоа како ја изнервира битолчанката со скопска адреса, која повеќето од денот го преспива, а ноќта заради природата на работата ионака не е дома. Имено, иако власта и ЕВН најавија поевтина струја и помали сметки, но пејачката кога ја доби последната сметка за потрошена електрична енергија, доби алергија. Сумата беше со таков квантен скок, кој кај Марија Луиса предизвика „електрошок“! Откако онака шокирана и накострешена малку се присобра, зашто ЕВН решил „да ја изгаси“, фолкерката беше решена да не им премолчи! Мобилниот врака и ја фотографираше сметката која ја сподели на своите Инстаграм приказни, на кои реши струјаџиите да ги казни со тоа што јавно ги прозва и им се закани: „Алооооо ЕВН, дали сте нормални јас сама да потрошам толку струја не е реално“ - ги прозва и вербално оние што се обидо да и „брцнат во џебот“ и безобразно да и чепнат од заработката на Марија Луиса Тодоровска. Сепак, сексапилната убавица реши уште еднаш да се преиспита за да утврди кој уред најмногу и троши?! Кој од домашните апарати е најголем потрошувач, па тргна од чиста логика дека најмногу би требало да троши оној уред, кој најмногу го употребува. Марија не е по готвењето, па секако не е шпоретот, фрижидерот не е голем потрошувач, бојлерот можеби, ама не во толкави количини... И тогаш и текна! Она што најмногу го користи од сите можни уреди е нејзината замена кога маж и недостига. Неговата замена во вид на играчка за слатки задоволства во секоја прилика и секое ќоше, нејзиниот силиконски пријател кого си го вика Тоше! Но Марија Луиса само што помисли, веднаш сфати дека попусто се расфрла со „грешни мисли“ за сметка на нејзиниот најдобар силиконски „интимен пријател“, кога тој всушност струја и не користи, туку своите „неограничени можности“ ги напојува со батерии! Така што EВН на Марија Луиса можеби и скрати од бакшишот, ама не и од она најслаткото, сексуалното задоволство! Фото: Инстаграм/luisa.todorovska

Марија Луиса Тодоровска призна дека обожава киндер јајца: И тоа најмногу заради играчката, иако онаа за возрасни, ниту една друга не може да и ја замени! (ВИДЕО)

Антонио Димитриевски — Sat, 04 Nov 2023 07:54:16 +0000

Не е тајна дека македонската фолкерка Марија Луиса Тодоровска е голема мераклика на играчки. Тоа уште еднаш го потврди откако седна на „Жешкото столче“ да одговара на незгодни прашања. Така, јавноста откри дека од играчки сепак и се најслатки оние со чоколаден вкус. Затоа Марија Луиса Тодоровска и обожава киндер јајца. Додуша чоколадната содржина баш и не ја јаде, ама затоа штом дојде до играчката и се радува како мало дете и не ја испушта од рака. И така правејќи го тоа со години, пејачката стекнала навика без играчка да не може да заспие. Ама, како врват годините, се менуваат и навиките, а Бога ми и желбите и потребите, па страста по играчки кај пејачката „еволуирала“. Од играчки скриени во слатки киндер задоволства, во играчки за возрасни... За уште послатки задоволства кои страсно се доживуваат! Така Марија Луиса дојде до својот „Тоше“ кој секогаш кога има неописива потреба и се наоѓа, верно чекајќи ја во некое ќоше! Со него си игра пред и после спиење, понекогаш за време на капење... Со него нежно се гали и милува, неретко му зборува, знае да му се налути и скара кога на најслаткото ќе му откажат батериите, па дури знае со него и да вечера. Дека е тоа така Марија Луиса Тодоровска потврди со доказ вид на фотографија. На неа чаша бело вино и романтична вечера за двајца. До душа, Тоше покриен за да не му го откријат идентитетот, ама затоа и тоа како подготвен за сетот... Оној што во вид на „жешка акција“ следува по романтичната вечера со неговата љубовница. Колбасите се сепак само дел од порцијата иако можеби некој помисли дека би можеле да бидат и мала увертира за главното шоу. Впрочем, во игрите за возрасни за пејачката нема ништо спорно, зашто Марија Луиса својата играчка умее да ја „конзумира одговорно“! Затоа и после завршувањето на секоја игра играчката оди на миење, а Марија со насмеано лице, задовол(е)на оди со селфи на спиење! Фото: Инстаграм/luisa.todorovska

Марија Луиса Тодоровска покажа како изгледа „блиска средба“ на баба и’ со нејзиниот „љубовник“: „Кога баба ќе го најде Тоше…“ (ВИДЕО)

Антонио Димитриевски — Sat, 07 Oct 2023 07:05:07 +0000

Пејачката Марија Луиса Тодоровска е една од ретките на естрадата, која покрај се' друго, знае да биде и баеги чешита... И тоа со шеги на своја сметка! Таа неодамна во подкастот на Лазаров отворено призна дека во моментов не е во серизона врска, нема момче, ама затоа има достојна алтернатива. Пристојна замена за секоја прилика… Секс играчка за слатки задоволства, што кога е во прашање Марија Луиса, можеби и никого не изненадува. Ама затоа сите „паднаа од смеа“ кога слушнаа дека „интимниот пријател“ за „прва помош“, пејачката си го крстила Тоше! Можеби токму затоа што секогаш може да и се најде при рака и да и заврши работа зад секое ќоше?!

View this post on Instagram

A post shared by Lazarov Podcast (@lazarovpodcast)

Како и да е Марија Луиса беше чесна и отворена, па не криеше дека не е лишена од слатките еротски задоволства и покрај тоа што официјално е соло! И откако сите дознаа кој е и што е Тоше, Зоки Фаци отиде чекор понатаму, па дури и покажа како овој Тоше на Марија и изгледа! А и како е спакуван, пред и после употреба! Арно ама пејачката не би била тоа што е, да не знае сите да ги насмее, па по првото и второто, приказната ја продолжи и во „трето полувреме“! Имено, Марија Луиса на своите Инстаграм приказни покажа и објасни како изгледа и што се случува кога ќе дојде до случајна „блиска средба“ помеѓу баба и' и нејзиниот „силиконски љубовник“. Или поточно, кога баба ќе го најде Тоше... Кој Марија од брзање после „љубовната сеанса“ случајно заборавила да го спакува на свое место и заминала на туширање... Откако Тоше претходно веќе бил „на вистинското место“... заради уживање! Секако, сето ова само како претпоставка, ама сепак... Прикажаната „симулација“ веројатно не би била многу поразлична од реалната ситуација! Фото и видео: Инстаграм/zokifaci/lazarovpodcast/luisa.todorovska

Исполнета желбата на Тоше: Осветен манастирот Свето Преображение Господово во Крушево

Антонио Димитриевски — Mon, 25 Sep 2023 12:20:52 +0000

Манастирот после долги години градба ја достигна состојбата да биде осветен. А најзаслужен за подигањето на целиот манастирски комплекс е македонската музичка легенда Тоше Проески. Во присуство на голем број верници од Крушево и земјава осветувањето на манастирската црква го изврши Неговото Блаженство, Архиепископот охридски и македонски г.г. Стефан во сослужение на повеќе Архиереи на Македонската Православна Црква – Охридска Архиепископија. Се претпоставува дека манастирот „Свето Преображение“ во близина на Крушево е изграден помеѓу 11 и 13 век, а потоа бил изгорен. Луѓето кои работеле на неговата доизградба велат дека никој од крушевци не знаел дека на тоа место има манастир, сè до седумдесетите години од минатиот век, кога Никола Проески, татко му на Тоше, заедно со ловџиите, наишле на темелите на светиот храм. Додека ја поминувале падината, наишле на една височинка во која било направено провизорно камарче од камења. Од едната страна имало стари пари, а од другата – место за палење свеќи. Никола, кој тогаш работел во стакларницата во Крушево, направил стаклен крст и го оставил како обележје на тоа свето место. Мештаните од село Селце кажуваа дека на празникот Преображение од тоа место навечер се појавува голема светлина која оди кон нивното село и кон Арилево. Тогаш откривме дека таму се темелите на „Свето Преображение“ – вели еден крушевец и дополнува дека според кажувањата Тоше Проески бил единственото дете на петгодишна возраст кое доаѓало кај манастирот и кое помагало. Во 1986 година крушевчани решиле да почнат со изградбата на манастирот. Невремето, непроодниот пат, височините, не биле пречка вљубениците во Бога и големите верници да придонесат во неговата изградба.

Марија Луиса Тодоровска призна дека нема момче, ама затоа има добра замена за слатки задоволства… И си го вика Тоше! (ФОТО+ВИДЕО)

Антонио Димитриевски — Mon, 18 Sep 2023 09:42:32 +0000

Македонската фолкерка Марија Луиса Тодоровска по сите обврски најде време да биде гостинка во најгледаниот подкаст в моментов, во шоуто кај водителот Стефан Лазаров и неговиот „асистент“, Зоки - Фаци! Разбирливо, од плејадата скокотливи прашања на кои „без влакна на јазикот“ им одговараша Марија, следуваше и едно од оние, дали некогаш одглумила „лажен оргазам“, на што пејачката „како од пушка“ кажа - „одговорот е ДА“! Но, она што ги интересираше и домаќините и гледачите е дали Марија на толку провокативен изглед и толку многу контакти со различни луѓе заради природата на професијата пејачка, има момче? Фолкерката им одговори дека нема сериозна врска и во моментов нема момче, ама затоа има достојна замена... Зоки - Фаци потенцираше за што се работи, а Марија потврди. Секс играчката која ја поседува и е добра замена за слатки задоволства, што кога е во прашање Марија Луиса, можеби и никого не изненадува. Ама затоа сите „паднаа од смеа“ кога слушнаа како „интимниот пријател“ за „прва помош“, пејачката си го крстила. Верувале или не, нејзината секс играчка се вика Тоше! Можеби токму затоа што може да и се најде во секоја прилика, и да и заврши работа зад секое ќоше?!

View this post on Instagram

A post shared by Lazarov Podcast (@lazarovpodcast)

Како и да е Марија Луиса призна во најгледаниот подкаст дека никако не е „осмена“ кога ќе посака да сподели страст! Не мора ни да повика или побара помош од пријател, зашто секогаш тука при рака и е нејзиниот „интимен помагател“! Арно ама, Зоки - Фаци наредниот ден отиде чекор подалеку... Тој на своите Инстаграм приказни покажа како изгледа Тоше на Марија Луиса, како и неговото пакување... До душа, ни Фаци ни Марија практично не го демонстрираа упатсвото за ракување! Фото: Инстаграм/zokifaci

Григор Копров за Тоше: „За него бев Господ, а ми дојде со потпишан договор со други“ (ФОТО)

Антонио Димитриевски — Wed, 01 Mar 2023 07:57:25 +0000

Григор Копров е еден од најпознатите и најтрофејни македонски поп композитори. И според бројот на песните, хитовите и според бројот на освоените награди во и надвор од македонија. Работел со многу познат ѕвезди како: Маја Оџаклиевска, Тоше Проески, Владо Јаневски, Марјан Стојановски, Мартин Вучиќ, Каролина Гочева, Андријана Јаневска... Toj во емисијата „1 на 1“ кај водителот Жарко Димитриовски раскажа за прв пат како дошло до соработката и прекинот на истата со Тоше Проески. „Ова по првпат го зборувам јавно, дојдоа двајцата и јас му се обраќам на татко му Никола. Јас одлучив уште пред да дојдат дека ќе го земам. Му веламм: Никола, ова е дете јас со тебе разговарам, во вашите фамилијарни работи јас немам намера да се мешам, но единствен услов јас да му ја водам кариерата негова што се однесува до музиката. Ова е единствен услов, јас ќе инвестирам во него, ќе правиме се што треба. Па вие Копров сте Господ Бог, ова она, се изгушкавме... и дојде првата песна „Усни на усни“ – лудница во државата. Втората, „Сонце во твоите руси коси“, третата „Бакнежи“ и се дотука и тука застанувам. За понатаму имам што да кажам, но сега не“ - раскажа Копров и продолжи: „И со овие три песни го молам Владо Јаневски кој правеше промоција, на своите концерти низ Македонија како најголема ѕвезда во моментот да го земе Тоше да нстапува пред него... И го зеде. Тоше со три песни речиси подобро поминуваше отколку Владо. Ми се јавува Владо од Прилеп и ми вика: Абе ти го контролираш детево? Зошто бе Владо? Па вели, сака да потпише татко му договор. И дојде во саботата во Универзална со потпишан договор, а пред тоа Господ бев за него“ - раскажува Копров, пред да заклучи: „Морам да кажам... Авалон му ја водеше кариерата фантастично. Го имаа како свое дете, но се' се промени со Лиља“ - заклучува Григор Копров.

Камерниот оркестар од Битола со два концерти во чест на Тоше Проески и Пепи Бафтировски: „Засекогаш во срцата“

Антонио Димитриевски — Mon, 20 Feb 2023 13:18:54 +0000

Два концерти во чест на нашите безвременски пејачи Тоше Проески и Пепи Бафтировски ќе одржи Камерниот Оркестар на Битола IW конект под насловот „Засекогаш во срцата”. Заедно со Камерниот оркестар хитовите на Тоше и Пепи ќе ги изведуваат: Бојан Маровиќ, Викторија Лоба, Ламбе Алабаковски, Димитар Андоновски, Александра Јанева, Бојан Стојков, Сефедин Бајрамов, Сара Гигова, Марија Митровска и Марија Цветановска. Концертите се закажани за 24-ти и 25-ти февруари во 20:00. Билетите се во продажба од понеделник (20.02) во 11:00ч. Продажбата е ограничена на четири билети по човек.

Стихови од Тоше на собраниската говорница: „Не кажа збор, молкот е одговор“ (ФОТО)

Антонио Димитриевски — Wed, 15 Feb 2023 13:51:24 +0000

Стихови од песната „Немаш ни благодарам“ искористи пратеничката од редовите на ВМРО-ДПМНЕ, Дафина Стојаноска. Таа имаше збор на собраниската расправа за реконструкција на Владата а стиховите ги искористи да упати критики кон премиерот Димитар Ковачевски и министерот Сали.

„Ќе го цитирам нашиот Тше Проески: Не кажа збор, молкот е одговор. Отсуството на премиерот е одговор дека овде нешто не штима. Овде се избираат нови членови во неговата влада“ - кажа помеѓу останатото Стојаноска.

Сличен случај имаше минатата година во Србија, кога српски пратеник ја искористи познатата песна на Маја Беровиќ, „Ти луташ бебо“ за да го критикува претседателот Вучиќ. Оттаму се поствува прашањето, кај нас што е следно? Која песна? Во најтесен избор се: „Оди си“ од Драган Мијалковски, „Сега јас си заминувам“ од Јован Јованов, а Бога ми и „Пада влада“ од Бајага!

Каролина на доделувањето на МАЦ наградите: „Сè уште не се појавил некој што ќе го надмине Тоше“ (ВИДЕО)

Антонио Димитриевски — Thu, 26 Jan 2023 08:36:02 +0000

Македонската поп-пејачка Каролина Гочева вчера, среда, 25 јануари 20223 год. настапи на годинешното доделување на регионалните музички награди „Music Awards Ceremony“ (МАС). Непосредно пред започнувањето на настанот, таа одвои време да одговори на дел од новинарските прашања во врска со нејзините музички планови и приватниот живот. Со оглед на тоа што вчера се навршија 42 години од раѓањето на нашата најголема музичка ѕвезда Тоше Проески, новинарите не ја пропуштија можноста да ѝ постават прашања и за него. Каролина и Тоше паралелно почнаа да ги градат нивните музичките кариери кон крајот на деведесеттите години на минатиот век, кога беа и блиски соработници и ексклузивци на продукцијата „Авалон“ и ја снимија заедничката дует балада „Немир“. На прашањето дали во меѓувреме се појавила некоја личност која ќе може да го замени Тоше, Каролина кратко одговори – НЕ! „Слободно можам да кажам дека сè уште не се појавил некој што ќе го надмине и не верувам дека некој од тој калибар ќе се појави во скоро време. Ние сме среќни што го имавме“, изјави Каролина. Исто така, пејачката сподели дека често патува во Крушево и дека одржува контакт со семејството и пријателите на Тоше. На прашањето дали некогаш ќе се повтори некоја дуетска песна како „Немир“, таа одговори дека „најверојатно, таков дует – не, но дека би сакала да сними нешто слично“.

View this post on Instagram

A post shared by ⬆⬆🔝Zapratite🔝⬆⬆ (@srbija_showbizz)

Фото и видео: Инстаграм принтскрин/karolinagocheva/srbija_showbizz Извор: Слободен печат