топи – Вистина.мк

Елена Миленковска се топи… што од среќа, што од вишок килограми (ФОТО)

Антонио Димитриевски — Fri, 24 Jul 2020 06:58:16 +0000

Македонско-српската „Гранд“ брачна двојка Елена Миленковска и Гуте Маринковиќ уживаат во улогата на родители, во која за прв пат неодамна се остварија, кога „штркот“ на свет им го донесе нивното синче, Максим. Со секоја нова објава на социјалните мрежи станува јасно дека сега светот се врти околу малиот наследник, кој е главна преокупација на двајцата млади пејачи, особено на Елена, која речиси целото време му го посветува на својот син, додека Гуте е тој што мора да обезбедува егзистенција за семејството, настапувајќи на ноќните свирки по кафулињата, клубовите, дискотеките, по некоја свадба или друг вид забава... Иако сето тоа со огромна доза на страв заради корона епидемијата која беснее насекаде низ светот, а особено изразена е и на Балканот. Сепак, секој слободен миг младото семејство го користи за да го мине заедно, а на задоволството и среќета во тие моменти им нема крај. Впрочем, има ли нешто поубаво код тоа кога љубовта ќе ја крунисаш со брак, а заедничкиот живот збогатиш со потомство кое го исполнува секој дел од тебе и твојата душа? Не случајно рекле: „Цело е кога имаш се'“! Токму затоа среќните родители, особено мама Елена на секоја нова фотографија со малиот Максим се гледа дека „се топи од среќа“, а секој нов, за неа важен датум посебно го одбележува, како оној на пример, кога нејзиното синче ги наполни првите 40 дена. https://arhiva.vistina.com.mk/radio-mileva/elena-milenkovska-za-prvpat-go-pokaza-licenceto-na-sinot-maksim-foto/ Но, бременоста со себе освен среќа носи и некои други нешта, што природно и логично одат во пакет со неа, па после породувањето некому му остануваат и стануваат товар кој мора да се симне... Како вишокот килограми, на пример. Така, среќната мајка Елена Миленковска, покрај мајчинските обврски и љубовта кон синчето која ја „топи од среќа“, наоѓа време и за „топење на вишокот наслаги“, оставштина од бременоста со Максим. И додека тато Гуте го чува синот менувајќи ја мама Елена кога треба да му смени пелена, пејачката ја прави една од најдобрите работи кои секоја жена по породувањето може да ги направи за своето здравје, како што самата вели, а тоа е физичката активност! Патики и спортски хеланки на себе и правец Кошутњак... Или некој од поблиските паркови во маалото, па тренинг, трчање и фитнес за топење на салото. Килограмите лесно се ставаат, а тешко се губат, но упорноста и истрајноста е она што ја краси Елена, па затоа навиката физички да биде активна е составен дел од нејзиниот живот. Впрочем, пејачката добро знае што значи да имаш зацртана цел! Ако можеше од Скопје да стигне до Белград и ѕвездите на „Гранд продукција“, зошто да не може да го симне вишокот килограми и набие кондиција?! Елена покажа дека за многу нешта има „слух“, па и за старата добро позната: „Во здраво тело, здрав дух“!

Карлеуша знае како да (ви) освежи душа: Во нејзината уста, сладоледот сам се топи, а од погледот на неа, ќе се стопите и вие (ФОТО)

Антонио Димитриевски — Sat, 11 Jul 2020 07:41:14 +0000

Нов ден - нова провокација на белградската „скандал дама“, која не можејќи да ја поднесе пеколната жештина, ја употреби сета своја вештина за да се разлади. Јелена Карлеуша едвај дочека да најде малку време за да се испромовира и себе си и своите нови костими за капење, па така разголена во мини бикини во различни живи бои, направи мини фотосесија. Светло зелената комбинација е за спорт и релаксација: Мини бикини и спотски патики во истиот колорит и девојката со точакот е подготвена за првиот велосипедски спринт. Остана само дилемата дали со таков „заден потенцијал“ просторот за седење не е премал, ама Карлеуша е искусна дама, па ќе знае да се снајде, како „задното обло тежиште“ да го смести на минијатурното велосипедско седиште. По возењето со велосипедот следува промена на испотениот костим за капење во нова боја: Розова комбинација за релаксација и освежување крај шанкот. Шмекерска поза во која не знаеш каде попрво да гледаш: Дали во голите гради што срамежливо ѕиркаат од белата сечена маичка на естрадната уметничка или таму каде што е “најрозе“ - во пределот на препоните на нејзините долги нозе?! А кога велосипедот и „шанкирањето“ ќе ти здосадат, доаѓа ред за еден добар сладолед... на стапче! Овој пат во комплет со нова, тиркизна ултра мини - бикини комбинација, за дополнителна еротско-модна провокација. И додека мечтите сами се нижат, а адреналинот неповратно расте, русокосата продолжува задоволно да се разладува и насладува. Впрочем, Карлеуша знае како да (ви) освежи душа. Во нејзината уста, сладоледот сам се топи, а од погледот на неа, ќе се стопите и вие.

Ирена Спасовска покажа три работи: Како ги „товари“, а како ги топи килограмите и со кого го пие најслаткото кафе (ФОТО)

Антонио Димитриевски — Fri, 18 Oct 2019 08:19:52 +0000

Македонската фолкерка Ирена Спасовска навистина доживува трета младост. Откако (барем официјално) остана слободна и без обврски во љубовта, тргна да го живее животот „од почеток“. Настапите, снимањата, гостувањата по медиумите останаа нејзина вообичаена професионална обврска, но останатото време русокосата пејачка реши да си го посвети - себе си! Но, некои навики што одат рака под рака со професијата, стекнати од пеењето по кафеаните и рестораните каде со години се „вади лебот“ тешко се одвикнуваат. Впрочем фолкерката покажа како тоа изгледа кога газдите ќе ти принесат полна маса задоволство. Да одбиеш не смееш - ќе трпи работата, да одолееш - не можеш, да не трпи душата! А пуста душа, рани ја да те слуша, за да можат потоа да те слушаат и другите како пееш! Арно ама, таквата навика му штети на здравјето, на убавината и конечно на професијата, зашто од пејачката се бара не само да има добар глас, туку и манекенски стас. А кога имаш тело-вретено и во љубовта желбите ти се исполнуваат и повеќе од што е ветено. Зато Ирена, откако решеи да сврти нов лист во животот, реши да ги промени и навиките: Навечер на пеење во кафеана, преку ден на вежбање во теретана. Малку вежби за раце, малку за нозе, со мали тегчиња, бицепс, трицепс... За гради вежби до душа и не треба - дала мајка природа... И за некое време еве ја фолкерката како нова. Стопена во струк, преполовена во тежина, со што дополнително и доаѓа до израз она со што природата најмногу ја надарила. Затоа сега Ирена може слободно да се соблече пред фотообјективот без страв дека ќе покаже вишок... Освен, она што се подразбира, ама тоа ниту се топи ниту се намалува... Може само да и зацврснат! Меѓу вежбањето и работата, останува време и за релаксација и опуштање. Особено ако е во друштво на најсаканата личност, со кафенце и муабет... Ама не е тоа што некој веднаш ќе помисли. Не е во прашање ТОЈ туку ТАА... Ирена Спасовска во друштво на нејзината ќерка Тамара со која, какако што самата вели, и е најслатко пиењето кафенце. Особено ако барменот те бендисува, па кафенцето ти го подготвил така што додека си мета на љубопитните погледи и другите со „очи те пијат“, ти можеш „да се испијеш“ самата себе си. А и не мораш да превртиш шолја за некој да ти гледа... Зашто можеш и сама да се видиш во неа!