топчиња – Вистина.мк

Ситни колачиња на стапче кои се јадат во еден залак: Топчиња со кафе и чоколадо (рецепт)

Слаѓана Атанасова — Tue, 15 Nov 2022 13:04:40 +0000

Послужете ги како мали колачи на славата. Комбинацијата на кафе и чоколадо е нешто што дефинитивно излегува добро. Состојки: 600 мл млеко 50 гр шеќер 40 гр пченкарен скроб 60 гр млеко во прав 200 гр стопено чоколадо 60 мл кафе Подготовка: Во сад измешајте ги млекото, шеќерот, пченкарниот скроб, млекото во прав и кафето. Гответе на тивок оган додека смесата не стане густа. Оставете да се излади и изблендирајте. Префрлете во силиконско тавче за мафини во форма на полукругови и замрзнете 2 часа. На едните половини од топчињата ставете стапчиња од сладолед, а на другите половини малку од смесата и залепете за да формирате топче. Замрзнете уште 1 час. Секое топче потопете го во растопеното чоколадо и замрзнете уште 30 минути. Извор:Курир.мк

Рецепт за топчиња од компир: Кога ќе ги пробате, веднаш ќе ги снема од масата!

Слаѓана Атанасова — Fri, 15 Apr 2022 12:00:42 +0000

Солените топчиња се исто толку вкусни како и слатките, а гостите ги обожаваат. Одлично предјадење кое можете да го послужите на празнична трпеза со домашна сланина и сирење. Топчињата се вистинско уживање за грицкање, а доколку не сакате да го апсорбираат вишокот масло, прочитајте што треба да направите. Мезе кое лесно се прави и гостите ќе бидат воодушевени. Состојки: – 4 компири – 1 лажица оризово брашно – 1/2 лажица пченкарен скроб – 40 гр рендано сирење – 1 кафена лажичка сол – сусам Подготовка: Излупете го компирот и варете го 20 минути. Процедете, па додадете го оризовото брашно, скробот, сирењето и убаво измешајте. Формирајте топчиња, па натопете во вода, па потопете во сусам. Се пржи во масло.

Солени и посни: Сочни рибни ќофтиња кои ќе ги сакаат и децата

Слободанка Илиева — Wed, 16 Mar 2022 13:50:47 +0000

Велигденските пости се во тек, па сите кои се придржуваат до традициите и христијанските обичаи се трудат да си ја прилагодат исхраната. Големата заблуда е дека посната храна е монотона, невкусна и слично. Со малку труд секоја посна храна може да се претвори во вистински вкусен ѓакон во кој сите ќе уживаат. Еден од таквите деликатеси се ќофтињата од риба, кои одлично се комбинираат со салата од компири или со посен пребранац. Состојки: – филети од сом или ослич, 1,5 кг – чадени филети од сом, 200гр. – ориз, 400 гр – праз, 1 половина – кромид, 1 глава – лук, 5 чешниња – пиперка, 1 лажица масло – сода бикарбона, половина кафена лажичка – презла, 5 лажици – сол, бибер, зачин Подготовка: Кромидот и празот исчистете ги и ситно исечкајте ги и пржете ги во масло и малку вода. Филетите од риба, чадени и свежи, исечкајте ги и мелете во блендер или мелница за месо. Сварете го оризот. Кога ќе биде готов, исцедете го и истурете го во сад, во кој ќе ставите и мелена риба, зачини, пржен кромид, како и сечкан лук, пипер, презли и сода. Додадете зачини по желба и месете ја смесата со рака, додека не се соединат сите состојки. Оставете го во фрижидер два часа, а потоа со малку подмачкани раце обликувајте ги ќофтињата, виткајте ги во презла и пропржете ги на масло. извор:попара.мк

Брз десерт: Неодоливи топчиња кои се топат во уста

Слободанка Илиева — Thu, 16 Apr 2020 12:35:10 +0000

Брзо и лесно подгответе неодолив десерт…

СОСТОЈКИ:
200 гр шеќер во прав
200 гр мелени ореви
1 лажица мармалад
1 белка
2 лажици рендано чоколадо
овошје од слатко
50 гр путер за глазура
50 гр бело чоколадо за глазура
50 гр млечно чоколадо за глазура
лешници или ореви за украсување

НАЧИН НА ПОДГОТОВКА: Измешајте шеќер со мелени ореви, додајте мармалад, белка и чоколадо. Од оваа маса правете топчиња и во средина ставете овошје од слатко. На пареа растопете путер со бело и млечно чоколадо. Секое топче набодете го на чепкалка, потопете го во глазура и од горе украсете со по еден лешник. Уживајте! извор:готви.мк

Марјана Станојковска знае дека на допир, квалитетот се препознава: Нема „топчиња“ што не и лежат в рака! (ФОТО)

Антонио Димитриевски — Wed, 04 Sep 2019 08:00:14 +0000

Марјана Станојковскае позната како манекенка, модел, инфлуенсерка, ТВ водителка, лото девојка... Секогаш подготвена на предизвици, таа со Лила, Љупка Митрова, Лоба и можеби уште по некоја Македонка од јавниот живот, е најекспонираната кога се во прашање рекламите на разн-разни кампањи, брендови, производи... преку социјалните мрежи.

Марјана едноставно секој ден на Фејсбук и Инстаграм има да ви понуди нешто ново. Секако проследено со провокативни фотографии на русокосата убавица, која од костими за капење, козметика, безалкохолни пијалоци, ги изненади сите кога се фотографираше во пиљара со еден од најпознатите македонски земјоделски брендови в раце - црвен домат!

Очигледно мераклика на доматен сос за паста која тргна самата даги подготви, водителката најпрвин сврати самата и да си ги одбере патлиџаните! Можеби некому му изгледа необично, ама ништо нека не ве чуди, зашто кој тоа има поголемо искуство од македонската лото девојка со држење на топчиња в рака?

Добро овие не се добитни по џебот, ама сепак се добитна комбинација по здравјето. Зашто летно време овошјето и зеленчукот се најздравото нешто што можете да си го приуштите, се разбира за не така скапи цени. Останува само изборот...

А кога е изборот во прашање, Марјана е експерт за вистински избор. Зашто нема топчиња што не и лежат в рака... Па макар тоа биле и свежи домати! Впрочем, лото девојката добро знае дека не само на око, туку најмногу на допир квалитетот се препознава!

Станија на тенис: И зовреа хормоните, па реши да ги проветри силиконите! (ВИДЕО)

Антонио Димитриевски — Tue, 10 Jul 2018 10:35:46 +0000

Тенискиот турнир во Вимблдон, кој важи за неофицијално светко првенство кога е „белиот спорт“ во прашање е во полн ек. Ѓоковиќ, Федерер, Надал... ги „растураат“ своите противници, ама растура и таа... Српската старлета Станија Добројевиќ и тоа директно од Мајами.

Голем тениски турнир има и таму, ама тој веќе се случи кон крајот на март годинава. Затоа пак Станија, како поддршка на Вимблдон, го зеде рекетот в рака, па го грабна тениското топче за да покаже колку е умешна.

А дека ја бива - ја бива... И за на тенис, а и со топчињата умее да се справи. Дека е извежбана, веднаш се препознава по фатот... на топчињата! Како добро го држи рекетот, покажува на постираното видео.

A post shared by STANIJA DOBROJEVIĆ (@stanijadobrojevic) on Jul 8, 2018 at 3:56pm PDT

А Мајами, како Мајами, има големо испарување од океанот, неподнослива влага и спарина во воздухот, па старлетата си ја поткрена тениската маичка за да не се запоти... На Станија почнаа да и вријат хормоните, па реши да ги проветри силиконите!

А кога се умори од тенисот, старлетата го батали рекетот, па се фрли на креветот... Меѓудругото, за да го проветри и она... другото!