тони михајловски – Вистина.мк

Тони Михајловски беше гостин кај Лазаров: Актерот за малку ќе направеше на јутјуберот „да му се одмили“ сексот (ВИДЕО)

Антонио Димитриевски — Mon, 17 Apr 2023 08:27:41 +0000

Во последното подкаст издание пред големиот христијански празник Велигден, на гости во неговото јутјуб шоу на Стефан Лазаров му дојде актерот и исто така некогашен ТВ водител, Тони Михајловски. Кумановецот со скопска адреса на живеење е мошне интересна личност, па така Тони има многу што да каже и раскаже на различни теми. Случки и збиднувања колку сакаш, од професијата, преку политиката до приватниот живот и тоа кажани онака како што само Тони - „Шанац“, како што му е прекарот на познатиот глумец, може да ги раскаже. Или што би рекле куп прикаски од партиските кујни, преку филмот и театарот до марихуаната и кафеаната. Но, она што за момент го извади од „патки“, да не речеме од „гаќи“ младиот јутјубер, беше нешто сосема друго. Вечната тема по која сите копнееме, за која сите живееме, без која не можеме, која прави луѓето или да се довека вљубени или преку ноќ разведени... На сите нам потреба, задоволство, некому до душа и професија или како што велат „занает“ и тоа најстар на светот... Се' на се', во прашање е сексот, кој ставен во контекстот кој Тони му го наметна на Лазаров го остави јутјуберот „подзинат“, ама овој пат поучен од скорешното искуството - „со затворена уста“! Имено, кога дојде на ред муабетот да отиде во насока за машко - женските односи (во секој смисол), глумецот го шокираше јутјуберот со изјавата за своето прво сексуалнио искуство. „Добро што правиме со тоа што моето прво сексуално искуство е со постара девојка која ме силуваше?“ - го изненади со прашањето Тони затечениот Лазаров кој вчудовиден праша: „Тебе? Добро на страна смеењето, како тоа те силувала?“ „Така како што жена знае да силува маж, не е ни прв ни последен случај во животот“ - му врати Тони. „Добро, силување... значи дека не си сакал“? - праша „мртов сериозен“ јутјуберот, поучен од искуството дека „кога ќе се изгориш на млекото, ќе дуваш и на јогурт“, внимавајќи да не го окрка по втор пат на ист штос, па обвинението да не му се дуплира!? „На сила“ - му одговори Тони... па по една -две секунди додаде: „Се шегувам, ама што би било да беше така“? - по што и Лазараов и Тони прснаа во гласна смеа, откако на јутјуберот „му падна камен од срце“, зашто Тони Михајловски за малку ќе направеше на Лазаров „да му се одмили“ сексот... до крај на животот! Погледнете го моментот кога Тони Михајловски го „смрзна“ својот домаќин Стефан Лазаров, во неговиот сопствен подкаст:

View this post on Instagram

A post shared by Stefan Lazarov (@_lazarovv)

Фото и видео: Инстаграм/lazarovpodcast

Тони Михајловски: Куманово директор на водовод има, денес вода – нема… Многу нетуширани ќе има низ град

Антонио Димитриевски — Tue, 31 Aug 2021 12:38:56 +0000

Кандидатот за градоначалник на Куманово, актерот Тони Михајловски со „егзактен пример“ покажа зошто решил да се се кандидира за градоначалник на неговиот роден град на претстојните локални избори. Тони се пожали дека од изутрина цело Куманово немало вода и оти денеска ни кафе, ни во тоалет... Само ќе има многу нетуширани низ градот. Еве го неговиот фејсбук статус:

Забавно-музичкото ТВ шоу “Опуштено” одново на ТВ Алфа

Антонио Димитриевски — Mon, 01 Mar 2021 13:33:44 +0000

На националната ТВ „Алфа“ одново стартува забавно-музичкото ТВ шоу “Опуштено”, кое што своевремено се емитуваше на неколку различни телевизии, како поранешната А1, Сител, МРТ1. Емисијата беше една од најгледаните, посебно кај помладата публика. За разлика од тогаш кога „Опуштено” беше препознатлива по водителите Тони Михајловски и Део, после пет години пауза во новата сезона гостите ќе ги пречекува и публиката ќе ја забавува само Тони со музичка поддршка на сајзеристот Славиша Кибровски и пејачката Нина Јанева. Со поинаков концепт, оваа позната и популарна емисија гледачите ќе можат да ја гледаат на Телевизија Алфа секој петок со почеток од 22 часот и 30 минути.

„Секоја чест“: Сашко Коцев и Гораст Цветковски приредија уникатно новогодишно изненадување во домот на Тони Михајловски (фото)

Слободанка Илиева — Tue, 31 Dec 2019 08:13:50 +0000

Актерите се оние кои најумежно знаат да одглумат некој лик, а тоа особено добро го направиле ако им го привлекле вниманието на децата. Сашко Коцев и Гораст Цветковски се махери во својата работа, но овој пат наместо на сцена или пред камера, улога имаа во домот на колегата Тони Михјаловски. Сигурно веднаш се запрашавте што ли снимале овој пат и каква ли идеја им паднала на памет, а идејата им беше и повеќе од одлична. Имено тие секоја Нова Година одат во домот на колегите маскирани во духот на празниците, Гораст како џуџе, а Сашко како Дедо Мраз. Изненадувањето беше за помалото синче на Тони кому му донесоа пакетче, го забавуваа и секако муго направија ќефот на тато. -Тати ќе дојдат Сашко и Гораст вечерва. Дедо Мраз и џуџето? Јееее.. И доаѓаат секоја година кај децата на своите колеги. Секоја чест и големо Благодарам, пишува Михајловски во описот на заедничката фотографија на синот со џуџето и Дедо Мраз. Во коментари се надоврза Весна Микиќ, инаку сопруга на актерот Александар Микиќ која вели дека близнаците Иво и Ена биле шокирани од посетата кога виделе кој им дошол на гости. Навистина, секоја чест за Сашко и Гораст кои издвоиле време да ги растрепат детските срца во овој магичен период и да ги посетат домовите на колегите. Кој може да се пофали со вакви колеги и другари?

„На мојата мајка…“ Тони Михајловски за првпат и со повод ја покажа мајка си Благородна (фото)

Слободанка Илиева — Mon, 08 Apr 2019 07:08:01 +0000

Нашиот познат актер Тони Михајловски кога има повод не се штеди на социјалните мрежи да открие по некој детаљ од приватноста и неговите најсакани. Овој пат, на својот профил за првпат ја покажа мајка си, а причината беше денот на мајките – Благовец, наедно и нејзиниот именден. Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание. Тони не пропушти да ја посети својата мајка Благородна на нејзиниот ден, а моментот да го овековечи и објави јавно.

„На мојата мајка Благородна именден. Нека ти е вечно името Мајко“ – напиша во описот на фотографијата. Објавата предизвика доста внимание кај пријателите и следебниците на актерот, а многумина на мама Благородна и посакаа вечно име и долг живот.

И Тони Михајловски се прости од својата колешка: Честопати насмевката што ја носиме на лицата е само маска

Христина Ѓоргиевска — Sun, 07 Apr 2019 17:24:49 +0000

Поѕнатата македонската актерка Билјана Беличанец синоќа беше пронајдена мртва во својот дом во Скопје Билјана се самоубила, а нејзиното тело го проношол нејзиниот сопруг. Денес, нејзините колеги, колешки, пријатели, преку социјалните мрежи се простуваат од познатата актерка. И Тони Михајловски се прости од својата колешка, Билјана Беличанец. На својот Фејсбук профил тој напиша:

-Честопати насмевката што ја носиме на лицата е само маска, која како бубаќ сопира да не излезе на виделина стерната од тага во нас. Почивај во мир Биле.

Освен најблиските, ретко кој знаеше дека Тони Михајловски има нова животна улога

Слободанка Илиева — Fri, 03 Aug 2018 06:33:56 +0000

За приватниот живот на синот на Тони Михајловски, Александар, кој исто така како актер е дел од јавниот живот, многу малку е познато. Па така, изненадување беше кога на почетокот од 2017 година ја објави веста дека се свршил со прилепчанката Ангела. Кога нешто убаво му се случува во животот, неговиот татко Тони тоа не сака да го скрие и тогаш со сите сподели дека станал свекор, а неговиот син ставил крај на ергенскиот живот.

Една година подоцна, односно кон крајт на јули летово, Александар и Ангела направија свадба во Скопје, а Тони на својот профил на Фејсбук објави неколку фотографии од свадбената веселба.

Водителот и новинар Јанко Илковски преку коментар му порача на Тони дека убаво ќе му прилега да го викаат дедео, а пак тој му одговори вака:

-Фала брату. Да си дочекаш и ти. Инаку веќе година дена сум дедо на еден прекрасен лик што се вика Матео. Ама не му се сликаше со секого, па го нема на сликава, напиша дедо Тони, а Јанко како вака неинформиран се пошегува -Мојот алцхајмер бара простување! фото:фејсбук

Се ожени синот на Тони Михајловски- актерот највесел (ФОТО)

Антонио Димитриевски — Sat, 28 Jul 2018 10:39:09 +0000

„Зурли нека писнат, на увце нека свират песна свадбена, зашто со мите најмили, денес ја делам радоста...“! Вака некако може да се протолкува фотографијата на која актерот и водител Тони Михајловски се весели на свадбената веселба по повод женидбата на неговиот постар син.

Тој и неговата сопруга Ангела, минатата година станаа родители, а годинава решија својата љубов и официјално да ја крунисаат со брак.

Важна улога во венчавката имаше и помалиот син на Тони...

... а, највесел и најрасположен разбирливо, беше гордиот татко, свекор и дедо. Епа, нека е аирлија и за многу години!

Извор:Курир.мк