томас маркл – Вистина.мк

Таткото на Меган Маркл доживеал мозочен удар!

Слободанка Илиева — Fri, 27 May 2022 12:02:46 +0000

Томас Маркл денеска доживеа тежок мозочен удар, поради што го загуби говорот, пренесува „Дејли мејл“. Тој сега е на итно лекување во американска болница. Според британскиот весник, Томас Маркл доживеал мозочен удар седум дена пред да го посети Лондон за да го прослави платинестиот јубилеј на кралицата. „Дејли Мејл“ додава дека тој го загубил говорот поради мозочен удар и дека моментално се наоѓа во американска болница, каде што добил итна медицинска помош. - Татко ми се опоравува во болница. Бараме приватност за семејството, за неговото здравје и благосостојба. Само му треба мир и одмор. Ние се молиме.– изјави Саманта Маркл за споменатиот медиум. фото:Profimedia

Tомас Маркл повторно се заканува: Ќе ги тужи Меган и Хари доколку не исполнат она што го бара

Христина Ѓоргиевска — Tue, 27 Jul 2021 10:57:28 +0000

Таткото на Меган Маркл, Томас Маркл наводно сака да ги даде на суд Меган и Хари за да може во иднина да ги гледа своите внуци Арчи и Лилибет. Имено, тој се огласи за „Fox News“ и изјави: „Ќе поднесам барања во судот во Калифорнија за право да ги гледам своите внуци во иднина“. Тој додал дека се надева дека кралицата Елизабета и останатите членови на семејството нема да ги казни внуците поради лошото однесување на војводата и војвотката од Сасекс. „Арчи и Лили се мали деца. Тие не се политика. Тие не се дел од играта“, вели тој. „Тие се исто така дел од кралското семејство и имаат право на ист третман како и останатите членови на семејството“, вели Томас Маркл. фото: Профимедиа/принтскрин/епа/ефе/факундо аризабалага

Таткото на Меган Маркл сака да се смири со својата ќерка: „Не се согласувам со сè што прави, но ја сакам“

Христина Ѓоргиевска — Tue, 09 Mar 2021 10:33:43 +0000

По интервјуто на Меган Маркл и Хари кај Опра Винфри, се огласи и таткото на Меган, Томас Маркл. Во екслузивно интервју за „Good Morning Britain“, тој ги демантираше тврдењата на Меган од 2018 година дека ја издал својата ќерка пред свадбата. Тој истакна дека ја сака, дека сака да се смири со неа и дека секогаш ќе биде тука за својата ќерка. Меѓутоа, потоа проговори и за зетот Хари и за негативните коментари кои ги добива од јавноста. „Сите правиме грешки. Но, јас никогаш не се облекував како Хитлер како што тоа го направи Хари“, изјави Томас мислејќи на скандалот на Хари во еден хотел во Лас Вегас и облекувањето на Хари во униформа кога имал 20 години. По изјавите на Меган Маркл дека во кралското семејство се дискутирало за бојата на кожата на нејзиниот син, Томас Маркл тврди дека ни кралското семејство, ни Британците не се расисти. Во оваа прилика, Томас уште еднаш истакна дека сака да се смири со ќерката. „Сакам повторно да кажам, жал ми е што го направив тоа. Тоа беше пред две години. Се обидов да дојдам до неа. Сега сме одалечени 112 километри. Никогаш не престанав да ја сакам. Не се согласувам со се што прават моите деца, но секогаш ќе ги сакам. И секако ја сакам Меган“, заклучи Томас.

Oбјавени пораки кои Меган Маркл и Хари ги праќале на нејзиниот татко

Христина Ѓоргиевска — Wed, 22 Apr 2020 09:15:37 +0000

Во текот на судската постапка на Меган Маркл со британскиот таблоид Mail on Sunday, војвотката од Сасекс ги покажа пораките кои ги праќала на нејзиниот татко пред веначавката со Хари. Војвотката тврди дека делови од пораките се селективно објавени со цел таа да се претстави во негативно светло. Спорниот текст е објавен во пресрет на 18 мај 2018 година. Томас требаше да ја води Меган до олтарот, но откако во медиумите се појавија фотографии од подготовки на свадбата кои наводно Томас ги продал на папарците, таткото на Меган истакна дека не доаѓа на свадбата, но како причина за неговото непојавување беше неговата здравствена состојба. Преписките покажуваат дека Меган и Хари се обидувале да го спречат Томас Маркл да разговара со новинарите. „Не мора да се извинувате. Ги разбирам околностите, но појавувањето во јавност само уште повеќе ќе ја влоши ситуацијата“ напишал Хари. „Ако ја сакате Меган и сакате да ја поправите ситуацијата, ве молам да ми се јавите, постојат други две опции кои не го вклучуваат вашето појавување во медиумите. Ве молам да ми се јавите, да ви објасним. Мег и јас не сме лути, само сакаме да разговараме со вас. Благодарам“ гласи една од пораките. „Со секој разговор со медиумите ќе ве заболи глава, верувајте ми. Само ние можеме да ви помогнеме“ додава Хари. Во својата тужба Меган и Хари наведуваат дека таблоидот пишувал за сериозни пропусти, а не напишале дека тие само сакат да го заштитат Томас. Маркл не им одговорил на пораките, но се огласи од болница и за медиумите истакна дека доживеал срцев удар. За оваа вест Меган дознала од медиумите. „Се обидувам да те добијам цел викенд, но ти не се јавуваш и не одговараш на пораките“ напишала Меган на својот татко и додава дека е загрижена за неговото здравје. Неколку минути подоцна Меган повторно му напишала порака. „Хари и јас одлучиме повторно да ти го пратиме тимот кој ќе те штити. Те молиме да се јавиш, се ова е загрижувачко, но твоето здравје е на прво место“ напишала Меган. Томас им вратил на пораките тврдејќи дека се чувствува добро и дека нему треба осигурување. Еден ден подоцна, Томас заврши на операција, па им испратил порака на Меган и Хари дека нема да дојде на свадбата бидејќи докторите не му препорачуваат да лета. На крајот додава дека ги сака. „Те сакат М и Х“ гласел одговорот, а се пораките и откриваат дека Хари му напишал дека многу ја повредил Меган. „Не направив ништо што ја повреди Меган или било кој друг. Жал ми е ако мојот срцев удар ти создава непријатности“ одговорил Томас. Меѓутоа, Меган и Хари се сомневале дека тие пораки ги пратил таткото на Меган. „Томас, Хари е, ве молам јавите ми се да ми кажете длаи вие ги праќавте тие пораки кои не личат на вас“ напишал Хари, но останал без одговор.

Томас Маркл: Меган и Хари ја повредија кралицата, се срамам од нив

Христина Ѓоргиевска — Mon, 27 Jan 2020 11:48:38 +0000

Таткото на Меган Маркл, Томас Маркл денес изјави дека ќерката и нејзиниот сопруг, принцот Хари ја повредиле кралицата Елизабета со нивната одлука да го напуштат кралското семејство. „Се срамам, ми е жал за кралицата“ изјави Томас за утринската програма „Добро јутро Британија“: Тој додаде дека не разбира зошто Меган и Хари одлучиле да ги напуштат кралските должности. „Нивната одлука е многу збунувачка и не верувам дека некоја ја разбира. Заминувањето од кралското семејство ќе направи уште проблеми“ изјави Томас, а пренесува Ројтерс. Томас кој не беше на венчавката на Меган и Хари изјави дека се уште ја сака својата ќерка и дека е разочаран што се отуѓиле. „Навистина ми недостига мојата ќерка“ изјави Маркл.

Таткото на Меган Маркл удри по ќерката и принцот Хари: „Ми должат за она низ што поминав“

Христина Ѓоргиевска — Fri, 24 Jan 2020 09:36:29 +0000

Таткото на Меган Маркл, Томас Маркл изнесе детали од приватниот живот на Меган и принцот Хари. Во 90минутниот документарен филм кој беше прикажуван на Канал 5, Томас ја опишува својата потреба да ја гледа својата ќерка на телевизија додека тој оздравува од срцев удар. Имено, тој раскажува како се чувствува што не присуствувал на свадбата кај Меган и Хари. „Мојата ќерка изгледаше преубаво. Сакав да бидам таму со неа. Јас сум благодарен што таму беше и принцот Чарлс. Признам дека плачев поради тоа. До денес не можам да го заборавам тој момент“ изјави Томас. „Хари ми кажа: „Да ме слушаше ова немаше да се случи“. Јас му одговорив дека е штета што не починав бидејќи тогаш ќе можат да глумат дека се тажни и ја спуштив слушалката. Јас го направив своето“ изјави Томас кој поради операција на срцето не присуствуваше на свадба кај Меган и Хари. Томас кој со својата ќерката не зборува од мај 2018 година откри детали од нивната кавга, а принцот Хари го нарече чувствително 12 годишно момче. „Во овој момент, тие мене ми должат. Меган ми должи. Хари ми должи. За она низ што поминав треба да бидам награден. Ќерката ми кажа дека ќе се грижи за мене кога ќе остарам. Јас сум во зрели години, време е да внимава на својот татко“ вели таткото на војвотката. Томас кој се уште го нема запознаено својот внук Арчи откри дека нејзиниот однос со ќерката е комплициран. Хари и Меган го напуштија кралското семејство и да се повлечат од кралските должности, а Томас истакна нивната одлука е безобразна и тие стануваат „изгубени души“. „Секое девојче сака да стане принцеза, таа стана принцеза, а сега ја одбива својата титула. Изгледа дека ја одби поради парите. Изгледа не и се доволни куќа од три милиони долари. Тоа за мене е срамота“ вели таткото на Меган. Томас истакна дека е подготвена да сведочи против својата ќерка на суд.

Таткото на Меган Маркл се подготува да сведочи против својата ќерка

Христина Ѓоргиевска — Thu, 16 Jan 2020 10:44:22 +0000

Таткото на Меган Маркл, Томас Маркл може да биде поканет за да сведочи против војвотката за случајот „Mail on Sunday“. Имено, таблоидот и издавачката куќа "Associated Newspapers" се обвинети за објавување на приватното писмо кое војвотката го испратила на својот татко во август 2018 година. Весникот ќе тврди дека објавувањето на писмото е лигитимно бидејќи постои јавен интерес за членовите на кралското семејство. „Mail on Sunday“ ќе ги има доказите на Томас Маркл тврдејќи дека тој имал право да ја раскаже својата верзија, она што се случило меѓу него и неговата ќерка, вклучувајќи ја и содржината писмото. Згора на тоа, во изминатиот период се покажа дека Томас веќе им ги давал на адвокатите приватни пораки од нивните меѓусебни разговори, пред нејзината венчавка. Имено, Меган и нејзиниот татко може да бидат поканети да сведочат еден против друг. Авокатската канцеларија која ја застапува Меган Маркл во октомври поднесе тужба поради злоупотреба на приватни податоци и кршење а авторски права. Таблоидот тврди дека Меган не можела да очекува дека писмото и приватно, а така и ќе остане. Магазинот „People“, пишуваше дека Меган на Томас му пишала: „Тато, моето срце е скршено. Те сакам. Имам само еден татко. Престани да ме жртвуваш во медиумите за да може да го поправиме нашиот однос“.

Таткото на Меган Маркл е разочаран од својата ќерка

Слободанка Илиева — Fri, 10 Jan 2020 08:45:09 +0000

По одлуката принцот Хари и неговата сопруга Меган Маркл да се повлечат од кралството и да живеат на релација Англија-Америка, меѓу првите се огласи таткото на Меган, Томас Маркл. На Томас баш не му се допаднала оваа вест. „Едноставно сум разочаран“, рекол Томас, кој не се видел ниту зборувал со ќерка си откако во мај, 2018-та година се вечаше со принцот Хари. Томас не сакал ништо повеќе да коментира поврзано со одлуката на Хари и Меган. Да потсетиме, веста за повлекувањето, војводата и војвотката од Сасекс ја објавија на социјалните мрежи. „После неколкумесечното размислување и интерни расправи, одлучивме оваа година да направиме промена и да се обидеме да создадеме нова прогресивна улога во оваа институција. Сакаме да се повлечеме како постари членови на кралското семејство и да работиме на тоа да бидеме финансиски независни додека континуирано и во целост го поддржуваме Нејзиното Кралско Височество.Планираме да го балансираме нашето време помеѓу Обединетото Кралство и Северна Америка, и ќе продолжиме да ја почитуваме нашата должност кон Кралицата и заедницата. Овој геогравски баланс ќе нѝ овозможи да го одгледаме нашиот син во кралската традиција во која што се роди, а истовремено ќе му овозможиме движење во нашиот нов добротворен ентитет. Дотогаш прифатете ја нашата најдлабока благодарност за вашата постојана поддршка“, објавија тие.