токсини – Вистина.мк

Исчистете го телото од токсини! Направете оброк од зеленчук кој е полн со витамини и минерали (рецетп+видео)

Слаѓана Атанасова — Wed, 29 Nov 2023 13:09:54 +0000

Пристигнаа постудени денови, а за што подобро да се подготвите за зимата треба да подготвите здрав оброк полн со витамини и минерали. СОСТОЈКИ:

1 главица кромид или праз
2 моркови
1 мал корен од целер
1 мал компир
150 гр тиква
100 гр печурки
100 гр ориз
сув зачин лист од магдонос
масло

Подготовка: Извор: Попара/Јутјуб

Направете детокс купка: Сите токсини излегуваат од телото, ова треба да го правите барем еднаш неделно

Слаѓана Атанасова — Fri, 28 Apr 2023 11:51:39 +0000

Направете сами детокс купка – го чисти телото од токсини и ги регулира хормоните на стрес Во време на зголемено загадување на воздухот, пестициди, адитиви и зголемен стрес, детоксикацијата стана докажана форма на превенција во системот за здравје и убавина. Постојат многу различни начини за детоксикација на телото, а најчесто се применуваат во форма на диета и напитоци за детоксикација за чистење на телото. Уште еден природен метод е детоксикационата купка која помага да се исчисти телото, да се смири умот, да се опуштите и да бидете нежни со себе. Најдобро е да се бањате секоја вечер пред спиење за да се ослободите од токсините и да го отстраните стресот, а со тоа и полесно и поубаво да заспиете, но доколку немате услови, правете го ова барем еднаш неделно. Главните состојки на оваа купка се сол и есенцијално масло од лаванда како одлична ароматерапија за регулирање на нивото на кортизол, хормонот на стресот. Како да направите детокс купка? Температурата на водата треба да биде исклучително топла, но онолку колку што му е удобно на вашето тело. Наполнете ја кадата со топла вода, а потоа додадете 2 чаши сол, 1/2 чаша сода бикарбона и 10 капки есенцијално масло од лаванда. Останете во бањата 20 минути, затворете ги очите, опуштете се, а доколку имате проблеми со кожата консултирајте се со вашиот дерматолог. Извор: Курир.мк

Знаци кои укажуваат на тоа дека телото е полно со токсини

Слободанка Илиева — Thu, 16 Feb 2023 12:38:29 +0000

Преку разни намирници и пијалоци внесуваме во организмот различни материи кои понекогаш не се здрави, што влијае на таложење на токсините. Кога тие се акумулираат во поголема мера во телото, почнуваат да го попречуваат функционирањето на организмот. Несоница Несоницата е една од главните последици од акумулацијата на токсините во телото. Доколку постојано имате проблеми со сонот, би било добро да го проверите здравјето на црниот дроб, бидејќи несоницата често се поврзува со проблеми во работата на тој орган. Црниот дроб, инаку, ги неутрализира токсините, па може да ви помогне да додадете храна богата со сулфур во вашата исхрана, особено лук. Главоболки Постојаните и хронични главоболки може да бидат знак дека имате премногу токсини во телото. Покрај тоа, акумулираните токсини во телото се една од најчестите причини за главоболка. Летаргија Доколку се чувствувате летаргично, не би било лошо да размислите за детоксикација. Најдоброто нешто што можете да го направите е да јадете повеќе овошје и зеленчук, но пред се храна богата со витамин Б, бидејќи тој е многу важен за менталните функции како концентрацијата и меморијата. Проблеми со кожата Проблематичната кожа, склона кон мозолчиња и осип, всушност може да биде резултат на насобраните токсини во телото. Кожата е најдобар показател дека нешто не е во ред со организмот, бидејќи сѐ што не е во ред се исфрла на неговата површина. Промени на јазикот Храната која содржи токсини може да ја наруши слузта на дигестивниот систем, вклучувајќи го и јазикот. Ако површината на јазикот стане бела или жолта, речиси е сигурно дека дигестивниот тракт се бори со токсините. Абдоминална маст Токсините кои ги внесувате преку храна и пијалоци, но и токсините кои ги вдишувате ја забрзуваат акумулацијата на масното ткиво во желудникот. Ова се случува затоа што многу токсини кои остануваат во телото стигнуваат до стомакот и остануваат таму, а можат да се отстранат само со детоксикација. Чувство на топлина Телото ги исфрла токсините со потење, а кога има многу наталожени отрови, повеќе ќе се бори против нив, па повеќе ќе се потите. Така, може да ви се случи постојано да ви е жешко, дури и кога е прилично студено надвор или во просторијата каде што се наоѓате. извор:курир.мк

Обрнете внимание на еден детал: Ако компирот изгледа вака, тој е полн со токсини!

Слаѓана Атанасова — Thu, 01 Sep 2022 11:46:31 +0000

Знак дека во зеленчукот има токсични материи е зелената кора на компирот. Првото нешто што треба да се нагласи е дека формирањето на зелена боја на кожата на компирот е природен процес. Кога оваа храна е изложена на светлина, таа почнува да произведува хлорофил, зелениот пигмент кој им дава боја на многу растенија и алги. Поради ова, бојата на кожата на компирот се менува од жолта или светло-кафеава до зелена. Потешко е да се види зелената боја на компир кој има темно кафеава кора, но најдобро ќе ја видите кога ќе изгребете или олупите дел од кожата – ако видите зелени траги под кожата, тоа значи дека токсинот почнал да се развива. Треба да се нагласи уште нешто – хлорофилот, кој на компирот му ја дава зелената боја, е сосема безопасен и го има во многу намирници кои ги јадеме секојдневно, но еве уште една опасна супстанца – соланин. Кога во овој зеленчук се создава хлорофил поради изложување на светлина, тој го поттикнува производството на супстанца која ја штити оваа храна од инсекти, бактерии, габи… За жал, таа супстанца, соланин, може да биде токсична за луѓето. Соланин делува така што го инхибира ензимот вклучен во разградувањето на одредени невротрансмитери. Исто така, делува така што ги оштетува клеточните мембрани и може негативно да влијае на интестиналната пропустливост. Оваа супстанца вообичаено е присутна во мали количини во кората и месото на компирот, но поради изложување на сончева светлина се произведува во поголеми количини. Дали лупењето на кожата може да помогне? Нивото на соланин е највисоко во лушпата на компирот и во оваа смисла, лупењето може значително да го намали присуството на овој отров. Истражувањата покажаа дека со лупење се отстрануваат најмалку 30 отсто од соланин од компирот, но повторно, тоа значи дека 70 отсто остануваат во месото на овој зеленчук. Дури и готвењето, пржењето и печењето не помагаат значително да се намали нивото на оваа супстанца, така што дури и по термичка обработка, зелениот компир нема да биде побезбеден за јадење. Доколку забележите само мали дамки со зелена боја на храната, можете да ги исечете и да го изедете остатокот од компирот, но ако зелената нијанса се појави на многу места на зеленчукот, најдобро е да не го јадете. За да се спречи производството на соланин во компирот, најдобро е овој зеленчук да се чува на суво и темно место по купувањето, за да не влијае сончевата светлина, како и превисоките или прениските температури. Извор: Курир.мк

Овие растенија го прочистуваат воздухот во домот, добро е да ги имате дома

Слободанка Илиева — Thu, 04 Aug 2022 11:42:34 +0000

Во пресрет на постудените времиња во годината, а во однос на запазувањето на свежината и чистиот воздух во домот, стручните лица препорачуваат одгледување кактуси, алое вера или мала палма дома. Кактусот го апсорбира штетното електромагнетно зрачење, ја намалува концентрацијата на испарливи органски материи и, главно, совршено го прочистува воздухот од чадот, лошите миризби и микробите. Покрај сѐ тоа, ова растение не бара многу светлина, а ни грижа. Од друга страна пак, покрај тоа што се користи за негување на кожата и телото, алое верата е, исто така, и одличен прочистувач на воздухот, на пример, од зрачењето од компјутерските и ТВ екраните. За тоа се препорачува и палмата. Според истражувања на НАСА, палмата Арека, на пр., е рангирана на осмото место по ефикасност на отстранување на формалдехидот. Освен тоа, добро ја одржува влагата и свежината во просторијата и многу брзо ги отстранува хемиските токсини од воздухот. извор:курир.мк

Најдобри начини за детоксикација на организмот

Слободанка Илиева — Thu, 24 Mar 2022 12:50:27 +0000

Нашите тела имаат вградено систем за детоксикација кој работи деноноќно за прочистување на организмот од токсини, но овој систем понекогаш може да се блокира поради постојаната изложеност на модерните загадувачи. Малите чекори како јадењето овошје и зеленчук, потењето преку редовно вежбање и правилната хидратација се само дел од навиките кои можеме да ги практикуваме секојдневно. Во продолжение прочитајте ги нашите совети за најефективна детоксикација на организмот кои можете уште веднаш да ги примените. 1. Намалете ја изложеноста на токсини Според експертите, отровите во организмот навлегуваат преку водата, храната и воздухот. Затоа најдобро би било во вашето мени да вклучите што е можно повеќе продукти од органско потекло, да користите филтри за воздух и да се обидете да ги избегнувате пластичните пакувања. Исто така можете да ги замените средствата за чистење кои се состојат хемикалии со нетоксични алтернативни производи. 2. Погрижете се за нормално функционирање на екскреторниот систем Важно е да не го занемарите здравјето на екскреторните органи односно органите за излачување како црниот дроб, бубрезите и кожата. За успешна детоксикација на еден од најважните органи, црниот дроб, е неопходен режим на исхрана со соодветни витамини и минерали. 3. Зголемете ја хидратацијата и внесувајте повеќе хранливи материи Преку правилната исхрана можат да се внесат многу хранливи материи кои се неопходни за здраво функционирање на црниот дроб. Сепак, ова може да биде предизвик за лицата со понизок социјално-економски статус кои имаат помал пристап до свежо овошје и зеленчук и имаат тенденција да живеат во загадени средини. 4. Бидете активни Редовното вежбање и внесувањето антиоксиданси го зајакнуваат одбранбениот систем на телото во борбата против зголемените загадувачи на животната средина. извор: mindbodygreen.com

Исчистете ја крвта од сите токсини во организмот – многумина немаа поим за овој метод, но докторите го препорачуваат

Христина Ѓоргиевска — Thu, 08 Oct 2020 12:45:41 +0000

Доколку имате наоди кои што укажуваат на ова заболување, тогаш топло се препорачува овој лек. Поради брзиот начин на живот, лошата исхрана и недостатокот на физичка активност, зголемениот холестерол во крвта е болест на сегашноста. Некогаш зголеменото ниво на холестерол можело да се забележи како масно ткиво во жолта боја на горниот дел од очните капаци или пак на некои други делови од вашето тело, а за жал на почетокот од ова заболување нема некои други симптоми. Со напреднувањето на оваа болест доаѓа и до задебелување на ѕидовите на крвните садови, атеросклероза, за која што допринесуваат и други фактори (пушење цигари, алкохол, никотин), а сето тоа за жал резултира со цереброваскуларни заболувања кои што се водечка причина за смрт, како во светот, така и кај нас. Единствениот начин да дознаете дека имате зголемено ниво на холестерол во крвта е по пат на лабораториски анализи. Доколку анализите покажат дека имате холестерол во крвта, тогаш треба да го пробате овој лек, за кој ќе ви бидат потребни јаболков оцет и смокви. Лекот треба да го подготвувате навечер за да може да го испиете наутро. Земете три смокви и добро избодете ги со чапкалки за заби од сите страни, а потоа ставете ги во стаклен сад во кој што сте ставиле 2 децилитри домашен јаболков оцет. Доколку сте ги ставиле смоквите навечер во 20 часот, тогаш истите треба да ги изедете наутро во 8 часот. Остатокот од јаболковиот оцет не го фрлајте туку во истиот наредната вечер ставете уште три смокви, на истиот начин. Тие 2 децилитри јаболков оцет користете ги 7 дена, а осмиот ден земете нови 2 децилитри домашен јаболков оцет и продолжете ја постапката уште една седмица. Лечењето со овој лек трае 14 дена и покрај тоа треба да се храните здраво и да ја зголемите вашата физичка активност. По половина месец, повторно направете анализа на крвта, да видите дали лекот е ефикасен. извор: точка.мк

Салата со која ќе ги намалите токсините и ќе ги стопите мастите

Христина Ѓоргиевска — Wed, 13 Feb 2019 14:30:28 +0000

Освежете се со салатата која може да замени цел оброк и е многу хранлива и вкусна. Најдобро од се: ќе го исчисти вашиот организам од токсини и ќе ги стопи мастите. Основните компоненти на салатата го збогатуваат организмот со витамини и минерали, исполнети се со влакна и пектин. Благодарение на тоа, ова здраво јадење придонесува за ефикасно чистење на цревата. Со самото тоа, поради исфрлувањето на фекалните наслаги се намалува и телесната тежина. Но, тоа не е се, со самото заменување на еден оброк со оваа салата, сигурно ќе ја намалите тежината. За нејзина подготовка ви се потребни, зелка, цвекло, морков, зелена салата, лимонов сок и масло. Изрендајте ги производите или ситно исецкајте ги и зачинете ги со малку масло (се препорачува ленено или маслиново) и половина цеден лимон. Уживајте во оваа витаминска бомба…