Зошто постојано одбирате токсични мажи кои ве повредуваат?

Слободанка Илиева — Wed, 31 Aug 2022 11:41:30 +0000

Причината поради која одбирате да излегувате со мажи што се токсични и лоши за вас е поради тоа што имате лошо мислење за себе. Фокусот на овој текст нема да бидат мажите што ве повредиле. Оние што тврделе дека ви се лојални, но штом сте ја свртеле главата флертувале со други жени. Оние кои не го бришеле својот профил на Тиндер, иако велеле дека излегуваат само со вас. Оние кои ве терале да поминете низ пеколот за нив, а тие не кревале ниту еден прст за вас. Доста со тие мажи. Тие предизвикале доволно штета. Ова не се однесува на нив. Тие не ве заслужуваат и никогаш нема да ве заслужат. Не се достојни за вас во никаков облик. Мора да се уверите во фактот дека едноставно не можете да ги смените, без разлика колку сте мили, фини или добри. Овие мажи попрво би ја искористиле вашата љубезност отколку да се инспирираат самите од неа и да се потрудат да бидат подобри. Не е важно колку добра личност сте, никогаш нема да можете да контролирате или да предвидите како другите ќе се однесуваат кон вас. Луѓето најчесто се менуваат кога самите ќе се одлучат на тоа. Мора да постои внатрешна мотивација, бидејќи не постои доволно голема надворешна сила да турне некого кон промена на своите ставови. Едноставно кажано, скоро е невозможно да ги смените овие мажи со својата љубов. Не постојат емоционални алатки што ќе ви помогнат да го натерате да ве љуби, ако тој не е заинтересиран за тоа. Можете да ги пробате сите техники од книгите, но никогаш нема да успеете ако неговото срце не чука за вас. Но, тоа всушност и не е важно. Вистинското прашање е зошто воопшто би се согласиле да бидете со некој што лошо се однесува кон вас? Без разлика колку сакате да ги обвините овие негативци за вашата лоша среќа, вистината е дека вината паѓа кај вас. Вие сте оние што го толерираат оваа однесување. Да, точно е дека вие сте жртвата во оваа ситуација и дека жртвите никогаш не треба да се напаѓаат. Но, тоа што е погрешно е што вие самите одлучувате да влезете во улогата на жртва, одново и одново. Тоа што сакаме да го кажеме е дека само вие можете да одлучите да престанете да бидете жртва. Мора да бидете способни да се изборите за себе и да барате да се однесуваат кон вас онака како што заслужувате. Вие имате контрола над вашиот живот. Можете да останете, но можете и да си отидете од врската со тој маж. Вие секогаш можете да си заминете. Големи се шансите дека се држите до овие мажи затоа што тие се директен одраз на тоа што го гледате во себе. Причината поради која ги толерирате овие мажи, е затоа што и самите се однесувате лошо кон себе. Потсвесно, си мислите дека сите треба така да се однесуваат кон вас. Мислите дека само нив ги заслужувате. И токму тоа е влијанието на ниската самодоверба. Вие не си верувате да го побарате тоа што го сакате и заслужувате. Ви недостасува храброст да се погледнете себеси и да кажете доста. Ви недостасува одлучност да се ослободите од оковите што самите сте си ги поставиле. Кога ќе одберете да се гледате себеси како неверојатна личност достојна на љубов, дури тогаш ќе престанете да одбирате мажи кои не ве заслужуваат. извор:попара.мк

Токсичните мажи повеќе не се „ин“, но затоа погледнете кој тип на мажи ги освојуваат срцата денес

Слободанка Илиева — Wed, 24 Aug 2022 13:26:23 +0000

Психологот Грег Матос ја напишал статијата „Подемот на осамените и сами мажи“ за магазинот „Psychology today“ и тврди дека жените денес излегуваат само со мажи со кои споделуваат исти вредности, имаат одлични комуникациски вештини како нив и се емотивно достапни. Токсичните мажи или лошите момчиња конечно се надвор од мода. Тоа се оние кои ги третираа жените како да се пониски суштества, а со текот на времето оваа култура на самољубие беше суптилно прифатена како нормална. Помина времето кога им се насмевнувавме на момците кои не туркаа на игралиштето затоа што потајно се заљубиле во нас. Жените повеќе не ги интересира задевањето, туку нежноста и вниманието. И оттаму доаѓа името на рубриката „Осамени и сами мажи“, која се однесува на оние кои не се однесуваат подеднакво со жените и избрале да бидат сами. Жените денес се стремат да имаат покрај себе маж кој е внимателен, грижлив и ја третира како еднаква. Психологот Грег Матос пишува дека мажите денес се поосамени од било кога. – Во текот на последните 30 години мажите станаа се поголем дел од групата на долгогодишни самци. Па, иако не мора да бидете во врска за да бидете среќни, мажите имаат тенденција да бидат посреќни и поздрави кога се во врска. – Ова е вистинскиот момент да се воспостават некои нови, поздрави норми на односи и состаноци. – Мажите имаат клучна улога во оваа трансформација, но само доколку се подготвени да вложат се. Време е да се посветат на себе, на своето ментално здравје и на љубовта што сакаат да ја постигнат – напиша психологот. извор:попара.мк

токсични мажи – Вистина.мк

Зошто постојано одбирате токсични мажи кои ве повредуваат?

Токсичните мажи повеќе не се „ин“, но затоа погледнете кој тип на мажи ги освојуваат срцата денес