токио – Вистина.мк

Олимписките игри ќе се одржат од 23 јули – 7 август 2021

Антонио Димитриевски — Fri, 03 Apr 2020 11:59:26 +0000

Олимписките игри во Токио ќе се одржат од 23 јули до седми август во 2021 година. Веста ја објавија јапонските медиуми, повикувајќи се на извор од организацискиот комитет. Најголемиот светски спортски настан беше планиран во периодот од 24 јули до девети август летово, но, првпат во историјата беа одложени ОИ поради пандемијата со новиот коронавирус.

Олимписките игри наскоро ќе го добијат точниот датум на одржување

Антонио Димитриевски — Sat, 28 Mar 2020 11:57:44 +0000

Поминаа само четири дена од откажувањето на Летните олимписки игри во Токио, што требаше да се одржат ова лето, а Јапонците не се премногу загрижени и не седат со скрстени раце. Во најмала рака, кај нив коронавирусот е речиси завршена приказна, а да не зборуваме за дополнителните трошоци за одложување на Игрите што можат да достигнат дури и до три милијарди долари. Судбината овој пат беше сурова, но со неа мора да се живее. Веднаш беше формиран посебен комитет за решавање на проблемот што се појави, а еден од најважните е датумот на ОИ во 2021 година. Иако конечната одлука се очекува на некои три недели, сепак се споменува дека тој ќе биде како оној оригиналниот (24 јули – 9 август).

„Корона“ вирусот ќе ја откаже и Олимпијадата во Токио?

Антонио Димитриевски — Wed, 26 Feb 2020 12:55:46 +0000

Членот на Меѓународниот олимписки комитет, Дик Паунд изјави денеска дека ако се покаже дека одржувањето на Олимпијадата во Токио ова лето е премногу опасно поради епидемијата на коронавирус, организаторите поверојатно ќе го откажат настанот отколку да го одложат. Паунд во интервју за АП вели дека решението за одржување на Олимпијадата ќе треба да се донесе во рок од три месеци, односно до крајот на мај. – Околу тој датум организаторите треба да одлучат дали епидемијата е под доволна контрола за да се одржи Олимпијадата, рече поранешен канадски пливач. Тој повтори дека ставот на МОК се потпира на консултацијата со Светската здравствена организација кога станува збор за преземање на какви било чекори. Членот на МОК не верува дека одложувањето на Олимпијадата е опција, бидејќи настан со ваква големина и обем не може да се одложи. Според него, преместувањето на Олимпијадата во друг град е малку веројатно, бидејќи нема многу места во светот што би можеле да обезбедат се што е потребно за ваков настан во толку кратко време. Тој, исто така, се сомнева во можноста за едногодишно одложување, бидејќи ќе треба да се вклопи во другите спортски натпревари. Паунд рече дека МОК формира фонд за итни случаи од една милијарда американски долари. Ги повика спортистите да продолжат со тренинзите. Околу 11.000 спортисти се очекува да учествуваат на Олимпијадата, која треба да започне на 24 јули, додека приближно 4.400 се пријавени за Параолимписките игри закажани за 25 август. Современите олимписки игри, кои започнаа во 1896 година, во историјата беа откажани само еднаш, за време на Втората светска војна. Олимпијадата во 1940 година требаше да се одржи во Токио, но беше откажана заради војната на Јапонија со Кина и Втората светска војна. Во 2016 година во прашање беа доведени и Олимписките игри во Рио де Жанеиро поради вирусот Зика.

Се омажи, па се повлече од музичката сцена: Погледнете како живееше Славица Чуктераш зад камерите!

Христина Ѓоргиевска — Mon, 23 Jul 2018 11:45:30 +0000

Познатата пејачка Славица Чуктераш која ја одбележа првата сезона на „Ѕвездите на Гранд“, по неколку добри песни и хитови пред некое време се повлече од музичката сцена. Славица се омажи со нејзиниот партнер Владимир Аврамовим со кој ја има ќерката Викторија, а веднаш потоа се повлече од музичката сцена и беше помалку присутна во медиумите. Додека беше на пауза Славица не беше активна на социјалните мрежи, а сега одлучи да сподели како живеела во тој период. Пред да се породи Славица заедно со нејзиниот сопруг патувала низ светот, а на Инстаграм објави фотографии од нејзиното патување во Венеција и Токио.

фото:инстаграм