титаник – Вистина.мк

Открени досега непознати детали: Селин Дион не сакала да ја отпее песната за “Титаник“ која ја направи славна, а еве и зошто…

Слободанка Илиева — Tue, 20 Sep 2022 06:21:41 +0000

Пејачката Селион Дион ја отпеа песната „My Heart Will Go On“, која му даде огромен печат на филмот „Титаник“. Селин доби бројни награди после изведувањето, а иако беше позната и пред оваа песна, таа ја вивна меѓу ѕвездите. Наградена е со Оскар за најдобра оригинална песна, доби Златен глобус, Греми во 3 различни категории, како и Сателит награда. Она што е интересно, а и малку познато е дека Селин првично не сакала да ја сними песната. „Не се чувствувам добро! Имам болки во стомакот...“, велела пејачката тогаш, за да го избегне снимањето на овој хит.

View this post on Instagram

A post shared by Céline Dion (@celinedion)

Песната од филмот е снимена „од прв обид“, а подоцна таа демо снимка била пуштена како сингл. За сето тоа е заслужен покојниот сопруг на пејачката, Рене Анжелил, кој успеал да ја убеди да ја сними демо верзијата. Песната е многу емотивна, па воопшто не е чудно што е чест избор кога станува збор за прв свадбен танц. фото:Јутјуб принтскрин

Беше главниот негативец во „Титаник“: Славниот милијардер од филмот во приватноста го смени личниот опис (фото)

Слободанка Илиева — Mon, 08 Aug 2022 09:56:06 +0000

Титаник важи за еден од најдобрите и најгледаните филмови досега, а за одредени актери се зборува и денес. Покрај Кејт Винслет и Леонардо ди Каприо, една од најзабележителните улоги имаше и актерот Били Зејн, кој го толкуваше ликот на милијардерот Келедон Хокли, кој во филмот беше свршен со Роуз.

View this post on Instagram

A post shared by Billy Zane (@billyzane)

Иако во оваа продукција беше многу убав, впечатлив и оставаше впечаток на неодолив маж, денес овој „лош“ лик изгледа сосема поинаку, односно не како ликот од филмот каде имаше многу силен и елегантен став.

View this post on Instagram

A post shared by Billy Zane (@billyzane)

На некои фотографии Зејн воопшто не личи на себе. Тој е ќелав и го пуштил стомакот. А дали би го препознале, погледнете и проценете сами. фото:Instagram/Jutjub printskrin

Се сеќавате ли на девојчето кое освои со нејзината улога во серијата „Титаник“ – еве како изгледа денес (фото)

Христина Ѓоргиевска — Tue, 02 Nov 2021 11:36:55 +0000

Филмот „Титаник“ е снимен пред повеќе од две децении, но и денес се гледа со интерес како и тогаш. Актерите кои се појавија во него се здобија со голема популарност. Покрај возрасните актери, во филмот се појавија и неколку деца. Меѓу нив и преслаткото девојче кое играше со Џек Досон односно Леонардо Ди Каприо на ирска забава каде што се забавуваат сиромашни патници на бродот. Девојчето беше видено и на почетокот на филмот, кога патниците се качуваа на „Титаник“. Оваа улога ја играше Алекс Овенс – Сарано која изјави дека Леонардо бил прекрасен кон неа и дека за време на снимањето многу се смеала зад камери. Денес, Алекс порасна во прекрасно девојче и не се занимава со актерство. Има 32 години и нема да ја препознаете бидејќи многу се променила од периодот кога е снимен филмот. фото: Инстаграм

На 91 година почина актерката од филмот „Титаник“

Христина Ѓоргиевска — Fri, 06 Nov 2020 09:40:51 +0000

Актерката Елса Равен почина на 3 ноември на 91 година во својот дом во Лос Анџелес. Зад себе остави 15 внуци, а ќе остане запаметена по улогите во филмовите: „Враќање во иднина“ и „Титаник“. Сцената што секогаш ќе ја паметиме е онаа од култниот филм „Титаник“, каде во моменти на бродолом одлучи да остане со сопругот и да умрат заедно прегрнати на креветот додека водата продира и им ја исполнува кабината. Славната актерка својата кариера ја започна во Њујорк. Равен ќе остане запаметена и по филмовите: "The Amitiville Horror", "In the Fire Line" i "The Moderns".

Станија доби песна: Младиот пејач, бивш ријалити учесник ја опејаа старлетата во „Титаник“ (ВИДЕО)

Антонио Димитриевски — Fri, 07 Feb 2020 11:26:13 +0000

Поранешниот учесник во реалното шоу „летен камп“, сега пејач Марко Миловановиќ неодамна ја претстави својата нова песна насловена „Титаник“. Интересно е што во еден дел од песната ја спомнува и најголемата и најпозната регионална риалити ѕвезда, Станија Добројевиќ. „Заборави го мојот број. Во очите ти гладам болка. После секс нема каење. Еве ти сега, Гучи, еве ти Прада. Мене не ми треба нова Станија“ - пее Марково новата песна.

View this post on Instagram

A post shared by STANIJA ? (@stanijadobrojevic) on Feb 6, 2020 at 12:18pm PST

Единствено прашање е како ќе реагира Станија кога ќе чуе дека Марко ја спомнува во ваков, негативен контекст во својата песна, пишува српски Ало.

Живеел кај мајка си во гостинската соба: Леонардо Ди Каприо се борел за секој долар, а потоа се случил „Титаник“

Слободанка Илиева — Fri, 10 Jan 2020 10:16:12 +0000

Поминаа повеќе од две децении од објавувањето на легендарниот филм „Титаник“, во кој глуми познатиот холивудски заводник Лепнардо Ди Каприо. Ова достигнување го прослави тогашниот младиот глумец и тој стана познат низ целиот свет. За време на неодамнешното гостување кај Марк Мерон, Ди Каприо се сети на моментот кога сфатил дека станал славен и неговиот живот одеднаш се сменил. Тој раскажа како живеел во собата за гости на неговата мајка во раните дваесетти години, а кога филмот „Титаник“ излезе во 1997 година, еден ден, надвор пред куќата се појавија четири теренски возила. - Отидов во продавницата по сок и тие ме следеа. Секој ден од мојот живот ... Океј, овој живот повеќе нема да биде ист “, си рекол самиот. Тој сега изјави дека е благодарен што повеќе не го следат насекаде, но тоа најмногу се случува кога ќе излезат нови филмови, што тој не ги снима премногу. - Успевам да избегам, што е одлично. Повеќе сум пешачам и слично “, рече Ди Каприо.

Селин Дион има свое објаснување дали Џек можел да преживее на Титаник, а одговорот на многумина не им се допадна (видео)

Слободанка Илиева — Fri, 22 Nov 2019 12:14:45 +0000

Поминаа 22 години откако „Титаник“ беше прикажан во кината, а дискусиите за тоа дали Џек Досон можеше да се искачи на лебдечко парче мраз и да се спаси, не престанаа. Водителот Џими Фелон (45) ја праша и славната Селин Дион (51) кога му беше во емисија. - И ... Можеше ли да преживее? - праша Џими. - Знаете дека беше одамна? Немој да ме засрамиш. Што ако имаат намера да снимаат во „Титаник 2“?се пошегува Селин. „Ако ја погледнете таа сцена малку подобро, Роуз можеше да биде мртва или замрзната, не мораше да биде при себе. Покрај тоа, не мораше само таа да го повика. Тие беа во ледениот океан, тој немаше сили да се искачи “, рече Селин.

View this post on Instagram

A post shared by The Tonight Show (@fallontonight) on Nov 15, 2019 at 4:47pm PST

Потсетување, Селин Дион ја отпеа насловната „My heart will go on“ за Титаник, а режисерот Џејмс Камерон (65) освои 11 Оскари. И на Камерон му беа поставени многу прашања во врска со сцената каде умира Џек. - Ако тој опстанеше, крајот на филмот немаше смисла. Филмот е за смрт и разделување, тој мораше да умре. Мислам дека е глупаво да се разговара толку години подоцна “, заврши режисерот во интервјуто за „Венити фер“.

107 години по потонувањето на Титаник направени шокантни подводни снимки на новата експедиција (видео)

Слободанка Илиева — Fri, 23 Aug 2019 12:30:57 +0000

Истражувачите по 15 години повторно нурнаа до остатоците на Титаник, 107 години по неговото потонување. Снимките кои ги објави Би-Би-Си станаа хит на Интернет, а многумина добија шанса да видат како изгледаат остатоците од бродот кој повеќе од еден век лежи на дното на Атлантикот. Историчарот Паркс Стефенсон вели дека некои работи кои ги видел за време на нуркање биле навистина шокантни. -Кадата на капетанот беше омилена слика меѓу ентузијастите на Титаник, а сега воопшто ја нема, вели тој.

Кадата била снимена од истражувачите за време на мисијата во 2004 година и таа веднаш стана најинтересната слика од остатоцитена бродот. Сега речиси целосно е исчезната поради корозија, морски струи и бактерии кои го јадат металот. Цел ден од бродот на кој се наоѓала кабината на капетанот е исчезнат. Бродот како целина се уште е како целосно парче, но и тој во иднина ќе исчезне. Сите снимки од оваа експедиција ќе бидат прикажани во документарен филм. https://www.youtube.com/watch?v=U6IpFXLJgAc

Титаник не потонал поради сударот со санта мраз?!

Слободанка Илиева — Tue, 16 Apr 2019 12:30:38 +0000

Британскиот патнички брод Титаник, кој потонал на 14-ти април пред 107 години, не потонал поради судар со санта мраз, тврди капетанот Л.М. Колинс. Титаник потонал на 14-ти април 1912 година, во текот на своето прво патување од Саутемптон до Њујорк, САД. Под капетанството на Едвард Смит, на бродот имало отприлика 2200 патници во моментот кога се судрил со сантата мраз кратко пред полноќ – несреќа во која повеќе од 1500 луѓе ги изгубиле своите животи. Колинс, кој има искуства во водите на северниот Атлантик, каде потонал Титаник, вели дека таа приказна за сударот со сантата мраз не е реална. Тој во 2002 година ја издал книгата “The Sinking of the Titanic, An Ice Pilot's Perspective”, каде предложил три причини поради кои верува дека Титаник навистина удрил во леден слој. “Уверен сум дека е невозможно бродот да удрил во санта мраз. Титаник е жртва на арктички леден слој, повеќегодишен слој кој е многу тврд”, изјавил поранешниот морепловец. Како што навел капетанот, бројни бродови потонале на ист начин – со пробивање на трупот, пренесува “Al Jazeera Balkans”.

“Нема веродостојни докази дека Титаник удрил во санта мраз”, изјавил Колинс. Тој детално опишал како отприлика десет минути пред потонувањето, двајца морнари воочиле нешто што го сметале за магла на хоризонтот, протегајќи се отприлика 20 степени од двете страни на бродот. Исто така, различни офицери пријавиле различна висина на непостоечка санта мраз.

Капетанот Колинс верува дека таа разлика во висината е последица од “оптички феномен кој е добро познат помеѓу наутичарите”, каде рамното море и екстремниот студ го искривуваат изгледот на објектите во близина на водената линија, што ги прави многу високи. Физиката исто така налага дека Титаник не удрил во санта мраз, тврди тој и објаснува дека нешто што е познато како Бернулиев ефект значи дека тоа не е возможно. Според зборовите на капетанот, доколку бродот пловел со брзина од 11 метри во секунда и удрил во санта за која се тврди дека е со големина на хотел, целата страна би била уништена. “Бродот во тој случај би потонал за неколку минути, а не часа”, заклучил Колинс. извор:точка.ком.мк

Долга е листата: Еве кои познати светски ѕвезди одбиле да глумат во „Титаник“

Христина Ѓоргиевска — Fri, 15 Feb 2019 09:39:09 +0000

Еден од најпопуларните филмови ширум светот е „Титаник“ кој и денес е еден од најгледаните филмови. Главната улога ја играа Леонардо ди Каприо и Кејт Винслет. Меѓутоа, она што е малку познато е дека многу актери одбиле улога во „Титаник“, а некои од нив не успеале да ја поминат аудицијата. Режисерот сакал ликот на Џек да го игра Ривер Финикс, меѓутоа, овој актер починал. Улога на Леонардо ди Каприо ја одбиле ѕвезди како што се Том Круз, Бред Пит, Џони Деп, Стивен Дорф. На аудицијата се пријавиле и Кристијан Бејл, Итан Хоук, Метју Меконахи и Крис О’Донел меѓутоа не ја поминале аудицијата

Од друга страна, ликот на Роуз одбиле да го играат Никол Кидман, Гвинет Полтроу, Џина Дејвис, Дру Баримор, Шарлиз Терон, Клер Дејнс, Анџелина Џоли, Роуз Бирн како и кралицата на поп музиката – Мадона.

Исто така, за ликот на Роуз биле споменати и Рис Витерспун, Џенифер Анистон, Камерон Дијаз, Кристин Еплгејт, Џенифер Конели, Рејчел Вајс, Шерон Стоун, Ума Турман, Џоди Фостер, Мини Драјвер, Кетрин Хејгл, Кристина Ричи, Нив Кемпбел, Винона Рајдер, Кејт Бекинсејл... Погледнете го видеото и кој се одбил да игра во „Титнаник“.