тим – Вистина.мк

Вистина.ком.мк го проширува тимот, придружете ни се

Антонио Димитриевски — Tue, 08 Mar 2022 09:44:01 +0000

Новинари со или без работно искуство, кои ја познаваат и следат естрадата, музиката, модата, телевизијата, спортот, социјалните мрежи, јавниот живот и животот на јавните личности и естрадните ѕвезди, а имаат желба и ентузиазам за работа во нашиот портал, можат да аплицираат за да станат дел од нашиот новинарски тим. Аплицирајте со свое CV на следнава е-мail адреса: [email protected]

Цел тим луѓе се грижи за внучето на Брена: Еве кој и го чува детето на Прија (ВИДЕО)

Антонио Димитриевски — Fri, 20 Nov 2020 09:49:52 +0000

Александра Пријовиќ - Прија живее во луксузен дом на Бежаниска Коса во Белград, каде што во текот на овие месеци среде пандемијата таа ужива во мир со нејзиното семејство, сопругот Филип Живоиновиќ и синот Александар. Она што е најинтересно за јавноста е тоа што на пејачката не и недостасува живот на висока нога, дури и сега кога нема многу обврски поради откажаните настапи. Камерите на популарното ТВ шоу „Папарацо лов“ ја фатија пејачката како ја напушта куќата со нејзиниот син, во сосема обично издание, а неа ја следеа две дадилки и возач. Додека Филип беше снимен како извршува семејни обврски и се враќа од шопинг, Александра реши да го извади својот наследник надвор, малку да се забавува. Без шминка, високи потпетици и со едноставна фризура, Прија отиде во игротека со малиот Александар. Камерите забележале дека нејзиниот син прво бил анимиран од возачот, а потоа и од една од дадилките. Пејачката некое време остана во игротека, а потоа излезе неколку пати да телефонира и да запали цигара. Кога беше време да си оди дома, дојде Филип да ги земе и сите заедно се вратија дома. За цело време, познатата двојка се грижеше да се заштити од коронавирусот, па на лицето носеа маски. https://www.youtube.com/watch?v=Yj0o4LTxEMA

Панчо исто како Тамара, со важна тетоважа, само на различно место и од различна причина – многу посилна! (ФОТО)

Антонио Димитриевски — Mon, 16 Nov 2020 07:59:43 +0000

Македонија на Европско, фудбалерите на ЕУРО 2021... Историски успех, за прв пат нашата А селекција е на завршницата на едно големо контионентално фудбалско натпреварување. нацијата во делириум, еуфорија низ целата земја, се радуваат сите... И оние кои се „изгорени по фудбалот“, пасионирани љубители на “најважната споредна работа на светот“, фудбалските фанатици, од најголемите патриоти, до најмалите и децата, од обичните граѓани до познатите и јавни личности... буквално сите. Владимир Блажев, познат како ДЈ Шорти или уште попознат како Панчо од ар ен би дуото ДНК, голем спорстки фан, уште поголем патриот во душата и срцето, личен пријател со некои од најголемите и најпознатите македонски спортисти, меѓу кои и фудбалските репрезентативци, реши на посебен начин да го овековечи пласманот на Македонија на Европското првенство во фудбал. И тоа трајно, засекогаш! Ионака познат како љубител на украсување на своето тело, Панчо исто како и колешката Тамара на себе стави важна тетоважа... Само на различно место и од различна причина - многу посилна! Ако на Тамара беше заради еден вид „грижа на совест“, тетоважата на Панчо е заради овекувечување на исполнетиот детскиот сон. И додека Тамара ги тетовираше „промашените“ стихови од химната, Панчо на себе ги истетовира имињата на целиот национален состав кој обезбеди пласман на Европското првенство, заедно со селекторот Игор Ангеловски, а имињата на златните момчиња се испишани врз македонското знаме иако некои му забележија дека и тој како Тамара, нешто „утнал“... Во прашање е датумот, односно годината, па наместо 2020 стои 2021...? „Кога ќе ти се исполни детскиот сон, моментот мора да се овековечи. Оваа тетоважа ми е една од позначајните кои ги имам на моето тело и сум горд на истата исто толку колку што сум горд и на нашите репрезентативци кои ни ја приуштија оваа неопислива радост. Ни покажаа и докажаа на сите нас како со сплотеност и верба се постигнува успех. Браво момци, херои наши. МАКЕДОНИЈА на европско 2021“ - напиша Панчо покрај споделените фотографии од тату чинот на овековечување на детскиот сон и дополни: ПС: За оние малкумина “познавачи” и “експерти” кои се грижите за тетоважата и “погрешниот” датумот во кратко да ви образложам зошто е ставена 2021 за да не ви стои терет на душа Факт, турнирот е ЕURO 2020 ( следен EURO 2024 ) , но е преместен во 2021 ( јуни 11 - јули 11 ) од познати причини. Значи логиката вели дека турнирот и онаа репрезентација која ќе го освои ќе биде запишана во 2021 ( јбг слично на euroleague сеозна 2020/2021 ) , МАКЕДОНИЈА игра во 2021 не во 2020 ( ФАКТ ) и на крај најбитно е што ќе се памтиме сите: која година требало да се игра или ќе го памтиме победникот на турнирот и која година е освоен истиот ? Исто така никогаш не би ја ставил оваа малерозна 2020 како бројка на телото евер. Што значи не се препукавајте меѓусебно, уживајте во историскиот успехот на нашите фудбалери, поддржувајте ги и величете ги нашите спортисти, музичари, уметници и најбитно ширете љубов и позитива. Јас еве повторно јавно кажувам дека ако се пласираме на светско 2022 или било која наредна година иде тетоважа на десната нога, чувам простор. Живели“ - појасни Панчо. По ова , сега сме и естрадно-патриотски комплетни: Химната ја имаме истетовирано, знамето - исто така, составот е тука, уште да „изненандиме“ на ЕУРО 2021... Кој знае што ли тогаш ќе тетовираат на себе македонските музички ѕвезди? Тамара за малку не победи на Евровизија, можеби Панчо со ДНК треба да ја преставува еднаш Македонија, а зошто да не? Па да видиме тогаш, дали со понекоја тетоважа ќе возвратат и фудбалерите?

Тамара Тодевска не го менува тимот кој победува – овој пат за „Monsters“ (видео)

Слободанка Илиева — Sun, 24 Nov 2019 19:27:54 +0000

По евровизиската „Proud“, Тамара Тодевска има нова песна насловена „Мonsters“. Велат дека победничкиот тим не се менува, така и Тамара веројатно водена по тоа реши и за новата песна да работи со најдобрите македонски композитори: Дарко Димитров, Лазар Цветковски и Роберт Билбилов, кои за Тамара повторно ги здружија силите и направија спој на својата инспирација. Не беше исклучен ниту Коста Петров кој го напиша текстот. Песната премиерно беше отпеана на „Kenga Song Festival“ во Тирана Албанија, од каде е снимено и видеото. Текстот е на англиски јазик, звучи модерно и хитовски, а на само неколку минути по објавувањето на интернет каналот Јутјуб има доста позитивни коментари. Слушнете ја „Monsters“:

Горда сестра, горда тетка: Тијана го доби најодговорниот ангажман во евровизискиот тим! (ФОТО)

Антонио Димитриевски — Wed, 08 May 2019 07:52:57 +0000

Македонскиот евровизиски тим на чело со Тамара веќе е во Тел Авив.

Подготовките наголемо течат, се одвиваат првите проби, а паднаа и првите интервјуа кои нашата годинешна евровизиска претставничка ги даде за многубројните медиуми.

На првата од пробите, неофицијално слушнавме како испеа, а премиерно го видовме и евровизискиот костим на Тамара... И може да се каже дека во старт сме многу горди!

Она што остана дилема се домашните, односно семејните обврски на пејачката. Или поточно прашањето, кој ќе ги чува Дарен и Хана додека од дома е отсутна мама? Децата фала Богу имаат и татко, а и баби и дедовци на располагање... Арно ама, пред сите нив, предничи една, зашто само една е тетка. Така тетка Тијана покрај позирањето во видеото за „Proud“, доби уште еден евровизиски ангажман. Ако не најтешкиот, тогаш сигурно најодговорниот: Да ја менува мама барем кај Хана, додека Тамара е на Евровизија!

А гордата и искусна тетка сериозно си ја сфати задачата, па своето најсилно оружја - песната, го употреби како анимација и занимација при чувањето на внуката!

„Johny, Johny - Yes papa...“ - најдобрата песничка за деца сигурно ќе ја заврши работата... Барем сега за сега! https://www.youtube.com/watch?v=F4tHL8reNCs Но, по се изгледа дека изборот на Тијана за извршување на најкомплексната „евровизиска задача“ не е ниту случаен, ниту од немајкаде, напротив!

Тета Тијана уште од малечка покажа афинитети кон оваа света должност. Тогаш тоа немаше врска со Евровизија, ама ја имаше иста функција како и денес. Само што во прашање не беше внуката, туку помалата сестричка, денес наша евровизиска претставничка - Тамара!

Тета тогаш собираше приправнички стаж, со нејзиниот Вук дипломираше, а сега со Хана - докторира на тема, чување деца во отсуство на родител!

„Тета, Тијана - јес Хана“? Бејбиситер без мана!

Избрани тимот и евровизиската песна со која Тамара ќе ја претставува Македонија на Евросонг 2019

Антонио Димитриевски — Sat, 09 Feb 2019 11:27:01 +0000

Тамара Тодевска ќе ја претставува Република Македонија на годинашниот Избор за песна на Евровизија во Тел Авив со песната со работен наслов „Proud“ на авторскиот тим: Роберт Билбилов, Дарко Димитров и Лазар Цветкоски. Ова е одлучено од консултативното тело на Македонската радио-телевизија по иницијатива на Тамара на вчерашното преслушување на песните што неколкумина наши автори ги доставија до МРТ по соопштувањето на изборот за македонскиот евровизиски претставник за 2019 година. Во моментов се работи на продукциското оформување на финалната верзија на песната која наскоро ќе ѝ биде претставена на јавноста. Евровизискиот настап на Тамара на сцената во Тел Авив ќе биде на втората полуфинална вечер на 16 мај.