тезга – Вистина.мк

Оваа пејачка на тезга на пазарче продавала гаќи и чорапи, а сега е фолк ѕвезда на „Гранд“ која „плива“ во бакшиш (ФОТО)

Антонио Димитриевски — Mon, 20 Mar 2023 12:37:27 +0000

Пејачката Надица Адемов се прослави со учеството на натпреварот „Ѕвезде Гранда“ за кој се пријави во 2011 година. Учествуваше во неколку сезони и успеа да стигне до финалето. Надица сега е многу барана пејачка и најчесто настапува на големи приватни забави и ромски свадби, за кои се знае дека се исклучително добро платени. Сепак, пејачката не живеела секогаш „на висока нога“. Како што еднаш откри анонимен извор, пејачката претходно продавала долна облека на пазар. „Од утро до вечер работеше на тезга на пазар и продаваше гаќи и чорапи“, открил тогаш извор близок на пејачката. „Таа имаше своја тезга и продаваше секакви работи, но најмногу долна облека, чорапи и некои маички. Нејзиниот штанд беше полн со стока, таа секогаш беше зафатена“, изјавил претходно изворот. Кога се пријавила на натпреварот на „Ѕвездите на Гранд“ престанала да работи на пазарот. Со секоја нова песна популарноста на Надица растеше, па може да се пофали со добри хонорари во Србија и надвор од неа. Важи за една од најголемите млади ѕвезди на Гранд, а уште пред полнолетството беше прогласена за кралица на ромските свадби. Пејачката не крие дека за една вечер во Виена успеала да заработи 15.000 евра, а токму поради атмосферата што ја создава на своите настапи, многумина и предвидуваат долга и успешна кариера. Сега на „тезга“ за една вечер некогашната продавачка на долна облека на пазарот, заработува колку сите други заедно на пазарските тезги за еден ден! Надица Адемов - од тезга на пазарот до живот како во рајот!

View this post on Instagram

A post shared by Nadica Ademov (@ademov_nadica)

Фото: Инстаграм принтскрин/ademov_nadica

„Што ти даде Господ“: Панчо – ДНК покажа дека не му недостасува „редовна тезга“ (ФОТО)

Антонио Димитриевски — Tue, 27 Jul 2021 08:10:39 +0000

Естрадниоит живот колку е сладок, толку е суров, колку и да изгледа убав, толку е и тежок, колку што може добро да се заработи, за миг може и се да се изгуби, па дури и она највредното... Живот на тркала, во постојана трка со времето, конкуренцијата и вкусот на публиката... Растргнати помеѓу желбите, можностите и околностите, животот на естрадните уметници, воопшто не е розов како што навидум изгледа.Растежите и падовите се дел од него, хитовите и промашувањата исто така, настапите за паметење и борбата за „тезга повеќе“ - вечни... Токму сето ова, како мал дел, како мала илустрација од тоа што значи естрадна кариера и тоа речиси две децении, македонскиот ар ен би артист и ДЈ Панчо - ДНК или ДЈ Шорти, како сакате, го сведе на НЗС во неколку реда на социјалните мрежи па напиша: „18 години се брзам како диџеј и промотор во оваа сурова игра. Многу жртви, пот, крв, солзи, добри и лоши моменти.... Илјадници километри по патиштата. Стекнав многу пријатели кои стануваат семејство, многу непријатели, фанови и хејтери. Тоа е само дел од играта и да, никој не рече дека ќе биде лесно, но ако некогаш се пак се родам и треба да изберам што да правам во мојот живот, ќе го направам истиот избор. Ова е она што сум јас, ова е мојот ЖИВОТ. <Го сакам тоа и ќе го правам сè додека срцето не застане. Благодарност до сите вас кои ме поддржувавте низ целата моја кариера. Моето семејство @sureshotz_mk, навистина ве сакам сите. На оние кои секогаш се обидуваа да ме турнат надолу, вие сте моја вечна инспирација и ве сакам повеќе отколку што можете да ме мразите. Но, Панчо не би бил тоа што е да не таков каков што го дал Господ... Без срам да ја работи било која работа. Затоа, иако можеби на „шега“, со најновата фото објава сите ги насмеа, но во суштина испрати и една поинаква, многу силна порака: Панчо - ДНК покажа дека не му недостасува „редовна тезга“! Ако не онаа на сцената, тогаш тука е онаа пазарската... На приколката полна со зрел бостан! Впрочем, Панчо добро знае дека лубеницата е како жена: Колку и да ја бираш, на крајот го добиваш она... Што ти даде Господ! Фото: Инстаграм принтскрин/djshortypofficial

Пазарџиите открија дали мајката на Богдана Родиќ е задоволна од сваќата Цеца и зетот Вељко

Христина Ѓоргиевска — Wed, 11 Dec 2019 10:02:26 +0000

Екипата на „Телеграф“ го посети пазарот во Маријево каде што семејството Родиќ има тезга на која продаваат пилешко. Родителите на сопругата на Вељко Ражнатовиќ, Богдана Родиќ, Богдан и Даниела не била на пазарот, но нивната вработена Рада Чошо откри какво семејство се. „Родиќ се прекрасни луѓе, вредни, пошетни, добри...Имам само најубави зборови за нив. Секогаш и во секое време знаат да излезат во пресрет, да помогнат“ вели Рада која за сестрите на Богдана, Бојана и Наташа вели дека се многу вредни. „Секогаш. Не некогаш, туку секогаш. Тие работат секој ден, или во канцеларија, или разнесуваат или на пазар, работат нон – стоп“ вели вработената и додава: „Богдана не работи, колку што знам, таа е на породилно. Таа сакаше и сега да работи, но ладно е. Подобро да се чува“ вели Чошо. Таа открива дека сите вработени биле поканети на свадбата кај Вељко и Богдана. На соседната тезга, Марица Видовиќ открива што мајката на Богдана зборува за сваќата Цеца и како е задоволна од зетот Вељко. „Многу е задоволна и со сваќата и со зетот, со целото семејство Ражнатовиќ. Момчето е одлично. Кога Богдана работеше, тој дојде пие кафе со нас и си оди дома“ вели Марица. На прашањето, дали е точно дека сестрата на Богдана е во врска со синот на Лепа Брена, Стефан Живојиновиќ, Марица вели: „Тоа прочитавме во жолтиот печат, но не може да потврдиме. Дали е точно ќе дознаеме многу брзо“ изјави Марица за Телграф.рс

Пред да станат познати пејачки, работеле се’ и сешто: Од професорки и радиоводителки, до продавачки на тезга за гаќи чорапи на пазарче (ФОТО)

Антонио Димитриевски — Mon, 13 May 2019 09:27:39 +0000

Пред да се прослават, пејачките од локалната сцена работеле секакви работи на најнеобични работни места кои немаат никаква врска со музиката и естрадата и на тој начин заработувале за живот.

На пример, Гога Секулиќ работела на радио пред да почне да пее. „Пред 25 години бев радио водител! Мојата емисија започнуваше во осум часот навечер и траеше до полноќ. Бев многу слушана!“ - открила Гога пред неколку години.

Јана, од друга страна, била професорка. Таа го посетувала основното музичко училиште „Стеван Мокранјац“ во Приштина, каде подоцна и предавала класична музика. Сепак, желбата за пеење била огромна, па таа ја напуштила работата на музички педагог и почнала да настапува и работи како пејачка. Првиот албум ќе го сними во 1998 година.

„Ѕвездата на Гранд“ Надица Адемов пред да ја достигне популарноста и да ја понесе естрадната слава, продавала на тезга на пазарче. „Од утро до вечер, таа била на пазарот, кад на својата тезга продавала гаќи и чорапи“, открил извор близок до пејачката, кој додал: „Таа имаше своја тезга на која се продаваше сè, но најмногу панталони, чорапи, гаќи и некои кошули. Тезгата беше полна со стока. а таа секогаш имаше работа“ - тврди соговорникот за српските таблоиди.

Папата пристигна во Скопје, еве која македонска фолкерка ќе му пее вечер (ФОТО)

Антонио Димитриевски — Tue, 07 May 2019 07:30:58 +0000

Папата пристигна во својата прва официјална посета на Македонија и нејзината метропола, Скопје. Дочекот како што прилега - со сите почести, како и безбедноста - на највисоко ниво! Агендата на движење и активности горе-долу позната, ама сепак има нешто што до сега никој не го знаеше. Кој ќе му свири и пее на високиот и уважен гостин?

Добро, беше познато и веќе објавено дека охридскиот саксофонист Горан Папаз заедно црковната музичка група „Агапе“ ќе му свири на папата Франциск во каточичката црква во Скопје каде ќе се претстават со три композиции.

Арно ама, никој не знаеше или знаеше ама не кажа, кој ќе го забавува папата во вечерните часови, се' додека не се јави таа, македонската фолкерка која во приказните на својот Инстаграм профил ја откри големата тајна.

Токму таа, Сања Сани Гроздановска ќе пее таму каде што вообичаено пее, а таму вечер ќе дошол и папата!

Се разбира, итрата и досетлива Сани ја искористи посетата на папата за да се пошегува правејќи си добра реклама и најава за себе и својот вечерашен настап во познатиот скопски локал каде вообичаено настапува во вторник.

Сите што ќе дојдат, како и секогаш - ќе имаат што да слушнат, а Бога ми и видат. А дали ќе го видат папата? Папата многу веројатно дека нема да дојде на „тезга“ кај Сани, ама затоа таа вешто ја искористи неговата посета за да ги привлече и повика сите други, меѓу кои можеби ќе бидат и некои што денес беа околу папата!

Анџелина Џоли продава на тезга во парк заедно со децата (фото)

Слободанка Илиева — Mon, 28 Jan 2019 10:10:15 +0000

Холивудската актерка Анџелина Џоли беше фотографирана во паркот за кучиња во Лос Анџелес како заедно со децата продава храна. Оваа фотографија немаше да ја види светлината на денот ако нејзината колешка Сара Рамос не ја објавеше на социјалните мрежи и откри дека познатата актерка и тоа како е хумана кога не ја следат камери и папараци. На фотографијата се гледа Анџелина со своите три деца - близнаците Нокс и Вивиен, како и Шајло, заедно продаваат храна за кучиња, со цел парите да се донираат на здружението "Надеж за шепите", кое се грижи за напуштените кучиња.

- Јас не знам зошто Бог ме одбра да кажам оваа приказна, но пред неколку месеци отидов во паркот и ја видов Анџелина Џоли како продава органска храна за кучиња - напиша младата актерка на Инсатграм. Кога фотографијата почна да кружи по портали, на Сара и беше жал дека со овој потег ја нарушила интимата и јавно сподели нешто кое што Џоли не сака да се види.

Анџелина е во емотивна криза по разводот од Бред Пит, а секој слободен миг го користи да биде со своите деца, а овој пример на хуманост допре до многумина.

На Елена Миленковска учеството во “Гранд ѕвезди“ и донесе предновогодишна „тезга“ во Белград (ФОТО+ВИДЕО)

Антонио Димитриевски — Sat, 22 Dec 2018 11:26:40 +0000

Македонската пејачка „со тапија“ за естрадно пеење, Елена Миленковска и оваа сезона е дел од „Ѕвездите на Гранд“. Таа повторно се пријави во ова регионално музичко талент шоу, кое е вистински катапулт за кариерата на оние што ќе имат среќа да минат кај жирито и неговите строги критериуми.

Елена престојот во Белград покрај подготовките и самиот настап го искористи и за дружење со некои од останатите учесници во шоуто, па таквото пријателство, но се разбира пред се', нејзините одлични настапи на “Гранд“ сцената покрај симпатиите на публикат и наклоноста на жирито и донесоа уште нешто: Елена Миленковска ја доби првата „тезга“ во Белград!

Најпрвин еднаш, како специјална гостинка на нејзината колешка од настапите во „Гранд“ пејачката Андријана Зимоњиќ...

...А, потоа и секој четврток заедно со неа, па на крај... веројатно и соло! И не само на истото место.

А дотогаш... луда журка во елитниот белградски кафе ресторан Х со Андријана и Елена. „Животот е еден, сочинет од мигови кои го одземаат здивот... И затоа дојдете овој момент да го направиме незаборавен“ - порачаа двете пејачки.

Погледни ја Сани од зад решетки: На тезга опасно секси, на Фејсбук опасно двосмислена! (ФОТО)

Антонио Димитриевски — Mon, 19 Feb 2018 08:43:58 +0000

Македонската фолк пејачка Сања Сани Гроздановска е една од оние кои секојдневно „растураат“... на тезга, секако! Сани скоро и да нема слободна вечер кога се настапите по локалите, кафеаните и ноќните клубови во прашање, се разбира плус свадбите. Особено, викендите каде нема „игла кај да падне“ кога Сани пее... А пее - „растура“... Ама и топ изгледа.

Последниот настап - жив доказ кој ја потврдува тезата. Фолкерката во стегната „црно - па се не види“, ама сепак се гледа... Или поточно се насетува!

Сани како и секогаш, соодветно облечена за настап, овој пат во црно мини фустанче и црна кошула од тантела... Проѕирна, која повеќе покажува отколку што сокрива, ама сепак ништо конкретно не оддава... Само сед наѕира, па се насетува!

Доволен е еден поглед кон Сани од зад „решетките“ на пругастата кошула и на она што ѕирка под неа и бакшишот сам ти излегува од џеб! Песната ти е гратис од пејачката!

А кога сме веќе кај пејачката, факт е дека на тезга е опасно секси... Ама на социјалните мрежи, поточно на Фејсбук, фолкерката е опасно двосмислена. Кој не верува, нека го ѕирне нејзиниот ФБ профил... Или поточно нејзината насловна.

Прво што ќе во падне на ум е: „Што ли сакаше да каже порача пејаката... И кому?“ Кому и да е, очигледно со Сани нема з..бавање!

Ритуал пред тезга: Вака Стојне Николова се спрема за настап! (ФОТО)

Антонио Димитриевски — Mon, 27 Nov 2017 10:03:31 +0000

Младата македонска фолк пејачка пред секој настап има свој ритуал! Секако, откако претходно убаво ќе се стокми, ќе се стегне, дотера, нашминка... Стојне Николова има мерак да се фотографира на излегување од дома, пред секој настап!

Мала, ситна, динамитна, по Ноне таа е новата македонска џепна венера... Фолк, се разбира! Убавина и сексапил не и недостасуваат, како ни„тезги“, како што естрадните уметници меѓусебе популарно ги нарекуваат своите настапи!

Ама затоа и недостасува селфи пред заминување на „тезга“, па распената струмичанка секој пат пред да ја заклучи вратата однадвор на својот нов стан во Скопје, завзема нова поза... за фотографирање!

Ритуалот ист, како и местото за сликање: пред излезната врата со поглед на кујната и трпезаријата во позадина!

Овој пат стегната во мини фустанче до препони, со разголени бутини и чизми над колена, и капутчето наметнато преку рамена и... Стојнето може да тргне, на уште една заедничка журка со своите фанови! Ама претходно, застанува за момент...

На само еден миг, за уште еден клик со мобилниот за ново селфи! За среќа пред настап, за добра журка и желба бакшишот да не биде мал... Затоа, ритуал си е ритуал!