Дали знаевте дека близнаците можат да предизвикаат лажно негативен резултат на тестот за бременост?

Слободанка Илиева — Thu, 28 Dec 2023 13:32:03 +0000

Гинекологот Кетрин Капонеро наведува дека повеќето тестови за бременост можат да откријат релативно ниски нивоа на овој хормон, што доведува до попрецизни резултати. Ако се користат правилно, тестовите за бременост даваат точни резултати во 99 проценти од случаите, но ако жената носи близнаци, може да дојде до лажно негативен резултат. Според Planned Parenthood, најсигурни се резултатите по пропуштање на менструацијата, но некои случаи покажале дека тестовите може да бидат лажно негативни, па затоа е добро да ја проверите ситуацијата со лекар. Прво, важно е да се објасни дека домашните тестови за бременост откриваат дали жената е бремена врз основа на нивото на hCG во урината. Имено, откако ембрионот ќе стигне до ѕидот на матката, телото почнува да го произведува овој хормон и може да се дознае дали сте бремени веќе шест до 10 дена по зачнувањето. Гинекологот Кетрин Капонеро наведува дека повеќето тестови за бременост можат да откријат релативно ниски нивоа на овој хормон, што доведува до попрецизни резултати. Меѓутоа, ако жената е бремена со близнаци (што важи и за тројки, четворки и други), можно е да има лажно негативен резултат. Тоа е затоа што близначката бременост произведува повеќе hCG, а ако е доволно висок, може да влијае на резултатите. -Кога hCG е превисок, може да има неточен однос на hCG и антитела во тестот за бременост, објаснува Капонеро. Тоа е многу редок феномен наречен „ефект на кука“. Некои студии покажуваат дека се јавува кај помалку од два проценти од негативните тестови за бременост. Како што истакнува гинекологот Капонеро, нивото на hCG мора да биде околу 500.000 mIU/mL или повеќе за да се појави овој ефект. Интересно е што жената може да добие негативен резултат од тестот за бременост од други причини, на пример ако сте подолго време бремена и нивото на hCG е повисоко и поради тоа бременоста нема да се прикаже на тестот. извор:курир.мк фото:Freepik

Можни причини за лажно позитивен тест за бременост

Слаѓана Атанасова — Tue, 09 May 2023 10:00:27 +0000

Домашните тестови за бременост ја кажуваат веста за приновата, со тоа што го откриваат нивото на бета-хЦГ хормонот (хуман-хорионски гонадотропин или хормон за бременост), којшто се ослободува од плацентата веднаш по зачнувањето. И, додека некои тестови за бременост го откриваат хЦГ многу рано во бременоста и може да бидат доста точни, понекогаш може да бидат и лажно позитивни. Како што објаснуваат гинеколозите, за лажно позитивни тестови може да има повеќе различни причини, пренесува „Хелтлајн“ (Healthline). Биохемиска бременост Лажно позитивен тест за бременост понекогаш е предизвикан од тн. хемиска бременост. Таа појава настанува кога оплодената јајце-клетка, т.е. ембрионот, не успева да имплантира или расте многу рано. Ова може да се случи поради многу причини, од кои повеќето се непознати. Вонматерична бременост Оплодената јајце-клетка понекогаш може да се смести надвор од матката, предизвикувајќи тн. вонматерична бременост. Тоа е сериозна и често многу опасна состојба за жената, којашто треба веднаш да се лекува. Имено, лекарите предупредуваат дека оваа состојба може да доведе до значителна загуба на крв, но и до губење на органите за оплодување. Неодамнешен спонтан абортус или прекин на бременоста Лажно позитивен тест може да се појави и по прекин на бременоста, или поради спонтан абортус. Имено, нивото на хЦГ продолжува да расте, достигнувајќи го својот врв и по зачнувањето. Со оглед на тоа, хормонот може да остане во крвта и урината до шест седмици по завршувањето на бременоста. Тест со истечен рок Во случај рокот на траење на тестот за бременост да е истечен, многу е можно да покаже погрешни резултати. Имено, гинеколозите предупредуваат дека пред употреба на тестот, мора да се провери датумот на истекување запишан на пакувањето. Лекови Земањето одредени лекарства, исто така, понекогаш може да предизвика лажно позитивен тест за бременост. Тоа, велат гинеколозите, се однесува само на лековите за плодност кои содржат хЦГ, коишто се вбризгуваат со инјекција. Одредени здравствени состојби Во некои случаи, и некои медицински состојби може да предизвикаат поголемо ниво на хЦГ, дури и кога жената не е бремена. Тоа може да бидат цисти на јајниците, бубрежни заболувања, одредени видови рак – нарушувања коишто значително влијаат на нивото на хормоните, особено кај жени во менопауза или перименопауза, како и тумори што ја заегаат плацентата. Извор: Курир.мк

тест за бременост – Вистина.мк

Дали знаевте дека близнаците можат да предизвикаат лажно негативен резултат на тестот за бременост?

Можни причини за лажно позитивен тест за бременост