тенис – Вистина.мк

Водителката Сања Маринковиќ ги воодушеви сите со своите фотографии, а овој спорт е нејзината страст! (фото)

Слаѓана Атанасова — Mon, 18 Sep 2023 12:21:11 +0000

Сања Маринковиќ неодамна ја отвори новата сезона на своето шоу „Магазин ин“ и призна дека е подготвена за нови работни победи. Водителката никогаш не криела колку се грижи за исхраната и тренира неколку пати неделно за да ја одржи својата линија и во петтата деценија. Таа неколку пати објавуваше фотографии од теретана, а сега откри кој спорт е нејзината страст и со кој успева да се одржува во форма. Водителката на Инстаграм покажа како ги поминува слободните денови и кога заврши со тренинзите и сите обврски, објави и фотографија од ноќно излегување. Фото: Принтскрин/Инстаграм

Ана Ивановиќ во ултра куси панталончиња и високи потпетици: Поранешната тенисерка по три породувања ги „распамети“ сите со нејзиниот изглед (фото)

Слаѓана Атанасова — Thu, 24 Aug 2023 06:56:28 +0000

Поранешната тенисерка Ана Ивановиќ (35) пред три месеци го роди своето трето дете, а по породувањето брзо се врати во топ форма. Ана веќе може да се пофали со стомачни и извајани затегнати нозе. Имено, таа е многу активна на социјалните мрежи каде редовно објавува фотографии од нејзиното секојдневие, од прошетки, од патувања, од кујна, со сопругот...

View this post on Instagram

A post shared by Ana Ivanović (@anaivanovic)

Овој пат таа објави малку поинаква фотографија, со која ги воодушеви сите со својот изглед. Ана важи за некој со многу стил, па често ги остава без зборови со своите елегантни тоалети. Така беше и овој пат, кога избра малку поинаков стил, но кој повторно ги распамети сите. Поранешната спортистка носеше кратки шорцеви, маица и сандали на високи потпетици, па нејзините долги нозе дојдоа до израз. Сè заокружила со очила за сонце и опуштена пунџа. Ана брзо доби бројни комплименти од своите следбеници на Инстаграм.

View this post on Instagram

A post shared by Ana Ivanović (@anaivanovic)

„Оваа жена станува се поубава“, „Многу си убава, здрава жена е среќна и убава жена“, „Браво за стајлингот“, „Во вакви комбинации досега не сме те виделе, но ова е топ “, напишаа во нејзините коментари. Фото: Принтскрин/Инстаграм/Ана Ивановиќ

„Кој сака да игра со мене?“ – Иако победникот е однапред познат, Калиопи е подготвена на една партија (видео)

Слаѓана Атанасова — Thu, 17 Aug 2023 07:05:13 +0000

„Не сум губитник ти знај, не се предавам до крај...“ пее македонската под дива Калиопи Букле на која освен музиката која е нејзино главно занимање, таа наоѓа време кога може за да игра тенис. Нејзината страст кон спортот почна одамна, а тогаш таа изјави дека освен што пешачи по 10 километри дневно на 43 години почнала да тренира и тенис, зошто никогаш не е доцна за ништо во животот. Сега таа за прв пат, објави кратко бумеранг видео, облечена во спортска облека држејќи го тенискиот рекет подготвена да замавне. - Кој сака да игра со мене? - напиша таа под објавата која се појави на нејзиниот профил на социјалната мрежа Инстаграм.

View this post on Instagram

A post shared by Kaliopi (@kaliopi_official)

Познато е дека Калиопи е жесток навивач и верен фан на српскиот тенисер Новак , па во позитивните коментари се најде и еден шеговит во кој пишуваше кратко и јасно - „Ѓоковиќ“. Нејзината инспирација кон тенисот можеби била токму тој бидејќи Калиопи во едно интервју за српските медиуми јавно го замолила познатиот тенисер за еден индивидуален тренинг. Калиопи е вистинска музичка дива, на која ѝ се восхитува публиката од сите генерации, а сега таа докажа дека страста кон тенисот е нејзина голема рекреација. Фото: Принтскрин/Инстаграм/Калиопи Букле/ Новаќ Ѓоковиќ

„Се обидувам да бидам најдобриот сопруг и татко“ – Новак Ѓоковиќ надвор од теренот е прекрасен родител и маж (фото)

Слаѓана Атанасова — Wed, 04 Jan 2023 10:28:14 +0000

Најдобриот тенисер на сите времиња Новак Ѓоковиќ ретко зборува за својот приватен живот и семејството кое е неговата база и оаза на мирот, но сега направи исклучок. Новак и Јелена се сакаат уште од средно училиште. Тие извесен период имале врска на далечина, кога таа отишла во Милано да студира. Кога Јелена се вратила во Белград, сакал да ја официјализираат врската. Па, ја запросил во 2013 година. Тие се венчаа на 12 јули 2014 година во Свети Стефан во Црна Гора. Четири месеци подоцна во Монте Карло Јелена го роди синот Стефан. - Кога го добив мојот син, мојот свет се преврте наопаку. Дотогаш тенисот ми беше сè и се се вртеше околу мене. Најблиските се жртвуваа за да можам да дадам максимум на теренот. Природата на работата ме направи себичен. Одеднаш сè се смени. На почетокот морав да се потсетам дека повеќе не сум сам, дека имам син. Во тоа ми помогнаа сопругата, мајка ми, татко ми, браќата... Сега кога ќе се вратам од тренинг, го спуштам рекетот и не размислувам за тенис. Се трудам да бидам најдобар сопруг, татко и тенисер. Тоа бара, но не е и невозможно - изјави Ѓоковиќ во една емисија. Три години по раѓањето на Стефан, се роди Тара. А Јелена овој пат се породи во болница во Монако. Ѓоковиќ вели дека негов најголем мотив да се врати на светскиот врв билa сликата што ја имал во главата - дека Стефан и Тара го гледаат додека тој гордо го крева трофејот. Покрај вербата во Бога, неговата сопруга најдобро го разбира и советува во тешките моменти. Таа е мојата најголема поддршка! Таа е способна, амбициозна и силна. Но, најмногу се расправам со неа. Не и наредувам, затоа што ако сакав да го правам тоа, ќе бев во војска. Само се расправаме, но најслатко е кога ќе се смириме - изјавил тениски ас. Фото: Принтскрин/Инстаграм/Новак Ѓоковиќ

Му се поклонува целиот свет: Го препознавате ли момчето од фотографијата?

Слободанка Илиева — Thu, 01 Dec 2022 10:52:09 +0000

Некогаш и сега фотографиите секогаш го привлекуваат вниманието... Затоа имате уште една слика пред вас, а тоа е момче на кое денес цел свет му се поклонува. Тенисот е негов живот уште од мал, а со текот на годините никој не му се рамен.

View this post on Instagram

A post shared by ATP Tour (@atptour)

Многу ретко може да го видите сериозен и без широка насмевка, па затоа е драгоцена ваква фотографија. Ова момче денес е поуспешно, помоќно и побогато од многумина, но неговата искреност, големо срце и желба да им помага на другите се она што го прави голем човек и голем спортист. Неговото семејство е на прво место, а синот Стефан и ќерката Тара се најголемиот ветер во нивниот грб. Оваа фотографија е доказ за тоа колку преслатко Тара со своите крупни очи личи на нејзиниот татко Новак Ѓоковиќ. фото:twitter/instagram

По 17 години голема љубов од домот на Рафаел Надал пристигнуват најубавите вести

Слободанка Илиева — Thu, 16 Jun 2022 08:54:12 +0000

Го освои Ролан Гарос и докажа дека е неприкосновен,а сега уште една убава, можеби најубава вест доаѓа од тимот на Рафаел Надал. Познатиот шпански тенисер наскоро ќе стане татко. Иако нема официјална потврда, оваа информација од утрово ја пренесуваат медиумите на Пиринејскиот Полуостров. Надал и неговата сопруга Марија Франциско Перело, се во брак од октомври 2019 година, иако љубовта трае речиси две децении. Безброј пати го слушнале прашањето кога семејството ќе расте и дали воопшто имаат намера да го прошират „тимот“, а Рафа дискретно одговори дека за тоа ќе размисли кога ќе се пензионира за да има време да им се посвети на децата. Дали е ова знак дека 36-годишниот тенисер, кој освои рекордни 22 титули на Грен слем турнирите, ќе ја заврши својата блескава кариера со нова улога,останува да видиме... фото:Getty Images

Се занимава со спорт и ретко се појавува во јавност: Вака изгледа синот на Вики Миљковиќ (фото)

Христина Ѓоргиевска — Mon, 22 Nov 2021 10:01:04 +0000

Синот на Вики Миљковиќ и Драган Ташковиќ Ташке порасна во прекрасно момче кој потсетува на неговата мајка. Меѓутоа, тој се занимава со поразлична професија од неговите родители. Имено, синот на пејачката се занимава со тенис. -Андреј е опседнат со спорт. Се занимава со тенис и од неодамна започна да оди на турнири. Активно работи на физичката кондиција, тоа сега му е во прв план“ изјави Вики во една прилика во интервју за „Хело“. Синот на пејачката освои неколку медали, а неговата мајка се труди да му ги обезбеди најдобрите услови. -Образованието на Андреј не смее да трпи поради мојата работа што подразбира останување до доцните часови и чести патувања. Секое утро станувам пред 7 часот да му помогнам да се подготви. Кога ќе замине на училиште, ќе продолжам да спијам или одам да ги завршам обврските“, изјави Миљковиќ. Вики и Ташке се најголема поддршка на Андреј и се трудам да му помогнат да ги следи своите соништа и желби. фото: принтскрин/инстаграм/вики миљковиќ

Ја немате видено во вакво издание досега: Кејт Мидлтон првпат се појави во мини здолниште (фото)

Христина Ѓоргиевска — Mon, 27 Sep 2021 09:48:14 +0000

Кејт Мидлтон важи за една од најстилизираните дами во светот, па често се зборува за нејзините стајлинзи. Многумина ја нарекуваат и модна икона која знае да се носи со секоја модна комбинација. Со оглед на тоа дека секогаш е во некое елегантно издание, многу ретко може да ја видиме во спортска облека. Сепак, сега се појавија нејзини фотографии во издание во кое не сме навикнати да ја гледаме. Имено, Кејт е фотограгирана на терен за тенис во Лондон каде што со победничката на US Open, Ема Радукан одигра натпревар. Мидлтон беше облечена согласно со приликата, односно во кратко спортско здолниште, а многумина тврдат дека вакво издание не и личи на една војвотка. Ова е првпат, Кејт да се појави во „миниќ“, па затоа овие фотографии покренаа лавина од коментари. Како ви се допаѓа Кејт Мидлтон во вакво издание? фото: профимедиа

Илда Шаулиќ микрофонот го замени со тениски рекет: Пејачката има нов бизнис во Америка, а еве колку заработува

Христина Ѓоргиевска — Mon, 30 Aug 2021 10:05:13 +0000

Пејачката Илда Шаулиќ беше успешна во тенисот пред да влезе во светот на музиката, а бидејќи настапите и понатаму се ретки поради короната, пејачката е свесна дека мора да најде друг вид на приход, па се вратила на својата „стара“ љубов. Имено, како што пишуваат српските медиуми, Илда отворила училиште за тенис во Америка. „Илда заедно со нејзината ќерка се преселија во Америка. Тоа многу му значи на нејзиниот сопруг кој работи таму, а сега и таа си има свој бизнис“, вели извор за „Скандал“ и додава: „Малку е познато дека Илда како дете тренираше тенис и дека беше многу талентирана. Шабан тогаш не се штедеше па и плаќаше тренери во Србија и Европа надевајќи се дека ќе биде успешна тенисерка, но сите знаеме дека се сврте кон пеењето. Секако, таа не може да наплати како професионални тренери, но може солидно да заработи, дури до 100 долари од час. Ако земеме во предвид дека на секоја тетренинг сесија има по 20 деца, тогаш сигурно одлично заработува“- тврди изворот. фото: Инстаграм принтскрин

Марко Ѓоковиќ за животната борба: „Многу страдав поради успесите на брат ми Новак“

Слободанка Илиева — Thu, 22 Apr 2021 12:00:47 +0000

Марко Ѓоковиќ, братот на најдобриот тенисер на светот, Новак Ѓоковиќ, ја отвори душата и во интервју за шпански „Ел Мундо“ раскажа колку емотивно го издржа успехот на Новак. Марко изјави дека бил многу повреден од фактот што постојано бил во сенка на Новак. - Многу страдав затоа што целата своја среќа ја засновав на сонот да постигнам успех на теренот, а тој не дојде. Како тоа да не беше доволно, јас покрај себе имав лице кое го постигна тоа, мојот брат Новак и бев опседнат да го постигнам истото. Сепак, резултатите не дојдоа и секој ден бев се повеќе и повеќе несреќен. Може да се каже дека буквално се изгубив - искрен е дваесет и деветгодишниот Марко.

View this post on Instagram

A post shared by Мarko Djokovic (@djokomare)

Помладиот брат на српскиот ас признава дека понекогаш е тешко да се биде покрај некој што е толку успешен. - Не можев повеќе да издржам. Бев во многу лоша состојба и не дозволував да го изразам тоа затоа што не сакав другите да мислат дека сум толку слаб. Ова е, за жал, вообичаено. Многу луѓе кои страдаат емоционално го кријат тоа затоа што се срамат. Се обидував да ги сокријам чувствата се додека не пристигнав на теренот. Целата болка и гнев што се наоѓаше на теренот не можеше да се сокрие. Она што сте во животот може да се види на тениското игралиште - искрено рече Марко Ѓоковиќ, кој со насмевка призна дека ги надмина сите споменати проблеми. Марко со години живее во Шпанија, каде работи со славниот Пепе Имаз. Ѓоковиќ не крие дека шпански стручњак му помогнал да најде мир на умот.

View this post on Instagram

A post shared by Мarko Djokovic (@djokomare)

- Можеби некои не ја разбираат работата на Пепе во вистинска мера, но ве уверувам дека моето искуство со него е спектакуларно. Она што се случува е дека озборувањата продаваат многу. Имајќи предвид дека ја доживеав оваа ситуација со Новак, Пепе и моето семејство, решив да не ги читам тие работи, но и да не тужам никого , вели Марко.