теми – Вистина.мк

Топ 5 теми за кои мора да разговараш со твојот партнер!

Христина Ѓоргиевска — Thu, 18 Feb 2021 14:08:41 +0000

Хемијата помеѓу партнерите и вашата комбинација од емоционална и физичка привлечност е неопходна за вашиот сексуален живот да биде посреќен и поздрав. Еве за што треба да разговарате со вашиот партнер често:

1. Фантазии и фетиши

Вашиот партнер сака да биде врзан, а вие не? Или пак ситуацијата можеби е обратна? Добро е да бидете свесни навреме за тоа за подоцна да не се изненадите. Разговорот за вашите сексуални фантазии и фетиши со партнерот ќе ви овозможи да бидете запознаени со сите важни информации и подготвени да ги дочекате можните сексуални авантури.

2. Сексуална историја и тајни

Полово преносливите болести, сексуално пореметување, историја на болести... За сето тоа треба отворено да разговарате со вашиот партнер затоа што тоа е и во ваш, но и во негов интерес.

3. Желби и потреби

Никој од нас не знае да чита мисли, а за сексуалното задоволство да биде поголемо и двајцата партнери мора да знаат што сака „тој другиот“. За да се исполни сето тоа потребно е да разговарате. Потенцијалната непријатност оставете ја настрана, седнете со партнерот и разговарајте за тоа што вие сакате, но и за тоа што тој сака.

4. Колку често треба да имате секс?

Еден од проблемите кој што често се појавува во врските е неусогласениот сексуален нагон, односно еден од партнерите без разлика дали тоа е машкото или женското, сака почесто да има сексуален однос. Овој проблем не е непознат и за него треба отворено да разговарате. И двајцата партнери мора да ги споделат своите фрустрации и чувства.

5. Омилени заеднички сексуални искуства

Доколку вие и вашиот партнер сте подолго време заедно, тогаш веќе веројатно знаете дека секој секс не е подеднакво добар. Поради тоа важно е да разговарате за искуствата кои што ви биле најдобри. Заедно присетете се на ваш фантастичен заеднички секс кој во вас ќе побуди позитивно размислување и носталгија. Покренете разговор така што партнерот ќе го изнесе вашето омилено сеќавање, а потоа од него побарајте го истото. извор:точка.мк

Пет с*кс теми за кои не разговарате со партнерот

Христина Ѓоргиевска — Wed, 27 Nov 2019 14:03:44 +0000

Сексот за некои партнери сè уште е тaбу тема. Иако ве интересираат работи кои би сакале да ги знаете, се срамите да разговарате со партнерот односно партнерката за нив. Таквите прашања предизвикуваат недоразбирања. За што станува збор?

На кој начин да ги искажете вашите желби?

Како и во сите сфери на меѓучовечките односи, комуникацијата е клучна за добар сексуален живот. Обидете се да не сте премногу критички настроени. Секогаш давајте комплименти, а потоа обидете се да му кажете на партнерот дека сакате да промени некои навики. На тој начин и двајцата ќе бидете задоволни.

Како да ја зголемите желбата за секс?

Грижете се за вашето физичко здравје. Одете редовно на преглед кај вашиот гинеколог за да ја исклучите можноста за проблеми со либидото. Затоа, здравиот начин на живот ќе придонесе да немате проблеми во сексуалниот живот. Хранете се здраво и практикувајте некаква физичка активност. Тоа има позитивно влијание на либидото.

Не доживувате оргазам

Недостатокот на оргазам за време на секс е апсолутно нормален. Само 15 жени го достигнуваат преку пенетрација. Разговарајте со вашиот партнер и обидете се да го вклучите овој елемент во вашиот однос. Може да користите еротски играчки кои го стимулираат клиторисот.

Колку често треба да имате секс?

Не постои правило. Важен е квалитетот, а не квантитетот. Интимноста и романтиката во врската се поважни од сексот. Доколку имате емотивна близина, сексот е само шлаг на торта. Дали употребата на сексуалните помагала е знак дека нешто не е во ред? Најчесто поставуваното прашање е дали е во ред употребата на секс играчки. Секс играчките ви помагаат да бидете стимулирани. Со нив внесувате нова, свежа енергија во сексот. извор: Курир.мк

Пет непријатни секс теми за кои треба да разговарате со партнерот

Христина Ѓоргиевска — Thu, 17 Oct 2019 13:10:15 +0000

Хемијата помеѓу партнерите е комбинација на емоционална и физичка привлечност, а доколку сакате да имате здрав сексуален живот, навистина е важно да разговарате на тема „секс“. Во продолжение прочитајте за кои пет теми треба да разговарате отворено со партнерот. Фантазии и фетиши Вашиот партнер сака да го врзете, а вие не баш? Или обратно? Разговорот за сексуалните фантазии и фетиши со партнерот ќе ви овозможи да се запознаете со сите важни информации и ќе дознаете дали сте подготвени доколку партнерот сака да експериментира. Сексуалната историја и тајни Сексуално преносливите болести, сексуалните проблеми, историја на болеста. Тоа се теми за кои со парнерот треба да разговарате отворено затоа што во ваш интерес е да знаете за такви информации. Тоа се теми кои не треба да ги избегнувате во никој случај. Желби и потреби Никој од нас не може да чита мисли, а за да партнерите уживаат во сексуалниот живот мора да знаат што другиот партнер сака и мисли. За да се оствари вашата желба, потребно е да разговарате. Не срамете се, разговарајте за сето она што го сакате и за она што сакате да експериментирате. Колку често треба да имате секс? Еден од честите проблеми кој се јавува во врската е неусогласениот сексуален нагон, односно еден од партнерите сака почесто да има секс. За овој проблем треба отворено да разговарате. И двете страни ќе бидат задоволни со компромисот на крајот. Омилени заеднички сексуални искуства Ако долго време сте заедно, знаете дека не секој секс е еднакво добар. Поради тоа е важно да разговарате за искуствата кои ви останале во паметење. Повремено потсетете се на сексот кој бил прекрасен и повторете го. извор: Кајгана

На кои теми треба најпрвин да дискутирате пред да имате бебе?

Наташа Тасевска — Mon, 24 Dec 2018 13:00:27 +0000

Една од најголемите одлуки што треба да ги донесете во животот е имањето дете. Но, пред да се случи тоа, постојат 8 теми на кои мора да дискутирате со партнерот.

Потешкотии при зачнување

Вие двајца сте подготвени и сакате да имате бебе, но не можете да останете бремени? Треба да се договорите за сите чекори кои би ги направиле за да станете родители: третмани за плодност, посвојување, сурогат – и да се согласите пред да започнете со обидите.

Раѓање

Иако жената е таа што го раѓа бебето, мажот треба да се согласи за методот и треба да постои договор дали сака да биде присутен на чинот или пак тоа е премногу и нешто што не сака да го засведочи.

Компликации

Една од работите за кои мора да разговарате пред бременоста е што ќе преземете доколку тестовите кои се прават во текот на бременоста покажат абнормалност на плодот.

Колку деца?

Ова прашање се чини многу едноставно, бидејќи отсекогаш сте сакале 3 деца. Но, што ако вашиот партнер не сака повеќе од едно? Веќе не изгледа толку едноставно, нели? Поразговарајте.

Поделба на родителските задачи

Секоја мајка очекува нејзиниот партнер да ѝ помага со менување пелени, заспивање на бебето, подготвување на шишенцето со млеко, итн. Но, некои мажи не сметаат дека тоа е дел од нивните задачи. Доколку не го продискутирате ова, тој можеби нема ни да помисли дека прави нешто погрешно.

Предизвиците на бременоста и периодот потоа

Периодот на бременоста и непоредно потоа се тешки – и физички и емоционално. Хормоните на жената се збудалени, што ја прави пречувствителна и на моменти ирационална. Тој мора да знае дека тоа воопшто не е нејзина вина и дека мора да ги издржи машки периодите со променливо расположение.

Пол

Како ќе се чувствувате ако имате девојче, а отсекогаш сте сакале само момче? Овој разговор е важен, за да бидете сигурни дека двајцата ќе го сакате своето дете, без разлика на полот, бидејќи и онака не можете да влијаете врз тоа.

Систем за поддршка

Кој ќе ви помага по раѓањето на бебето? Дали вашите семејства живеат блиску и кој може да дојде да ви помогне кога тоа ќе биде потребно? Кога ќе се соочите со сите потреби на бебето, верувајте дека тоа ќе биде потребно, многу повеќе отколку што сега мислите.

Рецепт за среќна врска: Четири теми за кои треба секојдневно да разговарате

Моника Манасиевска — Thu, 08 Nov 2018 14:03:36 +0000

Она што е најважно за вашата врска и однос со партнерот е всушност здравата комуникација. Разговор за следните четири теми би требало секојдневно да водите со вашиот партнер, се додека тоа не ви влезе во рутина. 1. Понатамошни цели Разговор за понатамошните цели во иднината ќе ве мотивира да започнете со нивно остварување. Важно е да ја имате поддршката на партнерот, која ќе ви помогне на патот кон остварувањето на вашите сништа. Но, покрај сопствените, водете дискусии и за заедничките цели и активности, кои се исклучително значаен фактор во секој однос. 2. Драги спомени Сеќавањето на убавите моменти ќе ве расположи и ќе ве наведе да планирате понатамошни заеднички авантури. Покрај тоа, ќе се чувствувате многу повеќе поврзано со партнерот, па од ден во ден ќе го продлабочувате вашиот однос. 3. Здравје Иако понекогаш не сакаме да зборуваме за болестите и сопствените тешкотии за да не оптоваруваме некого со тоа, сепак на крајот на краиштата здравјето е најважно и за него мораме отворено да зборуваме. Објаснете му на вашиот партнер што ве мачи и дозволете му да биде со вас и да ви помогне. 4. Секојдневни проблеми Без разлика на тоа дали станува збор за проблеми на работа, кавга со пријател или нешто слично на тоа, важно е секогаш тие секојдневни проблеми да ги споделувате со партнерот. Изразете си меѓусебна доверба и блискост, па поттикнете го и тој вам да ви се отвори.