тело – Вистина.мк

Телото на 10 начини ви кажува дека нешто не е во ред, обрнете внимание на време

Слаѓана Атанасова — Wed, 06 Mar 2024 13:00:04 +0000

Човечкото тело е неверојатна машина која треба редовно да се сервисира и да се внимава на неа. Токму поради таа причина, многу е важно да слушнете што ви зборува вашето тело. Ви претставуваме листа со 10 знаци кои не смеете да ги игнорирате, а кои ве предупредуваат дека не сте здрави колку што мислите!

Седа коса пред 40 години

Седите влакна се природна појава која често зависи од генетиката. Но, ако имате повеќе од 50 проценти седа коса веќе во 30-тите години од животот, а немате такви случаи во семејството, тоа може да биде знак за дијабетес.

Младежи

Иако повеќето младежи на телото се безопасни и бенигни, некои можат да бидат прилично опасни, особено оние кои настанале поради сончање. Сенилна или актинична кератоза настанува поради делување на сонцето и неговото УВ зрачење и се вбројува во предканцерогените промени на кожата.

Белки

Белката од окото треба секогаш да биде бела. Покрај недостаток на сон или настинка, овој дел од окото може да открие и некои опасни промени во вашиот организам. Жолтата белка може да биде знак на жолтица, проблеми со црниот дроб или жолчката. Црвената белка може да биде знак на висок крвен притисок или вирусно заболување како конјуктивитис.

Испукани усни

Непријатните пукнатини на усните можат да бидат предизвикани поради промена на температурата или ветер. Но, пукнатините кои често се појавуваат на завршетоците од усните или внатрешни ранички можат да бидат знак за недостаток на витамин Б и цинк. Ако пукањето на усните е често, причина може да биде и габична инфекција.

Отечен врат

Ако сте забележале дека вашиот врат изгледа потечено, што побргу побарајте совет од лекар. Отокот на предниот дел од вратот најчесто е предизвикан од проблеми со штитната жлезда, кои се вообичаени кај жени измеѓу 20 и 50 години.

Губење на веѓите

Веѓите со тек на годините стануваат поретки, но наглото губење на влакната може да биде знак на проблеми со штитната жлезда, хипертиреоза – преактивни жлезди или хипотиреоза – намалена работа на тироидната жлезда. Ваквите промени се проследени и со губење на косата.

Црвени дланки

Вжарени и црвени дланки можат да бидат причина за дерматитис, егзема или алергиска реакција на метали, лекови, храна или пијалок. Исто така, ваквата промена може да биде знак на отежната работа и болест на црниот дроб.

Промени на ноктите

Ноктите можат да откријат многу работи за состојбата на вашето тело, а причини за промените можат да бидат разни.

Студени стапала

Стапалата се дел од телото најоддалечен од срцето и поради тоа васкуларните болести прво се манифестираат во нив. Рејнодовиот синдром е автоимуна болест која предизвикува стегнување на крвните садови во делови на телото како што се рачните и ножни прсти, носот и ушите, па поради тоа тие стануваат студени, бледи па дури и трнат.

Црвени образи

Иако наглите промени на лицето кај жените измеѓу 30 и 55 година од животот можат да бидат предизвикани од хормонски промени, промена на температурата или лута храна, румените образи можат да упатуваат и на розацеа – хронична кожна болест која погодува повеќе жени, а чија причина е непозната. Извор: Попара.мк

Еве што се случува со телото кога ќе престанете да водите љубов

Слаѓана Атанасова — Fri, 09 Feb 2024 14:00:55 +0000

Кога станува збор за сексот, жените кои немаат секс минуваат многу полошо од мажите. Во просек, Британците имаат 5.778 пати секс пред да умрат. Можеби на прв поглед бројката е огромна, но едно е јасно, секој во живото доживеал „сув“ период. Понекогаш тоа е свесна одлука на силна, независна личност но понекогаш е недостаток на интерес. Каква и да е приказната зад тоа, немањето секс влијае на некои биолошки промени во нашите тела и психа.

Губење на либидото

Со либидото ситуацијата е следна: или ќе го искористите или ќе го загубите. „Дел од луѓето кои се воздржуваат од секс се чувствуаат безволно, без виталност и желба за секс. Далеко од очи, далеко од срце е сценариото кое им се случи на некои мои пациенти“, вели секс терапевтката Сари Купер за Reader’s Digest. За некои, пак, сексот станува прималив дури кога го нема, се покажало дека тоа е така за жени кои влегуваат во менопауза.

Слабеат вагиналните ѕидови

Ова важи за жените кои влегуваат во менопауза. „Без редовни односи ,како што стареете, ѕидовите од вагината слабеат и тоа може да доведе до болки при секс“, вели Сари. Токму затоа се препорачува редовен сексуален однос за жените да го зачуваат вагиналното здравје во текот на менопаузата.

Недоволна влажност

Повторно лоша вест за жените во менопауза, тоа што ја предизвикува намалената влажност е недостатокот на естроген. „Младите жени во 20-тите и 30-тите години имаат многу естроген кој се грижи ткивата на итнимните делови да бидат здрави, еластични и навлажнети. Некоја жена на 60 години нема толку естроген, тој момент за неа е завршен. Вагиналната лубрикација се намалува со годините и доколку не се самозадоволувате, не читате еротски книги, не гледате порно филмови или немате партнер, навлажнувањето почнува да се губи многу порано“, вели Сари.

Менструалните циклуси стануваат полоши

Сексот во текот на циклус може да ги ублажи болките. „Матката е всушност мускул и кај повеќето жени се стега кога ќе доживеат оргазам поради што крвта тече побргу и се намалуваат менструалните грчеви“, вели докторката Лорен Стрејчер, додавајќи дека зголемувањето на ендорфинот поради оргазмот ги намалува болките.

Се намалува ризикот од инфекција на уринарниот тракт

Позитивното нешто кога немате секс е намалување на опасноста од сексуално-преносливи болести и инфекции на уринарниот тракт.

Еректилна дисфункција

Истражување покажало дека недостатокот на секс предизвикува проблеми со ерекцијата, најчето кај повозрасните мажи.

Повеќе сте подложни на стрес

Сексот е облик на опуштање од стрес, па луѓето потешко со носат со секојдневниот притисок кога немаат секс. Извор: Попара

Авион горе, авион долу: Бившата пејачка на „Луна“ – Маја Марковиќ се соблече па покажа со какво извајано тело и ден денес располага (ФОТО)

Антонио Димитриевски — Thu, 01 Feb 2024 12:16:13 +0000

Групата „Луна“ важеше за вистински феномен на музичката сцена поради вртоглавиот успех, но и поради атрактивната Маја Марковиќ која со гласот и телото ги оставaше сите без здив. Нејзиното излегување од групата „Луна“ беше бурно и беше проследено со не баш џентлменското однесување на Чеда Чворак, фронтменот на споменатата група. Пејачката реши да ја напушти Србија по еден самостоен албум, а со години ги забавува гостите на прекуокеанските крстарења, го обиколи целиот свет и во неколку наврати најавуваше враќање на музичката сцена. Сега таа позираше во костим за капење кој е многу провокативен, исто како што тоа го прават многу старлети, па изненади многумина. Маја од телото и го покрила само најинтимните места, а над неа минува авион, што и таа го забележала. Или што би рекле некои: „Авион горе, авион долу“! Во едно интервју во 2019 година, Маја изјави дека Чеда ѝ ги земал хонорарите за настап и ги ставал во свој џеб, додека нејзе и давал само „трошки“, дека ја „малтретирал“, а нејзината наследничка во групата, пејачката Ивана Круниќ, ги потврди овие тврдења. Фото: Инстаграм/themajamarkovic

„Не сум совршена, но горда сум на себе“: Селена Гомез проговори за своето тело и изглед (фото)

Слаѓана Атанасова — Wed, 24 Jan 2024 07:13:52 +0000

Селена Гомез отворено проговори за своето тело и изглед, истакнувајќи дека „многу размислувала за промените во нејзиното тело низ годините“. Како што пренесува Page Six, популарната пејачка на својата приказна на Инстаграм објавила две фотографии кои се направени со разлика од неколку години. Најпрво таа сподели постара фотографија на која позира во бикини зебра. Заедно со фотографијата напишала: „Денес сфатив дека никогаш повеќе нема да изгледам вака...“, пренесува Page Six. Таа потоа додаде понова фотографија на која носи црно долен дел од бикини со висок струк и бел врв. Заедно со оваа слика таа напиша: „Не сум совршена, но горда сум на тоа што сум... Понекогаш заборавам дека е во ред да бидам јас“. Во октомври минатата година, Гомез веќе беше отворена за предизвиците низ кои минуваше поради исмејувањето по дијагнозата на лупус и операцијата што ја имаше. Сега таа ја нагласува важноста на самоприфаќањето и нагласува дека е свесна дека е нереално да се очекува дека телото на жената нема да се промени. Откако и беше дијагностициран лупус, Гомез беше подложен на трансплантација на бубрег и хемотерапија. Пејачката го сподели и своето искуство од борбата со менталното здравје, вклучително и биполарното растројство. „Често се наоѓав во ситуација да не се чувствувам добро за тоа како изгледам, а причината беше она што го видов на Инстаграм“, признала Селена. Гомез го истакна своето патување на самоприфаќање и ги охрабрува другите да се гордеат со себе и да ја прифатат сопствената уникатност. Фото: printskrin/instagram/selenagomez

Тело вретено: Лила направи зимски бикини времеплов од пред 13 години и денес (фото)

Слободанка Илиева — Wed, 17 Jan 2024 10:14:18 +0000

Никој не може да избега од забот на времето, а дека тоа е така потврди и нашата позната водителка и инфлуенсерка Лила Филиповска. Неуморна во патувања како и секогаш Лила годината ја почна со зимски одмор на Копаоник, од каде покажа како ужива во сите прилики кои и ги овозможува хотелот и природата околу истиот, а таа уште подобро знае да ги искористи.

View this post on Instagram

A post shared by Lila (@lilafilipovska)

Топлите базени на отворено се предизвик за необично уживање, па и за неа. Костимот за капење како и секогаш задолжителен во гардеробата во куферот, а исто и применливо парче речиси за везден. Овој пат на ноќно капење, надвор ладно, внатре топло, а Лила препуштена на задоволството.

View this post on Instagram

A post shared by Lila (@lilafilipovska)

Фотографијата од моментот се најде на нејзините „стори“ објави, а веднаш потоа стоеше и еден спомен во базен како потсетување од пред 13 години. Истата бикини ситуација, во базен, ама преку ден. Помлада за речиси деценија ипол, нешто послаба и без зголемени гради, очигледна глетка од промените. Сепек, евидентно е и дека Лила не се дава лесно на она што го носи времето, а таа се држи достојно на сметка на изгледот, а тогаш или сега, се уште е риба ипол која тоа многу добро го знае, па дури и кога прави споредби од некогаш и сега. фото:instagram printscreen/ lilafilipovska

Зошто ви се појавуваат необјасниви модринки по телото?

Слаѓана Атанасова — Tue, 16 Jan 2024 13:22:19 +0000

Не се сеќавате дека сте се удриле, а одвреме-навреме ви се појавуваат модринки по телото? Ако често се појавуваат без никакво објаснување, можеби сте се запрашале зошто се појавуваат, или зошто сте повеќе подложни на модринки отколку другите. Модринките се природен одговор на удар или пад, и се јавуваат кога крвта се акумулира под кожата. Понекогаш причината за појавата на модринки може да се најде во генетиката. „Иако некои модринки може да се објаснат со лекови или медицински состојби, дури и кај здрави луѓе некои се повеќе склони кон нив отколку другите“, вели д -р Ема Веџворт за The Sun. Како што вели, не е целосно познато зошто е тоа така, но има некои индикации. „Модринките се поизразени на посветли тонови на кожа со помалку меланин пигмент. Покрај тоа, жените се повеќе склони кон нив отколку мажите, можеби поради структурните разлики во женскиот колаген, крвните садови и масните слоеви“, истакнува таа. Ако забележите дека сте повеќе склони кон модринки од другите, не можете многу да направите за да го спречите тоа. Некои од помалку загрижувачките причини за модринки се поврзани со: Стареење Како што старееме, кожата станува потенка, а крвните садови послаби. Ткивата што ги поддржуваат крвните садови, исто така, стануваат покревки. Ова може да значи дека ќе забележите повеќе модринки, понекогаш без позната причина. Лекови Постојат голем број на лекови чии несакани ефекти вклучуваат модринки. Ова се најчесто оние што ја намалуваат способноста за згрутчување на крвта, како што е хепаринот. Многу лекови за рак можат да го намалат нивото на тромбоцити во крвта, што доведува до крварење. Ова може да предизвика тромбоцитопенија, состојба која се манифестира како мали виолетови или црвени дамки на кожата. Аспиринот, како и стероидите и антидепресивите, може да ја зголемат појавата на модринки. Некои од загрижувачките причини за модринки се: Премногу алкохол Една од главните функции на црниот дроб е производството на хемикалии кои се познати и како фактори на згрутчување. Ако пиете премногу алкохол и го оштетувате црниот дроб, еден од првите знаци може да биде полесна појава на модринки. Нарушување на крварењето Постојат голем број нарушувања на крварењето за кои модринките се симптом и влијаат на мал број луѓе. Болеста Фон Вилебранд е најчестото нарушување на крварењето и се дијагностицира кај околу еден процент од населението. Покрај модринки, оваа состојба може да предизвика крварење во стомакот, обилни менструации и крварење од носот. Хемофилијата е генетска состојба која спречува правилно згрутчување на крвта и може да биде блага или тешка. Може да предизвика лесни модринки. Овие состојби може да се третираат со лекови. Но, пациентите се изложени на ризик од тешко и потенцијално опасно по живот крварење. Ниски тромбоцити во крвта Тромбоцитите помагаат во згрутчување на крвта, така што без нив крварењето не може да престане. Тромбоцитопенија, која се карактеризира со модринки, дамки на кожата, крварење од носот, непцата или столицата, е состојба во која телото на човекот не произведува доволно тромбоцити. Не е често наследна, туку е предизвикана од бактериска инфекција, бременост, автоимуни состојби, вирус или лекови. Рак Ракот може да го направи пациентот подложен на модринки. Лесни модринки и појава на крварење се најчестиот симптом на леукемија, според Leukemia Care, што се јавува затоа што има недостаток на здрави крвни клетки во коскената срцевина. Добротворната организација вели дека откривањето на овој вид модринки може да биде клучно за рана дијагноза. Модринки во овој случај се јавуваат на невообичаени места, како што се грбот на нозете и рацете, ги има многу без причина, им треба долго време да исчезнат и може да се зголемат. Ракот на лимфом, исто така, може да предизвика уништување на крвните клетки во телото, што доведува до појава на модринки, чести инфекции и замор. Внатрешно крварење Понекогаш она што изгледа како модринка, всушност може да биде внатрешно крварење – и треба веднаш да посетите лекар. Внатрешното крварење често е резултат на повреда или траума, на пример по сообраќајна несреќа. Но, најчесто невозможно е да се види внатрешно крварење. На пример, може да се појави во главата, предизвикувајќи слабост, губење рамнотежа или свест, болка во градите или стомакот и задишување. Извор: Попара.мк

„Жешки“ фотографии од одмор: Нина Сеничар позираше во костим за капење и ги „распамети“ сите (фото)

Слаѓана Атанасова — Tue, 09 Jan 2024 09:15:18 +0000

Водителката и актерка Нина Сеничар со својот изглед ги остава сите без зборови, иако има 38 години, сите коментираат дека изгледа како да има 20-ти години. Таа сега го запали Инстаграм со „жешки“ фотографии од одмор, покажувајќи го извајаниот задник. Нина ужива во Доминиканската Република од каде и се огласи. Имено, таа позираше во танга костим за капење, така што во преден план беа нејзиниот затегнат задник и долгите нозе, додека плажата од бајките ги распамети нејзините следбеници.

View this post on Instagram

A post shared by Nina Senicar (@ninasenicar)

Патем, Сенишар глуми во неколку холивудски филмови, како и бројни италијански филмови и серии. Живее со семејството во луксузна вила во Лос Анџелес и е многу посветена на нејзиниот дом и семејство, а во една прилика разговараше со локалните медиуми за животот во Америка и откри дека е одлична домаќинка, како и дека е феноменална во кујната.

View this post on Instagram

A post shared by Nina Senicar (@ninasenicar)

"Доаѓам многу често во Србија, никогаш во главата не сум одлучила дека јас повеќе не живеам овде. Само слетувам и одлетувам. Во последно време ме интересираат традиционални работи. Сакам да правам полнети пиперки, гибаница, но сè уште не сум се осмелила да правам сарма.“ рече тогаш таа. Фото: Printskrin/Instagram/ninasenicar

Што му се случува на вашето тело после само една непроспиена ноќ?

Слаѓана Атанасова — Fri, 15 Dec 2023 12:52:05 +0000

Иако спиењето во текот на ноќта е неопходно за човечкото тело да биде подготвено за секојдневно функционирање, многу луѓе имале непроспиена ноќ. Но, иако една непроспиена ноќ не изгледа како ништо значајно, може да му наштети на вашето тело. Според препораките на здравствените организации, возрасните треба да спијат меѓу седум и девет часа навечер, а недостатокот на сон би можел да го зголеми ризикот од бројни здравствени проблеми. Сепак, според новите студии, само една непроспиена ноќ може да биде штетна за вашето тело. Имено, кога ќе поминете повеќе од 18 часа без сон, крвниот притисок ќе почне да ви расте, а тоа го зголемува ризикот од срцев или мозочен удар. Покрај тоа, една непроспиена ноќ може значително да го намали нивото на тестостерон кај мажите. Докторот Андреј Зинчук вели дека недостатокот на сон може да го оштети вашиот мозок и да влијае на тоа како комуницирате со луѓето и може да предизвика раздразливост, да го зголеми стресот и да ја намали концентрацијата. Во спротивно, неквалитетниот сон го зголемува ризикот од дебелина и дијабетес, срцеви заболувања, губење на меморијата и други болести. Според Healthdirect, недостатокот на сон може да го зголеми нивото на допамин во вашето тело. Иако тоа звучи како добра вест бидејќи колку подолго останете будни, толку е подобро вашето расположение, лекарите советуваат воопшто да не го правите тоа. Наместо тоа, тие препорачуваат слободното време да го искористите за прошетка или некој друг вид физичка активност. Извор: Попара

Славниот пејач Роби Вилијамс проговори за своето пореметување: „Ова е борба и тага со која се носам цел живот… (фото)

Слободанка Илиева — Thu, 26 Oct 2023 11:41:07 +0000

Пејачот Роби Вилијамс е толку незадоволен од изгледот на своето тело што решил да оди на операција за да ги „стегне работите“. Минатиот месец, музичарот отворено зборувал за неговата борба со телесна дисморфија, пореметување поради кое неговата идеја за себе и она што го гледа во огледалото воопшто не се совпаѓаат. На Инстаграм тој напишал: „Вашата идеална тежина е кога луѓето се загрижени за вас“.

View this post on Instagram

A post shared by Robbie Williams (@robbiewilliams)

„Се борев со ова нарушување и кога имав и 20 килограми вишок. Значи, само замислете што гледал мојот ум тогаш. Ако не можете, знајте дека тоа е катастрофална слика. Во моментов сум слаб, но размислувам вака: 'Браво Роби, успеа да ослабеш, а сега си и стар, алал да ти е'. Навистина е борба, тага, со која се носам цел живот... само ова го споделувам, бидејќи некој ќе се пронајде во моите зборови и можеби ќе му помогне, што знам“ изјавил Вилијамс. „Набљудувајќи ги тие неуспешни операции, луѓето често коментираат „О, не, те молам немој да го правиш тоа“. Како да нема успешни. Имам колеги чии процедури беа фантастични. Би сакал и малку филер околу очите, за да изгледаат потонати (од ослабеност)“. Потоа додал дека и тој би сакал да направи трансплантација на коса, но бидејќи веќе двапати е одбиен, полека „се вљубува во идејата да стане целосно келав“.

View this post on Instagram

A post shared by Robbie Williams (@robbiewilliams)

Да потсетиме дека телесното дисморфично нарушување е ментално пореметување кое се карактеризира со опсесивната идеја дека некој дел од телото е на некој начин оштетен, па на личноста не и останува ништо друго освен да го прикрие и поправи. фото:Инстаграм принтскрин

Пет делови од телото од кои мажите се срамат во кревет

Слободанка Илиева — Wed, 25 Oct 2023 12:35:33 +0000

Жените не се единствените кои имаат комплекси за телото и изгледот. Новото истражување покажува и дека многу мажи се незадоволни од својот изглед. Американскиот факултет Чепмен ги анализирал резултатите од пет национални истражувања во кои учествувале 100.000 машки испитаници, кои покажале дека 40 отсто од нив не се задоволни со својот физички изглед. Повеќето мажи чувствуваат дека во социјални прилики, другите луѓе ги оценуваат врз основа на нивниот изглед, поради што се чувствуваат лошо. Дури 20 отсто од хетеросексуалните мажи со нормална тежина признале дека кријат дел од телото за време на сексуалниот однос. Стомакот е најчестото место што го кријат во кревет со партнерот, а исто така се чувствуваат непријатно кога некој ќе им погледне директно во градите, задникот, бутовите и гениталиите. Студијата исто така покажа дека: – 30 отсто од хетеросексуалните мажи не се задоволни од големината на своите мускули – 23 отсто од мажите се заинтересирани за пластична хирургија – 61 процент од мажите чувствуваат дека ги оценуваат според нивниот изглед – 39 проценти од мажите се секојдневно преокупирани со својот изглед На истражувачите им беше јасно дека мажите имаат комплекси, но сите беа изненадени од бројот на мажи кои се незадоволни од својот изглед, тежина и мускули, како и оние кои не би промениле ништо на себе, изјави шефот на истражувањето. д-р Дејвид Фредерик. Мажите се свесни дека жените не се грижат за изгледот толку многу како кога бараат животен партнер. Сепак, јасно им е дека овој фактор е исклучително важен кога се работи за краткорочни афери, поради што чувствуваат притисок да изгледаат најдобро. извор:Попара.мк