телма – Вистина.мк

Прво телевизиско интервју на Лила Филиповска за борбата со канцерот во „Бекстејџ“

Антонио Димитриевски — Wed, 29 Mar 2023 08:52:28 +0000

Една сосема случајна средба доведе до искрен пријателски разговор, а воедно и прво телевизиско интервју по најголемиот животен предизвик кој го помина храбро и достоинствено. Екипата на „Бекстејџ” направи ексклузивно и искрено интервју со Лила Филиповска за борбата со канцерот, процесот на лекување, но и поддршката од најблиските во такви тешки моменти. Вечерва во 23ч на Телма. Бидете со „Бекстејџ”.

View this post on Instagram

A post shared by Macedonia Backstage (@backstage_macedonia)

Презентерката на временската прогноза на Телма сликовито покажа какво ќе биде времето, па тргна да се соблекува… (ФОТО)

Антонио Димитриевски — Mon, 02 Sep 2019 08:04:19 +0000

Презентерката на временската прогноза на „ТВ Телма“, Елена Манојловски секогаш елегантна и стокмена, ама и привлечна, атрактивна, сексапилна е дамата заради која велат дека гледаноста на Метео на Телма пораснала со нејзината појава на ТВ екранот.

Ама со нејзиното стапнување пред камерите, очигледно порасна и нејзината популарност, па речиси од тотален анонимус Елена сега е препознатливо ТВ лице.

Затоа и нејзините профили на социјалните мрежи се повеќе се посетувани и лајкувани, а Елена е постојано активна, па секојдневно ги збогатува со нови фотографии.

И ако до сега гледачите на ТВ Телма чекаа покрај графичкиот приказ, таа самата да им соопшти какво ќе биде времето денес, утре и во наредните неколку дена, овој пат графиката не беше потребна, а ни сексапилната презентерка не мораше ништо да каже.

Едноставно доволно беше да се погледне нејзината фотографија и на сите веднаш да им стане јасно дека времето ќе биде пеколно жешко... И тоа неподносливо жешко, како што е „жежок стриптизот“ на самата Елена на фотографијата, која уште во канцеларијата тргна да го соблекува фустанчето од себе.

Се разбира се работи само за уште една наместена поза на атрактивната презентерка, која и овој пат се покажа како жешка прогнозерка и самата по своја мерка реши да бира како ќе се фотографира!

Презентерката на временската прогноза на „Телма“ покажува дека од она што го има, жешко е и под клима! (ФОТО)

Антонио Димитриевски — Sun, 25 Aug 2019 07:23:10 +0000

Елена Манојловски е однеодамна лице од ТВ екраните. Доколку сакате да дознете какво ќе биде утре времето или пак во текот на следните неколку дена, погледнете ја нејзината временска прогноза на ТВ Телма. Само внимателно и со усул, што велат старите, за да не ви се случи да се загледате во презентерката, па да заборавите на времето и на плус 40 да излезете надвор со чадор!

До душа, може ќе ви се најде да се заштитите од сонцето. Но, ако покрај временската прогноза го погледнете некој од нејзините профили на социјалните мрежи,а ќе видите дека Елена не е „пеколно секси“ само на работа.

Утрото и почнува со првото утринско кафенце кое пиејќи го онака задоволно, со полураскопчан тексас шорц покажува дека е подготвена за... нови работни предизвици!

Времето не чека никого, а временската ја чекаат сите, па Елена и на работа дотерана, стокмена, средена, покажува што е тоа елеганција спакувана во сексапил: Модерно мини фустанче до препони и прекрстени долги нозе за... пораст на температурата! Зашто, од она што презентерката на временската прогноза на „Телма“ покажува дека го има, жешко е и под клима!

Ама уште пожешко е надвор, особено кога Елена ќе се соблеча на плажа.

Едноделен костим за капење или бикини, на море, езеро или крај базенот, погледот кон Елена ќе ви го разубави денот!

Ако не ви е доволно, погледнете уште некоја бикини поза, на згодната презентерка на временска прогноза.

А можете и да ја зголемите својата визуелна доза, со тоа што ќе ја погледнете вечер нејзината временска прогноза.

Само, внимавајте да не претерате со дозата, па да заборавите на прогнозата и среде лето да се прошетате со шалче и ракавици!? Или што е уште за поголемо мајтапење, среде зима да излезете во косим за капење!

Тие се раритет во македонскиот ТВ етер: Александра и Елена – две сестри на различни телевизии (ФОТО)

Антонио Димитриевски — Wed, 05 Jun 2019 08:19:40 +0000

Не е непознато во македонските медиуми, особено на телевизиите да работат роднини. Најчесто родители и деца, кои некако природно ја наследуваат професијата, потоа брачни сопружници, од кои некои дури и таму се запознале, вљубиле и земале, па во ретки случаи и цели семејства како во случајот на Славица Цаци Арсова (Сител), која нејзиниот сопруг, новинарот Александар Спасовски и ја побара јавно преку медиумот за сопруга, а во исто време нејзината мајка Розета Арсова е позната ТВ спикерка и новинар во Образовната програма на МТВ, додека нејзиниот татко Владо со години еден од главните инженери во јавниот сервис.

Овие две дами пак, однеодамна се во телевизискиот бизнис, ако во Македонија воопшто новинарство е бизнис. Нејсе, тие во моментов се раритет во македонскиот ТВ етер. Александра и Елена - две сестри кои се појавуваат на различни национални телевизии.

Обете згодни, стројни, шармантни... на прв поглед слични, а сепак различни. Едната русокоса, другата црнка.

Александра е дел од екипата која ја работи магазинската програма на ТВ Алфа, наречена Алфа Скоп.

Гости во живо и снимени содржини во вид на прилози од различни области: културата, модата, спортот, музиката, естрадата, животот... кој со полни гради и го живее, дружејќи се и со колегите и со пријателите и другар(к)ите, но и со својата сестра Елена со која се особено блиски.

Елена пак, е ептен тазе на ТВ екраните. Доколку сакате да дознете какво ќе биде утре времето или пак во текот на следните неколку дена, погледнете ја нејзината временска прогноза. Таа е презентер на истата на националната ТВ Телма.

Само кога ја гледате, погледнете ја внимателно... прогнозата, секако, за да ја запаметите. Зашто, како изгледа атрактивната презентерка, лесно може да се загледате во неа и да заборавите утре да понесете чадор оти ќе врне! До душа, вас секако ќе ве огрее сонце!

Покрај тоа што е ТВ лице, Елена е комплетно реализирана жена, сопруга и мајка. Патем и спортски тип. Фитнесот, пилатесот, рекреацијата и прошетките во природа и се исто така неизоставен дел од животот.

Освен што работат (речиси) иста работа, сестрите се и исклучително блиски меѓу себе , па затоа и често се заедно и се дужат! Последната спортска еуфорија и радост за европската ракометна титула на РК Вардар беше само уште еден повод за нивната заедничка дружба!

За среќа, работат на различни телевизии, а и термините им се различни, така што... можете да ја гледате едната, без да ја испуштите другата... И нивната програма или прогноза, секако!

Кој кого легна во Утринската на Телма: Прво Марко „ја легна Цеце“, а потоа „го легнаа“ и него (ФОТО)

Антонио Димитриевски — Thu, 18 Oct 2018 06:47:19 +0000

Водителите на „утринската програма“ на ТВ телма се навистина необична дружина. Опуштени, непосредни, срдечни, интересни, забавни, едукативни... Имаат оруигинални методи како да ја привлечат публиката и да го задржат нејзиното внимание на нивната ТВ фреквенција. Затоа знаат да направата разни нешта пред или после емитувањето, па потоа своите „лудории“ да ги постираат на својот личен или на профилот на Утринската на социјалните мрежи.

Овој пат Утринската на Телма ја полегнаа. Водителската двојка Марко Марк и тазе мажената невеста цеце Трајковска во главните улоги на легнувањето. Најпрвин Марко ја „легна“ колешката Цеце, за потоа и него да го „легнат“.

Само што нивното меѓусебно легнување беше во здравствено-медицински цели, се разбира. Едукативна демонстрација на Хиџама метода. Црвените кругови се само „здрава последица“ од вакум сукцијата на одредени регии. За Марко да биде во хомеостаза, или што би рекле народски во добро здравје.

Како и да е, гостинката на Утринската на Телма успешно ја демонстрираше својата метода, па на водителот му направи хиџама без пижама... како сегмент од нивната Телма амбуланта!

А на Цеце? нејзиното „легнување“ беше само реклама... Само најава на содржината. Нејзе како млада невеста, „хиџама“-та сепак и ја оставија... за по дома!

Водителката на ТВ Телма и актерот не се повеќе во брак! (ФОТО)

Антонио Димитриевски — Fri, 16 Mar 2018 09:46:57 +0000

Уште една позната брачна двојка повеќе не функционира заедно. Обајцата се јавни личности - тој актер, таа ТВ водителка на Телма. Елена Митева и Висар Вишка повеќе не се во брак. Информациите говорат дека актерот и водителката веќе една година не живеат заедно. Тие се зедоа во 2012 година и по пет годишна брачна заедница, без голема помпа, медиумски публицитет врева и скандали, мирно се разидоа.

Иако некои уште на почетокот беа скептици кон мешовитиот брак меѓу Албанец и Македонка, повеќето тврдеа дека се работи за двајца интелектуалци чија љубов ги надминува националните предрасуди на средини како што нашава и Балканот воопшто.

„Јас секогаш сум нетрпелив и веднаш посегнувам по тоа што го сакам, но со Елена чекав гладот од моите очи да премине и кај неа. Мислам дека една година чекав, зашто знаев дека таа е таа. Што и да кажам, ќе биде премалку и ќе испуштам милион други работи. Таа, едноставно, е единствена, различна од сите. Моја андрогена половина“ - изјавил за тогашниот дневен весник „Вест“, Вишка.

Додека пак Елена ќе каже: „Искрено, би било неблагодарно да одвојам само неколку работи. Тој е моето се. Чесно знаеме да кажеме деке сме едно и дека совршено се надополнуваме“ - изјавила за свршувачката Елена за „Вест“.

Сепак актерот, како што открива македонскиот портал „Репортер“ деновиве го потврдил разводот од ТВ водителката:

„Не сме заедно веќе една година. Но, тивко, без кревање врева, како што и го држевме приватниот живот само за нас. Бевме и ќе останеме одлични пријатели затоа што, сепак, имаме еден ангел. Неговата среќа и насмевка се најбитни за нас“.

Елена и Висар како што споменавме се зедоа во 2012 година и од заедничкиот брак тие го имаат четиригодишниот син Дион.

Висар Вишка деновиве е медиумски експониран како еден од говорниците во случајот „Правда за Алмир“ на протестите за случајот со прегазеното детенце од Куманово...

...додека Елена Митева и понатаму е една од ударните перјаници на водителскиот квартет на мошне гледаната утринска програма на ТВ Телма.

„Еден на еден“ симнат од Телма: Кој му го „смести“ на Жаре?

Антонио Димитриевски — Wed, 25 Oct 2017 10:39:09 +0000

Гледачите упорно ја чекаа, ама не ја дочекаа... Телевизија Телма ниту во неделата, ниту потоа не ја емитуваше новата епизода од забавното ток шоу „Eден на еден“, иако истото беше најавено, а во него гостуваат актерите од серијата „Фамилијата Марковски“.

Токму поради тоа истото привлече големо внимание, а гледачите очекуваа „скокотливи“ прашања од водителот на „жешкото столче“ на кое требаше да ја видиме споменатата актерска екипа.

Арно ама... дали Телма заклучи дека за „чепкање кај што не треба“ не е време, па се автоцензурираше, цензурирајќи го Жаре, или некој од надвор им „дошепна“ да НЕ „р’чкаат мечка“ среде кампања за втор круг Локални избори... само менаџментот знае!?

Од продукцијата пак на „1 на 1“ се огласија само со кусо соопштение на нивната официјална Фејсбук страница: „Поради тоа што упорно ни ѕвонат телефоните и ни се полни инбоксот, ве известуваме дека денешната емисија е снимена, измонтирана, однесена навремено во ТВ и искрено супер епизода! Сепак, вечерва како што гледате нема нова #1на1 на Телма. Ќе пишеме што е, како е, кога ќе имаме повеќе инфо“ - објави „Eден на еден“ во првичното соопштение, по што набргу се појави и ново: „Девојки и момци, интернет и ТВ публико, поради принципиелни несогласувања, Сезона 9 нема да се емитува повеќе на Телма. Им благодариме за досегашната супер соработка и до следната им посакуваме се најдобро. Ви благодариме и вам за еден тон пораки и јавувања од типот: Абе каде сте, зошто ја немаше епизодата... и слични. Stay tuned, да видиме што ќе правиме следно“ - напишаа од продукцијата на нивниот Фејсбук профил!

Известување кое соопштува, ама ништо не кажува. Засега молчи и менаџментот на Телма! Единствено, наголемо „бруи“ јавноста, на која и остана нејасно: Кој и зошто „му го смести“ на Жаре во „играта“... 1 на 1 !?