телесна тежина – Вистина.мк

Зошто се дебелеете, а не јадете многу?

Слаѓана Атанасова — Fri, 28 Apr 2023 11:45:18 +0000

Истражувањата покажуваат дека вишокот килограми може да има сериозни последици врз целокупната состојба на нашиот организам. Понекогаш зголемувањето на телесната тежина може да се должи на основна медицинска состојба, а зголемувањето на телесната тежина може да биде крајно фрустрирачко, особено кога не знаеме што навистина го предизвикува. Иако исхраната обично игра најголема улога во зголемувањето на телесната тежина, одредени работи, како што се стресот или недостатокот на сон, исто така можат да придонесат за зголемување на телесната тежина без воопшто да го сфатиме тоа, пренесува Healthline. Како што објаснуваат лекарите, ова се причините поради кои несвесно се дебелееме: -консумирање премногу преработена храна -консумирање премногу шеќер –недоволно движење -диети со јо-јо ефект -недијагностицирани медицински проблеми како што се нарушувања на тироидната жлезда, депресија и полицистични јајници -недоволно сон -недоволно внесување хранливи состојки -премногу стрес. Извор: Кајгана.com

Студија: Негативни последици од прескокнување на вечерата

Слаѓана Атанасова — Fri, 20 May 2022 12:00:49 +0000

Една неодамнешна студија објавена во списанието Nutrients сугерира дека ако сакате да спречите зголемување на телесната тежина, можеби ќе треба да размислите колку е паметно да ја прескокнете вечерата. Истражувачите во Јапонија ги разгледале податоците за времето на оброците за над 25.000 студенти, проценувајќи ги ефектите од прескокнувањето оброци. Во временска рамка од три години, тие откриле дека прескокнувањето на вечерата е најголемиот предиктор за зголемување на телесната тежина и подоцна развој на дебелина – но прескокнувањето на појадок или ручек не ги покажува тие асоцијации. И за мажите и за жените, прескокнувањето на вечерата резултираше со зголемување на телесната тежина од најмалку 10 проценти, пишува Eat This Not That. – Многу студии покажаа поврзаност помеѓу ниската фреквенција на јадење, што значи прескокнување оброци и прекумерната тежина, вели коавторот на студијата, д-р Тошики Моријама, професор на Универзитетот во Осака. Тој додава дека „оваа асоцијација е опширно проучувана за појадок, но не често за ручек или вечера“. Она што е важно овде е дека избегнувањето на последниот оброк во денот навистина има ефект врз телесната тежина. Една можна причина, вели тој, може да биде тоа што ако не вечерате, поголема е веројатноста да ги зголемите калориите следниот ден. Исто така, може да постои силна врска помеѓу квалитетот на јадењето и прескокнувањето на вечерата, асоцијација што исто така ја истакнаа претходните истражувања. На пример, една студија објавена во The Journal of Nutrition која проценува како квалитетот на исхраната влијае на кардиоваскуларните болести, ракот и очекуваниот животен век, покажа дека луѓето кои ја прескокнуваат вечерата имаат тенденција да јадат помалку здрави оброци со текот на времето и имаат особено мала потрошувачка на растителни протеини. Сепак, тоа не значи дека другите оброци не се важни, додава д-р Моријама. Нивната студија можеби не покажала дека прескокнувањето на појадокот доведува до зголемување на телесната тежина, но тој вели дека претходните студии ги нашле тие заклучоци. Тој истакнува дека, бидејќи неодамнешното истражување е спроведено на студенти кои имаат тенденција да спијат помалку од постарите луѓе, тоа може да влијае на ефектите од појадокот. Општо земено, се чини дека најдобриот пристап за спречување на зголемување на телесната тежина е да ги распределите вашите калории во текот на денот. – Едноставно кажано, зачестеноста на вечерата може да биде критичен фактор на животниот стил за спречување на дебелината, исто како и појадокот, вели д-р Моријама.

Со чаша млеко до совршена фигура

Михаела Христова — Wed, 11 Dec 2019 13:41:32 +0000

Придржувајќи се до одредени диети, луѓето обично прават две големи грешки кои можат да резултираат со дополнително зголемување на телесната тежина – прескокнување на појадокот и изоставување на млечни производи од секојдневната исхрана. Малкумина знаат дека секојдневниот доручек кој вклучува и чаша млеко, може да помогне за да се дојде до посакуваната телесна тежина. Млекото содржи значителни количини калциум, витамин Д, фосфор и други урамнотежени хранливи материи, и не само што го поттикнува здравиот раст на коските и забите и ја одржуваат функцијата на мускулите и крвните садови, туку и содржи состојки (калциум, железо, фолна киселина – витамин Б9 и влакна) кои се неопходни за одржување на витка линија. Само квалитетното млеко е добро млеко. Млекото не содржи заситени масти, па поради тоа и нема потреба од грижа за вишок на килограми. Напротив, докажано е дека луѓето кои редовно пијат млеко имаат повитка фигура од оние кои не пијат. Внимавајте на вашето здравје и фигура и започнете го денот со чаша пастеризирано млеко .