На 2-ри мај во „Салон 19:19“: Учениците од СУГС “Георги Димитров” со театарска претстава “Апел за …”

Антонио Димитриевски — Tue, 02 May 2023 05:47:12 +0000

Во рамките на годинешната средношколска манифестација „Средно ленд“ во организација на „Универзална сала“, а финансиски поддржана од Град Скопје, СУГС "Георги Димитров" на 2 мај во Салон 19:19 во 20:00 часот ќе ја прикажат драмата "Апел за ..." „Апел за...", театарска претстава, првпат поставена на аматерска сцена во 2012г., текст кој обработува горливи теми од секојдневието на младиот човек, пороци како алкохол, дрога, коцка, но и депресија и сида како болести. Монолози за неприфатеност, отфрленост, извртена реалност, погрешни вредности, лоши животни одлуки, заблуда, болка, тага, горчина... И додека, ние возрасните, живееме помеѓу реалноста и фикцијата, се руши цел еден свет на млади луѓе кои со молк, апелираат дека им е потребна наша помош. Текст и режија: Марина Иванова Учествуваат: Јована Андреева, Илина Димитриевска Ања Јолакоска Екатерина Секованиќ Ивана Алексова Мартин Тодороски Стефан Мојсеов Митја Мехмедовиќ Техника: Неда Илиева

На барање на публиката: На 15 и 16 мај „Чиста Хероина“ во Јавна соба

Антонио Димитриевски — Thu, 10 May 2018 07:03:18 +0000

На барање на публиката на 15 и 16 мај во Јавна соба со почеток во 19.00 часот ќе се одиграат две играња на театарската претстава „Чиста Хероина“ според текстот „Лична Ангелина“ (Чувари на честа) на Загорка Поп-Антоска Андовска, а во режија на Ѓорѓи Ризески. „Лична Ангелина (Чувари на честа)“ е драма која е напишана во стих, со архаичен говор близок на епската песна „Болен Дојчин“, се случува во митско време, и го следи веќе воспоставениот однос на Болен Дојчин и сестра му, Лична Ангелина. Режисерското читање на Ѓорѓи Ризески, го отфрла митското време, и дејствието го сместува во сегашноста, во една брачна соба, на поткровје и својот режисерски фокус го гради врз првата сцена во која Лична Ангелина ја отфрла искрената љубов на Црна Арапина, а со тоа и идејата дека светот може да биде помирен. Ликовите на Болен Дојчин, Умер Бичакчија, Митре Поморјаче и Павле Плетикоса драматуршки се споени и ги толкува Марко Илиќ, а ликот на Лична Ангелина Надица Петрова. Оригинална музика за претставата работеше Александар Андовски. Музички соработник е Викторија Чочороска. Костимот и сценографијата се потпишани колективно. Продуцант на претставата е Центар за образование, култура и уметност „Данаил Станојески“ популарно познат како ДАСТА Академија.

театарска претстава – Вистина.мк

На 2-ри мај во „Салон 19:19“: Учениците од СУГС “Георги Димитров” со театарска претстава “Апел за …”

На барање на публиката: На 15 и 16 мај „Чиста Хероина“ во Јавна соба