теа трајковска – Вистина.мк

Теа Трајковска „се скоцка“ во секси стајлинг, па сигурна во себе и својот изглед и дозволи на „кармата да ја заврши работата… за неа“! (ФОТО)

Антонио Димитриевски — Wed, 28 Feb 2024 10:41:24 +0000

Теа Трајковска оддамна докажа дека е луда по промени и физички и стилски и музички... За оние љубовните, се' уште не се изјаснила ниту пак јавно пофалила на социјалните мрежи, зашто интимата засега ја остава само за себе и мал круг околу себе. Менувањето на бојата и должината на косата, шминката, стајлингот и гардеробата се нејзината посилна страна, па во зависност од расположението таа храбро експериментира со нејзиниот изглед, кој се почесто го потенцира нејзиниот сексапил. Со лик на светски модел и тело на манекенка, патем и останатите телесни атрибути достојни за истакнување, Теа не само музички, туку и физички се почесто привлекува внимание. Особено кога ќе се реши на похрабра комбинација во некој посекси стајлинг, кој ем е во тренд со актуелниот моден стил, ем го истакнува нејзиниот неодолив сексапил. Без оглед даки се во прашање куси фустанчиња и високи чизми над колена или комплети од црна провидна тантела... Теа изгледа доволно разголена за да ја поттикне возбудата и разбранува фантазијата, а сепак доволно пристојна за да не ја пречекори границата на добриот вкус. Така беше и овој пат кога со новиот „физикус“ барем кога се вамп шминката и долгата русо бојадисана коса во прашање или можеби надоградба во вид на екстензија, пејачката предизвика „слатка тензија“ кај машката популација. Особено впечатлив долгиот, црн свечен фустан со ултра-длабок „шлиц до препони“, од чија глетка на секое вистинско машко во главата ќе му „заѕвони“ алармот на фантазијата. Зашто шлицот беше толку длабок што ги открива речиси целите нејзини долги нозе, па малку фалеше да открие и нешто повеќе... Во пределот малку погоре! На сето тоа ако ги додате високите кожени чизми над коленици, Теа наликува на оние секси убавици кои без оглед на нивната професија, уште на прв поглед на многумина им стануваат фатална опсесија. Вака средена и стокмена, без оглед дали тргнала на настап, по приватна работа или можеби на љубовна средба, Теа Трајковска на излез од подземната гаража во молот, сигурна во себе и својот изглед мирно и препушти на „кармата да си ја заврши работата... за неа“! Фото: Инстаграм/theatrajkovska

„Нова јас“ : Теа Трајковска постојано „гори“ од желба за промени, овој пат со повод за добар провод (фото)

Слаѓана Атанасова — Wed, 08 Nov 2023 08:00:31 +0000

Младата пејачка Теа Трајковска оддамна докажа дека промените се нејзината силна страна, па во зависност од расположението таа храбро експериментира со нејзиниот изглед. Црвенокосата убавица редовно споделува на социјалната мрежа Инстаграм, па така на следбениците сега им откри дека повторно добила инспирација за нова промена, а овој пат ја смени бојата на косата. Теа од црвена помина во впечатливо портокалова нијанса како освежување за еден убав повод, па напиша : - Нова коса, нова јас е моето животно расположение. Имено, пејачката вчера со причина го освежи изгледот и се подготви за роденденската забава на нејзината мајка која наполни 54 години. Теа сподели и роденденска фотографија со мајка и Вики од неодамнештото патување во Париз со што откри дека таму двете си правеле друштво. Пејаката позира со нејзината мајка, а насмевката од лицето открива колку се задоволни. Теа во тој поглед не е резервирана и јавно ги споделува убавите моменти со цел да ги израдува нејзините фанови со што подобро да ја запознаат. Фото: Принтскрин/Инстаграм/Теа Трајковска

„Годинава ми е за исполнување животни музички желби“: Теа Трајковска си го оствари сонот па, призна на кое место сака „дејт“ (фото)

Слаѓана Атанасова — Thu, 26 Oct 2023 06:34:00 +0000

Македонската поп пејачката Теа Трајковска повторно реши да го посети Париз. Теа оваа година по втор пат замина во градот на светлината, а реши и уште еднаш да го посети и Дизниленд. По тој повод пејачката на Инстаграм сподели дузина фотографии која од која пошарена, а овој пат во стилот на „Halloween“. Сепак кога си тргна ја наведна главата на која носеше капа од ликот на Пинк Пантер и единствено што посака е дефинитивно тоа да е вистинското место каде сака да има „дејт“ (рандеву). Тука црвеносата македонска девојка во посета на Париз сакаше да го сподели секој миг, а секако неизоставен дел беа и провокативните фотографии пред Ајфеловата кула.

View this post on Instagram

A post shared by THEA (@theatrajkovska)

Но, еден од најубавите моменти за пејачката беше и концертот на кој присувствуваше а на пејачката одамна и бил на листата за слушање во живо па, напиша: „Годинава ми е за исполнување животни музички желби. Вчера си го слушав „live“ омилениот бенд од кој ми била првата плејлиста на ајпод и од првиот момент кога сум имала појма што е музика 🥹 Дефинитивно едно од најубавите доживувања во животчево.“

View this post on Instagram

A post shared by THEA (@theatrajkovska)

Возбудливата атмосвера на која останала до доцна ќе ја ќе ја држи пејачката уште долго веројатно, се до следната посета на ова интересно место. А, нејзините обожаватели го поздравија потегот со позитивни коментари и многу лајкови. Фото: Принтскрин/Инстаграм/Теа Трајковска

Теа Трајковска во возбудлива секси поза: Пејачката со душа и тело полни енергеја, следбениците и обожавателите со очи ширум отворени, полни „влажни погледи“! (ФОТО)

Антонио Димитриевски — Wed, 28 Jun 2023 09:55:38 +0000

Пејачката Теа Трајковска откако покажа дека е една од оние кои воопшто не им се плашат на промените, па ги зголеми усните, ја промени бојата на косата... Ама очигледно е и една од оние на која различните дестинации најдобро и ги полнат батериите. Секако, доколку може да си ги дозволи, а Теа очигледно може. Откако неодамна го посети Париз и уживаше во сите убавини на градот на љубовта, уметноста и светлината, сега црвенокосата убавица како брзо да ја зафати летната еуфорија, па реши малку да ужива во летните убавини и волшебства. Имено, откако ги објави песната и видеото за „Многу барам“, каде на моменти можевме да видиме како пејачката во поедини кадри го истурила сиот свој сексапил кој го поседува, овој пат Теа изненадува со она што како секси фотографии го споделила. На нам непозната локација која очигледно и прија и годи, Теа Трајковска со спортско капче на главата и модерни сончеви очила, со кафето в рака само по сивомаслинест бикини градник во возбудлива поза. Наоколу нема „живо пиле“, па на некои еротските мечти им отидоа до таму што почнаа да се прашуваат дали тоа Теа е во „топлес поза“, ама од половина надолу? Поточно, го носи ли воопшто на себе долниот дел од костимот за капење? Но за да нема „грешни мисли“, нагаѓања и мајтапење, пејачката веќе со следната споделена фото поза ја разби сета дубиоза која на некои им се наметнла. Теа наметната со тексас кошула, исправена во стоечки став, покажа дека костимот за капење во кој е променета е комплет, а патем прилично убаво и секси и прилега. И бојата и моделот, како што максимално и пријало кусото полнење на батериите што и самата сликовито го потврдила со еден од емотиконите покрај скокотливата фотографија! На крајот сите задоволни... Теа со душа и тело полни енергеја, следбениците и обожавателите со очи ширум отворени, полни „влажни погледи“! Фото: Инстаграм принтскрин/theatrajkovska

Теа Трајковска сака да и кажеш со поглед, не со зборови – „Многу барам“ (ВИДЕО)

Антонио Димитриевски — Thu, 22 Jun 2023 11:34:04 +0000

Секогаш уникатна, како во стилот, така и во музиката која ја создава, mладата пејачка Теа Трајковска вчеравечер, среда, 21 јуни 2023 преку социјалните мрежи ја промовираше својата најнова песна со наслов „Многу барам“, која повторно е нешто поразлично од она што сме навикнати да слушаме и гледаме на нашата сцена. Станува збор за уште една одлична нумера создадена во студиото на нејзиниот долгогодишен соработник – продуцентот Лазар Цветкоски. Како и за сите нејзини предходни песни, така и за оваа Теа со својата екипа од соработници сними и доста модерен спот. „Оваа песна се случи спонтано и таква енергија и носи. Кога правиме нова музика со Лазе сакаме да експериментираме со музичките стилови ама мислам дека ова е правец во кој сум најмногу своја и од тие причини "Многу барам" ми е една од омилените песни кои сме ги направиле. Спотот со Горан го снимавме подолг временски период за да го погодиме „вајбот“ што ни го даваше песната, а во текстот и самата приказна верувам дека секој ќе се пронајде и се надевам дека ќе и се допадне на публиката. Инаку ова лето Теа ќе го помине работно, неа може да ја слушате и гледате секоја недела во летната дискотека „Хавана“ во Скопје, но настапи ќе има и во останатите градови во нашата земја... Погледнете го спотот и слушнет јанајновата песна на Теа, зашто „Многу барам“ претендира да биде голем летен хит.

Теа Трајковска ги одговори прашалниците што долго им беа дилема на следбениците – пејачката одлучи креативно да го искористи времето што вечност трае (фото)

Слаѓана Атанасова — Fri, 16 Jun 2023 07:29:39 +0000

Чекањето секогаш, ама баш секогаш ни се чини вечност. Некои од тоа ги фаќа нервоза, а некои пак знаат како тоа време да го исористат рационално и креативно. Токму тоа го направи македонската пејачка Теа Трајковска која откри за себе дел од приватноста и призна дека таа не е „риалити персона“ туку сака да остане препознатлива само и само по музиката. Инстаграм прашалникот кој го направи за време на чекањето таа го сподели со сите фанови, а изнесе и некои приватни тајни од нејзиниот живот. - Ја чекам мајка ми точно 40 минути во кола - се пожали пејачката на нејзините фанови кои и го исполнија времето и се дружеа со неа за време на моментите поминати во чекање. Најпрво сите беа заинтересирани за нејзината музика и кога ќе има нешто ново, а Теа со одговорот доста ги израдува. - Кога нова песна? - Броиме прсти од една рака. Едно љубовно прашање беше веднаш на нејзиното мени за одговарање и гласеше: - Дали би простила неверство ? - Не - пресече Теа. Таа откри и дека сѐ уште не испланирала каде ќе го помине летниот одмор, но како и да е сепак на море ќе оди. - Каде на одмор - јасно гласеше „Инстаграм“ прашањето. - Искрено не знам, ама ќе паднат неколку дена на море следната недела. - Зошто не го експонираш повеќе приватниот живот - беше едно од следните прашања на некој од нејзите многубројни фанови. - Затоа што сум артист, а не reality personalityи сакам да ме препознаваат по мојата музика, а не по глупости. - Од колку години сакаше да бидеш пејачка - на што таа одговори дека друга опција во игра воопшто никогаш ниту била: - Никогаш не сакав да бидам нешто друго ова ми е нешто како „вистинска љубов“. Пејачката без проблем го откри нејзиното хоби, а тоа што неа во слободно време ја интересира е што велат ѕвездите, ама оние во хороскопот. Претпоставуваме, мајка и дошла брзо па, прашањата беа тие без селекција и менување, а Теа со автомобилот среќно и исполнето си заминала без никакви драми. Фото: Принтскрин/Инстаграм.Теа Трајковска

Теа Трајковска се најде во небрано на дождот: Ја спаси главата, ама јабана отиде колата (ФОТО)

Слаѓана Атанасова — Fri, 28 Apr 2023 06:48:36 +0000

Навистина, косата, односно фризурата е најчувствителна кога ќе се навлажни, таа веднаш се упропастува, а на жените им предизвикува нервоза и фрустарција. Затоа треба да се проверува временска прогноза и според неа да се закаже на фризер, за да нема последици, но и за да не ги трошат клиентите кесите за спас од ненадеен дожд. Во таква слична ситуација неодамна се најде и поп пејачката Теа Трајковска која го посети нејзиниот фризер со цел да го разубави нејзиниот имиџ. За секој случај со кеса и тоа хартиена, пејачката се обиде колку - толку да се заштити од незгода во која најпогодена ќе биде нејзината коса. „Добро што завршив на фризер една минута пред да заврне“ - напиша таа. Но, Теа во една малку поинаква незгода се најде кога возејќи се заедно со нејзината мајка се заменија зад воланот. „Ја откако мајка ми се смени со возење со мене да ми покажела како се вози и го лупна ретровизорот“. Со неодреден поглед и со прстот в уста Теа Трајковска се замисли кој подобро вози, таа или мајка и' Вики. Веројатно се нашле во незгодна ситуација но овој пат не од временската „непогода“ туку од сообраќајниот метеж, па се смениле за побргу и повешто да го избегнат, арно ама... Пејачката ја спаси главата , ама јабана отиде колата. Се случило токму тоа што се случило - кршење на ретровизорот. Фото: Принтскрин/Инстаграм/Теа Трајковска

На Теа Трајковска и се случи пех, публиката во тесно потисната, пејачката покисната (фото)

Слободанка Илиева — Wed, 19 Apr 2023 07:55:24 +0000

Временстата прогноза вели дека променливото и врнежливо време ќе се задржи на територијата на целата земја, а тоа на некои им одговара, други пак се ужаснати од таквото време. Поради временските неприлики беа засегнати и некои естрадни уметници кои имаа закажано настапи на отворено, особено сега за Велигден. Една од нив беше и поп пејачката Теа Трајковска која требаше да пее во градскиот парк во Кочани. Најпрвин ја покани и и' закажа средба на публиката, а потоа им откажа, но само за локацијата, а забавата поради дождот мораше да биде преместена во еден бар во Кочани. Теа така фатена во тесно и неизвесно, на пат мораше да тргне, а за секој случај до себе го имаше и својот стилист, ако накисне, да има кој да ја стилизира повторно. Дождот почна, а Теа колку можеше да спаси од шминката и фризурата, се покри со најлонска кеса на главата. Ова беше овековечено за спомен од врнежливиот Велигден и настапот во Кочани кој за среќа се случи. Е сега, публиката можеби го немаше комфорот на отворено и остана потисната, а пејачката накисната, забавата не смееше да трпи. Едно поинакво доживување, кое на крај сепак излезе со решение, Теа задоволна, а и публиката исто така. фото:Инстаграм принтскрин/теа трајковска/photos by @cokrevski

Теа Трајковска тргна во остварување на сонот: „Нема да лажам, го живеам најдоброто“ (фото)

Слободанка Илиева — Mon, 06 Mar 2023 07:16:38 +0000

Секој од нас посакал дестинација да ја посети и истражи, а кога таквото доживување и авантура ќе се зачини и со омилената музика и тоа во живо, тогаш остварување на замисленото доаѓа до врв. Пејачката Теа Трајковска тргна од замисла до реализација во остварување на својот сон, а нејзината дестинација беше Париз.

View this post on Instagram

A post shared by THEA (@theatrajkovska)

Социјалните мрежи се прозорецот кон приватноста на познатите, а овој пат Теа сакаше секој детаљ од своето патување да им го покаже на своите следбеници.

View this post on Instagram

A post shared by THEA (@theatrajkovska)

Огнената црвенокоса како и сите туристи со мапата на градот во рака, тргна во посета на најзначајните знаменитости меѓу кои секако беше Ајфеловата кула и тоа во ноќно блескаво издание, следеше магичниот Дизниленд, а потоа и некогашниот центар на моќта во Франција – Версај.

View this post on Instagram

A post shared by THEA (@theatrajkovska)

Сепак, веруваме дека најголемата возбуда за Теа беше концертот на нејзиниот омилен музичар и група уште од тинејџерски години. Описот за нејзиното доживување да ги слуша во живо гласеше вака: -Кој ме знае повеќе од 5 small talks знае дека сум die hard фан на „Panic! at the disco“ od 13 години, од првата песна што ја издале во кариера до ден денес. Музика што ме израснала и ми била „safety blanket“ во сите „ups & downs“ последниве 15 години и инспирација за мене како артист - дека кога си различен а свој тоа ќе биде препознаено (од вакви пациенти како мене. Кога прочитав дека ова им се последни датуми ever и бендот како таква форма и под тоа име нема да постои веќе морав да делувам бидејќи ќе ми останеше неостварена желба на „bucket list“. „Long story short“ - имам closure, срцево полно, а вчерашната вечер една од најубавите за мене. @panicatthedisco благодарам за се’ p.s. Жалам за девојчето до мене што ме гледаше со прекор кога врескав затоа што снимаше и и ги заебав сите снимки p.p.s. Следно идам на „Fall Out Boy“, раскажа Теа.

View this post on Instagram

A post shared by THEA (@theatrajkovska)

Возбудата веројатно ќе ја држи подолго, а фотографиите и спомените ќе ги има за цел живот како потсетник за убавите кои сами умееме да ги создадеме. фото:Instagram/Thea Trajkovska

Теа Трајковска не им се плаши на промените, но еве од што доби кратка доза стрес – „ Кај ми се нотификациите“ (фото)

Слаѓана Атанасова — Tue, 14 Feb 2023 09:16:04 +0000

Македонската поп пејачката Теа Трајковска неодамна на сите им докажа дека нималку не им се плаши на промените. Пејачката за сите нејзини новитети или трансформации кои ги прави задолжително ги известува нејзините следбеници преку социјалните мрежи. Така таа со нив неодамна сподели и им се пофали дека ги зголемила усните, а се пофали и со нејзината моќна промена која ја доведе до непрепознатливост, експериментирајќи со нејзината фризура. Но овој пат, Теа и самата доживеа шок и се вознемири од промените што и ги приреди социјалната мрежа Инстаграм. Таа на нејзините кратки приказни ги извести фановите дека и исчезнале нотификациите и со доза на загриженост објави колаж од фотографии со прашалници под нив. „Каде ми се нотификациите? Што е со апдејтиве?“ - напиша исплашено Теа, а сето тоа го долови додавајќи и емотикон кој означува страв. Но, вознемиреноста очигледно траеше кратко, поточно само неколку минути, кои на Теа и се чинеа вечност. Имено, Теа забележа дека со нејзиниот Инстаграм профил нешто не е во ред и за момент се шокираше иако, веќе во продолжение следуваше втората објава за разрешената ситуација. „Јас три минути подоцна, после пар пораки се прашувам дали само кај мене не бил стигнат апдејтот“ - наведе Теа. Но, социјалната мрежа Инстаграм понекогаш без најава прави одредени апдејти, измени, или бришење на стари алатки па, секако оние што се „навлечени“ на него честопати знаат да доживеат стрес од споменатата апликација. Сепак оваа промена ја вознемири и Теа која плашејки се за нејзината Инстаграм популарност да не пропадне очајно праша дали некој знае што се случува, бидејки таа не знаеше до каде ќе оди работата... „превртувајќи очи“. Фото: Принтскрин/Инстaграм/Теа Трајковска