теа таировиќ – Вистина.мк

Сите се вртеа по стајлингот кој „го стопи“ снегот на Копаоник: Како што е ред, за Теа Таировиќ рамнодушни нема (фото)

Riste Zdravkov — Fri, 16 Feb 2024 11:36:04 +0000

Една од најактуелните и најатрактивните српски пејачки, Теа Таировиќ секојдневно руши рекорди, па истото го направи и пред нејзината публика на Копаоник во еден од најлуксузните хотели. После бројните концерти во салите, на ред дојде и концерт на најпопуларниот ски-центар. Спрските медиуми успеаа да ја фатат пред нејзиниот настап, а креацијата која Теа ја носеше ги остави сите без здив. Теа за спектакуларниот концер одбра потполно проѕирна тоалета која и беше прилепена за телото, со црна постава околу градите. Оваа креација успеа да ги сврти погледите на сите гости во хотелското лоби, а до израз дојде и нејзиното сексапилно тело и атрибутите со кои Теа располага. Како што пренесуваат српските медиуми, картите за нејзиниот концерт се распродадени во рекордно време, а огромната сала која се наоѓа во хотелот беше исполента до последно место. Фото: Printscreen / Instagram / tea_tairovic

Само три дена до Копаоник Music Week: Теа Таировиќ и Саша Матиќ подготвени за најлудата журка!

Антонио Димитриевски — Tue, 13 Feb 2024 09:34:03 +0000

Подгответе се за незаборавен викенд, бидејќи одбројувањето до најлудата журка започна! Уште само 3 дена нѐ делат од спектаклот што ќе се одржи на најпопуларната зимска дестинација, во рамките на фестивалот Копаоник Music Week, во Event салата на хотелот ГРАНД, на Копаоник. За сите љубители на добрите журки и незаборавниот провод, 15 и 16 февруари се резервирани за два незаборавни концерти на кои ќе блеснат едни од најголемите музички ѕвезди од соседството. Прва во низата е Теа Таировиќ која ќе ја запали атмосферата во четврток на 15 февруари, додека Саша Матиќ ќе ги разгали сетилата со својата енергија и познатите хитови веќе следната вечер, во петок на 16 февруари. Се очекува вжештена атмосфера и луда забава до длабоко во ноќта со најпознатите изведувачи и одличната продукција на Скајмјузик, која дополнително ќе ги заокружи настапите на овие мега ѕвезди. Доколку сè уште не сте ги обезбедиле билетите, сега е време, а сите детали можете да ги најдете на musicweek.rs.

Пет причини во февруари да го посетите Копаоник – главната е Music Week

Антонио Димитриевски — Wed, 31 Jan 2024 12:14:12 +0000

Најпознатата ски-дестинација во соседството и оваа сезона е првиот избор на страсните скијачи и вљубениците во добрата забава, а ние ви носиме пет причини зошто не треба да ја пропуштите авантурата на оваа снежна убавица. Настапи на најголемите музички ѕвезди: Веруваме дека сите веќе ги заокруживте датумите кога во рамки на првиот дел од Копаоник Music Week ве очекуваат настапите на Теа Таировиќ (15 февруари) и Саша Матиќ (16 февруари) - знаете дека забавата е загарантирана! Местото на одржување на Копаоник Music Week е Event салата на хотелот Гранд, каде заедно со врвната продукција на Скајмјузик, можете да очекувате два врвни концерти на докажани мајстори на одлична атмосфера! Совршено уживање во зимските спортови: Копаоник е зимски рај за љубителите на скијањето и сноубордингот. Со патеки за секое ниво на вештина секој ќе го најде својот совршен спој на адреналин и релаксација на белите падини. Ски-школите и изнајмувањето опрема се на дофат, овозможувајќи одлично искуство за сите посетители, без оглед на нивото на искуство. Велнес и спа рај: По ден поминат на патеките или уживање во концерт, опуштете се во луксузниот велнес центар на хотелот Гранд. Сауна, масажа или релаксација во базен со поглед на зимската идила, ќе ви овозможат потполно бегство од секојдневниот стрес. Гастрономска магија: Копаоник не е само рај за скијачите, туку и за љубителите на добрата храна. Уживајте во автентичните локални специјалитети во рустикални планински ресторани или препуштете се на врвните кулинарски деликатеси во луксузните хотели. Вашите сетила ќе доживеат вистински празник од вкусови! Одлична ноќна авантура: Копаоник е и идеална дестинација за љубителите на ноќниот живот. Освен спектакуларните концерти, разновидниот ноќен живот нуди многу забава за секој посетител. Баровите, клубовите и кафулињата се една од главните карактеристики на сребрената планина, а ноќните авантури лесно можат да се претворат во незаборавни забави кои траат до раните утрински часови! Доволно причини за патување, а особено за уживање во одличната програма на Копаоник Music Week, која наскоро носи нови имиња и нови датуми.

На повидок нова „војна“: Милица Павловиќ и Теа Таировиќ се отследија на Инстаграм (фото)

Слаѓана Атанасова — Mon, 22 Jan 2024 12:47:39 +0000

Милица Павловиќ и Теа Таировиќ се отследија од социјалната мрежа Инстаграм, а никому не му е јасно зошто се случило тоа. Оваа информација се прошири и на социјалната мрежа „Х“, дека на нивните профили на Инстаграм тие две повеќе не се следат.

AL LUDIM ŠTO JE TAHIROVIĆKA ODPRATILA MILICU I IVANU SA INSTAGRAMA pic.twitter.com/UfdH6WUpy0
— diva (@afterkodmilice1) January 20, 2024

– Теа и Мици се отследија – стои во објавата, а набрзо следеа коментари од типот: „Долго се следеа“, „уф, нова војна е на повидок“ – следеа коментари на социјалните мрежи. Инаку, и двете пејачки се многу успешни и популарни. Милица Павловиќ неодамна направи спектакл во Штарк Арена, додека Теа Таировиќ, која важи за една од најплатените пејачки, во јуни одржа концерт на Ташмајдан. Фото: printskrin/instagram/senoritamilica/tea_tairovic

Сцената се тресеше од мешањето на Теа Таировиќ на ромскиот бал во Скопје – присутните гледаа без да трепнат (видео)

Слободанка Илиева — Mon, 22 Jan 2024 10:26:06 +0000

Синот на покојниот Амди Бајрам, Габрил Бајрам, во четвртокот го организираше 44-от Светски ромски бал кој помина спекталуларно во скопскиот хотел „Александар плас“. За тоа да биде така придонесоа главните ѕвезди на вечерта, Цеца Ражнатовиќ и Теа Таировиќ. Прва на сцената пред многуте гости од земјата и странство беше Теа која со своите хитови ги стана сите на нозе, а никој не остана рамнодушен на нејзиното „елекстрично“ мешање со колковите кое сакаа сите да го гледаат што поблизу.

Теа Таировиќ меша со задникот во Александар Палас на Светскиот ромски бал pic.twitter.com/3zrZZgLlLf
— Курир (@KurirMK) January 20, 2024

Теа ја запали сцената, па речиси секој сакаше со видео да го овековечи моментот, па да го има за репризно гледање и плакнење очи. По првиот блок Теа ја најави Цеца Ражнатовиќ во чиј настап кажа дека сака да гледа и ужива, а подоцна таа повторно се врати на сцената за да го заврши земјотресот кој го започна. Воодушевени имаше доста, а за да се испочитува дамата гостинка, на сцената и подарија бели рози.

Теа Таировиќ доби огромен букет со бели ружи на ромскиот бал во Скопје pic.twitter.com/5ci8oAprf6
— Курир (@KurirMK) January 20, 2024

видео/фото:Kurir.mk/ privatna arhiva

Теа Таировиќ и Саша Матиќ за Сретење: Копаоник Music Week продолжува во ритамот на најголемите музички ѕвезди

Антонио Димитриевски — Sat, 20 Jan 2024 06:40:28 +0000

По серијата незаборавни концерти кои ги затресоа планинските врвови, Копаоник, најпознатата скијачка дестинација во регионот, се подготвува за ново поглавје од музичката еуфорија во рамките на зимското издание на фестивалот Music Week! На сцената во Event Hall на хотелот „Гранд Копаоник“ ќе застанат две големи ѕвезди - Теа Таировиќ и Саша Матиќ! Датумот е веќе заокружен: четврток и петок, 15 и 16 февруари се деновите кога Копаоник ќе се претвори во епицентарот на зимската забава. Додека Теа Таировиќ ветува незаборавен LIVE настап во свој стил, Саша Матиќ гарантира вечер исполнета со емоции и љубов. Скајмјузик, организаторот на овој музички настан, гарантира дека овие концерти ќе бидат нешто посебно - на публиката ќе ѝ се даде единствена можност да ужива во жешката атмосфера, најголемите хитови на двајцата артисти и, секако, безвременската добра забава што само Копаоник може да ја понуди. Дополнително, Теа Таировиќ и Саша Матиќ ветуваат журка за паметење: Теа со својата енергија и хитовите ќе ја распамети публиката, додека Матиќ ќе донесе емотивни моменти и песни кои допираат до срцето. И кога ќе ги споите овие дваjца исклучителни изведувачи со спектакуларната продукција на Скајмјузик, добивате формула за незаборавно искуство. Билетите се веќе пуштени во продажба, а со оглед на досега невидениот интерес за концертите во рамките на зимскиот Music Week фестивал, се очекува тие да бидат распродадени во рекордно време. Затоа, не ја пропуштајте можноста да бидете дел од овој зимски спектакл и да го резервирате вашето место навреме! Повеќе информации побарајте на musicweek.rs. Резервирајте го вашето место на +389 70 317 022.

„Од пиле млеко“ и “забава до бесвест“: Лила веќе го најави и ќе го води Ромскиот бал, а освен Цеца и Теа еве кој се’ ќе пее и за колкав хонорар (ФОТО)

Антонио Димитриевски — Tue, 09 Jan 2024 09:35:42 +0000

Среде бел ден во свечен провиден фустан на високи потпетици, наметната со бунда Лила Филиповска беше уловена како танцува, игра, меша… И тоа чочек со жива блех музика. Околу неа ечеа руби, саксофони, силно чукаше тапанот, а водителката не престана да се врти, се извива, ниша со колкови, меша со бокови, лула карлица… Небаре е некоја балканска турбо фолк убавица од Србија, од оние налик на Цеца или Теа... Односно токму оние кои и ќе бидат главните ѕвезди на претстојниот Cветски Ромски бал 2024, кој ќе се одржи на 18 февруари во еден елитен скопски хотел, а Лила ќе биде водителка, паа оттаму и ваквата најава во вид на божемна подготовка за вечерта која велета ќе се памети по многу работи. Од влезниците кои воопшто не се евтини па така, т.н. „коњопој“ за шест лица со вклучено шише алкохолен пијалок чини 300 евра, односно по 50 евра од лице. За оние пак, кои сакаат мени и столче на маса за седење, ќе мора да платат по 150 евра од лице. Арно ама, влезницата велат „вреди за сите пари“, за кои гостите добиваат „од пиле млеко и забава до бесвест“. Менито нуди неограничена храна, картата на пијалоци содржи познати алкохолни брендови, од виски до скапи вина и секако врвно приготвени специјалитети. Музичките гости секогаш се со особено внимание избрани, па така и годинава ќе настапуваат ултрапопуларни имиња од регионалната естрада кои ќе ги кренат расположението и атмосверата на манифестацијата до плафон. Зашто имињата на балканската фолк дива Цеца Ражнатовиќ и регионалната „кралица на бакшишот“ Теа Таировиќ тоа и го гарантираат. Но нема да бидат само тие двете кои, како што се очекува ќе направат таа вечер „да гори Балкан“, туку покрај нив најавени се уште некои познати и врвни музички изведувачи и еминентни фолк ѕвезди од регионот како неодминливиот Муарем Сербезовски, Сара Рељиќ од “Ѕвездите на Гранд”, групата “Ѓогани”, а покрај нив ќе настапат и многу познатите ромски пејачи како Бернат, Ервин, Џефрина, Цита... но и Таркан од Белгија. Официјален оркестар на балот ќе биде “Оркестарот на млади таленти” од Скопје, а на балот исто така ќе се одбира Мис најубава Ромка. Програмата ветувачка и мошне богата, ама богати се и хонорарите на пејачите, особено оние на главните ѕвезди, кои покрај солидната заработка се очекува дома да си заминат накитени и со дебел бакшиш! Како што се дознава, на Цеца за овој настап ќе и бидат искеширани 50.000 евра, додека Теа се задоволила со цифрата од 20.000 евра. „Ѓогани“ ќе настапат за 10.000 евра, а Сара Рељиќ ќе добие 5.000 евра. Бакшишот секако никој не може да го предвиди, но секако дека нема да биде ниту незначителен ниту скромен, особено кога се во прашање двете главни ѕвезди на вечерта. Останатите хонорари се „незначителни“ во однос на споменатите, но пејачите и музичарите секогаш „се крстат“ во дарежливоста на гостите кои се очекува и овој пат да имаат „лесна рака“, без што прославите од ваков тип никогаш не поминуваат! Фото: Инстаграм/djoganivesna/lilafilipovska/sara.reljic_worklife/cecaraznatovic/tea_tairovic

Утревечер во СЦ „Јане Сандански“: Теа Таировиќ на една концертна ноќ во Скопје

Антонио Димитриевски — Fri, 15 Dec 2023 11:19:36 +0000

Долгоочекуваниот предновогодишен спектакл е на самиот праг! Утре е денот кога цела Македонија ќе се собере на едно место само за да доживее незаборавна вечер заедно со едната и единствена Теа Таировиќ. Време е за концертот кој го привлече вниманието на широката јавност и предизвика голема заинтересираност и возбуда. Како што велат организаторите, сензационалниот настан е скоро целосно распродаден што воопшто не е зачудувачки, а поради големиот интерес пуштени во продажба биле и влезници за помошните трибини и делот од галеријата. Неодоливата балканска ѕвезда Теа Таировиќ со нетрпение чека да настапи пред македонската публика, ќе дојде со тим од 40 луѓе, а заедно со својата танчерска екипа и специјалниот гостин, мегапопуларниот Војаж, подготвени се да направат незаборавно лудило. Искористете ја можноста, бидете дел од концертот на годината, утре во 20 часот во салата Јане Сандански, Теа ве очекува!

Теа Таировиќ откри што правела кога се симнала од сцената по концертот на Александра Пријовиќ (фото)

Слаѓана Атанасова — Wed, 06 Dec 2023 11:46:08 +0000

Атрактивната пејачка Теа Таировиќ ги сумирала впечатоците од неодамнешниот концерт на Александра Пријовиќ во Арена Загреб, каде што настапи како специјална гостинка. Таа гостуваше во емисијата на Огњен Амиџиќ, а по тој повод зборуваше за концертот на Александра Пријовиќ во Загреб, каде што беше специјална гостинка, на задоволство на публиката. - Убаво, полна сум со впечатоци од Загреб, фантастичен концерт, а кога се симнав од сцената одлично се забавував. Поздрав до Прија. Тоа се некои планови за мојата Арена за следната година, но дотогаш не сакам да зборувам - изјави Теа во емисијата. Да потсетиме, на третиот од трите распродадени концерти на Александра Пријовиќ гостуваше и Теа Таировиќ. Колешките но и добри пријателки заедно ја изведоа песната „Будало“, по што новосаѓанката ги изведе своите хитови „Хајде“ и „Само на една ноќ“. Фото: Принтскрин/Instagram/tea_tairovic

На Прија и се придружи и Теа Таировиќ: Пејачките со атрактивен стајлинг и енергичен настап направија спектакл во Загреб (видео)

Слаѓана Атанасова — Mon, 04 Dec 2023 07:40:19 +0000

Пејачката Александра Пријовиќ трета вечер како настапува во Арена Загреб, а на ова место ќе одржи пет последователни концерти. Со оглед на тоа што на секој концерт на оваа турнеја има по некој гостин, ниту сега не беше исклучок. На сцената најпрво и се придружи и МЦ Стојан со кој го отпеа нивниот дует „Шта би“, а потоа следеше уште едно изненадување. На Александра на сцената и се придружи Теа Таировиќ, а нивниот заеднички настап ретко кој остави рамнодушен. И двете беа енергични и расположени, а освен што изведоа големи хитови, акцентот беше ставен на нивните атрактивни стајлинзи. Таировиќ се заблагодари за дочекот со „раширени раце“, а со Прија го отпеа и хитот „Будало“. На видеата објавени на социјалните мрежи, следбениците оставаат коментари за квалитетот на пејачките, успехот на Александра Пријовиќ, но и предизвикувачките изданија во кои и двете излегоа на сцената.

View this post on Instagram

A post shared by ALEKSANDRA PRIJOVIĆ 🥰 (@aleks_prijovic_zivojinovic)

Теа на концертот носеше златен мини фустан, додека Прија реши да ја покаже својата извајана фигура во кожни, тесни панталони. Фото: : Принтскрин/Instagram/aleks_prijovic_zivojinovic