тажна вест – Вистина.мк

Славната манекенка скршена од болка по смртта на мајка си: „Ќе се сретнеме во сништата, те сакам!“ (фото)

Слободанка Илиева — Wed, 31 Jan 2024 11:30:44 +0000

Познатата манекенка Жизел Бундхен со објава на Инстаграм се прости од својата мајка, која почина пред неколку дена на 75-годишна возраст, по битка со ракот. Модната ѕвезда испрати трогателни зборови со серија заеднички фотографии. Таа доби голем број пораки за поддршка, меѓу кои и порака од нејзината колешка и пријателка Линда Евангелиста. - Возљубена мајко, ме боли што знам дека веќе нема да можам да те гушнам, но знам дека секогаш ќе чуваш над нас. Ти беше ангел на земјата, секогаш им помагаше на сите околу тебе. Многу сум благодарна што сум твоја ќерка и што научив од тебе. Ти благодарам што беше најдобар пример за љубов, сила, сочувство, храброст и благодат – напиша таа и продолжи:

View this post on Instagram

A post shared by Gisele Bündchen (@gisele)

- Засекогаш ќе ги негувам убавите спомени што ги споделивме и ќе живеам во согласност со вредностите што ме научивте. Ќе живеете вечно низ многуте животи што сте ги допреле. Ти благодарам што ми подари пет најдобри пријатели за живот. Твојата љубов секогаш ќе не води. Ќе се сретнеме во нашите соништа. Те сакам – напиша манекенката и со своите зборови трогна многумина. Мајката на познатата манекенка Жизел Бундхен, Ванија Ноненмахер била лекувана во болницата Моињос де Венто во Порто Алегре, Бразил, а откако и се влошила состојбата, губејќи ја битката со ракот, таа починала, пишува The Sun. Оваа вест прв ја објави бразилскиот весник GZH. Мајката на манекенката била пензионирана банкарка во Бразил. Таа имаше бразилско државјанство и по потекло беше од Германија. Имаше шест ќерки со универзитетски професор. фото:Instagram printscreen/ gisele

Почина познатиот македонски хуморист и сатиричар Војче Китаноски

Слободанка Илиева — Sun, 15 Oct 2023 19:10:23 +0000

Почина познатиот македонски хуморист, сатиричар и имитатор Војче Китаноски. Веста за неговата смрт на социјалните медиуми ја објавија неговите пријатели и познати личности. На социјалните мрежи веќе се редат последите збогувања на сите оние кои го познаваа. Според неофицијални информации безживотното тело на Китаноски било пронајдено во неговиот дом, а наводно причинага била инфаркт. Војче е роден во 1955 година во селото Крапа, Македонски Брод. Завршил гимназија во Кичево, а студирал на Шумарскиот факултет. Тој речиси 50 години беше активен на македонската јавна сцена. Во својата долгогодишна кариера Војче настапувал пред студенти, пред армијата и пред бригадирите на работните акции, како и покрај Мики Јевремовиќ и Тома Здравковиќ. Меѓу другото тој ја издаде книгата со најубавите вицеви за деца „Антологија на 500 вицеви за деца“ и книгата „Енциклопедија за хумор“, во која, преку своите доживувања и анегдоти раскажува за својот живот. фото:Фејсбук/Војче Китановски

Тажен ден за Зоки – Фаци, остана без најмилата личност во животот, неговата мајка: „Во мене постои болка… извини за се’“ (ФОТО)

Антонио Димитриевски — Fri, 14 Jul 2023 07:27:14 +0000

Познатиот естраден новинар и ТВ водител Зоран Василевски – Фаци вчера, 13 јули 2023-та на неговиот профил на Инстаграм сподели тажна вест… Тој на своите следбеници и воопшто на јавноста и сподели дека неговата мајка Пандора починала… Зоки посвети неколку „стори“ објави по повод ненадоместливата загуба, на кои напиша потресни зборови кои ги растажија сите, особено оние кои одблизу го познаваат. „Утрово се збогував со мајка ми. Замина во вечноста, таму кај татко ми. Летај Пандора, небото е твое“ - стои во неговата прва објава за тажната вест. „Јас мајка ми ќе ја испратам утре, онака гордо, со крената глава, достоинствено како што и доликува на дама. Таа ме сакаше дотеран, па така и ќе биде. А, ќе плачам другпат“ - објавил понатму Василевски. Во емотивното обраќање до јавноста, на крајот упати благодарност до вработените во Домот за стари лица каде што неговата мајка престојувала и ги минала последните денови од животот. „Многу тага имаше во мене кога се видовме последниот пат, но со вас знаев дека не е сама“, пишува Зоки, па неможејќи да ја сокрие тагата и болката, длабоко во тешката непреспиена ноќ, уште еднаш јавно ги искажал своите чувства, барајќи последна прошка од неговата почината мајка со зборовите: „Во мене постои болка...Извини за се'“! Нека и е светол патот, искрено сочувство до колегата и семејството. Фото: Инстаграм/zokifaci

Почина познатиот српски моден дизајнер Саша Видиќ

Слободанка Илиева — Mon, 24 Apr 2023 10:33:50 +0000

Модниот дизајнер Саша Видиќ почина на 52-годишна возраст во болницата „Бежанијска коса“ во Белград. Причината за смртта се уште не е позната. Саша Видиќ во својата долгогодишна кариера соработуваше со бројни познати личности од јавната сцена - пејачи, актери, водители, спортисти, политичари... Видиќ имаше остар јазик, па не ретко беше во вербална војна со естрадата.

View this post on Instagram

A post shared by Sasa Vidic (@vidicsasa)

Инаку, тој лично дизајнираше и креираше дресови за српските спортисти за Олимпијадата во Лондон, а изработи и дресови за фудбалската репрезентација на Србија за Светското првенство Русија. Тој беше основач на модниот бренд „Броз“. Соработуваше со Цеца Ражнатовиќ, Сека Алексиќ, Дара Бубамара и бројни познати музички ѕвезди... Роден е во 1971 година во селото Млака во Хватска, извесно време живеел во Бања Лука, а потоа се преселил кај неговиот вујко во Белград, кога избегал од војната во Босна како бегалец. Кариерата ја изгради во главниот град на Србија. фото:Инстаграм принтскрин/саша видиќ

„Почивај во вечноста“: Пејачката Ана Бекута со емотивни зборови за смртта на нејзината мајка (видео)

Слаѓана Атанасова — Wed, 15 Mar 2023 10:19:45 +0000

Пејачката Ана Бекута 40 дена молчеше за смртта на нејзината мајка, а сега проговори со шокантни зборови. Ана призна дека нејзиниот свет престанал, и дека за неа започнало сосема поинакво време: - Поминаа 40 дена откако мојата добра мајка Милица отиде во Царството Небесно, а јас засекогаш престанав да бидам нечие дете. Кога умира мајка, умира цел свет, последната грижа зошто доцниш и секое слабо сомневање дека нешто не е во ред затоа што мислела дека твојот глас на телефон е поинаков. Со секоја мајка умира една уметност на готвење, еден начин на поставување трпеза, една историја, едно семејство и еден начин на љубов и една универзална, а сепак единствена грижа за дете кое долго време е нечија мајка. Почивај во вечноста на твојата љубов, драга моја мајко - напиша Бекута на Инстаграм.

View this post on Instagram

A post shared by Ana Bekuta (@anabekuta1)

Фото: Принтскрин/Инстгарам/Ана Бекута

Тажна вест: Почина пејачот Масимо Савиќ

Слаѓана Атанасова — Fri, 23 Dec 2022 17:46:57 +0000

Балканот остана во шок откако попладнево излезе веста дека хрватскиот пејач Масимо Савиќ починал. Познатиот и ценет на поранешните југословенски простори пејачот Масимо Савиќ почина на 61-годишна возраст по кратко боледување, ja потврдиле од Аквариус рекордс тажната вест. Неговата сопруга Ени и ќерката Мирна се простија од Масимо со емотивна објава на социјалните мрежи. „По кратка, но херојска борба, нè напушти нашиот татко, сопруг, гордост и љубов, Масимо Савиќ. Иако го напушти овој свет, вечно ќе живее во нашите души. Насмеан, топол, силен, полн со љубов и исткаен од уметност. Засекогаш ќе бидеме твоите девојки. Ени и Мирна“, се вели во нивната објава. Во 1989 година ја запознал сопругата Ени, која тогаш пишувала песни за Јосипи Лисац. Тие ја имаат ќерката Мирна, новинарка и поранешна радио водителка. Масимо е роден на 6-ти јуни 1962 година во Пула, а средното образование го завршил во Загреб, каде што ја започнал својата музичка кариера. Масимо го поминал своето детство во Истра. На 12-годишна возраст заминал во Милано, а потоа со брод од Џенова, мајката и синпт тргнале на патување со брод во Австралија, за подоцна да се вратат во Истра. Во 1983 година, како водач на легендарната њувејв/синт-поп група Доријан Греј, го издаде својот прв албум „Сјај у тами“, а две години подоцна вториот албум „За твоје очи“. Групата стана позната благодарение на феноменалниот препев на групата насловна страна на групата Вокер Брадерс „The sun ain’t gonna shne more“, но со впечатливиот глас на Масим Савиќ. За препевот е заслужен Синиша Шкарица, кого гласот на Масимо го потсетил на вокалот на Скот Вокер, и покрај тоа што членовите на бендот немале поим кои се Walker Brothers. И така се родил рвиот хит на Доријан Греј. За жал, членовите на бендот експериментирале со дрога во тие години. Тие на тоа гледаа „како поттик за правење музика“. Бендот се распадна во 1986 година, а потоа Масимо Савиќ започна успешна самостојна кариера и издаде четири албуми во соработка со Зринко Тутиќ. Потоа следува пресврт во кариерата и уметнички поп и рок проекти, како што е албумот на англиски јазик „Elements“ или вокал во групата Метал Гуру, со истовремено објавување на петтиот албум во соработка со Тутиќ – „Бензина„ во 1995 година, токму на времето на врвот на хрватската „денс“ музика. Во 1998 година ја прекина соработката со Зринко Тутиќ. Пет години подоцна, Савиќ го издава новиот албум „Масимо“. Нагорната паека на неговата кариера започна во 2002 година, кога потпиша договор со Aquarius Records, кој го издаде албумот „Вјештина“. Со желба да се врати во бенд, тој полека го состави тимот. Се собира групата „Alkemičari“ и започнуваат серија концерти. Го прават албумот „Вјештина II“, со кој Масимо се врати во самиот врв на хрватската поп-рок музика. Во средината на 2011 година, Масимо го издава огромниот хит „Из једног полгеда“, којашто постигна огромен успех и денес има над 15 милиони прегледи на YouTube. Годината 2013-та ја посвети на јубилејот 30 години од својата кариера, а концертот во кариерата го одржа во загрепската „Арена“ на 5-ти ноември 2022 година. Повеќепати е наградуван со престижната хрватска музичка награда Порин.

Почина композиторот Анџело Бадаламенти – авторот на музиката од култните филмови на Дејвид Линч

Слаѓана Атанасова — Tue, 13 Dec 2022 10:31:06 +0000

На 85 години почина славниот композитор Анџело Бадаламенти, кој ја напиша музиката за култни филмови на Дејвид Линч, како „Сино кадифе“, „Твин Пикс“ и „Малхоланд драјв“. Неговото семејство соопшти дека починал од природна смрт во неделата, во неговиот дом во Њу Џерси.

Линч и Бадаламенти станаа добри пријатели и соработници, соработувајќи и на наслови како „Диви во срцето“, а Бадаламенти се појави и во сцена во „Малхоланд драјв“, а свири на пијано покрај Изабела Роселини во сцена во “Сино кадифе”. Во долгата и разновидна кариера, Бадаламенти соработуваше и со легенди како Нина Симон, Дејвид Боуви, Пол Макартни, Лајза Минели, „Пет шоп бојс“, а ја напиша и свечената музика за Олимпијадата во 1992 во Барселона. За музиката на „Твин Пикс“, која ја напишал без да види ниту еден кадар, се инспирирал само од разговорите со Линч, Бадаламенти доби Греми награди и три Еми номинации. Често ги посетувал Линч и актерите за време на снимањето и им свирел, за „актерите да можат да ја почувствуваат атмосферата“. Говорејќи за неговата интуиција „да ја почувствува атмосферата“’, Линч во 2005 за „Њујорк тајмс“, изјави: „Седам и разговарам со Анџело за некоја сцена и одеднаш тој почнува да ги свири тие зборови на пијано. Кога почнавме да работиме заедно, веднаш се поврзавме. Јас ништо не знаев за музика, но бев љубопитен за музичките ефекти и чувствата кои ги носи музиката. Многу научив за тоа од Анџело, колку се тие поврзани“.

Тажна вест од Холивуд: Актерката што доживеа страшна сообраќајна несреќа ќе биде исклучена од апаратите што ја одржуваат во живот (фото)

Слаѓана Атанасова — Fri, 12 Aug 2022 10:15:08 +0000

Актерката Ен Хеч моментално е на апарати за одржување во живот, а нејзиното семејство објави дека мозокот и е тешко оштетен, а актерката, за жал, нема да преживее. Семејството на Ен Хеч јавно се огласи за состојбата на актерката и по тој повод објавија дека „Не се очекува актерката да преживее“ со оглед на тоа дека имала голема повреда на мозокот. Откако предизвика две сообраќајни несреќи, Ен се здоби со голема повреда на мозокот и сега е на апарати за одржување во живот. Се чека потврда дали нејзините органи може да се донираат, пишува Дејли Мејл. „Сакаме да им се заблагодариме на сите за нивните добри желби и молитви за закрепнување на Ен и да им се заблагодариме на посветениот персонал и прекрасните медицински сестри кои се грижеа за Ана во Центарот за изгореници Гросман во болницата Вест Хилс. За жал, Ен претрпе тешка повреда на мозокот како резултат на несреќата и останува во кома, во критична состојба. Не се очекува да преживее“, се вели во соопштението. „Ен имаше големо срце и со својата великодушност ги трогнуваше сите што ќе ги сретнеше. Таа имаше повеќе од нејзиниот неверојатен талент, сакаше да им донесе радост и добрина на другите. Ќе биде запаметена по нејзината храброст и искреност и многу ќе ни недостига“, се додава во изјава. Полицијата во четвртокот за Си-Ен-Ен изјави дека истражува дали Хеч била под дејство на опијати во моментот на инцидентот, но дека „потребно е дополнително тестирање за да се исклучат какви било лекови што ги примила во болницата“, рече полицаецот Ени Хернандез. Фото:Принтскрин/Профимедиа

Колегите преку социјалните мрежи се простуваат од Аки Рахимовски: „Што и да кажам малку е“

Христина Ѓоргиевска — Sat, 22 Jan 2022 14:01:29 +0000

Пејачот на култната рок група „Парни Ваљак“, Аки Рахимовски почина денес на 67 години, потврди неговиот менаџер Дамир Осредечки. Колегите преку социјалните мрежи се простуваат од Аки. Ненад Милосављевиќ, Неша Галија вели дека не напуштил голем уметник, човек и пријател како што беше Аки. -Многу ми е жал. Уште една лоша вест. Тој е човек кој се покажа со своите дела. Ние имаме привилегија луѓето да не проценуваат на основа на нашите дела. Што и да кажам малку е. Заминаа многу добри луѓе и тоа не е добро. Нека му е вечна слава. Никола Роквиќ од Рахимовски се прости на Инстаграм. -Патувај маестро, колку учев од тебе. Голем пејач со прекрасна боја и интонација. Ти благодарам, напиша Никола.

View this post on Instagram

A post shared by Nikola Rokvic (@nikolarokvic)

Жељко Самарџиќ исто така се прости преку социјалните мрежи. -Почивај во мир генерацијо, нека ти е вечна слава, напиша тој.

View this post on Instagram

A post shared by Željko Samardžić (@zeljko_samardzic)

Од Aки се простија и групата „Неверне бебе“. На својот „Инстаграм“ објавија фотографија oд Аки, а во описот напиша: -Тажни очи, сто прашања (Тужне очи, сто питања) Нина Бадриќ -Господе мој, која тага. Замина еден од најголемите. Незаменлив музичар и институција на музиката на овие простори. Искрено сочувство до семејството и бендот. Почивај во мир прекрасен човеку.

View this post on Instagram

A post shared by Nina Badrić (@badrich)

Калиопи -Аки мој… Не верувам… Не сакам да верувам…., напиша Калиопи покрај фотографијата од Аки.

View this post on Instagram

A post shared by Kaliopi (@kaliopi_official)

Игор Џмабазов Игор Џамбазов покрај фотографијата од Аки напиша: -Со Аки сум се родил, со Аки ќе си умрам...

View this post on Instagram

A post shared by Игор Џамбазов (@igordzambazov)

` фото: Драган Кадиќ

Почина тапанарот на култната рок група „Атомско склониште“: Никица Дураковиќ замина во вечноста

Антонио Димитриевски — Mon, 18 Oct 2021 10:36:52 +0000

Никица Дураковиќ, поранешниот тапанар на култната рок група „Атомското склниште“, ненадејно почина во неделата, 17 октомври 2021 год. на 56 -годишна возраст. Веста ја потврдиле членовите на бендот „Double Dose Blues“ во кој беше член, но тие не биле подготвени да даваат изјави. Музичарот, исто така, свиреше во пулските групи „Стабилизација“, „Гори Уши Винету“ со кого го сними легендарниот албум „Адио Пола“, и беше ко-основач на блуз бендот „Double Dose Blues Banda“. Тој исто така го сними последниот албум „Тера мистика“ со „Атомско склониште“. Членовите на бендот со кој настапуваше, исто така, се збогуваа со музичарот. „Драги пријатели, по повеќе од 20 години дружење и свирење заедно, тапанарот Никица Дураковиќ - Ник не напушти...“ - напишаа членовите на „Double Dose Blues Banda“, а се и огласија и од „Атомско склониште“.