Не можеа да го дособерат бакшишот: Нашите фолк – ѕвезди викендов ги забавуваа македонските иселеници (фото)

Слаѓана Атанасова — Mon, 13 Mar 2023 10:02:05 +0000

Викендов македонските иселеници несомнено уживаа во македонската музика, а за тоа се погрижија дел од нашите најголеми или во моментов најпопуларни фолк - ѕвезди. Тие направија одлична забава за македонската дијаспора, а за тоа се пофалија на нивните профили на социјалната мрежа „Инстаграм“. Атмосферата насекаде каде што настапувале била прекрасна, а пејачите презадоволни и со полни раце бакшиш. Сузана Гавазова имаше настап најпрво во Мерхтем, општина која се наоѓа во белгиската покраина Фламански Брабант, а потоа заминала и во Брисел. Атрактивната струмичанка со видео „стори“ покажа полна сала која ечеше со македонска песна. Облечена во најкраткото фустанче, во едната рака го држеше микрофонот и банкнотите, а во другата држеше полна рака бакшиш, па со нејзината објава го долови амбиентот и еуфоријата која владеела таму. Татјана Стефановска настапуваше во Штудгарт, Германија, а пејачката неуморно пееше и играше меѓу задоволната публика која крената на нозе вртеше оро на македонската музика. Марија Луиса Тодоровска настапи во Гомисвалд, општина во Валкрајс во кантонот Сент Гален во Швајцарија. Битолчанката објавила селфи од себе прд настапот... ...Па ја покажала и преполната сала на Инстаграм, а објави и фотографија од автомобилот каде покажа и дел од снежната идила. Елена Велевска викендов пееше во Гампелен, Швејцарија, додека во салата гордо се вееше македонското знаме, момент кој пејачката го долови со нејзината селфи камера. Македонскиот пејач Благоја Груевски објави фотографија заедно со пејачката Елена Велевска каде покажа дека патуваат од Шајцарија до Италија за таму да ја продолжат турнејата, заедно со дел од новосоздаденото друштво "Амицизиа" во Равена. Ова беа само дел од нашите фолк - ѕвезди кои викендов ги забавуваа македонските иселеници, кои пак беа пресреќни што можеа да се дружат со нив, а пејачите...? Пејачите презадоволни оти не можеа да го дособерат бакшишот! Фото: Принтскрин/Инстаграм/Фејзбук

Почина млад македонски пејач – познатите се простуваат од својот колега

Христина Ѓоргиевска — Fri, 12 Jun 2020 07:08:20 +0000

Неочекувано почина фолк пејачот Емрах Мехмеди од Дебар. Како што дознава 24Инфо, Емрах животот го загубил во несреќен случај, паѓајки од скеле. Емрах важеше за млад и надежен пејач, имаше големи планови во неговата кариера кои за жал останаа нереализирани. Зад него остави две мали дечиња и сопруга. Колегите од фолк естрадата преку социјалните мрежи се простуваат од Емрах . Пејачот Благоја Грујовски на својот „Фејсбук“ објави заедничка фотографија и напиша: „Ахх бе Емрах ... зар вака требаше да заминеш! Немам зборови да искажам колку жалам. Почивај во мир убаво дете. Најдлабоко сочувство до фамилијата и цела Жировница и Река. Изгубивме пријател колега и прекрасна личност“. Фолкерката Елена Велевска исто така се проси од Емрах. „Јас сум шокирана од тажната вест. Тешко е да се пронајдат вистинските зборови во ваков момент“, пишува таа покрај заедничката фоторафија. Стојне Никола како и своите колеги е изненадена од веста на колегата. „Што да кажам што веќе не е кажно. Добар човеку, колега....почивај во мир....Сочувство до фамилијата“. Татијана Стефановска се прости од својот колега. „Ужасно тажно. Со неверување се простуваме од тебе. Почивај во мир Емрах Мехмеди. Сочувство до фамилијата“. Aнета Мицевска - Молика на својот „Фејсбук“ се прости од колегата со емотивна порака: „Ах, бе дете златно, вака ли требаше да завршиш. Не ми се верува. Бог да те прости. Длабоко сочувство до фамилијата Мехмеди и цела Жировница“, напиша пејачката. Сања Сани Гроздановска е во неверување поради смртта на колегата. „Не ми се верува!!! Почивај во мир“. Редакцијата на Вистина.ком.мк изразува длабоко сочувство до семејството Мехмеди.

татјана стефановска – Вистина.мк

Не можеа да го дособерат бакшишот: Нашите фолк – ѕвезди викендов ги забавуваа македонските иселеници (фото)

Почина млад македонски пејач – познатите се простуваат од својот колега