Не успеа да се избори со болеста: Позната причината од што почина славната манекенка Татјана Патиц

Слободанка Илиева — Fri, 13 Jan 2023 11:04:31 +0000

По вчерашната вест за смртта на некогашната манекенка Татјана Патиц која почина на 56-годишна возраст, нејзината агентка Корин Николас потврди дека причината за смртта е рак на дојка. „Ја надживеаја нејзиниот син, сестра и нејзините родители. Сите сме скршени од нејзината смрт. Беше емпатична душа со добро и великодушно срце и жесток застапник за правата на животните. Една од главните цели кои ги поддржуваше беше зачувување на дивите коњи“, споделила Корин во изјавата за списанието „People“. Патиц, еден од супермоделите од славната петорка покрај Синди Крафорд, Наоми Кембел, Линда Еванџелиста и Кристи Тарлингтон, имаше големо влијание врз модната индустрија во доцните 80-ти и раните 90-ти години, што вклучуваше и појавување на насловните страници на некои од најлегендарните списанија. Татјана учествуваше и во музички спотови од тоа време пред да се повлече од јавноста. Таа водеше мирен живот посветен на животните и одгледување на својот син Џона. Манекенката за последен пат прошета на модната писта на Модната недела во Милано во 2019 година. Патиц е родена на 25 март 1966 година во Хамбург, а пораснала во Шведска. Таа ги сакаше сите животни, особено коњите и беше амбасадорка на американскиот резерват за диви коњи. За да го прослават нејзиниот живот и наследство, во нејзина чест е отворен фонд за донации „Return to Freedom“ за зачувување на дивите коњи. извор:Инстаграм/tatjanapatitz

Си замина супермоделот Татјана Патиц: На 56 годишна возраст почина една од најубавите жени на светот (фото)

Слободанка Илиева — Thu, 12 Jan 2023 09:34:54 +0000

На 56 години почина Германката Татјана Патиц, една од петте легендарни супермодели од 90-те години, објави „Вог“. Патиц заедно со Наоми Кембел, Линда Евангелиста, Синди Крафорд и Кристи Тарлингтон ја сочинуваа легендарната петорка на првите супермодели кои во 1990 година ги повика светски познатиот моден креатор Џани Версаче. Таа во 90-те години ги освојуваше светските модни писти, а поради својата убавина, мачкастиот облик на очите, невообичаено совршениот облик на лицето стана заштитно лице на многу кампањи, меѓу кои и на Шанел, Келвин Клајни и Версаче.

View this post on Instagram

A post shared by Tatjana Patitz (@tatjanapatitz)

Беше родена во Германија, во 1966 одина, а детството го поминала во Шведска. На 17 години влегла во финалето на натпреварот Елит Модел Лук, а потоа потпиша договор со светска компанија и се пресели во Париз. Често беше на насловните страници на американското издание на „Вог“, но и на интернационалните изданија. Во времето кога Ана Винтур беше главен уредник на „Вог“, таа имаше две насловни страници едно по друго.

View this post on Instagram

A post shared by Tatjana Patitz (@tatjanapatitz)

Се прослави по соработката со славните фотографи, меѓу кои и Херб Риц. -Никогаш не си ја продадов душата, изјави манекенката во интервју во 2020.

View this post on Instagram

A post shared by Tatjana Patitz (@tatjanapatitz)

Живееше повлечено во Калифорнија со синот и сопругот, каде се грижеше за своите животни. Засега нема информации за причината за смртта. фото:Инстаграм принтскрин/tatjanapatitz

татјана патиц – Вистина.мк

Не успеа да се избори со болеста: Позната причината од што почина славната манекенка Татјана Патиц

Си замина супермоделот Татјана Патиц: На 56 годишна возраст почина една од најубавите жени на светот (фото)