татјана лазаревска – Вистина.мк

Татјана Лазаревска славеше роденден: На дамите не им се бројат годините, ама затоа со торта, песна, оро и чочек на тапан им ги слават родендените (ВИДЕО)

Антонио Димитриевски — Tue, 13 Feb 2024 06:51:06 +0000

Роденден е денот што го чекаме цела година, без оглед на возраста. До душа кога сме деца ли помлади тоа некако госледат повеќе возбуди, но дека тоа не мора да биде така и кога возраста се пишува со поголема бројка, потврди македонската пејачка Татјана Лазаревска, која со својот брачен партнер и колега Новица Василевски и нивните деца, веце целе деценија живеат и работат во далечната Австралија. „Туѓино - јабано, што ми направи“ - ќе речат некои, но за македонската фолкерка и нејзината фамилија далечната Австралија не беше причина денот на нејзиното раѓање да не го прослави онака како што самата си замисли и посака. Сто пати е кажано дека на дамите не им се бројат годините, ама затоа Татјана покажа дека им ги слават родендените со сите салтанати...! Сепак претходно, фолкерката самата уште рано наутро среде бел ден од градината самата си посака она што секоја роденденка си го посакува. Со порција овошје и запалена жижица, Татјана упати роденденска честитка до себе си и сите останати кои на тој ден исто така се роденденки, па со рефренот од сопствената роденденска фолк песна „Среќен роденден“ и себе и ним им посака само убавини: „Среќен да е роденден, наздрави за среќа, заедно да славиме, се' до сто и една...“! Прв кој и го честиташе роденденот беше кој друг ако не тој, нејзиниот животен сопстник во сите ситуации и прилики, сопруг и колега, Новица Василевски, со најубавите роденденски зборови: „Среќен роденден на мојата љубов, жена, мајка, кралица“ - споделил покрај заедничката фотографија Новица! Сепак, она вистинското ќе се случи дури во вечерните часови, кога во домот покрај домашните се собра сите гости. Пријатели, соседи, нашинци, Балканци... на софра, торта, песна, оро и чочек на тапан! Или што би рекле, со сите салтанати... Ама ако! Само нека е за арно и весело! Фотои видео: Фејсбук/Novica Vasilevski/австралија, сите салTatjana Lazarevska

Нивната желба, нејзина заповед: Татјана Лазаревска навечер на сцена, преку ден во кујна, но и двете и одат одрака лесно како песна (фото)

Слободанка Илиева — Wed, 10 Jan 2024 07:09:29 +0000

Жена, мајка, кралица, фраза која се’ почесто ја слушаме, а на истата секогаш може да и се додадат уште неколку титули. Звучи феминистички, но за понежниот пол и тоа како остварливи сите одеднаш. Можеби не за секоја, но домаќинки се голем број, кралици во домот, шефови во сопствената кујна, позиција од каде најчесто ги исполнуваат желбите на своите најблиски. Секој со своето омилено јадење, а таа секогаш е тука за остварување на посакувањето. Татјана Лазаревска важи за жена која секогаш блеска од позитивна енергија, насмеана и распеана.

View this post on Instagram

A post shared by Tatjana Lazarevska (@tatjanalazarevska_official)

Таква е и по дома, кога не е на сцена и со микт=рофон во рака, а нејзнините синови ќе посакаат да каснат нешто вкусно приготвено од рацете на мама Тања. Па така, во период кога сите ги покажуваат празничните декорации во домот, Татјана ја покажа кујната во далечниот Мелбурн каде одамна живат со Новица и двајцата синот Петар и Стефан. Во случајот, на менито на едниот син беа домашни фурнаринки со мешан зачин, а таа на готовс веднаш се фати за работа. Процесот на брзата подготовска го сподели со своите следбенички, па во случај да им се допаднат како на нејзиниот син, да знаат како за брзо да се извлечат од дадениот предизвик. А кога се' ќе се заврши, со полни стомаци, распеани и насмани, Тања и Новица ќе им запеат на синовите, па меракот за најдрагите да биде комплетен. фото:Instagram printscreen/ tatjanalazarevska_official

Домаќини, добри гости ви дојдоа… Тања и Новица во далечната Австралија имаа посета, па со песна ги дочекаа колегите од Македонија! (ВИДЕО)

Антонио Димитриевски — Wed, 11 Oct 2023 07:10:03 +0000

Татајана Лазаревска и Новица Василевски, брачната естрадна двојка по летниот престој во родната Македонија кој и тоа како работно го искористија со фестивалски настапи и промоција на две нови песни и спота, се вратија во далечната Австралија каде последниве години живеат и работат. Иако постојано таму се дружат со нашинците, не помина долго време кога одново нешто одблизу ги спои со родната грутка. На австралиските домаќини добри гости им дојдоа... и тоа колеги од Македонија! Имено, Стојне Николова, Бобан Мојсовски и нивната фолк екипа од Динамик бенд периодов се на турнеја токму низ Австралија, па симпатичната струмичанка и нејзиниот музички компањон по концертот во Емералд во Мелбурн, најдоа слободно време да им отидат на визита на нивните колеги, сега веќе одомаќени во еден од најголемите градови на најдалечниот континент.

View this post on Instagram

A post shared by STOJNE NIKOLOVA (@stojne_official)

А кога ќе ти дојдат дома гости, па уште колеги и драги пријатели од татковината нема зборови да се опише убавината... Особено онаа на заедничката дружба, која како поинаку би кулминирала кај пејачите, ако не со песна. Масата полна, нешто да се замези и пивне, а потоа доаѓа време и да се запее. Муабетите немаат крај, ама за песна време секогаш се наоѓа... И тоа за онаа најновата, дуетската и победничка од последниот „Охрид фест 2023“ на Тања и Новица. И тоа насловена токму онака како што и прилегало и на дужбата со колегите и пријатели од Македонија: „Љубов ни е име, а пак среќа ни е презиме, песна место потпис, тоа ни е наш краток опис...“! И сите заедно, цeлото семејство и нивните гости во еден глас ќе запеат додека го гледаат настапот во неодамна снимената емисија „Мерак меана“, во која австралиските домаќни пред да заминат од Македонија учествуваа! Ваква дружба и весело расположение ретко се гледа и доживува... Но, тоа е очигледно секогаш така кога се во прашање Татјана и Новица... А дружбата - дај Боже да е секогаш ваква искрена, топла и срдечна, довека! Впрочем и домаќините удостоени и гостите угостени и задоволни, за што говори и јавната благодарност за гостопримството на убавата Стојне до, како што самата вели, нивните најпозитивни колеги и пријатели. Фото: Инстагрм/tatjanalazarevska_official/stojne_official

Татјана Лазаревска е – „Жена хероина“ (ВИДЕО)

Антонио Димитриевски — Mon, 11 Sep 2023 12:58:52 +0000

Татјана Лазаревска и Новица Вассилевски како во добрите стари времиња во четвртокот вечерта ( 7-ми септември 2023) ги собраа колегите, пријателите, најблиските и новинарите на дружба во познатата „Камин Кама„ меана на нивниот колега Трајче „Мајка“ Толевски, на задничка дружба, која беа промовирани две нови песни. Како што ветија така и направија, Тања и Новица ја исполнија мисијата во престојот во татковината, и на публиката им подарија две нови нумери, кои и тоа како ќе допрат до публиката. Песната „Љубов ни е име“ сите имаа можност да ја слушнат на последното издание на „Охрид фест“, каде ја добија новинарската награда, а ја отпејаа во дует, кој претставува нивен втор заеднички проект. Втората песна е насловена „Жена хероина“, поп фолк балада, која ја изведува Тања, песна во која нема жена која нема да се пронајде. „Кога ја добив песната на прва се воодушевив, се расплакав. Песната е моќна балада, со многу силна порака и сигурна сум дека во неа нема жена која нема да се пронајде“, рече Тања. „Ние си заминуваме следната недела и се надеваме дека наскоро повторно ќе се видиме заедно во нашата мила татковина Македонија и ќе се дружиме сите заедно и ќе ја промовираме нашата фолк музика секаде каде ќе одиме: Америка, Канада Австралија и ќе бидеме добри амбасадори на нашата музика и земја“ порача Тања. Спотот за песната го изработи Ване Петковски, а истиот е снимен на неколку атрактивни локации во нашот македонски езерски бисер Охрид, во продукција на „ИН ТВ“. Инаку Автори на „Жена хероина“ се Борче Димитров, кој ја направи музиката, додека стиховите ги напиша Орце Зафировски, а истата снимена е во студиото на Горан Милошевски, кој го направил аранжманот. Се работи за една исклучително емотивна фолк балада, во која веројатно ќе се пронајде секоја жена... Опишувајќи ги чувствата, мислите и внатрешната борба и кога е најубаво и кога не и оди, кога тагата надолу ја влече, а секоја солза како жар ја пече, таа одново наоѓа сила како Феникс да се крене на нога... како вистинска хероина која отсекогаш тоа и била. Мелодија ко0а длабоко допира во душата и стихови со кои многу припаднички на понежниот пол ќе се соживеат и ќе речат како да се автобиографски... Како да се токму за нив напишани! Затоа внимателно преслушајте ја оваа фолк балада на Татјана Лазаревска и проследете го видеото... Можеби токму некоја од вас ќе ја препознае во себе нејзината „Жена хероина“.

Како во добрите стари времиња: Тања и Новица промовира две песни со спотови (ФОТО)

Антонио Димитриевски — Sat, 09 Sep 2023 07:51:12 +0000

Татјана Лазаревска и Новица Вассилевски како во добрите стари времиња во четвртокот вечерта ( 7-ми септември 2023) ги собраа колегите, пријателите, најблиските и новинарите на дружба во познатата „Камин Кама„ меана на нивниот колега Трајче „Мајка“ Толевски, на задничка дружба, која беа промовирани две нови песни. Како што ветија така и направија, Тања и Новица ја исполнија мисијата во престојот во татковината, и на публиката им подарија две нови нумери, кои и тоа како ќе допрат до публиката. Песната „Љубов ни е име“ сите имаа можност да ја слушнат на последното издание на „Охрид фест“, каде ја добија новинарската награда, а ја отпејаа во дует, кој претставува нивен втор заеднички проект. Втората песна е насловена „Жена хероина“, поп фолк балада, која ја извеува Тања, во која нема жена која нема да се пронајде. „Кога ја добив песната на прва се воодушевив, се расплакав. Песната е моќна балада, со многу силна порака и сигурна сум дека во неа нема жена која нема да се пронајде“, рече Тања. Втората песна е „Љубов ни е име“, и е песна која е завршена во Австралија и стоела во фиока, чекајќи го моментот да ја здогледа виделината на денот и допре до слушателите. „Песната е олицетворение на нашата љубов, нашата врска, нашиот брак, рече Новица“. „Песната е турбо, а за нас кај што има музика, таму нозете се мрдаат, таму се игра. Ние си заминуваме следната недела и се надеваме дека наскоро повторно ќе се видиме заедно во нашата мила татковина Македонија и ќе се дружиме сите заедно и ќе ја промовираме нашата фолк музика секаде каде ќе одиме: Америка, Канада Австралија и ќе бидеме добри амбасадори на нашата музика и земја“ порача Тања. Спотовите се снимени на неколку локации во Охрид во продукција на „ИН ТВ“ . Автори на „Жена хероина се Борче Димитров, кој ја направи музиката, текстот е на Орце Зафировски, а снимена е во струдиото на Горан Милошевски, кој го направи аранжманот. Автори на „Љубов ни е име“ се на Сејхан Мемедов Секо, кој ја направи музиката, додека Горан Тодоровски, ги напишал стиховите.

Ним „Љубовта им е име“, а таа е „Жена хероина“: Татјана Лазаревска и Новица Василевски промовираат два нови видеоспота

Антонио Димитриевски — Thu, 07 Sep 2023 09:18:03 +0000

Татјана Лазаревска и Новица Василевски посетата и престојот во родната Македонија го користат на најдобар можен начин. И приватно и професионално, па така по одличниот настап на во фолк вечерта на „Охрид фест 2023“ и освоената награда од новинарското жири, во Скопје ќе промовираат дури две нови песни со спотови. Промоцијата ќе се одржи вечерва, четврток (7-ми септември 2023 ) во ресторанот „Камин Кама“ во Ѓорче Петров, со почеток во 20 часот.

View this post on Instagram

A post shared by Tatjana Lazarevska (@tatjanalazarevska_official)

Една од песните е дуетска на Тања и Новица, токму онаа насловена „Љубов ни е име“, со која настапија на „Охрид фест“, додека втората песна е соло поп-фолк балада на Татјана, насловена како „Жена хероина“.

View this post on Instagram

A post shared by Tatjana Lazarevska (@tatjanalazarevska_official)

„Во сета гужва, фестивалски настапи и снимања, настапи сепак успеавме да се организираме за да се видиме и да се подружиме заедно. Времето беше навистина кратко, но успеавме и за двете песни да снимиме спотови на прекрасни локации во Охрид и се надеваме дека ќе ви се допаднат. Уште еден повод повеќе за промоцијата е после толку долго време да се подружиме сите заедно“ - порачуваат Тања и Новица пред нивната медиумска промоција на новите видео остварувања.

Татјана Лазаревска од прв ред ја снимаше Дара Бубамара на настап во Будва, а од глетката реалната слика за српската пејачка стана многу појасна (видео)

Слободанка Илиева — Wed, 16 Aug 2023 08:55:41 +0000

Брачната фолк двојка Татјана Лазаревска и Новица Василевски пред три недели од Австралија решиаја да си дадат пауза за летен одмор и тоа на Балканот. Направија густа агенда, спакуваа куфери и насмеани заедно со синовите го фатија летот за родната Македонија.

View this post on Instagram

A post shared by Tatjana Lazarevska (@tatjanalazarevska_official)

Музиката е составен дел од нивниот живот, па така дури и кога се на одмор, време без музика мора да има.

View this post on Instagram

A post shared by Tatjana Lazarevska (@tatjanalazarevska_official)

Но најпрвин топлите денови ги поминуваа на Егејско море, за потоа така релаксирани да влезат во студио и да снимаат песна за претстојниот „Охрид Фест“ каде ќе настапат.

View this post on Instagram

A post shared by Tatjana Lazarevska (@tatjanalazarevska_official)

Следна станица им беше и се уште им е Црна Гора, па од Егеј заминаа на Јадран, а таму не пееја,туку решија да одат на настап на српската колешка Дара Бубамара. Татјана се намести во прв ред, ја вклучи камерата на мобилниот и почна да ја снима Дара одблизу. Ако за српската пејачка постојано се пишува дека користи многу фотошоп на фотографиите, еве ја реалната слика за вистинската Дара. Дали е навистина така тенка и згодна како на Инстаграм, пресудете сами.

View this post on Instagram

A post shared by Tatjana Lazarevska (@tatjanalazarevska_official)

А Тања и Новица дефинитивно знаат како да се забавуваат и да си го направат меракот за сите пари. фото:Инстаграм принтскрин/Татјана Лазаревска

На плажа без камуфлажа: Татјана Лазаревска покажа дека достојно се носи со своите 48 години (фото)

Слободанка Илиева — Wed, 21 Jun 2023 07:20:03 +0000

Фолк пејачката Татјана Лазаревска иако со години живее преку оканот, таа никогаш не изгубила контакт со својата македонска публика. Редовно е активна на социјалните мержи, особено Инстаграм каде профилот редовно го полни со објави од секојдневието и настапите. Меѓу последните таа покажа како ги полни батериите после настап, а нејзината дестинација е правец плажа, со подготвено кафе и стајлинг за лежерност и уживање. Вистинска дама која знае како да се носи со своите 48 години, храбро и самоуверено пред објективот, а тоа се забежува од прва. Во своето видео обраќање таа на следбениците сакаше да им покаже како изгледа едно нејзино секојдневие и начинот на кој таа се рефрешиа за новите обврски што ги носи денот.

View this post on Instagram

A post shared by Tatjana Lazarevska (@tatjanalazarevska_official)

За потсетување, естрадната фолк двојка Новица Василевски и Татјана Лазаревска заедно со своите два сина, веќе неколку години живеат во Австралија.

Песната им е живот, а животот им е песна: Татјана Лазаревска и Новица Василевски прославија дваесет години љубов (ФОТО)

Антонио Димитриевски — Thu, 04 May 2023 08:18:07 +0000

Велат, круна на секоја љубов е бракот, од кој произлегува семејството, односно потомството. Да се стапи во брак во денешно време кога некои се обидуваат да го обезвреднат и да го сведат само на обично парче хартија договорно потпишано од двајца плус двајца сведоци, е нешто што треба да се почитува и искрено да се честита. Но да се биде пак во скалден брак кој опстојува цели 20 години со истата онаа љубов и жар како и првиот ден, како и првата помината брачна ноќ е вистинска уметност на живеењето. Особено ако тоа живеење е исполнето со предизвиците и стапиците на професијата, со нејзината слатка и горчлива страна, со примамливиот вкус на славата и популарноста од една и мирисот на парите од друга страна... Професија каква што е естрадната, во која токму заради нејзините специфики, бракот тешко опстојува, па многумина познати и популарни, токму заради споменатите причини не успеале бракот да го задржат и се разделиле. Но, дека исклучоците го потврдуваат правилото, се токму познатата и популарна македонска естрадна брачна двојка: Новица Василевски и Татјана Лазаревска, кои деновиве, или поточно на 3-ти мај, го одбележаа својот брачен јубилеј - две децении откако си го кажаа судбоносното ДА и се заколнаа на вечна љубов. Обајцата уште пред да се запознаат беа веќе доволно познати и реномирани естрадни уметници... Татјана како дел од македонскиот фолклор и подоцна фолк пејачка која беше позната, а Новица тогаш, како новиот вокален солист на некогаш ултрапопуларната македонска фолк група „Биоритам“. Љубовната приказна на двајцата млади уметници се преточи во семејна сага која започнува во Скопје. По десеттина години заеднички живот тие решија да ја продолжат со преселба на најужниот континент - Австралија, каде што пред нешто помалку од десет години, семејството заедно со нивните синови Петар и Стефан, ќе се насели и изгради семејно гнездо во едно од предградијата на Мелбурн. Вредната македонска брачна двојка со нивната напорна работа и постепениот естраден пробив меѓу македонската заедница иселеници, но и оние другите од некогашните ЈУ простори, полека почнува да ја гради својата популарност и во туѓина, па набргу од печалбата успеваат да купат и своја куќа и да ја уредат по сопствен терк и стил. Со текот на годините Татјана и Новица станаа познати забавувачи во македонската заедница низ цела Австралија, а се и сепопопуларни и кај другите нации од Балканот кои живеат и работат на најужниот континент. Токму за ноивниот животен и работен јубилеј, за нивниот приватен и професионален дводецениски успех, понежната половина на семејно-естрадната двојка - Татјана Лазаревска, споделила неколку фотографии кои и неа и нејзиното семејтво, но и нивните обожаватели ги вратија во времето на денот на нивната венчавка и свадбената веселба. „Среќна 20-годишнина мажу мој, Новица Василевски, љубов моја“ - напишала пејачката во постот покрај споделениот фото-колаж од свадбени спомени. Им посакуваме уште многу јубилеи, грст хитови, дузина успеси, басносновна заработувачка, бескрајна среќа, златна, па и платинеста свадба, зошто да не... И секако, мноштво внучиња. Фото: Инстаграм и Фејсбук принтскрин/tatjanalazarevska_official

Татјана Лазаревска и Сања Лефкова имаа различен повод за славење на ист датум: Едната пејачка ги брои заедничките, другата годините на својот сопруг (ФОТО)

Антонио Димитриевски — Tue, 28 Mar 2023 08:25:22 +0000

Едни велат годините се за броење, зашто во какви времиња живееме на секоја нова треба да и се радуваме, други пак велат дека годините се само бројка, која е апсолутно неважна, зашто поважно е како ги живееш, а не колку ги имаш. Та биле тоа годините кои секој од нас ги слави на денот што го чекаме цела година или годините на заедничко живеење со оној, со кого си го одбрал да векуваш! Токму два такви поводи за славење имаа две наши познати пејачки, на кои заеднички именител не им е само музиката и пеењето, туку и животот надво од родната Македонија. Едната позната фолкерка, другата поп пејачка, но обете пред извесен број години решија да заминат од Македонија на различни страни на светот. Татјана Лазаревска со својот брачен сопатник и колега Новица Василевски пред десеттина години замина на гурбет во далечната Австралија. Естрадно-брачната двојка бргу добро се снајде, па и сега заедно со своите деца живеат таму настапувајќи и веселејќи ги нашите сонародници на свадби, крштевки, за празници, слави, имнедени родендени и разни веселби и други свечености... Но, овој пат токму тие имаа лична причина за славење, поточно Новица кој го славеше својот роденден. Бројки не споменуваме, ама затоа вредно е да се спомене јавната честитка која неговата сакана животна сопатничка Татјана му ја упати преку социјалните мрежи. на неа тој и таа на заедничка фотографија од Австралија на која пејачката испишала: „Среќен роденден љубов моја“! Покрај фотографијата во нејзиниот опис Татјана додала: „Голема е сраќата некој да те запознае и да дели моменти со тебе... Привилегија е да те гледа... Чест е да те сака... И да има личност покај себе како тебе... Среќен роденден Новица Василевски“. И сето тоа го опсипала со емотикони од срценца. Сања Лефкова додека живееше во Македонија имаше неколку забележителни фестивалски настапи и неколку поп хитови, но откако стапи во брак со својот избраник Мики Христов, некогашен скопски угостител, го смени презимето, животот, а и земјата на живеење. Обајцата тргнаа в потрага по сопствената среќе надвор од Македонија, поточно по Европа, за во последно време да се скрасат со своите деца во Германија. Деновиве пејачката и нејзиниот сопруг имаа убав повод за славење... И тоа заеднички... Годишина од нивниот брак. И тоа не било која туку округла бројка - 10 години заедно во брачна заедница. Сања ниту заборави, ниту пропушти да го одбележи за неа важниот јубилеен датум, па меѓуостанатото и јавно тоа го обзнани на својот Фејсбук со посвета на денот и институцијата во која со нејзиниот сакан, засега минаа заедно една деценија. „Од едно искрено пријателство до една ера заедно во љубов и разбирање... Плус две прекрасни дечиња Никола и Лукас... Среќна 10-годишнина... Те сакам“ - споделила пејачката покрај фотографиите со својот брачен сопатник. Два разчлични поводи за славење на ист датум, за различни нешта... Важно е да се убави и секако... Да им се множат годините! Нека им е со среќа! Фото: Инстаграм принтскрин/Tatjana Lazarevska/Sanja Hristova (Lefkova)