татјана јовановска – Вистина.мк

Каква мајка – таква ќерка: Малата Драгана, ќерката на фолкерката Татјана Јовановска на фестивал во Русија освои 1-во место!

Антонио Димитриевски — Mon, 12 Feb 2018 08:56:17 +0000

Старата изрека дека: „Крушата под круша паѓа“, уште еднаш се потврди кога се познатите родители и нивните деца во прашање. Ќерката на македонската фолкерка Татјана Јовановска, уште минатата година со учеството во регионалното талент музичко шоу за деца и младинци „Пинковите ѕвездички“ покажа дека е на добар пат да ја наследи семејната лоза кога е пеењето во прашање.

Имено, 10 годишната Драгана Јовановска уште тогаш ги воодушевуваше и членовите на жирито (Гоца Тржан, Јелена Томашевиќ, Милан Станковиќ) и публиката и ТВ гледачите со своите интерпретации и настапи.

Но деновививе младата кумановка она што го носи како музички и вокален потенцијал во себе, го круниса со награда донесена од големата Русија. Драгана или како што од милост ја викаат малата Гага, учествуваше на еден од најпрестижните фестивали во источна Европа, интернационалниот музички фестивал „Golden stars rain“, од каде се врати како победник... Шампион со освоено 1-во место!

Најрадосна и највозбудена беше која друга ако не мама Татјана, па фолк пејачката објави фотографии и статус на својот Фејсбук профил гордо покажувајќи ја дипломата и наградата за освоеното прво место на својата ќеркичка, со која се вратија од фестивалот во Русија.

„Драги мои се враќаме во Македонија со освоено 1-во место. Не можам да ви кажам како се чувствуваме, затоа што неможам да го најдам вистинскиот збор.ГОРДИ,СРЕЌНИ,ВОЗБУДЕНИ... се’ во исто време. Ви благодариме на поддршката“ - напиша меѓудругото пејачката, чија ќеркичка е само една од оние ѕвездички со кои Македонија навистина има зошто да се гордее!

Талентот и убавината очеигледно наследени од мама, поддршката од дома од обата родители и резултатите се тука. Сега прашање е што е следно? Некој фестивалски натпревар со „возрасните“ или можеби дует со мама?

Споија убаво и корисно: Сани на курс кај колешката, Тања Јовановска на терапија за душата (ФОТО)

Антонио Димитриевски — Fri, 02 Feb 2018 08:26:36 +0000

Македонската фолкерка Сани Гроздановска 40 дена по породувањето одново се фати за микрофонот и експресно му се врати на пеењето и настапите. Работата не може да чека, ама и мајчинството не смее да трпи, па затоа сакала или не пејачката мора некако да најде време да ги усклади обврските на мајка и фолк ѕвезда. Улогата на мајка секако не и непозната, зашто од првиот брак ја има поголемата ќерка, ама сепак... новите генерации бараат нови методи.

За да и ги појасни новите и да ја потсети на старите, на гости и дојде саканата колешка, фолк пејачката Татјана Јовановска. За да и одржи краток курс по мајчинство на Сани, ама и малку заради себе... „за терапија на душата“, како што вели самата Тања.

А малата принцеза, насмеана, ведра, расположена... „Тинтарењето“ од мама и тета Тања и тоа како и годи. Ама, очигледно и таа им прија на нив, за што говорат и насмевките на двет фолкерки,инаку домашни пријателки.

Единствено остана нејасно, покрај терапијата за душа, дали тета Тања дојде на консултации, дали да оди на уште едно дете, или дојде да и помогне на Сани во справувањето со мајчинството? Што и да е, за убаво да е... Ем нацијата ќе се множи, ем естрадата ќе се прошири... со фолк наследнички!

(ВИДЕО) Да ти е ќеф што е наша: Згодна баба од Куманово ја запали сцената на „Никад није касно“

Слободанка Илиева — Tue, 07 Nov 2017 08:12:35 +0000

Татјана Јовановска од Куманово го запали студиото на регионалното музичко шоу „Никад није касно“ со својата енергија, глас, но и со изгледот. Оваа 45 годишна кандидатка доби комплимент од Рада Манојлоиќ дека е вистинска мачка, а кога слушна дека на 39 години станала баба, жирито занеме. -Еве ви рецепт за младост. Завршете убаво училиште, веднаш стапете во брак и видете како ќе изгледате на 45 години, кажа Жика Јакшиќ.

-Кога се ќе почнете навреме, вака изгледа една баба, а кога не, вака изгледа еден тато, кажа Саша Милошевиќ алудирајќи на себе и на тоа дека на 47 години стана татко. Татјана пред публиката и жирито се претстави со „Пут путујем“ од групата „Магазин“ на чии први тактови Рада и Жика веднаш заиграа.

Инаку,Татјана на сецаната блесна во темно зелена тоалета во која ја истакна својата става, имаше прекрасна фризура и едноставно изгледаше како вистикска ѕвезда.

Таа живее во Куманово и има свој бутик, а музиката е само нејзино хоби, но веројатно се досега откако го освои регионот. https://www.youtube.com/watch?v=5SSR9ksuETg