тапанар – Вистина.мк

40 години кариера и многу собрани градници: Еве каде завршува долната облека што ја добива Чола на сцена

Слободанка Илиева — Thu, 03 Aug 2023 06:31:40 +0000

Здравко Чолиќ е познат како миленик на жените уште од неговото појавување на јавната сцена.

На еден од неговите последни концерти, обожавателка го фрли нејзиниот градник на сцената. Не беше прв пат. Чолиќ во својата четириесетгодишна кариера доби многу вакви подароци. Сега за Blic.rs откри што прави подоцна со градниците кои летаат на сцената.

View this post on Instagram

A post shared by Zdravko Čolić (@zdravko.colic)

-Обично го давам тој градник на мојот тапанар, тоа се случува многу. Тоа е убав настан. Тоа е нечија емоција и убаво е кога ќе го добиеш на сред настап. Не дај Боже да го прекинам концертот поради тоа, изјавил Чолиќ.

фото:ФОТО: НЕНАД ОПАЧИЌ/ Instagram

Почина Раша Ѓелмаш, легендарниот тапанар на „ЈУ група“ и „Поп машина“

Антонио Димитриевски — Thu, 28 Oct 2021 10:52:50 +0000

Рaтислав Раша Ѓелмаш, поранешен тапанар на Ју група, Поп машина и лидер на групата Зебра, почина во Белград на 72-годишна возраст. Ѓелмаш е роден на 26 јануари 1950 година во Белград, а својот прв интерес за музика го покажал во 1966 година, кога со своите врсници од училишниот оркестар ја основал групата Ангели. Во март 1972 година ја основа групата Поп машина со Роберт Немечек (бас), Зоран Божиновиќ (соло гитара) и Сава Бојиќ (соло, вокал). Поп-машината како нова белградска група со свој репертоар (дванаесет авторски песни) брзо станува забележана, популарна и неизбежна на белградската музичка сцена во седумдесеттите години на 20-иот век. Подоцна тој се сели во Силуете и на крај станува тапанар на тогаш веќе популарната ЈУ група, која ја сочинуваа браќата Жика и Драги Јелиќ. Во тие години Раша Ѓелмаш важи за најдобар млад белградски тапанар. Со ЈУ група доживеа голема популарност низ СФР Југославија. Во 1976 година ја напушта ЈУ група и ја формира Зебра. Со Зебра го издаде албумот „Велат дека таков е редот“ (1979), на кој свиреше на тапани и клавијатури и пееше. Во 1982 година, тој го издава соло албумот „Hot roсk“, на кој се појавуваат Ѓелмаш на тапани и вокал, Бата Костиќ на гитара и Лаза Ристовски на клавијатури. По објавувањето на албумот, Ѓелмаш се повлече од музиката и се посвети на автомобилските трки и на својот ресторан. Во 1989 година се враќа во ЈУ група и со бендот ги сними албумите „Трагови“ (1990) и „Рим 1994“ (1995 година). На крајот на 90-тите, тој ја напушти ЈУ група, повлекувајќи се од музиката.

Почина тапанарот на култната рок група „Атомско склониште“: Никица Дураковиќ замина во вечноста

Антонио Димитриевски — Mon, 18 Oct 2021 10:36:52 +0000

Никица Дураковиќ, поранешниот тапанар на култната рок група „Атомското склниште“, ненадејно почина во неделата, 17 октомври 2021 год. на 56 -годишна возраст. Веста ја потврдиле членовите на бендот „Double Dose Blues“ во кој беше член, но тие не биле подготвени да даваат изјави. Музичарот, исто така, свиреше во пулските групи „Стабилизација“, „Гори Уши Винету“ со кого го сними легендарниот албум „Адио Пола“, и беше ко-основач на блуз бендот „Double Dose Blues Banda“. Тој исто така го сними последниот албум „Тера мистика“ со „Атомско склониште“. Членовите на бендот со кој настапуваше, исто така, се збогуваа со музичарот. „Драги пријатели, по повеќе од 20 години дружење и свирење заедно, тапанарот Никица Дураковиќ - Ник не напушти...“ - напишаа членовите на „Double Dose Blues Banda“, а се и огласија и од „Атомско склониште“.

„Eazy Sleazy“ – Мик Џегер сними дует со тапанарот на „Нирвана“, Дејвид Грол (ВИДЕО)

Антонио Димитриевски — Wed, 14 Apr 2021 11:41:16 +0000

На радост на обожавателите ширум светот, фронтменот на „Ролинг стоунс“, Мик Џегер, без најава го oбјави дуетот „Eazy Sleazy“ со Дејвид Грол, некогашен тапанар на „Нирвана“. Џегер освен како вокал, во песната свири и на гитара. Додека Дејвид Грол се погрижи да го донесе својот препознатлив звук свирејќи тапани, гитара и бас. Продуцент на песната е Мет Клифорд. „Ова е песна што ја напишав кога излегов од блокада, во време кога на сите ни требаше оптимизам. Благодарам на Дејвид што се вклучи на тапани, бас и гитара. Беше многу забавно да се работи со него“. – вели легендарниот Џегер. И Дејвид Грол не го крие ентузијазмот за соработката: „Тешко е да се опише со зборови што значеше за мене да ја снимам оваа песна со Сер Мик! Тоа е повеќе од остварување на сонот! Тогаш кога помислив дека работите не можат да бидат полуди, ова се случи. Верувам дека песната ќе ги одбележи претстојните летни месеци“. https://www.youtube.com/watch?v=MN9YLLQl7gE

Почина Драгољуб Ѓуричиќ – легендарниот тапанар, некогашен член на „Леб и сол“

Антонио Димитриевски — Mon, 15 Mar 2021 15:22:37 +0000

Тапанарот Драгољуб Ѓуричиќ (68) почина денеска во болницата „Драгиша Мишовиќ“ во Белград, како резултат на последици од коронавирусот. Музичарот, кој свиреше во некои од најголемите екс ЈУ групи како „ЈУ група“ „Леб и сол“ или „Кербер“ и во бендовите кои ги придружуваа некои од најголемите екс ЈУ и регионални музички ѕвезди како Здравко Чолиќ, Ѓорѓе Балашевиќ и други познати музичари, се чувствувал лошо во февруари и имал неколку дена висока температура. По неколку дена, тој одлучил да побара медицинска помош. По дијагностицирањето на Ковид-19 бил пренесен на интензивна нега во болницата „Драгиша Мишовиќ“ во Белград, каде и покрај сите напори на лекарите ја изгуби битката во борбата со коронавирусот. Драгољуб Ѓуричиќ соработувал и со речиси сите најпознати изведувачи и музичари во некогашна Југославија. Со „Леб и сол“, тој свирел во најпознатите светски сали и клубови во Лондон, Париз, Мадрид, Рим, Милано, Стокхолм, Торонто, Ванкувер, Чикаго, Њујорк и Лос Анџелес.На крајот на 1998 година Драгољуб го основа својот бенд „Drums Company“, кој се состои од бројни тапанари чии заеднички настапи се сметаат за спектакли. Со групата која ќе го смени името во „Балкански лавина“ досега одржувал концерти во сите поголеми градови на поранешна Југославија, Унгарија, Холандија, Холандија, Норвешка, Германија, Италија, Шведска, Австрија, Монако, Грција… Драгољуб Ѓуричиќ исто така компонирал и музика за над 20 театарски и балетски престави. Сепак, периодот од 6 години поминати со „Леб и сол“, па потоа уште некое време по неговото второ враќање во бендот остави не само неизбришиви музички траги, туку и создаде цврсти пријателски врски со членовите на бендот кои трајно остануваат. Дружењето со Драгољуб кој не беше само врвен музичар, туку и голем човек со фантастичен карактер тешко дека може да се заборави. Од својот пријател вака се простија неговите колеги од „Леб и сол“, Кокан Димушевски, кој постави црна позадина без фотогрфија на својот фејсбук профил... ...И семејството Тавитјан кои со фејсбук статус му го кажаа последното збогум на Драгољуб. „Денес неизмерно не растажи заминувањето на легендарниот Маестро и бубњар Г - дин Драгољуб Ѓуричиќ. Неверојатен човек, музичка легенда и искрен пријател, голем човек, људина и поим за бубњарството на овие простори од историско значење. Искрено сочуство пријателе од Гарабет и целото семејство Тавитјан, ти благодариме за твоето пријателство, почитување, дружење и несебичниот дух а посебно за историската музика што ја остави со Леб и Сол и толку неброени други... Балканска лавино, Бистра водо, Учи ме мајко... Маестро, бубњај таму горе, направи и таму еден Дан Бубњара во вечноста. Почивај во мир Маестро. Те сакаме“ - напишаа Гарабет, Дики и Гаро Јуниор Тавитјан.

Некогашниот тапанар на „Леб и сол“ во канџите на короната бие битка за живот: „Држи се Драгољубе, мораш да победиш“ – му порача неговиот колега и пријател, Кокан Димушевски (ФОТО)

Антонио Димитриевски — Wed, 03 Mar 2021 08:21:14 +0000

Деновиве во сите медиуми во регионот одекна веста дека познатиот екс - ЈУ рок-музичар Драгољуб Ѓуричиќ е пренесен на интензивна нега во болницата „Драгиша Мишовиќ“ во Белград. Тој бил префрлен во болница по дијагностицирањето на Ковид-19, јавуваат медиумите. Некогашниот тапанар на „Леб и сол“ со денови имал висока температура од 39 степени, а дури пет дена подоцна решил да побара лекарска помош. Познатиот музичар свиреше во “ЈУ група“, „Леб и сол“, „Кербер“, со Ѓорѓе Балашевиќ и Здравко Чолиќ, а соработувал и со речиси сите најпознати изведувачи и музичари во некогашна Југославија. Со „Леб и сол“, тој свирел во најпознатите светски сали и клубови во Лондон, Париз, Мадрид, Рим, Милано, Стокхолм, Торонто, Ванкувер, Чикаго, Њујорк и Лос Анџелес.На крајот на 1998 година Драгољуб го основа својот бенд „Drums Company“, кој се состои од бројни тапанари чии заеднички настапи се сметаат за спектакли. Со групата која ќе го смени името во „Балкански лавина“ досега одржувал концерти во сите поголеми градови на поранешна Југославија, Унгарија, Холандија, Холандија, Норвешка, Германија, Италија, Шведска, Австрија, Монако, Грција... Драгољуб Ѓуричиќ исто така компонирал и музика за над 20 театарски и балетски престави. Сепак, периодот од 6 години поминати со „Леб и сол“, па потоа уште некое време по неговото второ враќање во бендот остави не само неизбришиви музички траги, туку и создаде цврсти пријателски врски со членовите на бендот кои трајно остануваат. Дружењето со Драгољуб кој не е само врвен музичар, туку и голем човек со фантастичен карактер тешко дека може да се заборави. Токму веста за неговата борба на „живот и смрт“ со опакиот вирус очигледно најмногу ги погоди и некои од членовите на „Леб и сол“. Така, клавијатуристот и негов пријател Кокан Димушевски прв му ја даде својата јавна поддршка преку социјалните мрежи. Немајќи како поинаку да му помогне на својот некогашен колега и добар пријател, Коко му испрати порака преку својот Фејсбук профил, така што сподели заедничка фотографија која очигледно датира однеодамна, што покажува дека двајцата врвни музичари останале верни пријатели до ден денес. „Држи се Драгољубе МОРАШ ДА ПОБЕДИШ !!!“ - му порача Кокан на својот пријател праќајќи му силна позитивна енергија да собере сили за да ја добие битката со опакиот вирус кој покоси многумина, меѓу кои и врвни уметници од Македонија, регионот, Европа и светот... Од Драган Вучиќ и Зоран Џорлев, до Миша Алексиќ (Рибља Чорба) и Ѓорѓе Балашевиќ... и уште милиони други, познати или обични луѓе ширум светот. Останува надежта дека „балканската лавина“ ќе го однесе со себе опакиот вирус во неповрат, а Драгољуб Ѓуричиќ ќе ја добие битката со Ковид 19! „Музиката се темели на ритам, животот исто така. Ако срцето не отчука три пати во ритам, четврти пат можеби нема ни да чука“ - ќе рече во една прилка Драгољуб. Му посакуваме да извојува победа во оваа животна битка, а неговото срце уште долго, долго да чука... во ритамот на животот!

Битолскиот музичар Горан Јосифовски загина во сообраќајна несреќа

Антонио Димитриевски — Wed, 17 Feb 2021 13:06:18 +0000

Горан Јосифовски, познат музичар од Битола, и своевремено тапанар во групата ,,Екстра Бенд” утринава загина во сообраќајна несреќа, пренесува „Фокус“. Триесет и шест годишниот битолчанец излетал од патот со возилото, додека одел на работа, односно разнесувал прехранбени продукти во маркети. Од СВР Битола ја потврдија веста. жжНа 17.02.2021 околу 05.25 часот во СВР Битола било пријавено дека на магистралниот пат Битола – Прилеп, патничко возило „комбе“, со битолски регистарски ознаки, управувано од Г.Ј. (36) од Битола, излетало од патот. Од здобиените повреди возачот починал на самото место. Лекар од итната медицинска помош констатирал смрт, а во координација со јавен обвинител телото е предадено на обдукција. Извршен е увид на местото на несреќата од увидна екипа на СВР Битола“ - информираат надлежните органи. Горан зад себе ја остави сопругата и две малолетни деца, синче и ќеркичка. Беше добар соработник со речиси целата естрада и честа музичка придружба на многу познати пејачи за време на нивните настапи. Неговиот близок пријател, фолк пејачот Марјан Коцев во телефонски разговор за ,,Фокус” вели дека е скршен од веста. „Огромна загуба за семејството, но и за цела естрада. Се подготвувам да тргнам во Битола, постојано само лоши вести слушаме изминатиот период. Одејќи на работа загинал, премногу е тешко сето ова“ – низ солзи раскажал Коцев. Околу тоа колку беа блиски, зборува и настанот кој што се случи во 2014 година за време на јубилејниот 20-ти концерт на Марјан, кој се одржа во Универзална сала. Тогаш, среде концерт, Горан пред камерите ја запроси својата долгогодишна девојка, а веста ја пренесоа голем број на медиуми. Естрадата денес се простува од него на социјалните мрежи. Извор: Фокус.мк/В.К.

Карлеуша по долго време објави фотографија со татка си, а откри и еден за многумина непознат детаљ за него (фото)

Слободанка Илиева — Fri, 28 Aug 2020 08:00:12 +0000

Пејачката Јелена Карелуша често зборува во јавноста за нејзината покојна мајка Дивна и колку нејзината поддршка и значеше во животот, но ретко го спомнува нејзиниот татко Драган Карлеуша. Но за промена, на нејзиниот профил сподели фотографија каде таа позира со татка си, а за истата доби многу коменатри и лајкови. Таа и како член на жирито во „Ѕвездите на Гранд“ ги изненади сите кога откри помалку познати детали од биографијата на нејзиниот татко.

View this post on Instagram

Tata❤️

A post shared by JELENA KARLEUŠA (@karleusastar) on Jun 20, 2020 at 11:15am PDT

Имено, еден натпреварувач ја испеа песната „Лола“која ја потсети пејачката на нејзиниот татко Драган. - Не знам дали знаете, но татко ми свиреше тапани со групата „Про арте“ на песната „Лола“ и тоа беше многу пред неговата полициска кариера - рече Јелена, која очигледно ја наследи музикалноста од нејзиниот татко. Патем, групата „Про арте“ е основана во 1967 година. Да потсетиме, Дивна, која своевремено важела за една од најубавите жени од Белград, на возраст од 19 години се омажи за Драган Карлеуша, кој во тоа време беше тапанар. Дивна и Драган се разведоа кога Јелена беше уште мала, но тие живееја заедно уште неколку години. По разводот, Драган има два сина од својот втор брак. Дивна секогаш имала пофални зборови за својот поранешен сопруг затоа што никогаш не ја заборавила љубовта што ја чувствувала на почетокот. Полубраќата на Јелена, Иван и Никола се појавија во јавноста за прв пат кога пејачката славеше 10 години брак со Душко Тошиќ.

Лепа Брена и Саша Поповиќ во солзи: Почина тапанарот од „Слатки грех“

Христина Ѓоргиевска — Sun, 24 May 2020 07:51:52 +0000

Бранислав Мијатовиќ Мија, познатиот музичар и еден од основачите на „Слатки грех“, почина по тешко и долго боледување. По распаѓањето на „Слатки грех“, Мија заедно со својот кум Зоран продоложи да работи со бендот кој иако имаше различен состав не го промени името и остана „Слатки грех“. Лепа Брена и Саша Поповиќ се простија од нивниот колега и пријател. Саша истакна дека Мија бил одличен музичар и голем човек. „Мија во „Слатки грех“ дојде во 1977 година и настапувавме заедно до 1993 година. Многу работи заедно доживеавме, поминавме, направивме...Тешки ми е да зборувам за него во минато време, се сеќавам дека вака се чувствував кога не напушти и Бора. Мија беше одличен музичар и прекрасен човек, ова е голем губиток за неговото семејство, за сите кои го сакавме и почитувавме“ вели Поповиќ за курир.рс И Лепа Брена се прости од својот колега. „Последен поздрав на мојот драг Мија, човекот кој со својата енергија, љубов кон музиката даде придонес за наш заеднички успех во музиката, а со својата добра енергија помогна сите да уживаме во заедничка соработка. Почивај во мир драги Мијо и се надевам дека сега си на подобро место каде владее љубов и хармонија. Последен поздрав, Брена.

Ќерката на познатиот тапанар почина на 22 годишна возраст!

Слободанка Илиева — Tue, 21 May 2019 09:19:00 +0000

Ќерката на тапанарот на хеви метал групата „Slipknot“, Шон Крејен (49), почина на 22 годишна возраст, а музичарот тажната вест ја потврди на социјалните мрежи. Шон, кој е тапанар на американскиот бед и познат под сценското име „Кловн“, објави дека неговата најмлада ќерка починала во саботата 18-ти мај. -Со скршено срце и најголема болка, ве известувам дека мојата најмлада ќерка, Габријел, почина вчера, во саботата 18-ти мај 2019 година – напиша музичарот.

-Имаше 22 години. За деталите на погребот ќе бидете благовремено известени. Семејството и јас молиме за приватност за да можеме да продолжиме понатаму. Ви благодарам – додаде во објаснувањето на црно-белата фотографија од покојната ќерка. Музичарот не ја открипричината за смртта на неговата ќерка.