тања тас – Вистина.мк

Гуру Харе и Тања Тас заедно во уште една своја попатна музичка станица ви ја претставуваат – „Бројаница“ (ВИДЕО)

Антонио Димитриевски — Wed, 12 Jan 2022 13:58:57 +0000

Македонскиот гитарист и автор Игор Атанасовски попознат на јавноста под уметничкиот псевдоним Гуру Харе, има новата инструментална песна. Овој пат во соработка со Тања Тас пејачка на групата „Темпера“. Песната се вика „Бројаница“ и покрај Тања како вокал, во нејзината реализација учествувале Дамир Имери на Хемонд органа и Мите Димовски на тапани. Автор на музиката, текстот и аранжманот е самиот Гуру Харе, кој исто така ги свири сите гитари. Песната е снимена и продуцирана во скопското студио „Тралала“ кај Мите Димовски кој ја потпишува музичката продукција на „Бројаница“. Тања Тас го направила и видеото со кое е илустрирана оваа баладична рок-блуз тема која е вокално лирична, амузички помалку поитсетува на нешто помеѓу сентиш темите на првите албуми на Марк Нофлер и неговите „Dire Straits“ и музиката на Крис Риа... Можеби најмногу заради гитарскиот призвук и начинот на кој се отсвирени гитарските делници иако заради емотивно отпеаниот вокал песната води во еден сосема друг правец. Во секој случај „Бројаница“ е тема што логично ја продолжува низата на разноличност, а сепак со препознатлив гитарски печат на еден од најавтентичните и највпечатливите македонски гитарски мајстори и рок/блуз автори, Гуру Харе.

Тања Тас и со Принц е – „Сама“ (ВИДЕО)

Антонио Димитриевски — Wed, 01 Jul 2020 12:16:32 +0000

По неодамнешната визуелизација на петтиот сингл во низа за темата „Дојди“ од новиот материјал по дебитанскиот албум „Играј” на нејзиниот матичен бенд „Темпера“, нивната пејачка Тања Тас веднаш се појави со нова песна. Овој пат - соло или поточно во соработка со познатиот македонски музичар, композитор и режисер на музички видеоспотови Александар Ристовски - Принц. Темата оноси наслов „Сама“ и е музичко парче „откинато“ од проектот „Фам фатал“ (Femme Fatale), кој Александар Ристовски - Принц го промовираше минатата година. Принц покрај тоа што е самиот комплетен автор на музиката, текстот и аранжманот, стои и зад продукцијата и секако реализацијата на самото видео за песната. Освен тоа, Принц ги свири и гитарите во темата „Сама“ која музички ја опслужува уште и некогашната ритам сексија на триото на Влатко Стефановски, двоецот Дино Милосављевиќ на тапани и Ѓоко Максимовски на бас, а тука е и неговата ќерка Стефанија, која свири клавијатури во лајв парчето, кое е одлично вклопено во средината од песната. „Violent and funky “ - како што ќе кажат некои од неговите пријатели, меѓу кои и познатиот водител Димитар Атанасовски: „Перверзно добро... ама па друго и не очекував“. „Сама“ е прилично еротична песна ако го заслушаш текстот. Тој си завршил за 3 минути, па таа морала сама до крај. Но, изборот на зборови е таков, да не „боде очи“ толку, хахаха... Кај мене кога текстот не делува еротично - тој е, но и обратно. Дружбата со мажите секогаш послабо ми одела и била поформална. Секогаш ми бил здодевен машкиот видокруг на интереси“ - изјави неодамна самиот Александар Ристовски - Принц во интервју за „Женски магазин“. Вие погледнете го видеото, уште еднаш преслушајте ја „Сама“ и уживајте во дивите гитарски рифови на Принц и нескротливиот, енергичан глас на Тања Тас: https://www.youtube.com/watch?v=0E7AdG8OJxo&feature=youtu.be&fbclid=IwAR16rg8tb_77DMZfCH0BUQsetL3sJsktYXm-sfvSCKzaGmmjby7EjnnO5Es

„Темпера“ со нов музички повик – „Дојди“ (ВИДЕО)

Антонио Димитриевски — Mon, 22 Jun 2020 12:33:09 +0000

Позитивни, енергични и со полно срце рок ен рол, македонскиот музички бенд „Темпера“ повикуваат на „весел исход и неконтролиран бој“ како одговор на новата реалност. „Дојди“ е петти сингл во низа од новиот материјал по дебитанскиот албум „Играј!” „Дојди” чиј композитор е басистот Ѓоле Максимовски на стихови на пејачката Тања Тас е песна исполнета со динамична ритмика, вокални и гитарски хармонии, спој на ретро и модерен звук оплеменет со виртуозноста на Петар Христов, кој гостува на саксофон. Видео спотот за песната го изработи Александар Ристовски-Принц. Снимена, микасана и продуцирана во „Тралала“ студиото на Мите Димовски - тапанарот на групата, музички продуцент и приватно сопруг на вокалот Тања Тас, покрај која во бендот уште членуваат и Драган Гиновски Гино - гитара и Ѓоле Максимовски - бас гитара. Слушнете и погледнете како звучи изгледа кога „Темпера“ те повикува со... „Дојди“: https://www.youtube.com/watch?v=Y2DZDD1PrXQ&feature=emb_logo