тања јовановска – Вистина.мк

По Лиде, Лиде, нов хит на социјалните мрежи е Васка, која ја чепна естрадата кај што најмногу ја боли, па (е)страдните ѕвезди жестоко и возвратија: „Едни брутално ја колнат, други саркастично и се потсмеваат“ (ФОТО)

Антонио Димитриевски — Thu, 08 Apr 2021 07:22:15 +0000

Коронапандемија деновиве за жал го достигнува својот пик, својот врв по новозаразени и починати лица во Македонија. Од друга страна бродоломот на економијата наликува на последните минути од тонењето на „Титаник“, па во општото лудило во трка по вакцини и корка леб, се обидува кој како знае и умее да се снајде и да се спаси... Колку што може, секако! Луѓето покрај тоа што се очајни, анксиозни, депресивни, изгубени... стануваат и се' понервозни, се' помалку се контролираат себеси, своите постапки и однесување. Што е логично и донекаде оправдано, зашто короната не удира само на физичкото здравје, туку и на психата! Тоталниот „локдаун“ и целосното затворање на угостителските локали речиси ќе ги доуништи не само угостителите, туку и целокупната ивент индусртрија и секако естрадата, кои директно се поврзани со своите дејности меѓусебе, а со тоа и едни од најпогодените. Од друга страна се затвораат и цели фабрики, хали, производствени погони, мали бизниси... Што од здравствени, што од економски причини, а стотици, па и илјадници недолжни луѓе остануваат на улица без работа, без никакви или минимални примања, без заштеда, зашто со плата на една конфекциска шивачка на пример, не може да се „истера месецот“, а камо ли да се заштеди! И во екот на ова борба на спротиставени контроверзи среде ковид лудило, вријат сите, а најприкладен вентил за празнење кој им е при рака се Интернетот и социјалните мрежи. Се пишува се' и сешто, се прозива и кој треба и кој не треба, се напаѓа, вика, пцуе, колне, навредува... и она што треба и она што реално не заслужува! Од политичари до познати и јавни личности! И ако Лиде, Лиде од нигде никаде, од тотален анонимус „направи кариера“ и стана позната токму преку искажаната љубов кон министерот Филипче на социјалните мрежи, по се' изгледа дека сега неа ја менува Васка, со добри шанси да и го земе приматот и „украде шоуто“! https://arhiva.vistina.com.mk/radio-mileva/lide-lide-go-nacheka-filipche-se-zapoznaa-ama-dobi-samo-selfi-kafeto-na-lide-i-vakcinite-za-narodot-kje-pochekaat-zashto-so-filipche-ochigledno-moze-samo-da-se-slikame-foto/ Но за разлика од Лиде, не по искажаната љубов, туку по тоа што ја разлути естрадата, естрадните ѕвезди и угосителите со своите ставови дека тие не се оние што се најпогодени со коронапандемијата, зашто пред тоа дебело заработуваа, туку некои сосема други, што работат за мизерна плата на машина во фабрика. Имено, извесна Васка Маневска, која работи како „менаџер за понуди“ во една софтвер компанија, а во исто време, дополнително ги продава и производите на една козметичка фирма, со својот статус на социјалните мрежи буквално разгневи дел од естрадните лица, откако им напиша дека ниту тие, ниту угостителите тие не се ниту оддалеку најпогодените во корнакризата: Изнервираните пејачки и пејачи, и флкери и оние од популарната музика, жестоко и возвратија на новата „анонимна ѕвезда“ на социјалните мрежи. Најбрутална - фолкерката Сања Сани Гроздановска. Клетви и навреди, како противудар на туѓиот ставот кој очигледно ја погоди таму каде што во моментов „најмногу боли“! Нешто поумерен, со поинаков „ритрн“, потсмевлив и саркастичен, македонскиот ДЈ и ар ен би артист Владимир Блажев, алијас Панчо - ДНК: Колешката и земјакина на Сани, кумановската фолкерка Тања Јовановска Трајкова со утешни зборови и интересен предлог возврати со свој коментар, како после Ковид - 19 пандемијата. Со лајкови и коментари Сани ја поддржаа уште некои нејзини колеги, меѓу кои ништо помалку брутална од кумановската фолкерка во својот коментар наместо одговор на „несреќната“ Васка, беше уште една македонска фолк пејачка - Андријана Ади Костадиновски. Откако Сани откри дека Маневска меѓу останатото рекламира продажба на „козметичко-медицински“ производи, за „влошките што лечат“, производ на фирмата за која работи Васка, Ади се надоврза со свое „содржајно мислење“: Но, на „сочните забелешки“ на естрадните фаци, ниту новата „вирална ѕвезда“ не им остана должна. Па, Васка наместо одговор, сликовито им „возврати“ со тоа што ја промени својата профилна фотографија на Фејсбук, асоцирајќи дека сепак, она што го кажала - сериозно и го мисли! Па кој сфатил - сфатил, кој не... До него е! Впрочем... „Ништо во животот не е случајно“, како што самата тврди, зарем не!? Фото: Инстаграм и Фејсбук принтскрин/

Поглед на дирки: Тања Јовановска вака својот сопруг го подготвува за заеднички настап! (ФОТО)

Антонио Димитриевски — Tue, 03 Apr 2018 07:57:16 +0000

Музиката е благородна работа, ама оние кои се занимаваат со оваа професија знаат дека животот со инструментот или микрофонот в рака не е баш секогаш песна! Особено ако работиш иста работа со сопругот или сопругата, т.е. што би се рекло сте „иста фирма“ со брачниот другар! Добро, не дека нема свои предности, ама има и недостатоци, односно слатки предизвици и тешки ризици.

Ама бидејќи на „ризик се познава шизик“, за случајно да не му падне на памет на твојот „шизик“ да влезе во ризик, има методи на предострожност, односно предупредување. Искусните естрадни ѕверки како фолкерката Тања Јовановска Трајкова тоа го знаат најдобро. Затоа пред да почне свирката и пеењето, а настапуваат заедно со својот сопруг - сајзеристот Младен, одвреме-навреме фолкерката има обичај да го потсети на правилата на игра за време на свирката. Особено, ако е некоја свадба или забава кај што има повеќе згодни сваќи или (не) дај Боже да се погоди некоја моминска вечер.

Е тогаш, згодната кумановка го подига нивото на безбедност на највисок степен, за што има посебни одбрамбено-сигурносни мерки и методи во музичките релации со нејзиниот сајзерист.

Тогаш нема „циле-миле“, па напатствиата „милом или силом“ се добиваат пред самата свирка, за да не биде после не ти кажав, не те предупредив...

А Бога ми после вакво „пријателско“ предупредување, сајзеристот 100% цела вечер ќе гледа само во инструментот... Поглед на дирки и евентуално повремено на пејачката! Во спротивно може да се случи за следната свирка - дајте друго „дете“!

Тања Јовановска ви ја подарува фолк баладата „Дишам за нас“ (ВИДЕО)

Антонио Димитриевски — Tue, 02 Jan 2018 12:44:03 +0000

Фолк пејачката Тања Јовановска сними спот за нејзината балада насловена “Дишам за нас”, песната која ја изведе на последниот „Фолк фест Роса 2017“. Спотот е сниман на неколку локации во Куманово, во соработка со ИН продукција.

Пејачката истакна дека снимањето помина одлично, спотот е нешто сосема поинакво од она што досега го работела.

„Како самата песна, така и видео записот е нешто поразлично од тоа што досега сум го работела. Се работи за преубава балада. Конечно можам да кажам дека после толку години на естрадата и изведба на новокомпонирана македонска музика, се пронајдов себеси, односно го пронајдов стилот што го сакам“ - ќе изјави Јовановска за ТВ магазинот на ИН продукција. Музиката и аранжманот се авторско дело на Мите Стоилков, а текстот го напиша Љупчо Василев. Спотот се снимаше во Центарот за култура во Куманово и во ресторанот Палас Гарден. Во видеото покрај Тања се појавува и младата балерина Ива Илиевска.

„Во спотот се појавува и Ива Илиевска, девојче кое игра во “2 I Dance Sisters Studio” и е една од нашите најдобри балерини во Македонија, пред која претстои многу светла иднина“ - додава Тања, а ние ви нудиме да го погледнете видеото за „Дишам за нас“ како новогодишен подарок од македонската фолк ѕвезда за сите Вас. https://www.youtube.com/watch?v=l5sPeOukW5M