Тања Јовановска Трајкова – Вистина.мк

„Кога боли душава“ е нова емотивна балада на Тања Јовановска Трајкова (видео)

Христина Ѓоргиевска — Wed, 15 Dec 2021 07:00:43 +0000

Во рамки на 22-та издание на Фолк Фест 2021 година, пејачката Тања Јовановска Трајкова ја објави својата песна „Кога боли душава“. Текстот е на Александар Стевановски, а музиката и аранжманот се на Златко Миладиноски. „Кога боли душава“ е емотивна балада во која може многумина да се пронајдат. Во продолжение слушнете ја новата песна на Тања. Инаку, втора година по ред, поради актуелната Ковид пандемија, Фолк Фест Роса не се одржува во живо.

Фолкерката Тања Јовановска Трајкова со психолошки совет за подобар поглед на светот: Само… дали е до психологита или до диоптријата? (ФОТО)

Антонио Димитриевски — Thu, 10 Jun 2021 08:09:47 +0000

Корона пандемијата како да стивнува, а естрадата полека се буди и се враќа на старите патеки... До душа срамежливо, зашто протоколите се' уште се селективни, па не дозволуваат да се пее свири и забавува, онака како што забавата и веселбата обично се доживува, ама тоа е... Подобро нешто, кога веќе не е се'...!? Во меѓувреме, некои од естрадните уметници додека траеше Ковид - 19 принудната пауза се преструктуираа и преквалификуваа, обидувајќи се да (пре)живеат од разно-разни други професии. Меѓу сите фолкер(к)и, кумановката Тања Јовановска Трајкова ја искористи својата диплома, па кога веќе не можеше да егзистира од „првата љубов“ - музиката и се врати на професијата - психологијата! Пејачката во родното Куманово почна да работи „на струката по диплома“ во „Психоверзум“ – психолошкото советувалиште во кое својата нова професија Тања Јовановска Трајкова почна да ја практикува. https://arhiva.vistina.com.mk/radio-mileva/folkerkata-tanja-jovanovska-trajkova-otvori-psiholoshko-sovetuvalishte-e-straden-umetnik-profesija-ili-dijagnoza-foto/ Од микрофонот и песната Тања не се откажа, но веројатно и новата работа добро и тргна, па дел од психолошките совети почна и јавно да дели на социјалните мрежи. Така во една од последните објави на Инстаграм, Тања советува што вели психологијата, што треба да сториш за да почнеш да се чувствуваш подобро, подобро да изгледаш, да имаш подобар поглед на светот...? Според кумановскиот психолог, решението е многу едноставно: почни да се грижиш за себе и си го нашол рецептот. Од тебе почнува се' за да имаш подобар поглед на светот! Вака на прва, теоретски многу едноставно звучи, ама во практика, важи... „некоја друга математика“! Како и да е, пејачката, пардон - психологот е во право: „Почни од себе, за да имаш... подобар поглед на светот“. Но, најпрвин провери дали е до психологијата или до... диоптријата? Фото: Инстаграм принтскрин/tanjajovanovskaa

Македонската фолкерка како во песната на Цеца, ја дочека „43-ката“: „Јас сум тука најдобро да изгледам и кога најлошо се чувствувам“! (ФОТО)

Антонио Димитриевски — Wed, 10 Mar 2021 07:55:35 +0000

Македонската фолкерката Тања Јовановска Трајкова е една од мноштвото естрадни уметници на кои веќе една година кариерата им е „во лер“, а егзистенцијата од музиката сведена на нула... денари! Сепак, атрактивната кумановка беше меѓу првите што се осмелија да се преквалификуваат, па Тања и се попсвети на професијата за која своевремено факултетски се едуцирала – психологијата, кога веќе музиката по сила на нештата мораше да ја стави „во мирување на неодредено време“. Така фолкерката „стенд бај“ започна нов работен ангажман во центарот за психолошко советување во Куманово – „Психоверзум“. Како и оди откако ја „активираше“ дипломата, па од естрадната сцена се пресели во психолошко советувалиште не дознавме, а веројатно и нема, зашто во нејзината нова професија достигнувањата не се за во јавност, а дискрецијата е секогаш загарантирана! Какви се времињата, веројатно се' повеќе загарантирана ќе и биде и „клинтелата“ ако нешто наскоро не почне да се менува! Убавата и згодна пејачка, пардон, психологот, покрај паралелната кариера е и посветена сопруга и мајка, чија ќерка веќе тргна по нејзиниот „музички пат“. https://arhiva.vistina.com.mk/promoter/dragana-jovanovska-pochna-da-ja-otkriva-tajnata-na-ljubovta-video/ А животниот пат на фолкерката полека ги реди годините како нишка од бисери, па иако на дамите не им се бројат годините, Тања самата јавно ја обзнани и бројката и денот што го чекаме цела година - својот роденден. Имено таа на социјалните мрежи, поточно на својот Фејсбук профил сподели колаж од сопствени и семејни фотографии „закитени“ со бројката на годините и статус кој во многу што потсетува на стиховите од познатиот хит на Цеца: „Јас сум тука најдобро да изгледам и кога најлошо се чувствувам“! Можеби парафразирано, но во суштина нејзината порака во роденденското обраќање звучи некако така: „Ви благодарам на прекрасните роденденски честитки и благодарна сум што ве имам за мои пријатели. А јас овој роденден го започнувам со една мудра мисла: Се спротивставувам на тешките моменти, се насмевнувам и кога сум тажна. Лесно е да се откажам од сè, но тешко е да победам. Велат животот е игра, во која некој мора да победи! А јас победувам 42 години и велам ДОБРЕДОЈДЕ на 43ката“ - напиша оптимистички фолкерката поскаувајќи и добредојде на 43 -ката. А, роденденски честитки и пораки полни со убави желби - еден рој. Од најблиските, семејството и пријател(к)ите, до колегите... Епа, нека и се множат годините, среќата и успесите. И личните и семејните на секое поле! Здравје најмногу, се разбира!

Драгана Јовановска почна да ја открива – „Тајната на љубовта“ (ВИДЕО)

Антонио Димитриевски — Tue, 09 Feb 2021 13:42:18 +0000

Младата и талентирана пејачка Драгана Јовановска деновиве го промовираше спотот за нејзината најнова песна “Тајната на љубовта”. „Песната првпат е изведена на меѓународниот фестивал ,,Ѕвездички ” каде што освоив Гранд При. Музиката и аранжманот се на Кире Костов, текстот е на Миодраг Врчаковски, a музички продуцент е Александар Митевски. Песната доби и видеоспот кој го снимивме со ИН Продукција. Јас сум навистина презадоволна од производот кој го добивме, а на на 6-ти Февруари на YouTube каналот на Драгана беше и официјалната промоција - рече Драгана за естрадниот магазин Естрада плус. Иако е релативно млада, Драгана има 5 свои авторски песни: “Роденденски концерт”, “Мојата мајка”, “Светилка”, “Тој ден”, “Сакам овој ден да трае” и секако најновата песна за која неодамна излезе и видео записот „Тајната на љубовта”. Инаку на младата Драгана музиката и е во генитем, зашто музичкиот талент го наследила од нејзините родители, кои се познати македонски музичари. Имено, нејзината мајка е македонската фолк пејачка Тања Јовановска Трајкова, а таткото на младата талентирана пејачка Младен, свири синтисајзер и е музичка придружба на неговата сопруга на заедничките настапи. Оттаму Драгана има и потенцијал и можност да научи како се пробива патот до успехот на естрадата, по кој доволно добро чекори. https://arhiva.vistina.com.mk/radio-mileva/makedonskata-folkerka-doma-ima-seriozna-konkurencija-dragana-jovanovska-e-na-dobar-pat-da-i-go-ukrade-shouto-na-mama-tanja-video/ Во продолжение погледнете го видеото за “Тајната на љубовта”... https://www.youtube.com/watch?v=Y8RGs2Bwv84

Сани Гроздановска во посета кај две познати кумановки: Каде подолго се задржа фолкерката, кај креаторот или психијатарот… пардон, психологот? (ФОТО)

Антонио Димитриевски — Tue, 01 Dec 2020 08:59:11 +0000

За атрактивната фолкерка Сања Сани Гроздановска многу нешта се оддамна познати, меѓудругото дека по потекло е родена кумановка, со адреса на живеење во Скопје. Деновиве Сани реши да посети две свои пријателки, две згодни кумановки на кои им појде на гости и тоа со причина... Или можеби со две? Короната не е причина или ако сакате, е причина повеќе телевизиите да имаат уште побогата програма за новогодишните празници за кои „99,102%“ што би рекол покојниот Амди Бајрам, од луѓето ќе останат дома во своите домови, со најблиските, семејството, покрај ТВ екраните. Затао некои продукциски и ТВ куќи уште отсега си ја сфатија сериозно работата, па си ги засукаа ракавите и тргнаа со снимање, а меѓу нив и сателитската ИН Телевизија која го сними традиционалното „Новогодишно музичко шоу“ кое ќе се емитува пред и за време на новогодишните и божиќните празници. Во него доминира фолкот, а меѓу сите фолк ѕвезди секако и таа - Сани Гроздановска. Згодната пејачка добро знае дека за да бидеш музичка ѕвезда мора не само вокално туку и визуелно да блескаш, особено за највеселата и најлуда ноќ, колку и да била „луда, неубава и непредвидлива годината“, кои сите ќе сакаат што поскоро да ја испратат... во неповрат! Затоа Сани ја посети својата стара пријателка и некогашна сограѓанка од Куманово, креаторката Ива Спасовска во чие модно атеље во Скопје отиде да се промени за снимањето на новогодишното шоу на Ин ТВ. Варијанта еден, или варијанта два, или можеби обете? На Сани и требаше долго време да се одлучи која модна креација да ја одбере, која комбинацијада ја стави на себе? На крај, изборот падна на кусото златесто фустанче од проѕирна тантела за кое фолкерката одлучи дека е попровокативно и поатрактивно да ја комплетира целата слика за оваа новогодишна прилика. Впрочем, снимањето покажа дека фолкерката не згрешила во одлуката... Ниту во изборот на креаторот, ниту во делот на избор на моделот! И ако атрактивната фолкерка кај првата екс-сограѓанка се појави со најава, кај втората позната кумановка очигледно заборавила, па изгледа не и се најавила, туку онака, „апансас“ и се исправила пред врата. И тоа не дома, туку пред новотворената ординација. Имено, Сани била во посета на родното Куманово, па кога веќе се нашла таму, решила да сврати до „Психоверзум“ - психолошкото советувалиште во кое својата нова професија однеодамна почна да ја практикува нејзината стара пријателка, колешка по „грло и микрофон“ и бивша сограѓанка, фолк пејачката и психолог, Тања Јовановска Трајкова. Арно ама, Сани се појави ненајавена, па... ја „бакна вратата“! „Докторката ја немаааа...“ - се пожали јавно Сани, а пријателката во старт и возврати со „психолошки совет“: „Закажете го вашиот термин г-ѓа Сања Сани Гроздановска...За Вас може сеанса и после работно време“, на што Сани искрено се пожали: „Јас сум вонреден случај и треба да бидам примена во секое време“... што најверојатно и беше сторено од страна на нејзината колешка. Како натаму го поминаа времетео двете бивши сограѓанки, музички колешки и пријателки, не е познато... Дали се' се заврши на кафе- муабет или Сани ја искористи оваа шанса и за психолошко-психотерапевтска сеанса, никој од нив не обзнани. Впрочем, дискрецијата на пациентите секако им е загарантирана. Друго прашање е колакава е гаранцијата дали сеансата ќе помогне? Како и дилемата каде повеќе се задржа Сани? Кај која од двете пријателки, познати кумановки: Кај креаторот или психијатарот... пардон, психологот?

Фолкерката Тања Јовановска – Трајкова отвори психолошко советувалиште: „(Е)страден уметник – професија или дијагноза?“ (ФОТО)

Антонио Димитриевски — Thu, 22 Oct 2020 06:54:40 +0000

Годинава е веројатно најстрашната и најлошата за целиот свет, по оние години на војните... Секаде па и во Македонија. За сите, особено за естрадата и естрадните уметници кои как што стојат работите набргу слободно ќе можат да го избришат она „Е“ од префиксот „естрадни“ на својата професија зарад. Со месеци сратени за елементарното право на заработка и можност за егзистенција за себе и своите семејства, естрадата и буквално страда! Корона пандемијата беснее, мерките се повеќе се стегаат, нема концерти, нема свадби, семејни веселби, тезги по дискотеки, клубови, кафулиња... нема ништо! Ако вака продолжи од естрадни ѕвезди ќе добиеме социјални случаи! Оние естрадни уметници кои се подовитливи, поостроумни, со поинакви можности и идеи, браат и наоѓаат разни начини како да се снајдат. Неретко менувајќи ја професијата. Привремено, а можеби и постојано... Кој да знае, ако ова потрае, алтернативната работа лесно може да им стане и нова професија... на неодредено! Убавата и атрактивна кумановка, фолкерката Тања Јовановска Трајкова е една од оние естрадни уметници која меѓу првите се осмели музиката по силата на нештата да ја стави „во мирување на неодредено време“ , па и се попсвети на професијата за која факултетски се едуцираше - психологијата. Имено, таа на социјалните мрежи јавно ја обзнани својата преквалификација, објавувајќи дека започнува работен ангажман во центарот за психолошко советување во Куманово - „Психоверзум“. Збогување со музиката или само алтернативно решени, веројатно ќе зависи од многу нешта? Од подобрите времиња, секако, а можеби и професионален „паралел слалом“: психолог преку недела, пејачка за викенди? „Идејата за ваква професионална активност трае скоро 6 години, или да кажам непосредно откако дипломирав, но обврските околу моите музички ангажмани, а подоцна и ќерка ми, некако ме дистанцираа од предвидената цел за психолошко советување. Конечно, во февруари оваа година, решив да започнам да работам како психолог и започнав да ја подготвувам потребната документација. Се случи како што се случи (ковид-19) и повторно запре. Кога ситуацијатани дозволи повторно да функционираме, ја завршувам претходно започнатата постапка и еве ме, ја работам работата што ја сакам колку и музиката. Музиката никогаш нема да биде во втор план, бидејќи чувствувам дека можам да ги работам двете работи истовремено. Со музика ги расположувам и придонесувам за добро расположение на луѓето. Па, нели музиката е лек за душата, а психологијата е наука за душата, за животот, што значи, дека тие две нешта се поврзани и имаат ист ефект врз човечката психа. Ќе им пеам во локалот и ќе разговарам со нив во советодавниот центар“ - изјави неодамна фолкерката - „новопечен“ психолог за шоу-биз порталот „Свет - Австралија“. Како и да е, Тања започнува со својата нова професија во која се надеваме дека ќе биде исто толку , па и повеќе од тоа успешна, колку и во естрадната кариера. Впрочем, сега и естрадата ќе има каде да побара психолошки совет без да се срами, иако секаде во светот тоа е толку нормална работа, освен кај нас... Но, работите сепак се менуваат, а и со колешката е сепак полесно да го споделиш проблемот или маката и добиеш стручен совет. Единствено останува „да виси“ прашањето или поточно дилемата: „Дали кај нас (е)страден уметник е професија или се' повеќе дијагноза?“ Зашто како што тргнало, се' повеќе ќе ни требаат психолози... и ним и нам. На сите нас! Ако е за утеха, барем ја имаме една од најзгодните и најсекси, за да и се обратиме... И за помош и за песна! Тања Јовановска Трајкова е секогаш тука! Или во „Психоверзум“ или во првиот најблизок локал, кога условите ќе дозволат можност за песна! Зависи кому што му треба!

Тања Јовановска Трајкова ја препеа валандовската фолк балада – „Тука сум јас“ (ЛИРИК ВИДЕО)

Антонио Димитриевски — Wed, 15 Apr 2020 11:52:03 +0000

Македонската фолкерка Тања Јовановска Трајкова, пред неколку дена ја промовираше во јавноста песната „Тука сум јас“, која всушност преработка на оригиналот кој го испеанејзината млада колешка Јулија Николовска, на настапот на минатогодишниот „Фолк фест Валандово 2019“. Иако по премиерната изведба на фестивалот песната се издвои со своја оригиналност, за жал наградите ја заобиколија, но не и увото на публиката. Добрата песна, сепак, успева да го најде својот пат, а уште еден доказ за тоа е препеаната верзија од поискусна колешка на младата пејачка, што се случи за помалку од една година. „Многумина кои ме следат на социјалните мрежи досега не ј слушанале и мислат дека песната е моја. Но, им кажав дека таа сепак е кавер и оваа песна се пееше на Фолк фест Валандово минатата година. Сепак добив многу позитивни коментари и сега веќе песната име на „рипоит“ на многумина“- изјави Тања во разговорот за шоубиз порталот Свет - Австралија. „Авторот на оваа песна е наш семеен пријател и то ми вети дека ќе ми направи многу подобра од оваа, а песнат е веќе готоваМе чека само да влезам во студиото и да ја отпеам, но ситуацијата се влошиа и ја одложи целата моја замислена работа, па дури и овој план. Така што додека сме во карантин решив да ја објавам песната „Тука сум ја“ како кавер, која веќе ми бешее снимена во студио и чекаше во фиока. Ова беше најпогоден момент да ја објавам и да допре до срцетата на луѓето како што допре и до моето. И оваа песна е доказ дека ние, македонските изведувачи имаме прекрасни песни и можеме да ги пееме, а во исто време и да си даваме едни на други поддршка“ - задоволно фолкерката го резимираше разговорот. https://www.youtube.com/watch?v=s21v8x6nVLU&feature=emb_logo

Што прават македонските пејачки во изолација – видовме, ама знаете ли на која што најмногу и недостасува во карантинот? (ФОТО+ВИДЕО)

Антонио Димитриевски — Tue, 07 Apr 2020 07:51:57 +0000

„Проклета короно, пуста да останеш...“ - е една хумористична песна од анонимен автор и изведувач, која деновиве се провлекува на социјалните мрежи. Стиховите како сакате можете да ги сфатите, смешни или тажни, ама во многу нешта се реални. Пандемијата замре се'... Сите повлечени во своите домови, во своето последно прибежиште, чекамеа вирусот да си замине, онака како и што дојде - како со рака однесен. Во меѓувреме, сите почнува да ги убива монотонија, да ги мачи досада, притиска клаустофобија, плаши депресија... Од ниво: „До кога вака?“, до степен на хистерија! Меѓу сите „обични луѓе“ и естрадните ѕвезди, кои кога тоа не се, се она првото... И тие како и ние, имаат исти проблеми како нас во овие тешки денови. Затоа, покрај вообичаеното гледање ТВ канали, филмови, серии, видео игрици, дремење на социјалните мрежи... почнаа да си измислуваат разни начини на сопствена оддишка на душата, својата, ама и туѓите. А, како поинаку ако не со она што најдобро знаат да го прават. Така, први видовме како македонските пејач(к)и функционираат во домашни услови. Кој(а) анплагд - „на суво“, кој(а) со микрофон в рака на матрица, а некои и со сајзерска придружба се забавуваа и себе си и нас преку Интернет на социјалните мрежи. Најчесто - онлајн, во живо! Потоа дојдоа предизвиците... Која како пее и танцува, како изгледала како дете, која како готви, како чисти, вежба, која каков миленик има по дома... Што се не видовме и дознавме за нив: од прелистување спомени по стари фотографии до практично покажани умешности и вештини. Со еден збор, што прават македонските пејачки во изолација - видовме и дознавме, ама знаете ли на која што најмногу и недостасува во карантинот? За јадење и пиење фала Богу, иако во моментов се на „принудна почивка“, се' уште имаат, гардероба, чевли, шминка, накит... ионака за по дома не им треба, освен долна облека, пижами и тренерки, најмилите им се тука со нив и до нив, домашните љубимци исто така... И кога ќе погледнете вака отстрана, излегува дека во целата оваа несреќа, тие навистина се среќни жени... Ама сепак - не се! Не барем комплетно... до крај! Четирите познати македонски фолкерки: Ирена Вељовска, Тања Јовановска Трајкова, Сузана Гавазова и Елена Велевска јавно признаа што најмногу им недостасува во изолација. Она за што и од што живеат - публиката, аплаузот, овациите... И секако, добриот хонар и богатиот бакшиш! Што и фали прва се пожали Ирена Вељовска, споделувајќи на својот Фејсбук профил кусо видео: „Без пари ќе се снајдам, леб и сол ќе јадам, ама аплаузот многу ми недостига...“ - кукаше Ирена, повикувајќи ги своите колешки да излезат на тераса и да се снимаат како аплаудираат, па видето да и го проследат. Молба - предизвикот прва го прифати нејзината „сестра по микрофон“, колешката Тања Јовановска Трајкова, па кумановката излезе право на тераса, ама... Попусто аплауз, кога нема кој да го слушне... Џабе публицитет, ако нема публика... а, нема! Згоднaта струмичанка Сузана Гавазова пак, почна редовно да прави онлајн викнд-концерти од дома, ама... И нејзе, не и е тоа - тоа, што ќе и ја наполни душата, зашто нема аплауз и овации... А и да има, друго е кога е во живо, тука пред тебе, пред очи... Вака, онлајн - како да ти аплаудираат и извикуваат на „плејбек“! Ама, плејбек-плејбек, подобро така, отколку никако, па затоа Сузето се сети, па се сними како во живо излегува на тераса после викенд концертот, а таму овации и извици под балкон, како да имала концерт на стадион... Снимени, на плејбек, секако! Ама барем Гавазова си го направи ќеифот... Колку да и помине меракот! И Елена Велевска покажа дека е голема мераклика и на аплаузи, ама и на нешто друго... Нејзе „естрадниот застој“ по се' изгледа потешко ја погодил. Сексапилната прилепчанка колку што е познато е една од најплатените македонски фолкерки, па бројките на нејзините хонорари за настап велат се бројат со „три нули“ плус добиениот бакшиш, кој како по правило, не е мал. Сега, кога од сето тоа нема ништо, а „готовината бргу се јаде“, на Велевска покрај „говорот на телото“ и аплаузите на сцена, по се' изгледа најмногу и недостасува хонорарот... и бакшишот! Затоа пејачката се пожали на социјалните мрежи, па кога на пензионерите кон крајот на минатиот месец им делеа предвреме пензии, таа побара владата да и „пушти нешто“ и на естрадата! Зашто ако ова потрае и таа како и сите останати, ќе може „само да се слика“!

Фото предизвик од карантинот: Вака изгледаа македонските фолк пејачки како невести (ФОТО+ВИДЕО)

Антонио Димитриевски — Tue, 24 Mar 2020 08:39:59 +0000

Животот во 4 ѕида очигледно не е лесен. Особено не за оние, кои и баш не се навикнати да седат дома, како естрадните личности. Ним професијата им налага постојани шетања, движења, патувања, контакти со луѓе, заради снимања, ТВ и радио гостувања, интервјуа, концерти, настапи, турнеи... Сега нема ништо од тоа, а изолацијата треба „да се преживее“ и од неа да се излезе „ни луд, ни збунет“, туку нормален. Затоа познатите Македонци и Македонки бараат наразлични начини да направат нешто интересно за себе и своите фанови, па почнаа да си поставуваат разни предизвици преку социјалните мрежи. Забавата бргу се прошири, па „вирусот“ наречен предизвик ги зафати речиси сите. Еден од првите предизвици беше оној за објава на ретро фотографија од тоа, кој како изгледал во детството. https://arhiva.vistina.com.mk/radio-mileva/foto-predizvik-vo-vreme-na-korona-eve-kako-izgledaa-poznatite-makedonci-vo-detstvoto-karolina-so-bumbar-obrazi-foto/ По неа, се појави вториот предизвик од карантинот, на кој први одговорија фолкерките. Дамите од македонската фолк естрада кои се во брак, си поставија предизвик да ја споделат својата невестинска фотографија, односно слика од денот на свадбата! Така неколку од најпознатите и најпопуларни македонски фолк пејачки почнаа една со друга да се прозиваат и предизвикуваат на оваа тема. Некои од свадбата ќе слават јубилеј, други пак се ептен тзе мажени, само неколку години, трети веќе имаат не една, туку по две свадби зад себе... Која како, ама воглавном секоја од нив одговори на предизвикот поставен од колешката и ја покажа својата невестинска фотографија. За првата брачна ноќ - никој никого не праша, ниту ја спомна. Веројатно, не им било и некој предизвик... Сепак, погледнете како изгледале во венчаница на денот кога го кажале судбоносното ДА, на денот на својата свадба токму оние, кои најмногу ги развеселуваат туѓите свадби. Ова се македонските фолкерки: Тања Јовановска - Трајкова, Сања Гроздановска - Сани, Сузана Гавазова, Tатијана Стефановска... -Згодната кумановка, згодна сега, згодна и тогаш... До душа нешто помлада, можеби и малку послаба, иако Тања Јовановска - Трајкова тврди дека во венчаницата и денес може да влезе: „Само да знаете дека венчаницата ми е се' уште точна. Гледајќи ги сликите видов многу драги луѓе и се потсетив дека половина свадба си ја отпеав“ - напишала Тања, докажувајќи дека од некои работи, меѓу кои и микрофонот, никогаш не се откажува. - Свадбата на Сања Сани Гроздановска не беше така оддамна, па пејачката ја паметиме како изгледаше како невеста. До душа по втор пат, оној првиот - не важи! Раскошна и убава како секогаш, до душа и малку трудна, ама секако атрактивна и згодна и како невеста. За девериците и да не правиме муабет. Ем сите познати, ем ништо помалку згодни, привлечни и секси од невестата. -И Сузана Гавазова не така оддамна беше дама во бело. Сексапилната струмичанка исто така ја паметиме кога го кажа судбоносното - ДА. Таа на својот сакан за прв пат, тој неа исто така, иако за него тоа беше „веќе видено“... Реприза после „генералната проба“ од првиот брак. Како и да е, и Гавазова изгледаше убаво и средено под невестинскиот вел, како што може да се види и од фотографијата која пејачката ја споделила, додека ѕирка од прозорецот и со нетрпение го чека младоженецот, да ја земе од дома и поведе низ пространствата на заедничкиот брачен живот, кој среќно трае и денес, а се надеваме и довека. -Нивната колешка, убавата битолчанка Татијана Стефановска последна од нив „стапна на лудиот камен“. Атрактивна, згодна, сексапилна, својата природна убавина ја покажа и како невеста. Едноставна модерна венчаница, фризура, шминка и младата подготвена да застане пред олтар, а потоа да ги пречека и гостите, сватовите, роднините и пријателите кои на свадбата и дојдоа... Како и што пее во својата најнова песна, која ја промовираше неодамна.

Тања Јовановска Трајкова вака го троши вишокот енергија: Рекреација во изолација или… „ви кажувам народе, сети се мажу“! (ВИДЕО)

Антонио Димитриевски — Tue, 17 Mar 2020 08:42:48 +0000

Карантинот дефинитивно прави чуда! Колку и да сме погодени од актуелната ситуација и да се чувствуваме како во „домашен притвор“, сепак изолацијата има дефинитивно и добри страни. Она што можеби недостасува се некои работи кои не се прават дома, или барем за нив треба посебни услови. Така, многумина, особено дамите на македонската естрада линијата за добар изглед ја одржуваат во теретана, па речиси да немаше ден да не споделат некоја од своиет пози и видеа за време на вежбањето. Сега теретана нема, но не и вежбање. Впрочем, се вежбало и кога теретаните не постоеле, па додека се дома, естрадните ѕвезди мораат некако да се снаоѓаат. Изгледа дека меѓу оние на кои физичката активност најмногу им недостасува е фолкерката Тања Јовановска Трајкова. Атрактивната кумановка очигледно не може ако не се размрда и ако не потроши енерегија. Сега нема настапи, по тераси и балкони уште не сме се договориле дали и што ќе пееме, па за да не и „зовријат хормоните“ Тања реши да најде начин како да го потроши вишокот енергија. Неколку практични препораки и совети од личниот тренер и она што го запаметила од теретаната и Тања дневната соба си ја претвори во вежбална. И тоа најдобро и оди навечер, пред спиење. Пејачката легната на грб јавно ги повика своите следбеници на Инстаграм да вежбаат заедно, па тргна од првата вежба: високо кренати нозе горе... Со или без перниче в раце... а Бога ми и меѓу нозе! Штом ја изработи првата вежба, Тања се пожели дека и недостига физичка активност, па тргна да покаже што умее и во втората: со крената задница и широко раширени нозе на кои отпор им пружа затегнатата гумичка, фолкерката со препорака дека најдобро е физички да сте активни навечер. Подобро да трошиш вежбајќи, отколку да акумулираш калории нешто грицкајќи... - тврди Тања. Освен ако не „грицкаш“ нечие нешто, додека заедно ги трошите калориите, „празнејќи се“... од негативната енергија, секако! Следната вежба има и рзлична стартна поза... Калекната на колена со рацете на земја, подигната задница и уште повисоко кренати нозе... Една, па друга, највисоко што можеш. И како што вели пејачката може да се практикува со или без да се користи „гумичка“! Иако нејзе и е позабавно и поефективно, кога „гумичката“ - ја има! Веднаш потоа нова вежба - нова поза: Клекни стани... И така 100 пати! Тања вели дека може! А како и не би, кога уште веднаш се гледа дека е „спремна женска“! И за крај... „Ова мие последната вежба која ја снимав, ама не и последна од вечерното вежбање“ - пишува згодната кумановка додека легната, потпрена на лактите и ножните прсти се врти, местејќи се те на левиот, те на десниот бок. На Тања Јовановска Трајкова дефинитивно и фали физичка активност. Затоа и се впуштила во рекреација во изолација, па дневната си ја претворила во вежбална, пред да замине под туш, па во спална! Единствено нејасно е она што самата последно го кажа: дека ова не и е последна „вежба“ од вечерното „вежбање“! Дали тоа значи: „Ви кажувам народе, сети се мажу“, па „шоуто мора да пролжи“ од вежбална во спална!? Впрочем, пејачката човекот уште пред неколку години јавно го стави во искушение: „Ако најде подобра од мене, нека ме изневери“! Е, ај после оди па не вежбај, да те видам!?