Васил Гарванлиев преку борбата во и со себе, ја раскажа својата – „ПриКазна“ (ВИДЕО)

Антонио Димитриевски — Sat, 08 Aug 2020 08:38:11 +0000

Васил Гарванлиев пред неколку дена, поточно на 05.8.2020 на неговиот официјален Јутуб канал ја објави најнова песна проследена со видеозапис со наслов „ПриКазна“. Ова е негов втор проект оваа година по промоцијата на евровизиската песна „You“, со која Васил требаше да настапи на 65-тото издание на Евровизија во Ротердам, k кое беше одложено заради корона пандемијата во светот. Верен на својот стил, естетика и скриени пораки, овојпат Васил можеме да го видиме со уште поуникатен уметнички израз низ кој ја раскажува неговата приказна преку “борбата„ во и со себе, а воедно и со се' што во моментотов ни се случува – прашањето со кое токму и започнува самата песна. Автор на музиката е самиот пејач, текстот е на Тања Брковска, додека аранжманот е на неговиот долгогодишен соработник и композитор Давор Јордановски. За видеозаписот се погрижија Digital Box продукција од Охрид во соработка со Ристе Филипов и креативниот директор Јелмаз Дервиши. „Приказна“ е дел од новиот албум на Васил кој е во завршна подготовка и се очекува да биде објавен оваа есен. Дотогаш уживајте во првата од неговите музички видеостории... https://www.youtube.com/watch?v=jXJs9wOYiRs&feature=emb_logo

Васил Гарванлиев, од Марионка до Евровизија… – „Патувам“ (ВИДЕО)

Антонио Димитриевски — Tue, 19 Nov 2019 12:32:15 +0000

Васил Гарванлиев и стана познат на македонската публика уште од мали нозе, кога како детенце ја пееше познатата детска песничка „Марионка“, која со текот на годините прерасна во вистински детски евергрин.

Во 2018-тата, Васил Гарванлиев со звуци и слики од Македонија го нанижа својот музички – „Ѓердан“ во парче музика и видео, за годинава ( 2019) да биде дел од вокалната екипа која ја придружуваше Тамара Тодевска, во остварувањето на најголемиот евровизиски успех до сега на еден претставник на Република Македонија на „Евросонг“.

Неговиот најнов проект насловен „Патувам“ го реализираше во соработка со македонскиот клавијатурист, композитор и продуцент Давор Јордановски кој е автор на музиката, а живее и твори во Торонто - Канада и текстописецот Тања Брковска. За видеозаписот повторно се погрижи екипата од неговите претходните проекти: Ѓорѓи Вацев - камера и постпродукција, креативниот директор - Јелмаз Дервиши, и кореографот Иван Ангелковски. “Патувам, за мене претставува средба и сеќавање со љубопитното дете во сите нас кое со душа чека да му се отвори вратата за да погледне во еден поубав и посветол свет. Овој проект, е голем чекор напред на мојата патека што потврдува дека кога имаме искрена желба, љубов, и приказна со вистински тим секогаш ќе најдеме и вистински начин на изразување. Сите заедно и во сите бои, со спонтана енергија, мислам дека создадовме уште една поп приказна на која сум особено горд. И да, патувам каде јавето е исполнет сон “– вели Васил, канејќи ве да го проследите неговото аудиовизуелно патување низ времето.

тања брковска – Вистина.мк

Васил Гарванлиев преку борбата во и со себе, ја раскажа својата – „ПриКазна“ (ВИДЕО)

Васил Гарванлиев, од Марионка до Евровизија… – „Патувам“ (ВИДЕО)