Тамара Тодевска – Вистина.мк

Разоткријте ја „до даска“: Тамара Тодевска се соголе „до коска“! (ФОТО)

Антонио Димитриевски — Sat, 09 Mar 2024 08:13:27 +0000

Тамара Тодевска... Заедно со Калиопи и Каролина несомнено нашата најголема музичка поп ѕвезда. Во моментов можеби и најинтересната за јавноста не само заради одличните нови песни и фуриозните настапи, туку и заради приватниот живот кој кај неа постојано немирно тече како „Нијагара“, а нез него многу често провејува диво „Торнадо“. Од нигде никаде љубов, па неочекуван брак, едно дете, брачна криза, па друго дете, развод и... одново, нова љубов! Циклус кој периодично се повторува со сите останати поситни превирања кои ја прават не само музички интересна, туку Тамара ја ставаат постојано во фокусот на јавноста и тоа на онаа, која и не е нешто многу по музиката, ама затоа е прва кога се во прашање туѓите животи, трачевите, кулоарските муабети, озборувањата... А таа на моменти „на лажиче“, на моменти „со кутлача“ им дава материјал за таква „забава“! Но, дали баш сите што ја (оз)боруваат добро ја познаваат Тамара? Дали она што го покажува и (не)свесно им го сервира како материјал за муабети е нејзината суштинска личност, нејзиното вистинско лице, правиот карактер на личноста или само површина под која се крие само сличноста со онаа Тамара која не ја познавате? За да нема недоумици пејачката реши да искористи една апликација со која малку си поигра, па им овозможи на сите „љубопитни“ да ја разоткријат „до даска“, откако Тамара Тодевска јавно се соголе „до коска“! Ова или оноа, ваква или таква, каква е навистина, самата проба да објасни во неколку збора. Е сега, колку е сето ова верно на вистината и колку вистински ја разоткрива суштината на карактерот на пејачката, знаат само оние што одблизу ја познаваат. Екстровертна - екстровертните личности најчесто ќе ги препознаете по тоа што сакаат секогаш да бидат опкружени со многу луѓе, но ова понекогаш може да влијае голем дел од нивното време да го потрошат на непродуктивни разговори и состаноци; забавни се, енергични, шармантни, често се во центарот на вниманието на секој настан, но, понекогаш, може да бидат многу напорни и да изгледаат како арогантни; динамични се и важно им е да се случува нешто ново, а задачите кои се монотони се, всушност, исцрпувачки за нив; префрлање од една тема на друга додека зборуваат не мора да значи дека заборавиле на тоа што претходно го кажале, туку од многуте мисли и идеи кои ги имаат во моментот не сакаат нешто да остане некажано. Десно - или што би рекле „не е лева“ иако на моменти можеби така изгледа... Ама изгледот најчесто знае да излаже. Едноставно - ако се облекувањето, имиџот, стајлингот... во прашање, можеби и може да се каже, ама за сето останато... Дека Тамара баше е едноставна...? Сонце - дождот носи тага, мисли, носталгија, спомени, сеќавања... А сонцето позитивна енергија, радост, динамика, ги буди сите пориви... што веројатно на Тамара многу повеќе и приличи. Ноќна птица - и логично и разбирливо, па дури и неопходно... И заради природата на професијата и заради природата на личноста, на која ранобудноста никако не и е својствена. Пораки - повиците имаа своја магија, ама истата бргу исчезнува, веднаш штом ја спуштиш слушалката. Пораката останува, како пишан збор, како доказ, како спомен, потсетник, како нешто лично што може да се сподели... Веројатно затоа и пораките и се подраги! Зајдисонце - изгрејсонцето и мугрите се волшебни, но зајдисонцето за „ноќните птици“ значи почеток на возбудата, забавата, проводот, авантурата, а во случајов и работата... Штом сонцето почне да заоѓа, почнува да се буди и магијата! Онаа - ноќната! Секогаш доцни - или што би рекле - „влечка“. Тоа и е во крвта, во карактерот, кој тешко се менува... Таква е и готово! Тоа што другите се „колатерална штета“ на сметка на тоа, е само нуспроизвод на нивното дружење или блискост со пејачката, за сите други убавини кои од таа блискост произлегуваат. Куче - заради верноста и неизмерната и безусловна љубов што ја даваат... Мачка во нејзиниот живот се покажа дека... „не вирее“ долго! Сонувач - отсекогаш била и тоа голем, но не и нереален, зашто соништата најчесто успеала да си ги претвори во стварност. Можеби не во толкава количина колку што заслужува, но за тоа не е потребно само да се сонува... Сепак романтичната нота во нејзината душа постојано провејува, на моменти и доминира, понекогаш чинејќи ја Тамара реалноста да ја „плати поскапо“ од што навистина треба и заслужува! Возење - иако во последно време пејачката „се стопи“, а линијата ја доведе речиси до перфекција, Тамара сепак не е спортски тип во душа. Теретаната повеќе и е мака отколку радост, пешачењето напор отколку задоволство иако прошетките и тоа како ја радуваат... Ама очигледно само додека вози или се вози! Зад воланот сепак изгледа е многу повеќе своја! Епа, ова или оноа? Ако успевте барем малку да ја разберете, ќе ја сфатите суштината на личноста и карактерот на Тамара Тодевска... Барем онаква како што самата се опишала иако... Можеби неа најдобро ја опишуваат стиховите на нејзината песна „Немирна“: „И кога мислиш си успеал да ме имаш за себе, тогаш вешто ме снемува, јас сум немирна ко ветер. Секој ден за мéне е нов почеток и нова приказна без крај. Секој ден е неизвесен, јас сум немирна ко ветер...“! Фото: Инстаграм/tamaratodevska

На Тамара Тодевска и цвета во љубовта, но за едно нешто длабоко жали од врската со Лука (фото)

Слаѓана Атанасова — Wed, 28 Feb 2024 10:51:42 +0000

Во љубовта нема граници кога во прашање е разликата на годините. Токму во таа тема се пронајде македонската пејачка Тамара Тодевска која на социјалната мрежа редовно ги споделува убавите моменти со нејзината љубов, архитектот и дизајнер на ентериери, Лука Радовиќ. Иако најчесто девојките ги привлекуваат постари мажи поради некоја нејасна причина, во останатите случаи се е препуштено на хемијата и секако карактерот. Нејзиниот сакан неодамна наполни 31 година, а таа за некој месец веќе навлегува во 39 - тата, но ако се заљубиш не можеш да му кажеш „не“ само поради разликата во годините. Таа сега откри дека жали што не се сретнале порано, за да им биде така убаво, па на кратките приказни на социјалната мрежа за тоа искористи фотографија за да му го каже тоа низ шега. Но се потврди дека годините и љубовта не одат заедно. - Таа: Зошто не се сретнавме порано? - пишуваше на објавата. Бидејќи во нивниот случај постои разликата , следеше нова фотографија од девојка која ја сподели и Лука а за иста пишува за нејзината возраст/ изглед во дадената година. - Таа - 1995 година. Додека тој истата таа година логично, не би можел да и биде момче. - Јас 1995 година. Сепак, денес е сосема поинаку кога и двајцата можат да ги задоволат своите љубовни апетити. Без разлика кој е повозрасниот и колкава е разликата меѓу нив сега најважно е да се има разбирање и голема доза на доверба, а најмногу од сѐ љубов. фото: printskrin/instagram/tamaratodevska

Мешаница во главата: Тамара Тодевска во фаза на општ хаос, а решението го најде така што побегна од сите (фото)

Слободанка Илиева — Fri, 23 Feb 2024 09:11:13 +0000

Хормони плафон, мешаница во главата и апетит или аверзија на одредени нешта – период со кој е соочува секоја жена во одреден дел од месецот. Припадничките на понежниот пол многу добро знаат за каква фаза се работи, а името на ова, накусо кажано се вика ПМС или предменструелен синдром. На оваа тема не така често се зборува, можеби меѓу женски муабети онака меѓу редови и чисто за опис на моменталната хаотична психолошка состојба. Тамара Тодевска немаше проблем да каже дека е токму во оваа ПМС фаза, па за да најде решение од својата умствена мешаница и напонатост, спасот го најде во трошење калории и кардио вежби со трчање и пешачење. Не и беше доволно само ваквото празнење, па заврши во теретана. Оттаму со приложената фотографија и илустрација покажа дека хаосот во глава се уште трае, но со вежбањето малку расчистен. Сигнал за бегство од сите овој пат беше нејзиното решение. Така беше сега и така се по ред, повторно и повторно со сите женски бубачки во глава. фото:Instagram printscreen/ tamaratodevska

„Те сакам до месечината и назад“: Тамара Тодевска со посебна порака му го честиташе роденденот на саканиот (фото)

Слаѓана Атанасова — Sat, 10 Feb 2024 19:34:37 +0000

Македонската пејачка Тамара Тодевска својата нова љубовна врска не ја крие, а убавите моменти со архитектот и дизајнер на ентериери, Лука Радовиќ, ги споделува пред сите со големо задоволство. Пејачката не ретко објавува заеднички фотографии и видеа со саканиот, па така и сега на нејзиниот профил на социјалната мрежа Инстаграм објави неколку кадри од прославата на неговиот роденден каде му упати и емотивна порака. „Среќен роденден љубов, те сакам до месечината и назад“, напиша со цел да му го честита неговиот посебен ден.

View this post on Instagram

A post shared by Tamara Todevska (@tamaratodevska)

Неговиот 31 - ви роденден тие го прославиле заедно со најблиските пријателите во еден скопски локал, каде пејачката со камерата за спомен евиентирала се, а дел од атмосферата ја сподели и јавно на кратките приказни. Таа ја покажа декорираната роденденската маса и тортата со сребрени свеќички на која споеше пораката „Среќен роденден Лука“. Роденденот му го честиташе и сестрата на Тамара, пејачката и актерка Тијана која живее надвор од Македонија, па му напиша : - Среќен роденден Луле. Засекогаш да бидеш среќен и насмеан како на оваа фотографија. Како и да е, Тамара повторно потврди колку се среќни и заљубени до уши, а дека одлично си поминале нема сомнеж. фото: printskrin.instagram/tamaratodevska

Тамара Тодевска има терорија за мајчинството: Поучена од искуство точно знае како стојат нештата (фото)

Слободанка Илиева — Fri, 02 Feb 2024 07:48:26 +0000

Најважната улога која пејачката Тамара Тодевска ја има во својот живот е мајчинството. Како мајка на две деца со нивното растење станува се поискусна за се’ она што ќе и го донесе најтешката, но и најубавата животна улога за една жена. За мајката нејзините чеда се се’ на светот, таа е онаа што би требало да ги познава најдобро, да им помогне да застанат на нозе додека растат, да воспитува и да ги изведува на вистинскиот пат, бидејќи токму таа заедно со таткото се моделот по кој тие се градат. А тоа, и повеќе од јасно е дека не е нималку лесно. Секоја реализирана мајка често ги преиспитува своите постапки и се прашува дали го прави вистинското во дадени ситуации. Тамара како мајка на две дечиња веќе добро ја научила и сфатила лекцијата за коа каде се крие клучот за доброто родителство. Таа пребарувајќи на интернет се пронајде во една стара теорија која сметаше дека вреди да ја сподели и за другите да видат или согледаат, а истата секако се учи во теoрија, но најмногу во пракса. -И после неколку векови усовршување, теорија и наука за родителството и понатаму важи старото правило... Добра мама е мама на која и е добро... Тамара констатираше дека е уверена во ова и во пракса, а дека е растена и одгледана и самата така, покажа со тоа што ја означи и нејзината мама Брана. Јасно како ден е дека деца не се растат и воспитуваат лесно, а како додаток на ова теорија сигурно треба да стои и трпението кое се надополнува како неизоставен дел од она што би требало да го воспостави балансот. Се’ на се’, во случајов за Хана и Дарен мама Тамара е најдобрата и најубавата мајка, а за за неа тие се најубавите деца на мама. Исполнето и забавно, се разбира со по некое незадоволство за кое вака или така ќе се најде компромис, а кога децата се среќни и задоволни, мама е уште посреќна и така се во круг! фото:Instagram printscreen/ tamaratodevska

Момчето на Тамара ја пофали дека е права домаќинка: Таа горда на делото – „печена“ за мажачка (фото)

Слободанка Илиева — Fri, 26 Jan 2024 08:07:13 +0000

Тамара Тодевска и незиниот сакан не пропуштаат ниту еден заеднички момент, везден заедно, а ако судиме според нивните зачестени објави на Инстаграм, на пејачката и архитектот им цвета во љубовта. За Тамара Тодевска сите добро знаеме дека е еден од најдобрите вокали во земјава. Реализирана жена, посветена на кариерата, децата, на себе и секако љубениот. Познато е дека неколку години наназад стана страствен вљубеник во вежбањето, ги намали килограмите, од неодамна почна да прави и музика, сака вечерни излегува со друштво, а неговото и е едно од омилените. Тамара секогаш немирна ко ветер, со темпераментен дух каков што имаат астролошките близнаци како неа. Токму близнаците, знаат да изненадат со нешто за кое на крај памет нема да ти падне, а тоа секогаш да биде изведено до перфекција, како во случајов. Тамара неодамна пред пријателките и Лука се пофали дека е одличен готвач во кујната, а сега уште еднаш се докажа и покажа дека е постојана во истото. Имено, таа деновиве со или без повод засука ракави во кујната и подготви месо со прилог од зелечук, а на истото претходеше „стартер“ од разни сувомеснати производи и сирења. За истото се пофали самата преку социјалните мрежи, а секако ја пофали и Лука кој во коментар напиша дека е вистинска домаќинка. Вредна и искусна мајсторица во кујната, а и во заедница – печена за нова мажачка. фото: Instagram printscreen/ tamaratodevska

„Mојата карта на раѓање“: Тамара Тодевска ги откри ѕвездите кои ја водат (фото)

Слаѓана Атанасова — Wed, 17 Jan 2024 11:35:17 +0000

Македонската пејачка Тамара Тодевска на социјалните мрежи редовно споделува моменти од секојдневието. Приватениот живот таа не го крие од љубопитните очи на јавноста, туку напротив ја објавува секоја активност и секогаш има нешто ново да покаже. Времето го поминува исполнето и не запира со активности особено кога се поврзани со нејзините деца и секако кариерата. Неодамна тие ја посети Матка каде ја истражуваа пештерата Врело во друштво на саканиот, нејзината другарка, познатата манекенка Катарина Ивановска и нивните деца. А сега веќе ужива во Маврово каде ги однесе децата да се забавуваат на скијачката стаза. Но и да научат да скијаат бидејќи мама Тамара откри дека не скија. Па, додека одмараше го зема мобилниот в раце и со јавноста ја сподели нејзината карта на раѓање, која досега никој не ја знаеше освен таа и можеби најблиските. „Mојата карта за раѓање“ - напиша таа и откри дека во хороскоп е Близнаци, во подзнак стрелец, знак на месечина (чувства) шкорпија, знак на венера ( љубовни особини) овен. - за сите оние кои не знаеја до сега, чисто да се знае каква енергија носи според астрологијата. Фото: printskrin/instagram/tamaratodevska

Нема лабаво: Саканиот не ја испушта Тамара од вид, а кога таа е на сцена тој има посебно место (фото)

Слободанка Илиева — Sat, 13 Jan 2024 08:10:23 +0000

Празничен период, љубовни искри, викенд во Охрид, совршена комбинација за љубовна двојка која е во период на почеток кога им е особено најслатко. Тамара Тодевска и нејзината нова љубов, архитектот и дизајнер на ентериери, Лука Радовиќ, изминатиот викенд имаа едно такво љубовно уживање, додуша и работно за Тамара. Охриѓани минатата сабота имаа прилика да уживаат во настапот на Тодевска, а пак таа и Лука да уживаат во Охрид и се’ она што им го нуди природата и домаќините. Хотелска соба со панорамски поглед кон езерото, планински воздух, сами тие двајцата и секако љубов. А кога дојде време да се пее, ѕвездата се качи на сцена и застана пред публиката, а тој веднаш до неа, речиси на сцена, во прв ред за да улови се’ во својот мобилен и секако да биде поддршка, инспирација... А таа и пееше на публиката, ама му пееше и на саканиот кој беше близу за да и биде уште поубаво, попријатно, а таа предадена на сцена, особено нему. Евидентно е дека Тамара и Лука уживаат заедно, па и кога работата ќе ги однесе на вака убаво место, магијата едноставно нема крај, а љубовта и страста до облаците! фото:Instagram printscreen/ radovic_lukaa/ tamaratodevska

Мачка има нова „мачка“: Бившиот сопруг на Тамара Тодевска, Александар Димитровски и Едина Муса се блиски пријатели отсекогаш или нови љубовници засекогаш?

Антонио Димитриевски — Wed, 10 Jan 2024 11:17:24 +0000

Новата 2024 година започна интересно... И мошне љубовно? Или сепак тоа е само старо пријателство, кое навидум само изгледа како да е нова љубов? Како и да е, една заедничка фотографаија објавена на Инстаграм и тоа кај обата субјекта предизвика ерупција од муабети, претпоставки, озборувања и нагаѓања и во естрадните и во спортските кругови, па и кај пошироката јавност. На неа бившиот сопруг на пејачката Тамара Тодевска, Александар Димитровски - Мачка и нашата кошаркарска, бодибилдерка и мис фитнес убавица Едина Муса, заедно еден до друг во прилично интимна атмосфера, па и поза, може да се каже. Зашто спуштената рака на русокосата под масата во ресторанскот дел на најпознтиот белградски кабаре клуб во стилот: „Допрни ми колено“... или што ли веќе друго, колку што е јавно дозволено, во многу што наликува дека не е во прашање само обичен пријателски обед. Впрочем и изразот на лицата на обајцата кои блескаат од среќа, кажува дека можеби тука има „некоја тајна врска“... Колку и да не е потребна квалификација, коментар или наслов на сликата, како што и самата Едина напишала во описот, некако очигледно е дека во „пописот на претпоставки“ онаа љубовната варијанта најверојатно ќе се оствари и излезе дека е точна. Тамара веќе оддамна јавно го покажа новиот љубовник со кој изглед среќна, па тогаш зошто и Мачка не би имал нова „мачка“? И тоа каква, ако навистина Александар Димитровски и Едина Муса се повеќе од само блиски пријатели отсекогаш, односно нови љубовници... засекогаш? Како и што впрочем русокосата убавица во својата новогодишна желба посакува евентуалната љубов да трае до крајот на животот, во дополнително објавеното стори на Инстаграм! Мчка и Едина ги спојува спортот, односно кошарката во која се или биле активни обајцата, па затоа и претходно во Белград заедно беа на дерби натпреварот помеѓу кошаркарските ривали Црвена Звезда и Партизан. Патем обајцата слободни, без љубовно - брачни обврски, што значи дека покрај кошарката слободно можат да ги разменат не само спортските интереси туку и споделат чувствата и емоциите. Впрочем, Александар и Едина и новата 2024 година ја дочекаа заедно во родната Гевгелија на Мачка. Како и да е, набргу времето ќе покаже дали Александар Димитровски - Мачка и Едина Муса се блиски пријатели уште од некогаш или нови љубовници, чија љубов ќе трае... можеби засекогаш? Фото: Инстаграм/machka777/edina_musa

Да тргне на љубов и убаво: Тамара Тодевска стопена во неговата прегратка – „Создадена сум да те сакам“ (фото)

Слободанка Илиева — Fri, 05 Jan 2024 09:52:07 +0000

Пејачката Тамара Тодевска уште од пред неколку месеци започна јавно да ја експонира својата нова љубовна врска по крајот на бракот и разделбата со сопругот. Очигледно силно вљубена во архитектот и дизајнер на ентериери, Лука Радовиќ, таа не се штеди во ниеден случај, време и место за да ги искаже своите чувства, а да ги покаже и неговите. Понесена од љубовни пеперутки, Тамара не ретко објавува заеднички моменти со саканиот. Она што е за пред очите на јавноста според неа засега е само за бакнеж во образ, онака невино и романтично, а за останатото има место само за нивната приватност. Празничен период, љубовни искри, бегство на чист воздух на Маврово, совршена комбинација за љубовна двојка која е во период на почеток кога им е особено најслатко. Евидентно е дека Тамара и Лука уживаат заедно, а кога е вака убав празничен период, магијата едноставно нема крај, а љубовта и страста до облаците! Токму како во песната на „Кис“- „I was made for lovin’ you“ или создаден/а да те сакам“. Токму тоа го посака и во својата новогодишна честитка, што повеќе љубов, насмевски и остварени соништа.

View this post on Instagram

A post shared by Tamara Todevska (@tamaratodevska)

-Ви посакувам година на остварени желби и соништа. Нека има повеќе љубов, насмевки и позитивна енергија за сите. Бидете свои, сакајте се себе си, но не заборавајте ги оние кои се секогаш тука за Вас. Од срце Ви посакувам среќна Нова 2024 и среќни празници- посака Тамара за себе и своите пријатели, фанови, следбеници. фото:Instagram printscreen/ radovic_lukaa/ tamaratodevska