тајфата – Вистина.мк

„Тајфата“ со нивната нова пејачка ве водат до крајности во – „Јас и ти“ (ВИДЕО)

Антонио Димитриевски — Mon, 20 Jun 2022 12:51:24 +0000

Музичката група “Тајфата” деновиве преку својот Јутуб канал во етерот ја промовираше својата нова песна “Ти и јас”. Групата започна заедно со Коки Јанков, некогашниот виолинист на дуото Дуле и Коки, потоа продолжи да соработува со битолскиот пејач Димитар Андоновски, за сега како нејзин вокал да се појави младата пејачка Сара Сурлаџиоска, која ја однесе победата во македонското музичко талент шоу „Заблескај“ во кое наградата требаше да биде дует со Елена Ристеска до кој никогаш не дојде!? Музиката е на Владимир Борески кој е вокал и клавијатури во групата, текстот е на споменатата Сара Сурлаџиоска која ја се појавува и како женски вокал, а аранжманот е на гитаристот Рубин Димкоски и Владимир Богески. Во песната делниците на хармоника ги отсвирил Александар Тренчовски, а Живко Чиртоски бил задолжен за кларинетот. Придружните вокали во песната ги отпеале Викторија Георгиоска и Маја Црвенкоска. „Фан продукција“ на Зоран Пилоски го потпишува иако нискобуџетен, сепак солидно изработен видеоспот, а за шминката се погрижиле од Студио Палада. Во продолжение проследете ја новата тема на „Тајфата“ насловена како „Ти и јас“:

„Тајфата“ празнично ви (ја) подарува – „Љубов без крај“ (ВИДЕО)

Антонио Димитриевски — Mon, 08 Mar 2021 13:55:40 +0000

Членовите на групата „Тајфата“ ја промовираа новата песна и спотот за неа насловени „Љубов без крај”. Со денешното објавување на истата, тие им го честитаат празникот 8-ми март на сите припаднички на понежниот пол и да им подаруваат една убава балада на сите кои се на прагот да запливаат во брачните води. „Денес премиерно ја објавуваме нашата нова песна „Љубов без крај”. За оваа тема музиката ја напиша Владимир Богески, стиховите се на Сара Пројковска, додека аранжманот го направија Владимир Богески и Рубин Димкоски во чие „R music studio“ и е снимена песната. Видеото го подготви Зоран Пилоски заедно „Фан продакшн”. Токму овој ден го одбравме за промоција како знак на едно мало внимание, една љубовна приказна која сакавме да им ја подариме на припадничките на понежниот пол. Барем толку сме им должни на нашите фанови со оглед на ситуацијата во која сите се наоѓаме во моментов. Се надеваме на заеднички дружби во многу подобри времиња и поопуштена атмосфера, како што сите ја памтиме.“ – велат членовите на групата. Премиерно да го погледнете видеото во кое покрај членовите на „Тајфата“ се појавуваат балерината Мила Ниновска, и актерите Ангела Стојковиќ и Илија Волчески, како и специјалниот гостин на гитара Горан Малденовски. https://www.youtube.com/watch?v=PcWetrw-dQk

Димитар и „Тајфата“ со десет згодни девојки во „Не си моја” (ВИДЕО)

Антонио Димитриевски — Wed, 25 Sep 2019 09:10:48 +0000

Летните одмори веќе завршија и време е да се засукаат ракавите, па Тајфата и Димитар Андоновски се фрлија на работа и снимија нова песна. Станува збор за нумера која ќе се најде на нивниот деби албум кој треба да биде промовирам многу наскоро. Новото музичко парче на ортаците од „Тајфата“ се вика „Не си моја“, а како автори се потпишуваат по кој знае кој пат македонските хитмејкери, братско-сестринскиот креативен тандем Лазар и Магдалена ена Цветковски. Интересна љубовна приказна преточена во уште поинтересен видеоспот во кој освен Диме, Аце, Влатко и Чирта, се појавуваат уште 10 преубави девојки. „Публиката доволно чекаше да извадиме нова песна. Лазар и Ена направија уште една одлична тема за која убедени сме дека ќе им се допадне на сите што слушаат добра музика. Инаку спотот се снимаше на неколку различни локации во Скопје, а Дарио Јанковиќ си ја заврши маестрално својата задача“ - велат од бендот. Што се однесува до настапите, Тајфата и Димитар буквално глава не можат да кренат од госттвања ширум државата, но сепак ветуваат дека во иднина ќе бидат многу поактивникога станува збор за нивната авторска музика. Во меѓувреме, уживајте во убавината на симбиозата на звукот, стиховите и кадрите од видеото на нивната „Не си моја“: https://www.youtube.com/watch?v=X5T5CqwtL4Q

Јелена Томашевиќ, Димитар Андоновски и Тајфата на 27-ми август ќе ги забавуваат кривопаланчани

Христина Ѓоргиевска — Thu, 23 Aug 2018 08:33:58 +0000

Познатата српската пејачка Јелена Томашевиќ во понеделник ќе одржи концерт во Крива Паланка. Концертот е закажан за 21 часот, а ќе се одржи на Градскиот плоштад. Јелена гостува по повод одбележувањето на Денот на рударите, кој ќе се празнува следниот ден, на 28. август. Организаторите упатуваат отворена покана за концертот на кој посетителите ќе може да уживаат во познатите хито „Јутро“, „Нема Кога“, „Оро“, „Кошава“, „Океани“ и многу други. Пред да настапи популарната пејачка Томашевиќ како нејзина предгрупа се најавени Димитар Андоновски и „Тајфата“. Инаку, на 25 август на градскиот плоштад ќе се одржи седмото издание на „Џојфест“, каде што ќе настапи на Рибја Чорба. извор: ипортал

И се врати на старата љубов, ама не ја заборави ниту првата: Коки, колку ве плаќа газдата за настап…?

Антонио Димитриевски — Thu, 30 Nov 2017 11:45:30 +0000

Коки Јанков, познатиот музичар од некогашното легендарно дуо „Дуле и Коки“, откако по смртта на Дуле најпрвин ја оформи групата „Тајфата“, деновиве реши повторно да и се врати на старата љубов - угостителството! Имено, тој пред извесен број години заедно со Дуле го држеше познатиот скопски ресторан „Балканика“, па како искуството во оваа област не му недостига, пред неполна седмица реши да го отвори својот ресторан „Кригла“, лоциран веднаш до Владата на Република Македонија.

Таму на своите гости Коки и неговиот персонал и нудат оригинална штипска пастрмајлија, разни домашни пити и други домашни специјалитети.

Но, покрај добрата храна и пијалок, брзата услуга и пристапните цени, гурманите се и љубители на убав амбиент кој го надополнува и убава музика.

Затоа газда Коки реши за овој сегмент од угостителството, сам да се погрижи! Така, атмосферата во неговиот локал за почеток ќе ја збогатат звуците на „Тајфата“, со познати песни од богатиот репертоар на нивни изведби! Или со други зборови, Кои реши да биде ем стопан, ем музичар во сопствениот локал!

Мудро, нема што! Единствено останува нејасно, како ли ќе одговори на прашањето: „Коки, колку ве плаќа газдата за настап во Кригла?“