тага – Вистина.мк

И децата се соочуваат со проблеми: Кога се тажни, еве како родителите можат да им помогнат

Слободанка Илиева — Fri, 16 Feb 2024 12:50:26 +0000

Помогнете му на вашето дете да сфати дека сите лоши денови ќе поминат. Иако ова е најубавиот период во животот на секој човек, и детството има бројни предизвици, убави и помалку убави денови. Со поддршката од родители и семејството, децата лесно ќе се справуваат со сите предизвици и проблеми. Со овие неколку чекори може да му помогнете на вашето дете да се чувствува подобро. Поставувајте му општи прашања За да дознаете што се случува во животот на вашето дете, поставувајте му прашања од отворен тип. На тој начин, детето постепено ќе ви се отвори и ќе ви каже што е тоа што го мачи и како се чувствува. На пример, може да го прашате: „Забележувам дека нешто те растажува. Што се случува?“ Прегрнете го Секогаш кога некој ќе ве прегрне се чувствувате посигурно, подобро и посакано. Прегратките не смеат да бидат дел од вашето секојдневние само кога вашето дете е тажно. Прегрнувајте го вашето дете во секој слободен момент, прегратките треба да бидат рутина бидејќи во нашето тело се ослободува хормонот на среќа, а тоа влијае врз расположението на детето. Што и да е, ќе помине Помогнете му на вашето дете да сфати дека сите лоши денови ќе поминат. Без разлика дали имаат проблеми на училиште, дали имаат проблеми со другарчињата или нешто ги боли, треба да им помогнете да сфатат дека во животот ќе има и вакви денови. Забавни активности За да му ги тргнете мислите од проблемите и да го расположите, практикувате некоја заедничка активност, без разлика дали станува збор за некој вид спорт или гледање некоја серија на Netflix. Каква било активност ќе му помогне на детето да ги подобри неговата самодоверба и расположението. извор: курир.мк фото: Feepik

Емотивна објава што никој не ја очекуваше: Анастасија Гудељ и кажа збогум на болката (видео)

Слободанка Илиева — Tue, 02 Jan 2024 11:54:50 +0000

"Благодарам 2023 за лекциите, болката, смеата, тажните и среќните моменти. Сè требаше да биде вака... Одиме да ја пречекаме 2024 полна со надеж, љубов и радост! Па нека биде како што рекол Господ!" , напиша Анастасија Ражнатовиќ со последната објава на Инстаграм, во која ја рекапитулира годината. Никој не очекуваше дека ќе објават досега невидени снимки, од кои некои се болни. Во оваа објава имавме можност да видиме досега невидени моменти од животот на ќерката на Цеца - од нежни моменти со нејзиниот сопруг Немања Гудеља, до тажни слики кога Таса го загуби нивното бебе. Во видеото ја гледаме и Анастасија како се снима со заоблен стомак, по што следи сцена од болница.

View this post on Instagram

A post shared by Anastasija Gudelj (@raznatovicanastasija)

Објавата на Анастасија Ражнатовиќ изненади многумина, бидејќи никој не очекуваше ќерката на Цеца да се открие толку емотивно, туку сите ја пофалија нејзината храброст. Но, Анастасија е подготвена за Новата година и сите среќни моменти кои ја очекуваат. Таа е поддржана од семејството и нејзиниот сопруг Немања, а од видеото се гледа дека љубовта на овој пар е посилна од секоја пречка што животот ќе им ја наметне. фото:Instagram printscreen/ raznatovicanastasija

Цеца ја сублимираше годината што изминува, а откри и што посакува во Новата: „Желбата ми е Анастасија и Немања да добијат бебе“ (фото)

Слободанка Илиева — Mon, 18 Dec 2023 08:10:02 +0000

Фолк ѕвездата Цеца Ражнатовиќ синоќа ги сумираше впечатоците од годината што изминува и отворено призна што посакува во следната која е пред нас. Имено, Цеца не крие дека најмногу ја болел моментот кога нејзината ќерка Анастасија го изгубила бебето, но подвлече и дека во годината која е при крај во семејството и кариерата имало многу моменти кои никогаш нема да ги заборави. - Беше шарена. Имав многу успешни концерти, многу радост, среќа, а имав и дел каде што доживеав огромна тага и болка кога станува збор за Анастасија. Па, повторно добра вест, Богдана и Вељко го чекаат своето трето бебе, машко. Таа беше осцилирачка, шарена. Не можам да кажам дека беше грда, не можам ни да кажам дека беше светла, но пак велам животот продолжува, гледаш нешто позитивно, убаво. Важно ми е да е добро – призна Цеца, а потоа наброја што посакува во следната година:

View this post on Instagram

A post shared by C E C A (@cecaraznatovic)

- Моите желби се Анастасија и Немања да добијат бебе, да го завршам албумот, да го направам Ушќе... Желба ми е да вклопам десетдневен одмор во мојот живот, но очигледно ќе завршам во бања за рехабилитација, со пензионери.! (смеа) Па, убаво е во бањите... Знаете ли какви бањи имаме?! Па, пеев, и се повеќе се насочувам кон бањата! (смеа) - изјави пејачката за Телеграф.рс фото:Instagram printscreen/ cecaraznatovic

Владата немаше ни доблест ни совест да прогласи ден на жалост, но затоа другите имаа: ТВ емисиите од забавен карактер – откажани, настаните и концертите – одложени!

Антонио Димитриевски — Tue, 05 Dec 2023 11:08:49 +0000

Убиството на малата Вања и фризерот од Велес како никогаш до сега ја потресоа јавноста... Ама и ја кренаа на нозе. Тага до небо, болката не стивнува, гневот и бесот од направениот злостор не сопираат и не треба. Општество без морални норми, со урнат систем на вредности, со уништени елементарни човечки особини... Срам, образ, емпатија, љубов, сочувство, хуманост... Наместо нив, само алчност, омраза, блуд, пороци, бескруполозност, извретни вредности... Врвот е дно, а на врвот - оние од дното! Зашто да беше барем малку поинаку по се' што се случи овие денови, после ваквиот траор и колективна болка, да се имаше барем малку совест и доблест вчерашниот, па и денешниот или утрешниот ден, ќе беа денови на жалост, а не понеделникот да биде ден за средба за пазарање изборен датум, кој никому нема да му избега и ден порано или подоцна изборите секако ќе бидат закажани. Арно ама... елементарните карактерни и пред се човечки особини, одново откажаа. И тоа кај оние кои во вакви моменти треба да бидат и најдоблесни и најсовесни... Зашто само два збора израз на сочувство - се далеку од доволни! Тага до небо, образ - ѓон! Едноставно политиката немаше ни доблест ни совест да прогласи ден на жалост, но затоа другите имаа. ТВ емисиите од забавен карактер - откажани, настаните и концертите - одложени. Зашто ако имате барем тронка чувство на емпатија, барем парче душа пред ваква трагедија, не ќе имате совест да се однесувате како ништо да не се случило. Особено ако професијата ви е да ги забавувате масите, а никому не му е до забава. Тоа бргу го сфатија повеќето или речиси сите од естрадно-забавниот свет иако повеќето не веднаш... Така уште вечерта, во неделата на 03.12.2023 околу 21.00 часот, кога беше соопштена трагичната вест за убиството на малата Вања, речиси ниту една телевизија не ја прекина програмата. Јавноста во истиот момент шокирана и збунета, ама затоа не и програмските директори или уредници, па на програмите и понатаму си продолжија да одат „Никогаш не е доцна“, турски серии, „Ај ДЈ шоу“... Стварноста не може да биде покрвава и потраорна, ама „шоуто мора да продолжи“!? Кога и на Владата не и текна дека ако не повеќе барем достоинствено е трагедијата да ја одбележи со еден ден жалост, на таква почит се сетија оние кои ги продуцираат, подготвуваат и водат емисиите од забавен и музички карактер, организаторите на разни ивенти и настани од таков тип, пејачите своите музички промоции, сопствениците на локалите каде беа закажани настапи на домашните и музичките изведувачи од соседството... Некои од нив и со соопштенија на социјалните мрежи образложија дека не е момент за емисии со збавно-музички содржини, дека настаните и настапите се откажани или пролонгирани. Така на пример најгледаниот естраден ТВ магазин „Бекстејџ“ јго откажа емитувањето на своето понеделничко издание. Водителот на „Голден карпет„ Миро Кацаров обзнани дека: „Порадо монструозниот и психопатски чин кој не доведе до шок, тага и неверување, забавна содржина од 'Голден карпет' нема да се објавува до четврток“... А можеби и повеќе?! Водителот на ток шоуто „Јади бурек“ вчеравечер исто така во живо се вклучи на својот Фејсбук профил на социјалните мрежи и соопшти дека емисија нема да има.

View this post on Instagram

A post shared by Jingle TV (@jingle.tv)

Некои од забавните емисии како оние што одат на интернет телевизијата „Џингл ТВ“, тотално ги преобразија и адаптираа своите програмски содржини во склад со немилите настани и ситуацијата. Својот ивент, настанот на магазинот „Убавина и здравје“ за доделување на наградите на најдобрите инфлуенсери во 2023 година, насловен „Influencer awards 2023“, кој требаше да се одржи на 06.12.2023 год. тие како организатори го откажаа и одложија за понатаму. Истотот се случи и со мноштвото закажани настапи на домашните и некои музички изведувачи од соседството, кои беа закажани деновиве. истите или се целосно откажани или пролонгирани за понатаму. Кога веќе власта не покажа „душа“ кон една детска, насилно и прерано згасната душа, покажаа барем оние кои се задолжени за некои посреќни времиња. Нека ти е светол патот кон вечноста, мал ангелу!

View this post on Instagram

A post shared by Backstage⭐️ (@backstage_macedonia)

Фото: Instagram i Facebook printscrean

Злосторство и казна: Народот ја бара правдата во свои раце, социјалните мрежи експлодираа, македонските јавни личности сочувствуват со болката и се простуваат од малата Вања

Антонио Димитриевски — Mon, 04 Dec 2023 09:04:31 +0000

Монструми, убијци, крвници, психопати... Има ли зборови што не беа кажани и напишани на социјалните мрежи по страшната и тажна вест која пристигна дека малата Вања е убиена. Јавноста згрозена и шокирана од монструозниот чин на свирепо убиство на невино дете заради некакво си користољубие?! Зарем има такви пари, заради кои може да се одземе нечиј живот, особено на младо дете кое никому ништо ниту згрешило ниту има било каква вина или поврзаност со нечии гнасни и монструозни планови и умисли? Народот е на работ на трпението кое полека го губи, зашто кога неправдата станува закон, правдата станува обврска која народот ја презема во свои раце... Токму затоа и илјадниците повици и барања за враќање на смртната казна, па дури и за јавна егзекуција на крвниците кои по вакво злосторство заслужуваат и многу повеќе од тоа, заслужуваат - линч! А оние кои сознанието за злосторот го криеле цела седмица заради сопстевните интереси ако е тоа навистина така, заради своите фотелји и кариери, не заслужуваат повеќе ниту една минута да владеат! Заслужуваат и морална и политичка одговорност огледана во нивна моментална оставка! Психопатите со окрвавени раце секако ќе бидат изнесени пред лицето на правдата, само прашање е дали овој пат соодветна правда ќе има? И која е таа казна која може да замени еден вака насилно одземен невин детски живот? „Заб за заб, око за око“ - вели старата поговорка која не случајно е измислена и кажана. Ако треба да посегнеш по нечиј детски живот заради користољубие, сигурно не заслужуваш да живееш, зашто љубов во таквите никогаш и немало, а корист од нив повеќе нема ниту ни да има. Најпеколна сепак ќе им биде казната од Бога, со која до крајот на животот треба да живеат носејќи ја малата Вања на душа... Ако воопшто душа имаат ваквите безбожни ѕверови? Зашто да имаа и трошка од истата таа душа не би ни помислиле, а камоли осмислиле и реализирале ваква свирепа егзекуција , вакво крваво ѕверство на малолетно дете без никаков повод и причина! Затоа ако веќе злосторот е монстриуозен и казната треба да биде еквивалентна... А постапката, брза и безмилосна! Онаа судската, секако, кога веќе законот не дозволува поинаку! И додека јавноста се уште не може да се соземе од гнасното злосторство, македонските јавни личности, естрадни уметници, ТВ водители, модели, спортисти, актери... сочувствуват со болката на мајката и блиското семејство и се простуваат од малата Вања преку своите профили на социјалните мрежи. И кај нив, како и кај сите нас, емоциите се измешани. Тага, болка, жал, неверување, гнев, бес, желба за правда, за одмазда кон бездушните крвници... Емоции кои се огледаат во споделените постови на нивните Фејсбук и Инстаграм профили... Ова е само едно мало парче од нивниот „ѕид на плачот“, но и од нашиот „ѕид на срамот“... На сите нас како народ што дозволивме да завршиме како „забегано општество“ во кое психопати и убијци, монструми и крвници слободно се шетаат со окрвавени раце, а некои од нив да бидат во одреден период и инволвирани длабоко во власта. Почивај во мир Вања, нека ти е светол патот мал ангелу и прости ни, ако можеш... Ако прошка воопшто и заслуживме! Фото: Социјални мрежи/Facebook/ Instagram/

Кога тагата убива: Синдром на скршено срце

Слаѓана Атанасова — Mon, 27 Nov 2023 13:30:04 +0000

Таа е предизвикана од екстремно стресни ситуации како што е смртта на брачниот другар, а се препознава по исклучително силна, ненадејна болка во градите. Новото истражување на Американското здружение за срце сведочи колку е тоа фатално. Тоа беше објавено од CNN бидејќи покажа дека синдромот на скршено срце е поврзан и со рак. Една студија покажа дека еден од шест луѓе со синдром на скршено срце развил рак. Утврдено е дека тие имаат поголема веројатност да умрат во рок од пет години по дијагнозата, во споредба со луѓето кои немале синдром на скршено срце. Истражувачите признаваат дека врската помеѓу синдромот на скршено срце и ракот не е целосно истражена. Студијата започнала со испитување на податоците на повеќе од 1.600 пациенти со синдром на скршено срце, а завршила со докажување на постоење на врска помеѓу оваа состојба и ракот. За луѓето кои имаат или имале синдром на скршено срце, ова не мора да биде причина за аларм. Ова е предупредување дека треба поредовно да го проверуваат своето здравје, особено ако имаат некои симптоми и поплаки кои укажуваат на рак. Бидејќи истражувањата покажаа дека значителен број пациенти со синдром на скршено срце покажуваат склоност кон малигни заболувања или присуство на рак, советуваме да се внимава. Во моментов се разгледува дали историјата на малигнитет го зголемува ризикот од синдром на скршено срце. Извор: Попара

Легнала под нож за липосукција и починала: Згасна животот на младата инфлуенсерка која важела за совршенство во движење (фото)

Слободанка Илиева — Thu, 09 Nov 2023 12:30:42 +0000

Бразилската инфлуенсерка Луана Андраде почина во вторникот, еден ден откако беше подложена на липосукција на коленото во болница во југоисточниот град Сао Паоло. 29-годишната Луана Андраде ја извршила процедурата од приватен лекар и анестезиолог ангажирани од нејзиното семејство, се вели во соопштението од болницата Сао Луиз. Манекенката доживеа срцев удар околу два и пол часа по операцијата. - Операцијата е прекината, а на пациентот му биле извршени тестови кои откриле масивна тромбоза, соопштија од болницата. - Префрлена е на интензивна нега каде и е подложена на лекови и хемодинамски третман. Таа била прогласена за мртва околу 5:30 часот во вторникот. Причината за смртта е белодробна емболија. Оперативниот лекар и анестезиологот, чии имиња не се објавени, не коментираа до средата наутро. - Растргнат сум и го живеам мојот најлош кошмар. Ме остави дел од мене – напиша на Инстаграм нејзиното момче Жоао Хадад. - Изградивме убава приказна и интензивно ги живеевме нашите соништа. Покрај тоа што си моја девојка, ти си и секогаш ќе бидеш мој партнер надвор од овој живот, љубов моја. ... Ти си мојата светлина, принцеза. Ве молам, продолжете да чувате над мене и сите нас одозгора. Секогаш ќе те сакам, од сега до вечноста!- напиша тој. фото:Инстаграм принтскрин

Изненадно почина познатата бодибилдерка: Нејзините видеа инспирираа повеќе од 1.400.000 луѓе, а пет деца останаа без мајка

Слаѓана Атанасова — Fri, 20 Oct 2023 10:22:53 +0000

Почина новозеландската инфлуенсерка, бодибилдерка и мајка на пет деца, позната по своите мотивациски фитнес објави. Бодибилдерката и фитнес блогерка Рејчел Чејс - која во еден момент имаше повеќе од 1,4 милиони следбеници на Фејсбук и беше опишана како „интернет сензација“ - почина овој месец, а сѐ уште не е позната причината за нејзината смрт. Таа беше првата Новозеланѓанка која се квалификуваше за натпреварувањето во бодибилдинг Олимпијада, и беше на многу меѓународни средби. Таа работеше како фитнес модел кој ги красеше насловните страници на списанијата најмалку 14 пати, а како инфлуенсер нудеше и онлајн фитнес менторство. Веста за нејзината смрт растажи многумина кои почнаа да се збогуваат со неа на социјалните мрежи, а се огласи и нејзината најстара ќерка Ана Чејс. „Таа беше поддршка, љубезна и секогаш го имаше најдобриот совет за нас. Таа имаше голема амбиција и желба да успее и инспирираше милиони луѓе ширум светот“, напиша таа, пренесува Stuff. „Ми недостига неизмерно и таа љубов никогаш нема да исчезне. Портпаролот на Министерството за правда ја потврди нејзината смрт. „Со оглед на неодамнешната природа на смртта, во оваа фаза нема дополнителни информации“, рече портпаролот. Кит О'Конел, пријател на Рејчел, рече дека нејзината смрт е „ненадејна и неочекувана“ и дека таа е една од „најљубезните души“ што ги познава. Фото: Принтскрин/Фејзбук

Денеска ќе наполнеше 72 години: Семејството на неговиот роденден отиде на гробот на Шабан (фото)

Слаѓана Атанасова — Wed, 06 Sep 2023 10:40:57 +0000

Фолк пејачот Шабан Шаулиќ трагично го загуби животот пред 4 години во Германија, а семејството денеска отиде на гробишта, на денот кога тој ќе наполнеше 72 години. Вдовицата Гоца Шаулиќ, ќерките Илда и Санел, како и внукот на Шабан Лука беа меѓу првите кои дојдоа на гробиштата каде почива пејачот. По нив пристигнаа пријателите на пејачката и братучедот Хасан Дудиќ. Откако го положи цвеќето, Гоца запали свеќа, а потоа плачеше додека членовите на семејството ја тешеа. Да потсетиме, Шабан на 17 февруари 2019 година загина во сообраќајна несреќа на автопатот кај Билефелд во Германија. На враќање од настап, автомобилот во кој се наоѓале пејачот, неговиот кум Слободан Стојадиновиќ и клавијатуристот Мирсад Кериќ, со голема брзина бил удрен од автомобил управуван од Турчинот Алсин Левент под дејство на алкохол. Шабан доживеа срцев удар и почина во болница, додека неговиот клавијатурист ден подоцна ја загуби битката за живот поради тешки повреди на главата. Фото: Принтскрин/Марко Јовановиќ/Телеграф

Една реченица го заврши пријателството кое траеше со години: Еве зошто Цеца и Мира Шкориќ прекинаа секаков контакт …

Слободанка Илиева — Tue, 29 Aug 2023 11:21:01 +0000

Конфликтот меѓу Мира Шкориќ и Цеца Ражнатовиќ ја заинтригира јавноста, а како што тврдат упатените, коренот на се’ датира од почетокот на нивното пријателство кое траело со децении. Имено, Цеца и Мира биле пријатели кога биле девојчиња. Од блиско пријателство, во годините што следеа добрите пријатели го прекинаа секој контакт. Иако ниту еден од нив не сакаше да даде детали - се случи конфликтот меѓу Мира Шкориќ и Цеца Ражнатовиќ, а тоа го потврди и самата Цеца: Од друга страна, Мира истакна дека Цеца во моментот кога доживеала голема семејна трагедија не и се јавила: ‒ Точно е дека Цеца не изрази сочувство. Не ми се јави, не ми прати порака. Покрај кралицата на сите времиња Зорица Брунцлик, првпат ќе ви откријам, покрај мене во тие тешки моменти беше и Јелена Карлеуша и пред се изрази сочувство. Цеца не го направи тоа. Се разбира, не обвинувам никого. Секој има свои причини, но вистината е дека таа не ме побара и додаде: ‒ Браковите се распаѓаат по четириесет години, а не едно пријателство. Нема шанси јас прва да одговорам. Тоа што е меѓу нас веќе не е ни важно. Не сум во кавга со неа, едноставно не комуницираме, не се дружиме. Еве, пресечете едно јаболко на половина, па обидете се да го соберете. Не може да биде исто. Значи, ниту еден од нас не може да биде како порано. Конфликтот меѓу Мира Шкориќ и ЦецаРажнатовиќ, барем според пејачката Мира Шкориќ, не може да се надмине: - Не би дала причина бидејќи не постои, само дојде до прекин во комуникацијата. Не мислиме исто, едноставно не сме исти. Знам дека бевме едно, но не плачи, се’ е живот. Разбирам дека е интересно, сепак, не треба да се прави магаре од комарец.

View this post on Instagram

A post shared by Mira Skoric (@miraskoric)

- Цеца е голем уметник, ѕвезда, и за тоа не станува збор. Во минатото секогаш имав добро мислење за неа - изјави Мира и нагласи дека нема врска со помирување. ‒ Никогаш нема да се помирам со Цеца. Не би ни зборувалa за тоа, повеќе би сакалa да молчам. Ѝ ja посакувам сета среќа на светот, завршува Мира. фото: Инсатграм принтскрин/ATA Images