таамра тодевска – Вистина.мк

Тамара Тодевска дуваше роденденски свеќички – еве колку години наполни (видео)

Христина Ѓоргиевска — Wed, 02 Jun 2021 06:42:43 +0000

Пејачката Тамара Тодевска е активна на социјалните мрежи, па често со своите следбеници споделува што има ново од професионалниот, приватниот живот. Таа често знае да ги снима и своите деца, Хана и Дарен, кои веќе се потпораснати и се преслатки. Меѓутоа, деновиве, поточно вчера (1ви јуни), Тодевска имаше убав повод за славење. Имено, пејачката го прослави својот 36 роденден. По тој повод, таа дуваше роденденски свеќички со број 36.

View this post on Instagram

A post shared by Tamara Todevska (@tamaratodevska)

Како во кусите приказни на „Инстаграм“, така и под објавата се нижеа бројни честитки на сметка на пејачката. И некогашната водителка, Миа Костова и го честиташе роденденот на својата другарка: „Те сакам и кога ќе ја згрешиш химната и кога ќе ми пишеш во 8 и 15, ‘ви како те“, те сакам на сцена и кога не си за сцена. Те сакам дека имаме слики кога не се знае кој е кој на сликата. Те сакам дека си најмајка и те сакам кога те мразам дека пееш. Среќен роденден близначке. Ако се префарбаш те убив“, пишува Миа во честитката. Инаку, пред еден месец, Тодевска исто така имаше роденден во семејството, односно нејзината ќерка Хана наполни 5 години. Среќен роденден.

„Конечно да не ја уништат сцената“: Ова се коментарите по првата проба на нашата евровизиска претставничка

Христина Ѓоргиевска — Thu, 09 May 2019 07:07:46 +0000

Оваа година изборот на песна за „Евровизија“ ќе се одржи во Тел Авив, Израел. Нашата претсавничка Тамара Тодевска ќе не претставува со песната „Proud“. Тодевска пред некој заедно со својот тим замина во Тел Авив,а нејзината агенда се содржи од пресови, интервјуа, дружба, проби... Така, пред два дена Тамара ја имаше првата проба и покажа како ќе изгледа на сцената на 16 мај во втората полуфинална вечер.

Тодевска ќе се појави во едноставна минималистичка тоалета во зелена боја со детели во пределот на деколтето и струкот. На официјалниот канал на „Јутуб“ беше прикажено кратко видео од пробата на нашата претставничка, а под него се нижеа позитивни коментари. https://www.youtube.com/watch?v=uorpKaAQQYI „Леле, овој пат не ја уништија сцената. Гласот на Тамара е неверојатен“. „Неверојатен глас, песната допира, се надеваме на одличен резултат“.

„Конечно пристојна сцена од Македонија. Мислам дека е време да се вратат во финале“.

„Некој конечно користи огледала на ЛЕД екраните“,

„Вау, вау,вау. Јас можам да кажам повеќе од перфектно. Прекрасно. Се најдобро од Обидинетото кралство“....ова се само дел од коментарите за Тодевска.

Инаку, во едно интервју што Тамара го даде за тамошните медиуми изјави дека на 16 мај ќе пее за нејзината ќерка Хана и се расплака пред камерите бидејќи и недостига нејзиното девојче. https://www.youtube.com/watch?v=LoqwvVOBQw4 „Ќе пеам за мојата ќерка, извините, но навистина многу ми недостига“ одговори Тодевска, а нејзината ќерка е во Белград каде ја чува тета Тијана. Останува и понатаму да ги следиме подготвките на нашата евровизичка претставничка и да го чекаме нејзиниот настап на 16 мај во полуфиналната вечер, а секако се надавме и на влез во финалето, а со ваква песна и сценски настап веруваме дека така ќе биде.

Ѕирнете зад камерите: Вака изгледаше снимањето на евровизиската песна „Proud“ на Тамара Тодевска

Христина Ѓоргиевска — Sun, 07 Apr 2019 09:00:57 +0000

Изборот за песна на „Евровизија“ оваа година ќе се одржи во Тел Авив, Израел. Тамара Тодевска ќе ја претставува нашата држава со песната „Proud“ со која ќе настапи на втората полуфинална вечер. Тодевска пред некое време го промовираше видео записот за песната која наиде на позитивни коментари кај пошироката јавност. https://www.youtube.com/watch?v=Sw-NQ1a1zZ0 Во спотот учестуваат повеќе јавни личности, но и нејзината ќерка Хана. Во едно обраќање на социјалните мрежи Тодевска истакна дека таа вечер ќе пее за нејзината ќерка. За да се изработи еден ваков спот потребно е време, енергија, добра екипа,одлична организација.... Дефинитивно, се тоа го имало додека Тодевска го снимала спотот. Имено, таа на својот „Фејсбук“ сподели како изгледало снимањето на „Proud“. Во продолжение може да го погледнете „makeing of“ на „Proud“. https://www.youtube.com/watch?v=ScUoJBkIRFA&feature=youtu.be&fbclid=IwAR0l39jjLSGRc98Y6M2nQIDy4XfmpBXAQLTmsNAJ21SGx08UYnaFOYp86fQ На Тамара ќе и посакаме многу среќа, а без разлика на пласманот таа веќе не направи горди.