сврши – Вистина.мк

Уште една македонска ТВ водителка се сврши: Александра од „ТВ Алфа“ замина на скијање, а заврши со веринчки прстен (ФОТО)

Антонио Димитриевски — Mon, 14 Feb 2022 08:29:26 +0000

Уште една македонска ТВ личност е на прагот да стане од девојка жена или поточно нечија сопруга. Александра Овчарска, или попозната како Бела Александра, ТВ водителка на утринската програма на ТВ Алфа замина на скијање на Копаоник, а заврши со веринички прстен на раката. Таа и нејзиното момче Саша имаа романтичен викенд во познатиот српски скијачки центар, кој заврши со понуда за брак! Имено, нејзиното момче, отсега и вереник и потенцијален сопруг и зет во семејството, ја изненадил водителката со веренички прстен. Како точно изгледал чинот на запросување не опишале ниту обајцата, но едно е сигурно: Идниот младоженец го искористил заедничкиот зимски викенд, па во предвечерјето на празникот на вљубените Св. Валентин, го направил (пред)брачниот чин - ја побарал водителката за жена. Ниту Александра, ниту нејзиното момче, кој инаку работи во една шведска Ај Ти конасалтинг компанија, не ја обзнанија јавно свршувачката, ама затоа пак среќниот момент прва го објави сестрата на водителката, која исто така е ТВ лице, презентерката на временската прогноза на Телма, Елена Манојловски. „Посакувам да сте секогаш вака среќни и заљубени Санулка моја ми го разубавивте денот, месецот годината ма животот“ - напишала среќната сестра споделувајќи ја фотографијата на која во прегратките на зетот, идната невеста гордо го покажува свршеничкиот прстен од ски терените на Копаоник. Епа, Бела чао... од моминскиот живот секако и добредојде на прагот на брачниот клуб... Нека е со среќа! Фото: Фејсбук принтскрин/Sasha Vuksanovich/Елена Манојловски

Се сврши пејачот Јасмин Алиевски: Македонската „Гранд ѕвезда“ ја побара раката на саканата, а таа кажа – „Да“! (ФОТО)

Антонио Димитриевски — Thu, 23 Dec 2021 09:24:41 +0000

Јасмин Алиевски пошироката јавност го запозна по неговото повеќекратно учесто во најпопуларното музичко талент шоу “Ѕвездите на Гранд“ , каде беше еден од многуте македонски кандидати, кои се обидоа да си пробаат среќата во регионалните естрадни води. Иако баш и не се прослави со првиот настап кога испадна уште во првиот круг, следните неколку години успеваше да стигне до третото коло и да остави многу посолиден впечаток. Учествуваше и на неколку фестивали во Македонија, сними повеќе песни како: „Далеку од тебе“, „Сакам да заборавам се“, „Давам се“... а, кариерата ја градеше и со своите настапи по кафулињата, ноќните клубови и дискотеките ширум Македонија. Приватно младиот пејач не ја криеше љубовта со својата девојка, па нивните заеднички фотографииможат да се најдат и на неговите профили на социјалните мрежи. Токму на нив Јасмин Алиевски преку најновата објава ја соопшти радосната вест. Македонската „Гранд ѕвезда“ ја побара раката на саканата, а таа кажа - „Да“! „Вчерашниот ден во мене пробуди емоции за кои што не знаев ни дека постојат. Благодарам злато за овој прекрасен момент, секој ден да ни биде се посреќен. Официјално: Таа кажа - ДА“ - напиша младиот пејач на социјалните мрежи покрај фотографијата како доказ за свршувачката со својата сакана, на чија рака блесна вереничкиот прстен! За датумот на свадбата и дали воопшто таа е во 2022 год. планирана, јавноста се' уште не е информирана. Единствено што е познато и повеќе од сигурно е дека ќе биде весело, особено кога младоженецот ќе запее! Дотогаш, и нему и на свршеницата, нека им е среќна веридбата! Фото: Фејсбук и Инстаграм принтскрин/jasmin_oficial

Се сврши Марија Груевска: Македонската учесничка кажа „да“ на својот партнер, еве како изгледа (фото)

Христина Ѓоргиевска — Fri, 17 Dec 2021 07:33:50 +0000

Марија Груевска публиката ја памети по нејзиното учество во регионалното музичко шоу „Ѕвездите на Гранд“. Имено, младата битолчанка се појави претходната сезона во музичкото шоу и стигна до самото финале. Груевска во секој круг се појавуваше во разни, оригинални изданија со разни модни комбинации. Така, имавме прилика да ја видиме како калуѓерка, танчерка, да пее врзана на сцената, со свеќи на раце, со змија околу вратот... Жирито беше воодушевено од нејзините интерпретации, а Карлеуша ја нарече и македонска Лејди Гага. Марија е активна на социјалните мрежи, а сега се пофали со новости од нејзиниот приватен живот. Пејачката на својот „Фејсбук“ се појави дека кажала „да“ на својот партнер, сега свршеник Синиша Стојаноски Греувска објави фотографија од свршеничкиот прстен, а во описот напиша – „Кажав да“. Под објавата се нижеа честитки од нејзините ФБ пријатели, колеги, следбеници, обожаватели. Еве како изгледа идниот сопруг на македонската пејчака, кој воедно и беше голема поддршка кога таа беше дел од музичкото натпреварување. Честитки. фото: З. К Муња/ фејсбук/марија груевска

Кажа „да“: Се сврши Мими Јовановска – ова е нејзиниот избраник (фото)

Христина Ѓоргиевска — Mon, 09 Aug 2021 09:01:54 +0000

Mладата македонска пејачка Мими Јовановска од Велес публиката ја запозна по нејзиното учество во регионалното музичко шоу „Ѕвездите на Гранд“. Иако во првиот круг, Мими не остави силен впечаток, па доби само еден глас од Џенан Лончаревиќ кој и беше нејзин ментор, во следните кругови Јовановска беше маестрална, па добиваше само пофални зборови од жирито. Пејачката стигна до пред финалето, но на музичка план е активна повеќе од кога и да било. Иако за музиката и музичките проекти е отворена да зборува јавно, за својот приватен живот не сака многу да открива детали. Имено таа е во неколку годишна врска со нејзиното момче Филип Нуне. „Јас и Филип сме во врска, ете само тоа ќе кажам, не сакам многу да зборувам за тоа“, изјави Мими во една прилика. Велешенката деновиве имаше многу убав повод за славење и радување. Имено, таа кажа „да“ на нејзиното момче. Мими на својот Фејсбук објави фотографија од неа и нејзиниот партнер, сега свршеник, а го покажа и свршеничкиот прстен. „Милион пати – да“, напиша таа како објаснување покрај фотографијата. Под објавата се нижеа честитки од нејзините следбеници, пријатели, колеги.... Ова е нејзиниот избраник. Честитки! фото: Инстаграм/мими јовановска

По 10 месечна врска се сврши Аријана Гранде

Христина Ѓоргиевска — Mon, 21 Dec 2020 11:32:24 +0000

Пејачката Аријана Гранде се сврши за познатиот агент за недвижности Далтон Гомез. Таа и агентот се заедно 10 месеци, а добро информиран извор тврди дека се одлучиле да одат чекор понапред и да формираат семејство. Пејачката на 20 декември го покажа својот свршенички прстен и ги воодушеви своите следбеници. Инаку, љубовниот живот на Аријана е турбулентен, па познатата ѕвезда пред три години ја раскина вердибата со свршеникот Пит Дејдвидсон, а набргу после тоа дозна дека нејзиното поранешно момче Мек Милер почина на 26 години.

Се сврши синот на Адријана Алачки – еве како изгледа идната снаа на водителката (фото)

Христина Ѓоргиевска — Mon, 21 Dec 2020 08:02:34 +0000

Македонската водителка, пејачка и претседател на кулнарското друштво „Гастромак“, изминатиот викенд имаше убав повод за славење, радување. Имено, таа е доста активна на социјалните мрежи каде секојдневно објавува нешто поврзано со нејзината професија или пак со емисијата „Вкусот на традицијата“. Меѓутоа, овој пат Алачки сподели детали од приватниот живот, однсоно се пофали дека доби снаа. Имено, нејзиниот син, Благоја Алачки ја побара за сопруга неговата девојка Јована. Водителката овие радосни вести ги сподел на Фејсбук пишувајќи емотивна порака. - Моменти за кои живееме, кои ни даваат смисол на животот...ерупција од емоции...како што доликува со сите нишани...да им е вечна љубовта, да имаат убав збор еден за друг, семејството да им биде столбот, слогата да им е секојдневие.да бидат добар пример на своето поколение, како огледало да се огледуваат еден во друг..да им е полна куќата со дечиња....честитки деца мои златни! Од Бога да сте благословени- напиша таа под фотографијата на која се гледа свршеничкиот прстен. Под објавата се нижеа се честитки, а еве како изгледа идната снаа на Алачки.

Се сврши синот на македонската фолк легенда Војо Стојаноски: Дамјан Стојаноски реши да донесе дома млада невеста! (ФОТО)

Антонио Димитриевски — Mon, 10 Feb 2020 08:18:52 +0000

Еден од најдобрите и најперспективни млади македонски фолк пејачи, Дамјан Стојаноски, ја побара својата девојка Елена Билеска за жена. Синот на легендата на македонската изворна песна, покојниот Војо Стојановски на својата мајка, новинарката Евица Камберова-Стојаноска и донесе неописива радост. Тој и неговата свршеничка официјално кажаа ДА и нивната љубов ќе биде крунисана со заеднички живот. И токму како што вели антологиската песна на неговиот татко Војо: „Ти донесов млада невеста, јас ја сакам од срце, деца мајко да ми изроди, родот да ми продолжи“... така некако отприлика чинот на одлука за заеднички живот и свршувачката на својот син ги доживеа и мајката на Дамјан, која сподели заедничка фотографија со младите, синот и идната снашка, па покрај неа и самата ја изрази својата огромна радост: „Дамјан и Елена официјално, кажаа ДА за љубовта и за заедничкиот живот. Ми се зголемува семејството, ми се полни куќата со радост, младост, среќа...Да се среќни и вечни!“ - се зборовите со кои ги благослови мајката и идна свекрва младите. Инаку Дамјан Стојаноски имаше само 18 години кога почина неговиот татко Војо. Покрај огромната љубов кон музиката која му ја всадил уште од дете, тој како што во една прилика ќе изјави му бил најдобар пријател, одличен родител, ментор и идол. „Секогаш ме советуваше да се надградувам, но да не бегам од коренот“ - вели Дамјан и додава: „Во иднина сакам да препеам дел од неговиот богат репертоар. Татко ми сними многу убави песни, но некои поминаа понезабележителни, па планирам да ги оживеам“ - открива тој. Во меѓувреме полека ја гради сопствената кариера продолжувајќи го патот на татко му, како фолк пејач кој во своите песни длабоко ја негува традицијата, но и и голем патриот и родољуб кој како и покојниот Војо, бескрајно ја сака својата татковина, Македонија! Редакцијата на Вистина.ком.мк на младите им посакува да се среќни и вечни и секако... многудетно семејство! https://arhiva.vistina.com.mk/promoter/damjan-stojanovski-so-novata-pesna-kje-ve-naezi-nikogash-severna-audio/

Љупка Митрова не одолеа на предизвикот: Се’ е добро, кога добро ќе се сврши! (ФОТО)

Антонио Димитриевски — Thu, 10 Oct 2019 08:02:22 +0000

По објавата на написот со наслов: Љупка Митрова ја отвори душата… меѓу редови: „Најубаво изгледам кога емотивно сум повредена“ на нашиот портал Вистина.ком.мк, атрактивната македонска модна блогерка, инфлуенсерка и модел не одолеа на фрлената ракавица, па веќе следниот ден одговори на предизвикот преку својот Инстаграм профил. https://arhiva.vistina.com.mk/radio-mileva/ljupka-mitrova-ja-otvori-dushata-megju-redovi-najubavo-izgledam-koga-emotivno-sum-povredena-foto/ Имено, згодната струмичанка споделувајќи го објавениот текст во една-две реченици го кажа своето. Како одговор на нашето! „Минато свршено време“ - напишала Љупка за врската со Дарко-Спејко и додала: „Како сум денес знаат тие што ме познаваат, останатите може само да нагаѓаат“! Одговор од кој не е тешко и да погодите како е... и пред да ја запознаете! Зашто, ако добро размислите и го проанализирате нејзиниот одговор, ќе сфатите дека тој кажува многу повеќе од кажаното! Очигледно љубовта со Спејко за Љупка Митрова не беше само обична попатна авантура на минување, туку нешто што очигледно оставило многу подлабок траг кај неа... Колку длабок - само таа си знае! И можеби по некој од тие што лично ја познаваат... одблизу! На останатите им е секако јасно дека од неа Спејко учеше... Како од поискусна жена, која веќе имала брак... и брачни обврски зад себе! Дел од наученото, впрочем веќе го прикажа во првата следна прилика... пред фотобјективот! Се разбира прикажаното не беше само збир на пресликани пози за сликање. Впрочем приватната архива од камерата на мобилниот го потврдува тоа! Страсна акција за емотивна утеха или вовед во нова авантура, како подготовка за она што го чека во „Задруга 3“, сеедно! Спејко го слави животот како и Љупка, само секој на свој начин! Секој во своето сопствено „реално шоу“! Пред да влезе во „Задруга 3“ кумановскиот „голем брат“ прв „отвори душа“, па проговори за нивното „минато свршено време“, а и за тоа како му се сега односите со „бившата“. За да знаат сите, наместо да „нагаѓаат!“ „Ништо, прекинавме. Не ја потврдувавме веста, ниту демантиравме ама подолго време како не сме заедно. Меѓу нас никогаш не постоела љубомора, се подржуваме, малку ни се одвоија патиштата, ништо сериозно. Ќе останеме во доби односи, и мислам дека секој пар што се подржува меѓу себе за време на врската, се подржуваат и после тоа. Јас секогаш за било која моја бивша девојка сум среќен кога ќе видам дека и таа е среќна, затоа што знам дека истото ми го посакуваат и мене“ - изјави некогашниот победник во „Големиот брат“. Љупка се' уште молчи. Не ја кажала својата верзија ниту за причините за раскинувањето, ниту за тоа дали е среќна и што потоа? Освен што потврди дека таа „љубовна бајка“ е „минато свршено време“! Но, според кажаното, барем од Спејко - добро е! Особено, се' е добро, кога добро ќе се сврши! Со хепи енд! Без оглед што љубопитните кибицери не дочекаа да видат: „Дали на крај, децава ќе се земат?“ Ама затоа љубопитно чекаат дали и што ќе се случи со Спејко во реалното шоу, дали само ќе легне или ќе се врзе за друга во „Задруга“? Како што љубопитните со душа ја чекаат новата еротска фотосесија или поточно моден едиторијал на Љупка со модниот фотограф и режисер Зоран Стојановски Зонде, со кого не и е прва соработка, а во него таа рекламира долна облека за еден од најреномираните производители во регионот! До тогаш... мало видеопотсетување на едно модно минато „(не)свршено“ време!

View this post on Instagram

??‍♂️Did you miss me? Who's next? Model ? @ljupka_mitrova #photoshoot #greece #sanibeach #fashion #girl #sexy #bikini #beach #beachbody #zondephoto #skopje #toronto #fashionfilm #fashionvideo

A post shared by Zoran Zonde Stojanovski ? (@zonde.photo) on Jun 20, 2017 at 11:53am PDT

Уште една кралска свадба: Се сврши внуката на кралицата Елизабета (фото)

Христина Ѓоргиевска — Fri, 27 Sep 2019 08:34:39 +0000

Внуката на кралицата Елизабета, принцезата Беатрис, се сврши со италијанскиот бизнисмен со Едуардо Мапели Моци, потврдуваат од кралската палата. Парот се свршил во Италија, а објавени се фотографии на кои се гледа свршеничкиот прстен на принцезата. „Двајцата сме возбудени затоа што заедно се впуштаме во ова животна авантура“ изјави парот и додаваат дека делат многу заеднички интереси и вредности кои ќе им помогнат да живеат во љубов и среќа. Свадбата е најавена за следната година, пишува klix.ba Принцезата Беатрис, ќерката на принцот Ендри и Сара, моментално е девета на листата за престол. Едуардо се појави со кралската наследничка првпат во јавноста во март оваа година на гала-вечера со другите членови на британското кралство. Пред принцезата Беатрис тој беше во вонбрачна заедница со Дара Хуанг, Американка со кинеско потекло, со која има двегодишен син Кристофер.

Се сврши Аца Лукас: Иако се’ уште не се развел од Соња, пејачот и подари веренички прстен на новата девојка Јована (ФОТО)

Антонио Димитриевски — Fri, 16 Aug 2019 09:45:13 +0000

Аца Лукас сè уште не се развел од сопругата Соња, а веќе планира свадба со новата девојка Јована Дорошки. Поради закажани настапи, тој изнајмил апартман во еден хотел во Будва на еден месец, а кога настапува во друга држава, во него престојува неговата девојка Јована Дорошки. Деновите ги поминува на плажа, а навечер претежно е во собата. Кога Аца е тука, тие излегуваат на вечера и заедно и шетаат низ градот. Можете да ги видите и евидентно е дека се сакаат, а Аца тоа гордо го покажува на сите“ - вели извор за српски „Свет“.

„Минатата недела тие беа во Порто Монтенегро нашопинг, а потоа застанаа кај еден златар, каде што Аца и купи прстен. И тоа едно од најскапите парчиња накит - бело злато со дијамант. Таа најпрвин не сакаше да прифати толку скап подарок, па се расправаа сè до Будва. Се согласи да го земе прстенот на романтичната вечера, дури откако Аца и објасни дека тоа всушност е венчален прстен“ - заклучил изворот.

Инаку, Аца одлучи да го промени комплетно својот животен стил поради Јована. Тој не сака повеќе да се расправа со Соња, сега е важно за него добро да функционираат заради ќерката Викторија. Фото: Немања Николиќ