свеќи – Вистина.мк

Ни доаѓаат Младенци: Еве што треба да направите со свеќите од венчавката

Слободанка Илиева — Mon, 20 Mar 2023 13:10:03 +0000

Празникот на пролетта- 22 март, младите брачни парови го празнуваат како свој ден, како ден на младоста, љубовта и убавината. Истиот ден, Светата православна црква го празнува споменот на четириесетте војници од Севастија кои маченички загинале за христовата вера. Именден тогаш празнуваат: Младен, Младенка… Христијански обичај е во првата година од својот брак на 22 март младите да слават Младенци. На тој ден, во црква се носат свеќите од венчавката за да се догорат. Навечер обично доаѓаат најблиските за да честитаат. Во некои краишта на денешен ден се оди на гости и во семејствата кои имаат новороденче. Житијата за Светите четириесет маченици како и повеќето народни преданија за нив меѓусебно малку се разликуват, но во сите се зборува дека четириесетте војници од Севастија маченички загинале не откажувајќи се од христијанската вера. Во 320 година четириесет војници од еден полк во Севастија је одбиле наредбата да се поклонат пред римските идоли и да им принесат жртви. Кога изјавиле дека тоа го прават бидејќи веруваат во Исуса Христа најпрвин биле повикани кај градоначалникот и биле убедувани да се откажат од христијанството и да му се вратат на идолопоклонството, а кога тоа го одбиле биле затворени, мачени и изведени пред суд. Биле осудени цела ноќ да стојат во вода што смрзнува. Во близината имало бања со топла вода, а на војниците им било речено дека ако некој се предомисли и се откаже од Исуса Христа да појде во бањата каде што го чекаат топла вода и вкусни гозби. Но момчињата храбро ги издржувале страдањата, молејќи се на Исуса и меѓусебно храбрејќи се. Само еден од нив не можејќи да издржи во водата што смрзнувала тајно го напуштил базенот и се упатил кон бањата, но на самиот влез во неа починал. Ноќта сите стражари заспале, само еден останал буден. Во еден момент тој забележал светли венци над главите на војниците и бидејќи бил христијанин веднаш влегол во водата молејќи го Бога и нему да му даде таков венец. И навистина набргу над сопствената глава забележал ист таков венец. Утрото измрзнатите војници ги натовариле на кола и ги одвеле надвор од градот каде што ги запалиле. извор:курир.мк

Дали е грев да палиме свеќи за живите?

Слободанка Илиева — Fri, 29 Mar 2019 13:00:05 +0000

Некои парохијани веруваат дека во црквите се палат онолку свеќи колку што луѓе се споменуваат во молитва. Се верува дека една свеќа се пали за една душа. Претходно свеќите се користеле во куќите и храмовите за да го осветлат просторот. На почетокот тие доминирале во храмовите. Со текот на времето, свеќата станува симбол на светлина која се врзува за добар почеток. „Јас сум светлоста на светот“, вели Исус Христос. Врз основа на ова, може да заклучиме дека свеќата не е симбол за човечка душа. Според рускиот свештеник Александар Белослидов, свеќата е симбол на молитвата, но нејзиниот пламен не ја заменува молитвата. Свеќите, како и иконите и темјанот, имаат функција да ги доведат верниците – парохијаните во вистинско расположение. Затоа, купувањето и палењето свеќи во црквата, според овој свештеник, немаат друга функција освен чиста донација на црквата. Само нашето чисто срце и искрена молитва му се важни на Бог, а колку свеќи палиме и кому му ги наменуваме – тоа не е важно! На прашањето на верниците, дали свеќите за мртвите може да се запалат и на некои други места освен во црква или на гробот, руските свештеници наведуваат дека поважно е да се молиме за верниците, а свеќите да ги палиме онаму каде што сметаме дека е потребно! извор:скопје24.мк

Миризливите свеќи и освежувачите можат да бидат опасни за здравјето

Моника Манасиевска — Wed, 16 May 2018 12:20:24 +0000

Новите студии покажаа дека миризливите свеќи и освежувачите на воздухот можат да претставуваат сериозен ризик за здравјето на луѓето. Ова не се однесува само на миризливите свеќи на кои им се додаваат ароматични масла, туки и на различни освежувачи (особено, оние кои се вклучувата во струја). Бројни истражувања покажаа дека запалените миризливи свеќи испуштаат хемикалии како формалдехид и парафин, а долгорочното изложување на овие хемикалии го зголемува ризикот од развивање на бројни респираторни проблеми, кај децата и возрасните, па дури и рак на белите дробови. Истражувачите од Центарот за радијација, хемикалии и опасноти на околината на организацијата „Public Health England“ во истражувањето дошле до заклучок дека одредени освежувачи на воздухот содржат одредени колични формалдехид, кои можат да доведат до развој на рак во носот и грлото. Истражувачите откриле дека долготрајното користење на овие мириси може да доведе до развој на тумор, оштетување на белите дробови, астма и пореметување на хормонскиот баланс. Организацијата „Women's Voices for the Earth“, пак смета дека овие производи влијаат на хормоналниот развој на бебињата. И не само тоа, хемикалиите од овие препарати можат да ја трансформираат ДНК структурата, а некои од нив можат да бида поштетни и од чадот од цигарите.