свадбена веселба – Вистина.мк

Слоба и Јелена Радановиќ направија свадба од бајките: Пејачот и невестата пресреќни поради свадбената веселба (фото)

Слаѓана Атанасова — Wed, 21 Feb 2024 07:59:08 +0000

Фолкерот Слоба Радановиќ и неговата сопруга Јелена се заколнаа на вечна љубов пред Бога, а сега решија да направат и голема свадбена прослава. Тие организираа забава во ресторан во главниот град, каде што украсија се по нивен вкус, па сè изгледало како од бајките. Јелена на свадбата носи деколтирана венчаница која одлично и прилега, а Слоба и таа биле пресреќни поради свадбената веселба. - Венчаницата е тесна, ужас! Едвај чекам да ја соблечам! - изјавила Јелена во нејзин стил. - Вечерва нема да ја пеам „Није живот једна жена“... Прости ми за моето грдо минато! - изјавил Слоба низ смеа. Фото: printskrin/instagram/slobaradanovic

Дарко Велковски и Тамара Чуприна и со свадбена веселба ја потврдија својата брачна судбина: Фудбалерот и манекенката по година и пол од венчавката направија „брачна надградба“ со свадба (ФОТО)

Антонио Димитриевски — Tue, 27 Jun 2023 07:06:45 +0000

Летото во Македонија е вообичаено некако најпогоден период на свадби, па така нитиу познатите и јавни личности не се надвор од ова „непишано правило“, најчесто да се стапува во брак и прават свадбени веселби токму овие месеци. Стандардниот мaкедонски фудбалски репрезентативец Дарко Велковски уште еднаш ја потврди својата љубов со неговата венчана партнерката Тамара Чуприна со која во почетокот на 2022 година го добија и синчето Ведран кој беше неизоставен дел од брачно-семејната веселба на своите родители. Дарко и Тамара законската процедура во матично ја поминаа уште кон крајот на 2021 година, кога стоперот ја ожени манекенката која тогаш беше во баеги поодмината фаза од бременоста, официјално станувајќи господин и госпоѓа. Викендов пак ( јуни 2023), по повеќе од една и пол година од „ставањето на брачниот потпис“ и речиси исто толку време од раѓањето на нивното синче, фудбалерот и манекенката решија сепак да направат свадбена веселба со сите салтанати, по сите традиционални македонски адети и обичаи.

Стартот како од бајките... Со ѕвездено небо, ползечки чад и мини огномет од прскалки со „ладен оган“, како дополнителни ефекти на музичката балада  со симболичен наслов „Остани во мене“ и првиот свадбен танц на младоженците, кои во случајов оддамна се брачна двојка и горди родители на нивниот единец.

Секако, ако претходно, пред да стане  брачна сопружничка младата беше однесена пред матичар, овој пат невестата беше однесена пред олтар...

За љубовта на младите да биде потврдена и со заклетва пред Бога!

Се разбира музиката добро подготвена за забава, а веројатно и добро платена, а гостите весели и расположени, но сепак... Главни на веселбата оние за кои таа се прави...

Како што и потврдуваат  и фотографиите и видеата објавени на социјалните мрежи  свадбената прослава во ресторанот подоцна дислоцирана и во еден познат скопски ноќен клуб. Второ полувреме во кое младите со другарите и пријателите ја продолжиле свадбената веселба во вид на журка до доцните ноќни часови.

Инаку Дарко Велковски последниве години кариерата од хрватскиот прволигаш Ријека ја продолжи во првенството на Саудиска Арабија, каде настапува во тимот на Ал-Етифак, а Тамара Чуприна откако се омажи и породи, кариерата ја стави во мирување и е посветена на семејните обврски и мајчинството.

Фото и видео: Инстаграм/velkovskidare

Свадбен танц под облаците на дождот: Мартин Филиповски – „Некст Тајм“ и ракометарката Андреа Белеска по Кичево, направија интимна свадбена веселба и во Скопје (ФОТО)

Антонио Димитриевски — Mon, 26 Jun 2023 08:45:47 +0000

Како што ветија, а Вистина и веќе пишуваше, така и сторија: Мартин Филиповски - „Некст Тајм“ и ракометарката Андреа Белеска по Кичево, каде си се ветија еден на друг пред Бога во манастирот „Св. Богородица – Причеста“ , а ставија и потпис во матично, свадбена забава за семејството и потесниот круг на пријатели направија викендов ( 24 јуни 2023) и во Скопје. Овој пат на локација на отворено, каде се веселеше, пиеше, пееше и наздравуваше во име на љубовта на младите, кои по осум години врска решија да стават прстени и влезат во брачна заедница. Разбирливо, свадбената забава како што е редот први ја отворија младите со свадбен танц под облаците кого ниту дожфот не можеше да го расипе или спречи... Напротив, само го увеличи, давајќи му дополнителна романтична нота на моментот за паметење. А истиот тој беше збогатен со раскошен огномет, кој траеше додека младоженецот и младата го изведуваа свадбениот танц на ѕвездите... Тој музичка, таа ракометна! Секако, журката не би била комплетна доколку музичарот со својот брат - близнак и нивниот придружен бенд пријатели не засвиреа и не запееја нешто од својот познат репертоар... А таа вечер се налеваше во име на љубовта, па таква беше и една од познатите македонски патриотски песни која „Некст Тајм“ и ја изведоа... „Налеј, налеј“... Овој пат за среќа, радост и бериќет на младите и нивните заеднички години живот што им претстојат. И секако, свадбена веселба без свадбена торта не бидува, па првата лажичка споделена од раката на невестата во устата на зетот и обратно... Како што се ранат две гулапчиња,за потоа чинот да биде зачинет со свадбен бакнеж за вечност! За неизмерна убавина... И (од)надвор и одвантре! Нека се среќни, вечни, заљубени и секако... многудетни! Фото и видео: Instagram story/martin_filipovski

Се ожении пејачот Павле Камилоски: Негова животна избраничка е планинарката Ирина Дишовска (ФОТО)

Антонио Димитриевски — Sat, 25 Feb 2023 11:07:12 +0000

Пејачот Павле Камилоски и планинарката Ирина Дишовска вчеравечер, петок, 25 февруари се заколнаа на вечна љубов пред себе, пред Бога и државата. Свадбената веселба ја започнале во домашна атмосфера со изворна музика. Потоа обајцата застанале пред олтар во прекрасната црковна церемонија и на крај го ставиле својот потпис во матичната книга на венчани, за конечно прославата да кулминира во еден познат скопски елитен ресторан. Сестрата на Павле, кулинарката Софка Камилоска, сподели низа фотографии и видеа од свадбата. Меѓу присутните гости имало и познати и јавни македонски личности и ТВ лица, како Миа Костова и Елена Најдоски. Ирина била прекрасна невеста, променета во тесна бела креација со пердуви, која го наговестувала нејзиното трудничко стомаче, а пред тоа носела уште една прекрасно креирана бела венчаница, додека Павле зрачел со елеганција во свечениот црн свадбен костум.

Се омажи некогашната македонска пејачка и ТВ водителка, поранешна наставничка и политичарка од редовите на ВМРО-ДПМНЕ: Ели и Мајкл, синот на сопственикот на ТВ „Сонце“ правеа свадбена веселба (ФОТО)

Антонио Димитриевски — Mon, 12 Sep 2022 07:31:11 +0000

Викендов, на 9-ти септември 2022 година, некогашната политичарка Елена Петковска му кажа ДА и пред Бога на Мајкл Атанасоски, син на познатиот бизнисмен и сопственик на ТВ Сонце, Ѓорѓија Џорџ Атанасоски, па свечениот чин на официјално стапување во брак двојката го прослави со семејна веселба во еден елитен скопски локал.. Повозрасните генерации ја паметат како атрактивната поп пејачка од некогашното женско вокално трио, „Ексклузив“, а подоцна и како ТВ водителка во тогашната ТВ „АБ Канал“ а еден период беше и наставничка основното училиште ,„11 Октомври,“ во скопски Центар. Сепак, последно Елена Ели Петковска беше запаметена како советничка токму во општина Центар од редовите на ВМРО-ДПМНЕ и координатор за правни работи во МЕПСО. Иако своевремено тврдеше дека политиката е она нешто во кое најмногу се пронашла себеси, таа својот животен пат ќе го насоичи сосема во друг правец, откако ќе се запознае со Мајкл, синот на сопственикот на скопската телевизија ТВ „Сонце“, Ѓорѓија Џорџ Атанасоски. „Искрено не би сакала да зборувам за мојот приватен живот, можеби звучи себично, но сепак се трудам и сакам да си ја зачувам приватноста, а со тоа и да ги заштитам моите најблиски. Само ќе кажам дека богатство покрај себе да имаш човек кој беспрекорно те почитува и поддржува во секој сегмент. А за свадбените ѕвона мислам дека се' уште е рано, но никогаш не се знае – може да изненадам“ - ќе изјави во 2016 година тогашната политичарка во едно свое интервју за„Фокус“. Елена Петковска пред неколку години замина во Соединетите Американски Држави, поточно во Флорида, а причината беше љубовна - за да биде покрај човекот на својот живот. Парот веќе неколку години живее заедно, а имаат и едно детенце. Но, поради короната досега не успејаа да направат свадбена веселба за нивните најблиски во Македонија. Сега најдоа време и можност гламурозната свадба да ја направат во еден престижен ресторан во центарот на Скопје. Невестата во елегантен, долг, свечен невестински фустан украсен со светкави каменчиња, но и прилично расположена и весела. Како и не би била, кога музиката и е во гените и вените, па затоа и самата покажа дека и тоа како умее да запее и танцува, да се весели. И кога е првиот свадбен танц во прашање и кога свират зурли и чукаат тапани! Невестинската торта исто така на „ниво“! Поточно на четири нивоа, односно четири ката, украсена со бели рози и иницијалите на младите испишани со златна прехрамбена боја. Нека им е за многу години на младите, да се среќни, вечни и се разбира, многудетни! Фото: Инстаграм принтскрин/principessaelenaeli/Приватна архива

Торта на пет ката и две венчаници: Портпаролот на ВМРО-ДПМНЕ, Димче Арсовски се венчаше со својата избраничка Соња (ФОТО)

Антонио Димитриевски — Mon, 05 Sep 2022 12:57:13 +0000

Вчеравечер, 04 септември 2022 во еден познат скопски елитен локал, портпаротлот на опозициската ВМРО-ДПМНЕ, Димче Арсовски правешесвадбена веселба со убавата струмичанка Соња, со која по неколку годишна врска, лани склучи граѓански брак. Во меѓувреме, Соња и Димса се остварија во улогата на родители, откако како круна на нивната љубов, на свет дојде и малиот Давид кој е во центарот на нивното внимание и е непресушен извор на среќа и задоволство на семејството. Овојпат заљубениот пар направил свадбена забава за која уште долго ќе се зборува. Невестата била совршено стилизирана од глава до петици и променила две венчаници. Првата ја следи нејзината линија на телото, завршува со длабок шлиц, а во горниот дел е оплеменета со безброј пердуви. Косата и била пуштена и извиткана во бранови. Во вториот дел од вечерта таа заблескала во куса бела венчаница со светкави украсни каменчиња, а косата ја собрала во пунџа. За музиката бил задолжен македонскиот диџеј Пачно, аладите првиот свадбен танц го одиграле на светскиот евергрин „Just the two of us“.

Пејачот Стефан Величковски и водителката Ана Николовска направија свадбена веселба: „Тебе те чувам за крај, љубов моја“ (ФОТО)

Антонио Димитриевски — Mon, 07 Mar 2022 08:22:37 +0000

Иако во прв момент се чинеше дека свадба нема да има, сепак снежниот мартовски викинд што измина, пејачот Стефан Величковски и ТВ водителката Ана Николовска правеа свадбена веселба во еден скопски локал. Невестата како што е редот, во долга бела венчаница, со свадбено венче во косата, младоженецот стокмен во свечен костум, а прославата во присуство на најблиските, роднините, другарите, пријателите, дел од колегите... Од кои оној најблискиот, музичарот Рашо Радоњиќ и неговата сопруга - кумови! Свадбата весела како што доликува, гостите расположени, музиката на висината на задачата... Сепак, можеби највпечатливиот момент - свадбениот танц на младенците. Кога еден пејач се жени, очекувано е младоженецот да се фати за микрофонот и да запее. Стефан меѓудругото, токму тој момент од свадбениот ден го направи величествен. И себе си, и на неговата сопруга Ана, но и на сите присутни на свадбата. Волшебен моменет кој ќе го паметат цел живот. Имено Стефан и Ана не само што го отанцуваа всдбениот танвц на младенците, туку младоженецот беше тој што ја изведе свадбената песна. Додека танцуваа на подиумот, Стефан на Ана „на увце“ и ја пееше баладата „тебе чувам за крај“ од Здравко Чолиќ. Зошто токму на таа песна паднал изборот, дали можеби и е омилена на невестата или има некаква друа спосебна симболика за обајцата, само младоженците си знаат! Сепак дека не е случајно избрана зборува не само одличната изведба на Стефан, туку и пораката со истиот тејст на својот Фејсбук покрај заедничката фотографија на младите: „тебе те чувам за за крај“! Вистина.ком.мк им посакува многу брачна среќа, да бидат вечни и многудетни! Инаку, откако лани во октомври на романтичен викенд во Истанбул ја запроси, кон крајот на јануари годинава македонскиот пејач и учесник во „Ѕведите на Гранд“, Стефан Величковски и ТВ водителката Ана Николовска ја озаконија својата врска во брак, ставајќи потпис во матично. Со тоа и официјално пејачот и водителкта станаа брачни сопружници, маж и жена кои тукушто впловиле во брачните води... Арно ама брачна заедница, особено ако си дел од јавниот живот и естрадата, како што се покажа, без свадбна веселба не бидува! Фото: Фејсбук принтскрин/Ana Nikolovska/Stefan Velickovski

Стоперот ја ожени манекенката: Дарко Велковски и Тамара Чуприна и официјално станааа брачни сопружници (ФОТО)

Антонио Димитриевски — Mon, 27 Dec 2021 07:57:48 +0000

Дарко Велковски, стандардниот фудбалски репрезентативец на Македонија кој игра за хрватскиот прволигаш Ријека ја ожени својата долгогодишна девојка, манекенката Тамара Чуприна, која е во поодмината фаза на бременоста. Пред да станат за прв пат родители, стоперот и манекенката законски ја официјализираа својата врска, а љубовта ја крунисаа со брак. На венчавката која била од интимен карактер присуствувале само најблиските членови на семејствата и тесен круг на роднинии пријатели на младенците. Свадбената веселба се одвивала во еден познат локал, а на неа рассположението, радоста и среќата евидентни. Најрасположена секако невестете, која речиси секој ден ја очекува семејната принова, но тоа не ја спречило манекенката со високо крената рака да запее и заигра со другарките и роднините. Претходно, свадбениот валцер на младоженците со чаша в рака за - „наздравје“ на денот, на чинот, на сватовите, гостите, на сите... За среќен и долговече брак на младите и секако, многудетно семејство. Но, пред веселбата да започне, како што е редот, чинот на венчавката треба да се изврши. Велковски речиси никогаш не потклекнува пред нападите на противничките напаѓачи на голот за тимот за кој игра или репрезентацијата, ама брачната церемонија и невестата се нешто друго и... Дарко клекна на колена за да и ја стави венчалната бурма, која блесна на раката на неговата сакана Тамара. Бурмата и „брачната игра“ како и фудбалската - без потпис не започнува, па затоа фудбалерот и манекенката чинот на склучување граѓански брак го заверија со потпис во матичната книга на венчани. „Господин и госпоѓа“ - сподели Тамара, а свадбената забава тргна... Инаку Тамара, која е помала сестра на некогашната манекенка, модел и ТВ водителка на „Бекстејџ“, Драгана Чуприна, ги изненади сите, откако во месец август 2021 год. објави фотографија од ултразвук на бебето и под објавата напиша: Дарко и Тамара која наскоро треба да се породи очекуваат машко дете. Нека им среќна венчавката!