сусам – Вистина.мк

Брз ручек готов за 20 минути: Пикантно пилешко со сусам и ориз

Слободанка Илиева — Thu, 23 Apr 2020 13:15:39 +0000

Пилешкото месо е здраво и брзо се подготвува, а најмалку масен дел се пилешките гради. Ова парче месо е погодно за подготовка на широк спектар јадења, но ако ви се здосадени класичните рецепти испробајте го овој. Ако сакате допир од егзотичност во вашата чинија, пробајте го ова пилешко подготвено со мед и чили. Еве неколку совети: пилешките гради се многу поевтини ако ги купите заедно со кожата и коските; Откако ќе го одвоите месото може да сварите пилешка супа од коските и кожата; Ако немате масло од сусам, заменете го со обично, сончогледово масло, тоа нема да направи голема разлика. Сепак, другите состојки како медот, сусамот, соја сосот и чилито се задолжителни. Ако го ставите ориз да се зготви на почетокот, овој ручек навистина може да биде готов за 20 минути.

Потребни состојки:
1 кг пилешки гради, исечени на коцки од 2,5х2,5 см
0,5 дл мед
0,5 дл соја сос
0,5 дл вода
3 парчиња лук (ситно сечкан)
1/4 лажичка исечкано чили
3 лажички пченкарен скроб
2 лажици ладна вода
2 лажици сусам
1 лажица масло од сусам
За гарнир: варен ориз

Евентуално: ситно сечкан млад кромид Начин на подготовка: Во сад измешајте ги медот, соја сосот, водата, лукот и чилито и тргнете го сосот на страна. Загрејте го маслото од сусам во тава и кога ќе биде жешко, додајте ги коцките пилешко. Пржете ги на висока температура со постојано мешање неколку минути, а потоа истурете го веќе подготвениот сос во тавата. Малку намалете ја температурата и гответе уште 5 минути, со покриен капак. Повремено мешајте. Во сад измешајте пченкарен скорб и 2 лажици вода и мешавината додајте ја во јадењето. Мешајте додека смесата не згусне. Изгаснете го огнот и наросете со сусам. Послужете со варен ориз и посипете со сечкан кромид. извор:кафепауза.мк

Домашното е највкусно: Солени стапчиња со сусам

Ивана Стојанова — Thu, 06 Dec 2018 13:30:54 +0000

Направете вкусни солени стапчиња за појадок или мезе. Состојки: 3 маргарини 1 кисела павлака 1 шолја млеко пола квасец 3 јајца 1 лажица сол 1 кг. брашно сусам Подготовка: Се мати маргаринот со павлака и млеко, јајца и сол, па се додава постепено брашно. Се става квасец и се мати да се добие тесто. Се развлекува и се става сусам. Се сечат стапчиња, се редат на плех и се печат на 200 степени 30 минути. Добар апетит!

Пет причини зошто треба редовно да конзумирате таан

Кристина Петрушевска — Fri, 23 Mar 2018 10:48:03 +0000

Таанот или мелемот од сусам се прави од мелени препечени семки од сусам и вообичаено се користи во грчката и турската кујна, како и во одредени земји во Африка и Азија. Таанот изобилува со мононезаситени и полинезаситени масни киселини за кои е докажано дека поволно влијаат на здравјето на кардиоваскуларниот систем. Пастата од сусам можете да ја подготвите сами, така што ќе сомелете семки од сусам и во нив ќе додадете масло по избор и малку сол. Како основна мерка можете да земете 150 грама мелени семки од сусам и две супени лажици ласло. 1.Семките од сусам содржат сезамол, лигнин и сезамин кои помагаат во одржувањето на телесната тежина. 2.За овие состојки некои истражувања покажаа дека го намалуваат и ЛДЛ холестеролот. 3.Исто така го намалуваат и ризикот од појава на хормон-зависни тумори. 4.Големата количина на магнезиум и калциум која ја содржи сусамот помага во намалувањето на крвниот притисок. 5.Се препорачува секојдневно да се јаде по две до три лажици тахини.