Три сурови вистини за мажите: Секоја жена на возраст од 5 до 95 години треба да го знае ова – после тоа нема разочарување

Слаѓана Атанасова — Thu, 20 Jul 2023 12:30:04 +0000

Рускиот психолог, Викторија Криста зборувала реални и отрезнувачки вистини за мажите. Откако ќе го совладате ова, ќе бидете отпорни на разочарувања.

Кога еднаш ќе ги сфатите овие 3 вистини, нема повеќе да живеете во заблуда. Во продолжение на текстот можете да ги прочитате трите вистини за мажите според психологот Викторија Криста. Ако долго сте заедно, а тој не ви предлага брак – вашиот однос нема иднина Со години сте заедно, но тој никогаш не зборува за вас како пар. Кога и да започнете тема за заедничка иднина, тој го менува текот на разговорот. Да, веројатно му се допаѓате, но недоволно да би стапил во брак со вас. Со вас е додека не се појави вистинската. Разберете го ова и продолжете понатаму. Ако навистина му се допаѓате, тој ќе се погрижи да го видите тоа Доколку не ви се јави долго време или не ви даде до знаење дека треба да се видите – не е заљубен, не му се допаѓате. Дури и најсрамежливиот маж би направил чекор, би направил сè за да разберете дека му се допаѓате, да ве освои, „резервира“ за себеси … Ако не направи ниту еден чекор во таа насока – тој едноставно не е заинтересиран. Ако ви каже „не сакам сериозна врска во моментов“, тоа во превод значи „не сакам врска со тебе“ Ако мажот моментално не е заинтересиран за врска затоа што „има криза во земјата“, затоа што „премногу е млад“, затоа што „не завршил факултет“, затоа што „не нашол работа“ – значи дека едноставно не е подготвен да преземе одговорност. Тажно е и болно да се процесира тоа, но доколку ве сака би бил подготвен на сè – без оглед на сè. Уште неколку сурови вистини за мажите - Ако ве навреди – тоа не е негов карактер, тоа е неговото непочитување кон вас - Ако ве обвинува за сè, ве прекорува за секоја ситница, тоа не значи дека е перфекционист – едноставно не ве прифаќа такви какви што сте - Ако не ви дава комплименти и никогаш не ви подарил цвеќе, тоа не значи дека е личност која цврсто стои на земјата, тука дека не сте му доволно важни или вредни, за да би потрошил пари или емоции на вас - Дури и многу ладнокрвен човек би дал неколку убави зборови, бидејќи комплиментот не чини ништо. Ако му се допаѓате на еден маж, тој ќе се погрижи да го разберете тоа и нема да имате потреба да ги толкувате, ниту оправдувате неговите постапки. Извор: Точка

14 сурови вистини што ни откриваат зошто не треба да веруваме во љубов на прв поглед

Христина Ѓоргиевска — Thu, 19 Dec 2019 14:00:53 +0000

Ромео и Јулија се вљубија веднаш штом првпат се видоа. Дури и безвременскиот романтичен филм „Титаник“ ја покажува магијата на љубовта на прв поглед. Но, вистината е дека љубовта на прв поглед не е нешто посебно. Науката го објаснува тоа и ако верувате во љубов на прв поглед тоа може да има негативно влијание.

1. Љубовта на прв поглед е всушност заснована врз вашата лична пристрасност

Сите поседуваат несвесна пристрасност и да се суди за некој кој штотуку сте го запознале е дело на таа пристрасност. Ова е причината зошто најверојатно ќе се вљубите на прв поглед во некој што изгледа како вашиот стереотип за совршен партнер.

2. Вашите хормони го будат вашиот инстинкт за размножување

Кога некој ве привлекува, вашите хормони, како тестостеронот и естрогенот, почнуваат да работат и ве тераат да бидете интимни. Во суштина, ова е начин на природата да се осигура дека човечкиот род нема да исчезне. Значи, моменталната заљубеност е само вашиот основен инстинкт за размножување.

3. Вашиот мозок ослободува хормон што ве тера да сакате повеќе

Откако сте поминале интимно време со вашиот партнер, вашиот мозок ослободува допамин. Тоа е хормон кој ве тера да мислите дека вашето искуство било неверојатно и ве тера да сакате уште повеќе. Секако, вие мислите дека ова се случува само затоа што сте заљубени.

4. Постои уште еден хормон што предизвикува да бидете со некој што мислите дека е посебен

Кога чувството е возвратено од некој што го посакувате, се активира серотонинот. Овој хормон прави да се чувствувате толку добро и среќно што веќе не можете да си помогнете и сте опседнати со партнерот. Бидејќи ви е тешко да размислувате за што било друго, мислите дека сте заљубени.

5. Хемиската реакција во вашето тело ве тера да го гледате светот преку розови очила

Познат како „љубовен лек“, фенилетиламинот ве тера да ја гледате личноста како подобра отколку што навистина е. Тоа ве заслепува и предизвикува да ја доживувате таа личност како совршена.

6. Барате награда

Чувството како да летате во облаци што ви го предизвикува заљубеноста на прв поглед е како еден вид награда. Луѓето бараат награди затоа што тие ги прават да се чувствуваат добро. Како резултат на тоа, сметате дека ви се случуваат добри работи затоа што сте со некој што ве привлекува.

7. Постои хормон што ве тера да се чувствувате повеќе приврзани

Хормонот на гушкањето, окситоцинот, се ослободува откако ќе спиете заедно со некого. Колку повеќе споделувате интимни моменти заедно, толку е поголема вашата поврзаност со таа личност.

8. Љубовта не настанува само поради физичкиот изглед

„На прв поглед“ значи 100% засновано врз тоа што го гледаат очите. Но, тука не игра улога само сетилото за вид. Нечиј говор на телото, мирисот, гласот и акцентот, исто така, влијаат врз првиот впечаток што некој ќе го остави кај вас.

9. Кога се вљубувате, вашето тело ослободува сложен коктел хормони

На комплицираниот циклус на љубовта му е потребно време за да се развие. Малку е веројатно дека ќе го почувствувате целиот спектар хормони уште првиот пат. Но, луѓето во долготрајни врски може да мислат дека биле заљубени уште од првиот момент благодарение на нивната меморија. Тие само мислат дека се заљубиле веднаш, а тоа е заради начинот на кој се приврзани еден со друг по подолг период.

10. Љубовта на прв поглед е само страст

Ако сакате да бидете со некого едноставно затоа што го сакате тоа што го гледате, тоа е веројатно само страст. Во тој случај, страста е силна желба што ја чувствувате за некого поради физичкиот изглед. Не е важно дали се чувствувате длабоко приврзани со нив.

11. Љубовта на прв поглед полесно се случува со убави луѓе

Едно истражување за љубовта на прв поглед покажува дека луѓето што се наоѓаат повисоко на скалата за привлечност имаат 9 пати поголема веројатност да ги натераат другите да се чувствуваат како да се заљубени во нив само врз основа на она што го гледаат.

12. Љубовта на прв поглед не е возвратена

Истото истражување покажува дека љубовта на прв поглед обично е еднострана, засновано врз извештаи од учесниците. Според тоа, може да се каже дека возвратената моментална заљубеност не е многу честа појава. Тоа може да доведе до скршено срце бидејќи некој што ве привлекува, можеби не е заинтересиран за вас.

13. Заљубувањето во личност на прв поглед е слично како заљубување во предмет

Велејќи дека сте заљубени веднаш штом ќе погледнете некој е приближно исто како да се заљубувате во убава облека, во накит, во автомобили или во други материјални предмети што ги гледате првпат. Споредувањето на таков начин е понижувачко, а љубовта не треба да биде таква.

14. Менструалниот циклус може да влијае на тоа кој ве привлекува на прв поглед

Неколку истражувања докажаа дека жените во плодната фаза на менструалниот циклус претпочитаат мажи со карактеристични машки црти повеќе отколку кога не се во оваа фаза. Љубовта на прв поглед може да зависи од тоа во кој период од вашиот менструален циклус се наоѓате. извор: кафепауза

сурови вистини – Вистина.мк