суплементи – Вистина.мк

Секојдневното земање на мултивитамини го подмладува мозокот: Научниците открија како делува на помнењето

Слободанка Илиева — Thu, 01 Feb 2024 06:55:01 +0000

Студијата на повеќе од 3.500 луѓе постари од 60 години потврди дека земањето мултивитамини дневно во текот на една година може да го подмлади умот за три години, што директно влијае на меморијата. На крајот од студијата, на испитаниците им беше даден список од 20 зборови и од нив беше побарано брзо да напишат сè што ќе запомнат. Оние кои земале мултивитамин се сеќавале во просек на 7,81 збор – 0,7 повеќе отколку на почетокот на студијата, а учесниците на кои им било дадено плацебо, т.е. „лажна пилула“, запаметиле 7,65 зборови. Иако наодите поттикнуваат надеж дека луѓето кои земаат мултивитамини подобро ќе ги паметат имињата на луѓето откако ќе ги слушнат, потребни се повеќе истражувања, бидејќи претходните студии покажаа мешани резултати за тоа дали витамините ја подобруваат меморијата на луѓето. Авторите на студијата процениле дека луѓето на мултивитамини покажуваат помнење типично за три години помлади луѓе. Сепак, тие признаваат и дека ефектите биле толку мали што самите луѓе не забележале забележлива разлика во нивната меморија. – Кај постарите луѓе губењето на меморијата и когнитивните способности е голем здравствен проблем и има многу малку начини за негово решавање. Нашата студија сугерира дека мултивитамините може да имаат мал, но значаен ефект, иако се потребни повеќе истражувања – вели Адам Брикман, автор на студијата. Мултивитамините можат подобро да делуваат кај луѓе со кардиоваскуларни болести, кои страдаат од недостаток на истите, бидејќи оваа група имала посилно подобрување на меморијата, покажала понатамошната анализа. Некои експерти веруваат дека недостатокот на хранливи материи може да предизвика мали промени во мозокот што витамините можат да ги спречат. – Иако мултивитамините генерално се безбедни за здравјето, луѓето секогаш треба да се консултираат со лекар пред да одлучат да ги земаат – изјави д-р Брикман, цитиран од „Дејлимејл“ извор:попара.мк

Здравјето на Милан Станковиќ се уште не е сјајно: Лежеше во манастирската амбуланта, а сега пие полна рака пилули (фото)

Слободанка Илиева — Wed, 18 Oct 2023 10:47:35 +0000

Пејачот Милан Станковиќ се повлече од јавната сцена во екот на својата популарност, а во фокусот на медиумскиот интерес е откако се дозна дека пејачот се повеќе време поминува во манастири. Пејачот извесно време помина во Грција, каде ги посети светите места и целосно се посвети на духовниот живот. Минатиот викенд беше во Белград, а сега повторно привлече внимание кога на својата Инстаграм приказна ја покажа дланката полна со лекови. „Сите мои суплементи“ – напиша Милан, а многумина останаа шокирани од оваа глетка, со оглед на тоа дека во раката држеше точно 10 таблети. Оваа објава донекаде загрижи многумина, бидејќи се запрашаа дали пејачот претерал и дали е во ред да се напие толку многу одеднаш.неодамна тој покажа дека не е добар и прима инфузија во манастирската амбуланта. Иако додатоците во исхраната можат да ги решат недостатоците на хранливи материи и да обезбедат здравствени придобивки, тие не можат да ја заменат здравата исхрана. Тие дури може да имаат несакани ефекти и ризици. извор:Инстаграм принтскрин

Во сезоната на вируси и настинки: На сите ни се потребни овие витамини

Слободанка Илиева — Fri, 25 Nov 2022 12:30:18 +0000

Витамините и минералите ни се повеќе од потребни во сезоната на грипови и настинки и понекогаш мора да ги внесуваме преку суплементи, но за среќа ги има и во храната. Бројни истражувања покажале дека витамините А, Ц и Е, како и фолната киселина се задолжителни преку зима, кога се зачестени настинките и сезонскиот грип. Затоа, потребно е во редовната исхрана да внесеме намирници кои ги содржат токму овие хранливи состојки. Витамин Ц Витаминот Ц го има во свежо цедените сокови од цитруси. Овие сокови не ги консумирајте наутро кога сте гладни, туку задолжително по оброк. Витаминот Ц го зајакнува имунитетот, но и го забрзува заздравувањето на раните и штити од инфекции. Витамин А Го има во млечната храна, месото, јајцата и рибата. Овој витамин помага во обновување на епителното ткиво и ја чува кожата од патогени напаѓачи. Тој е задолжителен дел од животниот циклус на клетките и ткивата. Недостатокот на витамин А предизвикува сувост на кожата и намалување на нејзината еластичност. Витамин Е Витаминот Е најлесно ќе го внесете преку маслиновото масло и тоа во доза од 4 полни лажици во денот. Некои луѓе го пијат маслото, а други оваа количина ја додаваат во храната. Исто така, го има и во јатките како што се бадеми, кикирики и ореви, а потоа и во сусамот и ротквиците. Консумирајте ги овие намирници свежи, бидејќи високите температури го уништуваат витаминот Е. Фолна киселина Ја има во зелениот листест зеленчук и интегралните житарици. Помага при обновување на леукоцитите, кои се неопходни за заштита на телото. Фолната киселина припаѓа на групата на Б-витамини, ја подобрува циркулацијата и ги регулира аминокиселините. извор:курир.мк

Суплементи и лекови кои не треба да се комбинираат

Слободанка Илиева — Mon, 23 May 2022 12:20:41 +0000

Дури и најчестите суплементи кои луѓето масовно ги земаат, може да имаат контраиндикации со поединечни лекови. „Нештата кои се природни не се нужно и безбедни“, вели д-р Дејвид С. Серес. Тој објаснува дека некои супстанци, кога ќе се најдат во форма на суплементи, се многу поконцентрирани отколку во својот природен облик кога имаат добар ефект врз организмот. Ова се само некои од суплементите кои не треба да ги мешате со други суплементи или лекови. Рибино масло Интеракции со лекови: Земањето рибино масло и лекови за намалување на крвниот притисок може да предизвика пренизок притисок. Исто така, треба да се внимава кога се зема рибино масло и лекови кои можат да го зголемат крварењето како што се аспирин или ибупрофен. Интеракции со други суплементи: Земањето рибино масло со билки кои го забавуваат згрутчувањето на крвта може да доведе до крварење. Мелатонин Интеракции со лекови: Бидејќи мелатонинот може да ве направи поспани, земањето заедно со седативи како бензодиазепини и некои антидепресиви може да предизвика преголема поспаност. Мелатонинот, исто така, може да предизвика и забавено згрутчување, така што земањето заедно со антикоагуланси може да доведе до појава на модринки и крварење. Избегнувајте да земате мелатонин ако земате лекови за крвен притисок бидејќи тоа може да го зголеми истиот. Интеракции со други суплементи: Може да има седативно дејство и може да ги влоши несаканите ефекти на мелатонинот. Калциум Интеракции со лекови: Калциумот може да го наруши делувањето на многу лекови, вклучувајќи ги и оние препишани за остеопороза, попознати како бифосфонати. Исто така, може да влијае на дејството на лековите за крвен притисок, антибиотиците од фамилиите на тетрациклини и кинолони како и левотироксин, кој се користи за лекување на хипотироидизам. Ехинацеа Интеракција со лекови: Способноста на ехинацеа да го стимулира имунолошкиот систем може да го наруши дејството на лековите кои го ослабнуваат имунитетот како што се стероидите. Витамин Д Интеракции со лекови: Витаминот Д може да ја намали ефикасноста на аторвастатин, како и на некои лекови за намалување на холестеролот. Исто така, земањето витамин Д со диуретици може да резултира со прекумерни количини на калциум во телото што може да предизвика проблеми со бубрезите. Цинк Интеракции со лекови: Ако земате антибиотици со кинолин или тетрациклин, цинкот може да му отежни на телото да ги апсорбира овие лекови. За да се осигурате дека тоа нема да се случи, испијте ги антибиотиците два часа пред да земете цинк. Истото важи и за лековите со пенициламин, кои се користат за лекување на ревматоиден артритис. Земете цинк два часа пред овие лекови за да спречите слаба апсорпција на панициламинот. извор:точка.мом.мк

Станија доби понуда што не се одбива: Сто илјади долари за разголената силиконска старлета (ФОТО+ВИДЕО)

Антонио Димитриевски — Mon, 11 Apr 2022 10:11:16 +0000

Старлетата и поранешна ријлити учесничка Станија Добројевиќ со безобразни пози одново провоцира со своите главни атрибути по кои стана позната. Станија најпрвин од задното седиште во автомобилот објави серија провокативни фотографии во бикини, а сега во истиот „стајлинг“ сподели и брутален кадар одзади. Добројевиќ облече бикини во боја на кожа со циркони,овој пат и го сврте грбот на камерата. Во преден план она што старлетата свесно им го сервираше на сите вистински мажи на кои им беше намерата да ја гледаат таму каде што завршува кадарот на камерата од горе надолу. Старлетата неодамна ја напушти Србија и нема намера наскоро да се врати. Како што се дознава, Станија Добројевиќ потпишала договор со производител на суплементи во Мајами, кој ќе го рекламира една година на Инстаграм, каде што ја следат дури 1,3 милиони луѓе! „Поради таа покана Станија реши да ја напушти Србија. Кога слушнала дека и нудат договор од 100.000 долари, го оставила своето момче Марко Марковиќ да ја чека во Србија и отпатувала за Мајами. Деновиве наголемо снима кампања која ќе ја промовира една година. Ми кажа дека сопствениците на таа компанија ја вработиле затоа што има многу следбеници на Инстаграм, но и затоа што води здрав живот и редовно тренира - вели изворот.

View this post on Instagram

A post shared by STANIJA DOBROJEVIĆ (@stanijadobrojevic)

Она што како дополнително видео одблизу го споделила Станија можеби е најдобриот одговор зошто расната силиконска старлета го добила „богатиот договор“ за рекламно спонзорство!

View this post on Instagram

A post shared by STANIJA DOBROJEVIĆ (@stanijadobrojevic)

Фото: Инстаграм принтскрин/stanijadobrojevic

Кои суплементи се неопходни во бременост?

Слободанка Илиева — Fri, 18 Mar 2022 14:44:31 +0000

Пренатални витамини се мултивитамини наменети за бремени жени, или жени кои планираат бременост. Споредено со конвенционалните мултивитамини, тие содржат повеќе од некои нутриенти кои се потребни во бременоста. Пренаталните витамини треба да се земаат секој ден во текот на бременоста. Доколку планирате да останете бремена, може да почнете со земање пренатални витамини пред да останете бремена. Во текот на бременоста, бебето ги зема сите потребни витамини, минерали и нутриенти од мајката, па затоа потребите за витамини, минерали и останати нутриенти растат во текот на бременоста. Пренаталните витамини содржат точна количина на нутриенти кои се потребни во бременоста. Кои витамини и минерали се најважни во текот на бременоста? Иако сите витамини и минерали се важни, овие 5 играат клучна улога кај бебешкиот раст и развој во бременоста: 1. Фолна киселина 2. Железо 3. Калциум 4. Витамин Д 5. Јод извор:точка.ком.мк

Дали навистина ви се потребни додатоци во исхраната?

Слободанка Илиева — Fri, 08 Feb 2019 14:15:09 +0000

Додатоците во исхраната можеме да ги најдеме во многу облици – таблети, капсули, прашок и слично. Но дали се навистина неопходни за нашето здравје? Некои нутриционисти сметаат дека одговорот е не. Додатоците во исхраната, како што кажува и нивното име, ја дополнуваат храната со материите неопходни за живот и за одвивање на метаболичните процеси. Овде спаѓаат витамини, минерали, аминокиселини, белковини, масни киселини.. Тие можат, но и не мора да бидат со витамински или минерален состав. Во оваа група додатоци во исхраната спаѓаат и протеинските прашоци.

Додатоците во исхраната од овој тип се хранливи материи и може да постои недостаток од нив во секојдневната исхрана. Поради ова некои нутриционисти сметаат дека треба да се додаваат во форма на таблети, капсули и слично. Но, здравите луѓе нема да бидат заштитени од болести доколку земаат од овие додатоци бидејќи урамнотежената исхрана има сè што му е потребно на телото.

Додатоците во исхраната не се хранлива алтернатива. Доколку изедете една пиперка, во организмот ќе внесете многу повеќе од витамин Ц. Во пиперките има фолна киселина, витамин Б, магнезиум и железо. Нема причина да мислите дека во овошјето и зеленчукот нема доволно од хранливите материи што ни се потребни. Доколку јадете разновидна свежа храна, вашиот организам ќе биде добро опремен со сè што му е потребно. Исклучоци се само постарите луѓе кои не се движат доволно, трудниците, доилките и доенчињата. Додатоците за исхрана можат да им бидат потребни и на луѓе кои боледуваат од разни болести, имаат некоја нетолеранција на храна или се вегани. Доколку сепак земате додатоци во исхраната, никогаш немојте да ги земате на своја рака. Секогаш консултирајте се со нутриционист, лекар или фармацевт. извор:кафепауза.мк